1 Anịkọrịntị 10
10
Asị ụ nyị ụvọ tụ́ ịrẹyị ori nịnị!
1 #
Kụra 13.21,22;
Kụra 14.22-29
Ẹwụ nịnị ẹyịnyara amị, mee sì ka wa tamayị ịrẹyị ohiku ayị nịnị. Â nyị eguhi ọnya aanị anaā yà ẹbẹẹba ẹnịnị pooro. Avaba ẹnịnị ệ sị ahụ zị oze ini Irehu Ovivi na para hu. 2Â sị eguhi ọnịrị irehu ọnọọ mẹ̀ ọyịhwọzenyi yị wa, ana mẹ ka ẹnịrị Imosiisi ẹ̀ vabẹ. 3#Kụra 16.35Avaba ẹnịnị vị ana rị ịsọyịrị oni Ohomorihi sị yị wa ini oze ohyozirenu, 4#Kụra 17.6; Ịrị 20.11di e re hú enyi oni Ohomorihi sị yị wa ini oze ohyozirenu nị. Ẹnịnị ê hú enyi ana hụụnị ịrẹta ana aa dụ wa ịrẹma-ịrẹma. Ịrẹta ọnọọ ọ vị Ikirisiti nị. 5#Ịrị 14.29,30Dị Ohomorihi daka yị vavọọ mẹ yị wa, ọrụrụ-ọrụrụ ẹnịnị ệ mẹ̀ ebira ana kụ́ Ohomorihi ayị. Yâ vavọọ yẹ, agụvị ka ẹnịnị vị ene sú va hi ịnị ụnọmị. 6#Ịrị 11.4Avaba ẹnẹẹ vị ana aa kà yị ọnọ ka asị i ne sì ka yaa mẹ̀ ịsa odivi, anka aza ẹnẹẹ mẹ̀ẹ̄ mẹ. 7#Kụra 32.6Asị ụ rẹ na vị ọhẹkẹ ori nịnị anka ẹnyị ịnị aza ẹnẹẹ! Â chẹrẹẹ tụ́ ini Iwe Ohomorihi ka, “Aza ẹnẹẹ ê nyima ẹyaa rị, eyee hú; dị ẹ kwẹẹtẹ dị ẹyaa nyị ẹzẹ nị”. 8#Ịrị 25.1-18Asị ị rẹ na sẹ̀ ịrẹka anka ẹnyị ịnị ẹnịnị! Ẹ mẹ̀ sẹ̀ ịrẹka, ộ mẹ̀ ka aza ẹnị akahị-akahị oze ohurẹẹta (23,000) è sú ịnị ẹkụhị ọnya gene-gene. 9#Ịrị 21.5,6Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị. 10#Ịrị 16.41-49Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị. 11Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị. 12Agụvị avọọ, ọza ana àa ka ọnị ộ ta jẹẹ, â nyị ka ò sị eyi pe ẹngụ anị, ka ọ va hyẹdụ. 13Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị. 14Agụvị avọọ, ẹwụ nịnị ẹyịnyara ayị, asị ụ nyị ụvọ tụ́ ini ori ọyịhẹkẹ nịnị! 15Mâ yẹ ka wâ yẹ ịrẹyị nịnị; ẹwụ ụvọta ọ̀ daka zama ịrẹyị ọnị maa kà aanị re! 16#Imt 26.26-28; Ịmk 14.22-24; Irk 22.19,20Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị. 17Ẹyị aa rụrụ, ama Ịbụrẹẹdị ọnị yaa rị vị ọnya. Ọnọọ ộ sị zụ̀ ka ọnya ị vị nị. 18#Ire 7.6Wâ yẹ, Ániju nịnị mẹ̀ rẹẹ̄ mẹ. Ẹ̀ẹ yaa rị ịsa ana a sị mẹ̀ ịsọvọ yị Ohomorihi, ẹnịrị Ohomorihi ộ vabẹ. 19Wáá yẹ ịsị maa kà nịnị aanị? Vị ọnọọ wáá sị zụ̀ ka â nyị