1 Ịtọpa 5
5
Evere Irubẹnị
1 #
Oyn 35.22; 49.3,4 Irubẹnị ọ vị ozi ịpaapa Isirẹrị nị. (Ka ộ sị onyeehi ada anị ọnya, a sị dọ ọ udi ọzọkụ anị dị asị yị Ijosẹẹhụ nị. Irubẹnị ọnọọ ọ ma ezi ẹnẹnị nị. 2#Oyn 49.8-10Ama ịrẹsụ ezi Ijuda ẹ vana nyị ụkata hu nị. Dị ahịka ẹnị ẹ vanaa mẹ ohinọyị yị avaba ịrẹsụ ana vọ nị). 3Irubẹnị, ozi ọzọkụ Ijekọvụ ộ ma ezi ọnọrụ ẹẹna. Ịrẹha ẹnịnị ọ rị Ịhanọkị Iparu, Ihezironi, ọnịrị Ikarimi nị. 4#2 Ohi 15.29Â nyị ọnọrụ ọnya ana aā hị́ Ijowẹrị. Ịpa ezi Ijowẹrị ọnọnị ẹ vị: Ịgọọgị, Isimeyi. 5Imika, Ireyaya, Ịbaarị 6Ibeera, oni ohinọyị Asiriya ana aā hị́ Itigilatị-Ipiresa za ọrịhị hụrị ẹkụra anị, ohirẹsụ ọ vị ịnị aza Irubẹnị nịnị nị. 7Á mẹ̀ chẹrẹ aza Ovwoovu-ovwoovu, aza ẹnẹnị á ka ệ vị ọdọvịdị ịrẹsụ-ịrẹsụ aza Irubẹnị nị: Ịjẹyẹrị, Ịzakaraya, 8ọnịrị Ibera, ozi Azazi, dị ọ vị aazị Ịsẹma. Ịrẹsụ ezi Ijowẹrị ọ vị nị. Anịrẹsụ ọnọnị vị ana ra hi ẹkụra ana aā hị́ Aroyeri ịnị ẹtẹ ana ya eyi ẹbẹẹba Inebo ọnịrị Ịbaarị Imewoni. 9Ẹnịnị ệ nyị ịsụpa tuturutu hi ẹtẹ Anigiriyadi, agụvị avọọ dị ẹnịnị ra hi ịzọọ nị. Ẹnịnị ệ ra hụrị eyi ọnị ọyị zịị hụrẹẹ vẹ huuu na ngụ oze ana a zịị̄ nọ irehu Iyuhwuretisi. 10Ụmẹ ọnị sị vị ohinọyị, ezi Irubẹnị ẹnịrị Anihaga ệ hụ̀ ịrẹkụ. Ẹnịnị ẹ wụ Anịhagiri nịnị ha dị ẹ kụkụ ra hi eyi ịzị ọyịị̄ zịị hụrẹ ẹtẹ Anigiriyadi nị.
Evere Igadi
11Ezi Igadi nịnị vị ana ra akẹbẹẹba ezi Irubẹnị nịnị ịnị ẹtẹ Ịbasanị, huuu na ngụ eyi ọnị ọyịị̄ zịị hụrẹẹ vẹ ịzị aā hị́ Ịsarẹka. 12Ọnọrụ ana aā hị́ Ijowẹrị ọ vị ohiku ịrẹsụ ene hu keekere ịzọọ nị, dị Isahwani ọnị vị ohiku ịrẹsụ ana va tụra ịrẹsụ Ijowẹrị nị. Anọrụ ana aā hị́ Ijanyị ọnịrị Isahwati ẹ vị ohiku ịrẹsụ-ịrẹsụ ana vọ hi Ịbasanị nị. 13Ẹnị ezi Igadi ana vọ vị ịrẹsụ Ịmayịkẹẹrị, Imesurami, Ịsẹba, Ijorayi, Ijakanị, Ịzịya, ọnịrị Ẹba. 14Ẹnịnị vị ezi Abiheri, ana vị ozi ọnọrụ ọnya ana aā hị́ Ihuuri. Aza ẹnẹnị ẹ vị ohiku ẹnịnị nị: Abiheri, Ihuuri, Ijarowa, Igiriyadi, Ịmayịkẹẹrị, Ịjẹsịsayi, Ijado, Ibuzi. 15Ahị, ozi Abidiyeri, dị ọ vị aazị Iguni, ọ vị ohirẹsụ ịrẹsụ ẹnẹnị nị. 16Ẹnịnị vị ana ra hi ẹkụra ene hi ẹtẹ Ịbasanị ọnịrị Anigiriyadi; dị ẹ́ rẹ ra hi avaba ịzị aā kụ ịsụpa rị ịnị ẹtẹ Ịsarọnị nị. 17Ụmẹ ọnị Ijotami sị vị ohinọyị Ijuda, dị Ijerobowami ọhụva vị ohinọyị Isirẹrị a sị chẹrẹ avaba ịsa ẹnẹnị nị.