ịsị ori vị nị? Ịsa ana a sị mẹ̀ ịsọvọ hi ori, áá rẹ nyị ịsị ọ vị? 20#Ọda 32.17Ẹ yị vị avọọ! Ama mị ka ịsị anarịmadọwụ nịnị aa sịị mẹ̀ ịsọvọ vị ẹnị ẹyaa mẹẹ hi ụhwẹ echu. Ẹ yị vị Ohomorihi, ẹ́ yaa sịị mẹ̀ ịsọvọ hi. Me yi sì ka ẹwụrị ụhwẹ echu ọ̀ na vabẹ nịnị. 21Ọza ọ yị nyẹngụ sị ako Ananyị yị hú eche, dị ọ̀ rẹ varẹma na sị ako ụhwẹ echu di ò re sii hú eche. Ọza ọ yị rẹ nyẹngụ rị ịsọyịrị Ananyị yị, dị ọ̀ rẹ varẹma na aa rị ịsọyịrị ụhwẹ echu. 22#Ọda 32.21I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị? 23#1 Ịkọ 6.12Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ẹ yị vị avaba ịsa ọ zụ mẹ ọgụvọ yị ọza! Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ayị vị avaba ịsa ọ zụ mẹ ka ọza ộ vịraa tụ́ ịnị ịsa Ohomorihi. 24Asị ọzọza re sì ọyịza yị ẹngụ anị kẹnẹ, ọzọza ò ree sì ọyịzaa yị ọnọhụva anị! 25Wê re uye ini ohu, ụ hị́ ọọ dị waa rị ọọ kẹnẹ, ka ẹ yị nyị ọ mẹ̀ kà. Asị ne họ̀ use ịsọnyị-ịsọnyị ka ayị awụ va vazi, 26#Ahẹ 24.1agụvị ka, “Ohomorihi ọ nyị avaba ẹhẹ ọnịrị avaba ịsa ene hi ịnị anị nị.” 27Àa nyị ọza ẹnẹ ẹ̀ yị dọ Ikirisiti wụ́, dị ọ va hị́ wụ ka wa va na rị ịsa ị́dị anị, dị ụ dọ ka waa nọ nị; ịsa tụra ịsa ọnị ọ̀ọ mẹẹ wụ, ụ rị ọọ. Asị u ne họ̀ use ịsọnyị-ịsọnyị ka ayị awụ va vazi! 28Ama àa nyị ọza ana va kà a wụ ka vị a sị ịsa ọnọọ mẹ̀ ịsọvọ yị ori nọ; hụụnị anị, asị ụ kụkụ rị ọọ, agụvị ọza ana vavọọ va kà a wụ, ọnịrị agụvị ayị ọza; 29mị ka agụvị ayị ọza ọnọọ, ayị vị agụvị ayị awụ. Aza ẹnyị ẹ zụ aa kà a ka, “Sị ẹ vẹ dị ariro ọza ẹnẹsa aa vaa za mị ka asị mị mẹ̀ ịsa oni mi re oze mẹ? 30Màa sị Ohomorihi kụ́ avọ tụ́ ịnị ịsa dị mị vaa rị ọọ nị, sị ẹ vẹ dị a kụkụ aa yịị jị ịvịị mị? Ụvị ka maa rị ịsa ọnị mị raà kụ́ Ohomorihi avọ tụ́ ịnị anịị?” 31Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi! 32Asị ụ mẹ ka ọza ọnyọọnyị ò du ayị, ọ̀ọ vị Aniju, ọ̀ọ vị aza ẹnẹ ẹ̀yị vị Aniju, ọ̀ọ daka rẹ vị anịragụ Ohomorihi. 33Avọọ gẹdẹ-gẹdẹ m maa mẹ̀ nị. Maa sịị vụrị ka mee ro o yị aza ịnị avaba ịsị ẹ màaa mẹ. Me yi sì ọyịza yị ẹngụ amị kẹnẹ, ama mee sì ọyịzaa yị aza ana vọ, agụvị dị à zụ dọ wa há.
Currently Selected:
1 Anịkọrịntị 10: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Anịkọrịntị 10
10
Asị ụ nyị ụvọ tụ́ ịrẹyị ori nịnị!
1 #
Kụra 13.21,22;
Kụra 14.22-29
Ẹwụ nịnị ẹyịnyara amị, mee sì ka wa tamayị ịrẹyị ohiku ayị nịnị. Â nyị eguhi ọnya aanị anaā yà ẹbẹẹba ẹnịnị pooro. Avaba ẹnịnị ệ sị ahụ zị oze ini Irehu Ovivi na para hu. 2Â sị eguhi ọnịrị irehu ọnọọ mẹ̀ ọyịhwọzenyi yị wa, ana mẹ ka ẹnịrị Imosiisi ẹ̀ vabẹ. 3#Kụra 16.35Avaba ẹnịnị vị ana rị ịsọyịrị oni Ohomorihi sị yị wa ini oze ohyozirenu, 4#Kụra 17.6; Ịrị 20.11di e re hú enyi oni Ohomorihi sị yị wa ini oze ohyozirenu nị. Ẹnịnị ê hú enyi ana hụụnị ịrẹta ana aa dụ wa ịrẹma-ịrẹma. Ịrẹta ọnọọ ọ vị Ikirisiti nị. 5#Ịrị 14.29,30Dị Ohomorihi daka yị vavọọ mẹ yị wa, ọrụrụ-ọrụrụ ẹnịnị ệ mẹ̀ ebira ana kụ́ Ohomorihi ayị. Yâ vavọọ yẹ, agụvị ka ẹnịnị vị ene sú va hi ịnị ụnọmị. 6#Ịrị 11.4Avaba ẹnẹẹ vị ana aa kà yị ọnọ ka asị i ne sì ka yaa mẹ̀ ịsa odivi, anka aza ẹnẹẹ mẹ̀ẹ̄ mẹ. 7#Kụra 32.6Asị ụ rẹ na vị ọhẹkẹ ori nịnị anka ẹnyị ịnị aza ẹnẹẹ! Â chẹrẹẹ tụ́ ini Iwe Ohomorihi ka, “Aza ẹnẹẹ ê nyima ẹyaa rị, eyee hú; dị ẹ kwẹẹtẹ dị ẹyaa nyị ẹzẹ nị”. 8#Ịrị 25.1-18Asị ị rẹ na sẹ̀ ịrẹka anka ẹnyị ịnị ẹnịnị! Ẹ mẹ̀ sẹ̀ ịrẹka, ộ mẹ̀ ka aza ẹnị akahị-akahị oze ohurẹẹta (23,000) è sú ịnị ẹkụhị ọnya gene-gene. 9#Ịrị 21.5,6Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị. 10#Ịrị 16.41-49Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị. 11Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị. 12Agụvị avọọ, ọza ana àa ka ọnị ộ ta jẹẹ, â nyị ka ò sị eyi pe ẹngụ anị, ka ọ va hyẹdụ. 13Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị. 14Agụvị avọọ, ẹwụ nịnị ẹyịnyara ayị, asị ụ nyị ụvọ tụ́ ini ori ọyịhẹkẹ nịnị! 15Mâ yẹ ka wâ yẹ ịrẹyị nịnị; ẹwụ ụvọta ọ̀ daka zama ịrẹyị ọnị maa kà aanị re! 16#Imt 26.26-28; Ịmk 14.22-24; Irk 22.19,20Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị. 17Ẹyị aa rụrụ, ama Ịbụrẹẹdị ọnị yaa rị vị ọnya. Ọnọọ ộ sị zụ̀ ka ọnya ị vị nị. 18#Ire 7.6Wâ yẹ, Ániju nịnị mẹ̀ rẹẹ̄ mẹ. Ẹ̀ẹ yaa rị ịsa ana a sị mẹ̀ ịsọvọ yị Ohomorihi, ẹnịrị Ohomorihi ộ vabẹ. 19Wáá yẹ ịsị maa kà nịnị aanị? Vị ọnọọ wáá