Ẹnị ịrẹsụ ana vọ ene hi eyi ịzị ọyịị̄ zịị vẹ
18Ẹnị ezi Irubẹnị, ezi Igadi, ọnịrị achẹva ezi Ịmanasẹ ệ nyị isoja akawụ-akawụ oze ohurẹẹva tụra akatarẹchẹhị tụra ẹbẹẹta, ana zụ a mẹẹ sị ogonto ọnịrị ụhwọ ọnyị eyi ẹẹva beri ọpa kụ̀ ịrẹkụ ẹtẹẹtẹrẹ. 19Ẹnịnị ệ nọ ịrẹkụ Anihaga ọnịrị Ijeturi beri Inahwisi ọnịrị Inodabi. 20Ẹnịnị ệ sị ayị tụra Ohomorihi, dị ẹ mẹ̀ aduwa ka ọ̀ gụ ẹnị ụvọ nị. Ohomorihi ộ wụ́ aduwa ẹnịnị, dị ọ́ mẹ ka ẹnịnị ẹ̀ nyị ẹbẹẹba Anihaga nịnị ẹnịrị avaba aza ana saasa wa nị. 21Ẹnịnị ệ kú wa ịnyaakụmị akawụ-akawụ tụra ẹvarẹwụ oze ẹchẹhị (250,000), atẹmẹ akawụ-akawụ oze ohurẹẹhị (50,000), ọnịrị ịkẹrịkẹtẹ akawụ (2,000), dị ẹ́ za aza ẹnị akawụ-akawụ oze ẹvarẹwụ (100,000) ọrịhị ịnị Anihaga nịnị nị. 22Aza otomiroku vị ẹnẹ wụ̀ ha, agụvị ka Ohomorihi ộ sị ụvọ tụ́ ịnị ịrẹkụ ọnọọ yị wa. Ịzọọ ẹnịnị vana ra pooro ne tu ụmẹ ana a sị va za wa ọrịhị ne hi ẹkụra ọsa a mẹ̀ kụ̀ ịrẹkụ nị.
Aza Ịmanasẹ ene hi eyi ịzị ọyịị̄ zịị hụrẹẹ vẹ
23Achẹva aza Ịmanasẹ ene hi eyi ịzị ọyịị̄ zịị hụrẹẹ vẹ ệ rụrụ ẹtẹẹtẹrẹ. Ẹnịnị vị ana ra hi ẹtẹ Ịbasanị huuu na ngụ eyi ẹbẹẹba ịzị aā hị́ Ịbaarị-Ịhamọnị, Ịsẹnịya, ọnịrị ịnị Ataba Ihamọnị. 24Aza ẹnẹnị ẹ vị ọdọvịdị ịrẹsụ-ịrẹsụ ene hi ịzọọ nị: Ehwẹrị, Iisi, Eriyẹrị, Aziriyẹrị, Ijeremaya, Ihodaviya, ọnịrị Ijadiyẹrị. Avaba aza ẹnẹnị isoja ọkọọka, dị ẹ vị ọdọvịdị ene eyi yẹ ịnị ịrẹsụ-ịrẹsụ ẹnịnị nị.
 dụ aza ene hi eyi ịzị ọyịị̄ zịị hụrẹẹ vẹ.
25Ama aza ẹnẹnị ẹ yị mẹ ịzẹyịza hi Ohomorihi óhiku ẹnịnị. Ẹnịnị ệ và hụụ ịrẹma Ohomorihi, ẹ naa mẹ ori anẹkụra ọnị Ohomorihi dụ kwooze hụụnị ẹtẹ ọnọọ. 26#2 Ohi 15.19; 2 Ohi 15.29; 2 Ohi 17.6Avọọ, Ohomorihi ộ mẹ̀ ka ohinọyị Ásiriya ana aā hị́ Ipuuri, (ịrẹha anị ọsa â hị́ Itigilatị-Ipiresa nị) ọ̀ kụ ịrẹkụ tu wa. Ộ dụ aza Irubẹnị nịnị, aza Ịgaadị ọnịrị achẹva aza Ịmanasẹ ene hi eyi ịzị ọyịị̄ zịị hụrẹẹ vẹ, dị ọ kụ wa ịzị aā hị́ Ịhaara, Ịhabọ, ọnịrị ịzị aā hị́ Ịhara, ne beri ụtọ irehu ana aā hị́ Igozanị nị.
Currently Selected:
1 Ịtọpa 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịtọpa 5
5
Evere Irubẹnị
1 #
Oyn 35.22; 49.3,4 Irubẹnị ọ vị ozi ịpaapa Isirẹrị nị. (Ka ộ sị onyeehi ada anị ọnya, a sị dọ ọ udi ọzọkụ anị dị asị yị Ijosẹẹhụ nị. Irubẹnị ọnọọ ọ ma ezi ẹnẹnị nị. 2#Oyn 49.8-10Ama ịrẹsụ ezi Ijuda ẹ vana nyị ụkata hu nị. Dị ahịka ẹnị ẹ vanaa mẹ ohinọyị yị avaba ịrẹsụ ana vọ nị). 3Irubẹnị, ozi ọzọkụ Ijekọvụ ộ ma ezi ọnọrụ ẹẹna. Ịrẹha ẹnịnị ọ rị Ịhanọkị Iparu, Ihezironi, ọnịrị Ikarimi nị. 4#2 Ohi 15.29Â nyị ọnọrụ ọnya ana aā hị́ Ijowẹrị. Ịpa ezi Ijowẹrị ọnọnị ẹ vị: Ịgọọgị, Isimeyi. 5Imika, Ireyaya, Ịbaarị 6Ibeera, oni ohinọyị Asiriya ana aā hị́ Itigilatị-Ipiresa za ọrịhị hụrị ẹkụra anị, ohirẹsụ ọ vị ịnị aza Irubẹnị nịnị nị. 7Á mẹ̀ chẹrẹ aza Ovwoovu-ovwoovu, aza ẹnẹnị á ka ệ vị ọdọvịdị ịrẹsụ-ịrẹsụ aza Irubẹnị nị: Ịjẹyẹrị, Ịzakaraya, 8ọnịrị Ibera, ozi Azazi, dị ọ vị aazị Ịsẹma. Ịrẹsụ ezi Ijowẹrị ọ vị nị. Anịrẹsụ ọnọnị vị ana ra hi ẹkụra ana aā hị́ Aroyeri ịnị ẹtẹ ana ya eyi ẹbẹẹba Inebo ọnịrị Ịbaarị Imewoni. 9Ẹnịnị ệ nyị ịsụpa tuturutu hi ẹtẹ Anigiriyadi, agụvị avọọ dị ẹnịnị ra hi ịzọọ nị. Ẹnịnị ệ ra hụrị eyi ọnị ọyị zịị hụrẹẹ vẹ huuu na ngụ oze ana a zịị̄ nọ irehu Iyuhwuretisi. 10Ụmẹ ọnị sị vị ohinọyị, ezi Irubẹnị ẹnịrị Anihaga ệ hụ̀ ịrẹkụ. Ẹnịnị ẹ wụ Anịhagiri nịnị ha dị ẹ kụkụ ra hi eyi ịzị ọyịị̄ zịị hụrẹ ẹtẹ Anigiriyadi nị.
Evere Igadi
11Ezi Igadi nịnị vị ana ra akẹbẹẹba ezi Irubẹnị nịnị ịnị ẹtẹ Ịbasanị, huuu na ngụ eyi ọnị ọyịị̄ zịị hụrẹẹ vẹ ịzị aā hị́ Ịsarẹka. 12Ọnọrụ ana aā hị́ Ijowẹrị ọ vị ohiku ịrẹsụ ene hu keekere ịzọọ nị, dị Isahwani ọnị vị ohiku ịrẹsụ ana va tụra ịrẹsụ Ijowẹrị nị. Anọrụ ana aā hị́ Ijanyị ọnịrị Isahwati ẹ vị ohiku ịrẹsụ-ịrẹsụ ana vọ hi Ịbasanị nị. 13Ẹnị ezi Igadi ana vọ vị ịrẹsụ Ịmayịkẹẹrị, Imesurami, Ịsẹba, Ijorayi, Ijakanị, Ịzịya, ọnịrị Ẹba. 14Ẹnịnị vị ezi Abiheri, ana vị ozi ọnọrụ ọnya ana aā hị́ Ihuuri. Aza ẹnẹnị ẹ vị ohiku ẹnịnị nị: Abiheri, Ihuuri, Ijarowa, Igiriyadi, Ịmayịkẹẹrị, Ịjẹsịsayi, Ijado, Ibuzi. 15Ahị, ozi Abidiyeri, dị ọ vị aazị Iguni, ọ vị ohirẹsụ ịrẹsụ ẹnẹnị nị. 16Ẹnịnị vị ana ra hi ẹkụra ene hi ẹtẹ Ịbasanị ọnịrị Anigiriyadi; dị ẹ́ rẹ ra hi avaba ịzị aā kụ ịsụpa rị ịnị ẹtẹ Ịsarọnị nị. 17Ụmẹ ọnị Ijotami sị vị ohinọyị Ijuda, dị Ijerobowami ọhụva vị ohinọyị Isirẹrị a sị chẹrẹ avaba ịsa ẹnẹnị nị.