sị zụ̀ ka â nyị ịsị ori vị nị? Ịsa ana a sị mẹ̀ ịsọvọ hi ori, áá rẹ nyị ịsị ọ vị? 20#Ọda 32.17Ẹ yị vị avọọ! Ama mị ka ịsị anarịmadọwụ nịnị aa sịị mẹ̀ ịsọvọ vị ẹnị ẹyaa mẹẹ hi ụhwẹ echu. Ẹ yị vị Ohomorihi, ẹ́ yaa sịị mẹ̀ ịsọvọ hi. Me yi sì ka ẹwụrị ụhwẹ echu ọ̀ na vabẹ nịnị. 21Ọza ọ yị nyẹngụ sị ako Ananyị yị hú eche, dị ọ̀ rẹ varẹma na sị ako ụhwẹ echu di ò re sii hú eche. Ọza ọ yị rẹ nyẹngụ rị ịsọyịrị Ananyị yị, dị ọ̀ rẹ varẹma na aa rị ịsọyịrị ụhwẹ echu. 22#Ọda 32.21I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị? 23#1 Ịkọ 6.12Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ẹ yị vị avaba ịsa ọ zụ mẹ ọgụvọ yị ọza! Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ayị vị avaba ịsa ọ zụ mẹ ka ọza ộ vịraa tụ́ ịnị ịsa Ohomorihi. 24Asị ọzọza re sì ọyịza yị ẹngụ anị kẹnẹ, ọzọza ò ree sì ọyịzaa yị ọnọhụva anị! 25Wê re uye ini ohu, ụ hị́ ọọ dị waa rị ọọ kẹnẹ, ka ẹ yị nyị ọ mẹ̀ kà. Asị ne họ̀ use ịsọnyị-ịsọnyị ka ayị awụ va vazi, 26#Ahẹ 24.1agụvị ka, “Ohomorihi ọ nyị avaba ẹhẹ ọnịrị avaba ịsa ene hi ịnị anị nị.” 27Àa nyị ọza ẹnẹ ẹ̀ yị dọ Ikirisiti wụ́, dị ọ va hị́ wụ ka wa va na rị ịsa ị́dị anị, dị ụ dọ ka waa nọ nị; ịsa tụra ịsa ọnị ọ̀ọ mẹẹ wụ, ụ rị ọọ. Asị u ne họ̀ use ịsọnyị-ịsọnyị ka ayị awụ va vazi! 28Ama àa nyị ọza ana va kà a wụ ka vị a sị ịsa ọnọọ mẹ̀ ịsọvọ yị ori nọ; hụụnị anị, asị ụ kụkụ rị ọọ, agụvị ọza ana vavọọ va kà a wụ, ọnịrị agụvị ayị ọza; 29mị ka agụvị ayị ọza ọnọọ, ayị vị agụvị ayị awụ. Aza ẹnyị ẹ zụ aa kà a ka, “Sị ẹ vẹ dị ariro ọza ẹnẹsa aa vaa za mị ka asị mị mẹ̀ ịsa oni mi re oze mẹ? 30Màa sị Ohomorihi kụ́ avọ tụ́ ịnị ịsa dị mị vaa rị ọọ nị, sị ẹ vẹ dị a kụkụ aa yịị jị ịvịị mị? Ụvị ka maa rị ịsa ọnị mị raà kụ́ Ohomorihi avọ tụ́ ịnị anịị?” 31Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi! 32Asị ụ mẹ ka ọza ọnyọọnyị ò du ayị, ọ̀ọ vị Aniju, ọ̀ọ vị aza ẹnẹ ẹ̀yị vị Aniju, ọ̀ọ daka rẹ vị anịragụ Ohomorihi. 33Avọọ gẹdẹ-gẹdẹ m maa mẹ̀ nị. Maa sịị vụrị ka mee ro o yị aza ịnị avaba ịsị ẹ màaa mẹ. Me yi sì ọyịza yị ẹngụ amị kẹnẹ, ama mee sì ọyịzaa yị aza ana vọ, agụvị dị à zụ dọ wa há.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.