Ẹnị ịrẹsụ ana vọ ene hi eyi ịzị ọyịị̄ zịị vẹ
18Ẹnị ezi Irubẹnị, ezi Igadi, ọnịrị achẹva ezi Ịmanasẹ ệ nyị isoja akawụ-akawụ oze ohurẹẹva tụra akatarẹchẹhị tụra ẹbẹẹta, ana zụ a mẹẹ sị ogonto ọnịrị ụhwọ ọnyị eyi ẹẹva beri ọpa kụ̀ ịrẹkụ ẹtẹẹtẹrẹ. 19Ẹnịnị ệ nọ ịrẹkụ Anihaga ọnịrị Ijeturi beri Inahwisi ọnịrị Inodabi. 20Ẹnịnị ệ sị ayị tụra Ohomorihi, dị ẹ mẹ̀ aduwa ka ọ̀ gụ ẹnị ụvọ nị. Ohomorihi ộ wụ́ aduwa ẹnịnị, dị ọ́ mẹ ka ẹnịnị ẹ̀ nyị ẹbẹẹba Anihaga nịnị ẹnịrị avaba aza ana saasa wa nị. 21Ẹnịnị ệ kú wa ịnyaakụmị akawụ-akawụ tụra ẹvarẹwụ oze ẹchẹhị (250,000), atẹmẹ akawụ-akawụ oze ohurẹẹhị (50,000), ọnịrị ịkẹrịkẹtẹ akawụ (2,000), dị ẹ́ za aza ẹnị akawụ-akawụ oze ẹvarẹwụ (100,000) ọrịhị ịnị Anihaga nịnị nị. 22Aza otomiroku vị ẹnẹ wụ̀ ha, agụvị ka Ohomorihi ộ sị ụvọ tụ́ ịnị ịrẹkụ ọnọọ yị wa. Ịzọọ ẹnịnị vana ra pooro ne tu ụmẹ ana a sị va za wa ọrịhị ne hi ẹkụra ọsa a mẹ̀ kụ̀ ịrẹkụ nị.
Aza Ịmanasẹ ene hi eyi ịzị ọyịị̄ zịị hụrẹẹ vẹ
23Achẹva aza Ịmanasẹ ene hi eyi ịzị ọyịị̄ zịị hụrẹẹ vẹ ệ rụrụ ẹtẹẹtẹrẹ. Ẹnịnị vị ana ra hi ẹtẹ Ịbasanị huuu na ngụ eyi ẹbẹẹba ịzị aā hị́ Ịbaarị-Ịhamọnị, Ịsẹnịya, ọnịrị ịnị Ataba Ihamọnị. 24Aza ẹnẹnị ẹ vị ọdọvịdị ịrẹsụ-ịrẹsụ ene hi ịzọọ nị: Ehwẹrị, Iisi, Eriyẹrị, Aziriyẹrị, Ijeremaya, Ihodaviya, ọnịrị Ijadiyẹrị. Avaba aza ẹnẹnị isoja ọkọọka, dị ẹ vị ọdọvịdị ene eyi yẹ ịnị ịrẹsụ-ịrẹsụ ẹnịnị nị.
 dụ aza ene hi eyi ịzị ọyịị̄ zịị hụrẹẹ vẹ.
25Ama aza ẹnẹnị ẹ yị mẹ ịzẹyịza hi Ohomorihi óhiku ẹnịnị. Ẹnịnị ệ và hụụ ịrẹma Ohomorihi, ẹ naa mẹ ori anẹkụra ọnị Ohomorihi dụ kwooze hụụnị ẹtẹ ọnọọ. 26#2 Ohi 15.19; 2 Ohi 15.29; 2 Ohi 17.6Avọọ, Ohomorihi ộ mẹ̀ ka ohinọyị Ásiriya ana aā hị́ Ipuuri, (ịrẹha anị ọsa â hị́ Itigilatị-Ipiresa nị) ọ̀ kụ ịrẹkụ tu wa. Ộ dụ aza Irubẹnị nịnị, aza Ịgaadị ọnịrị achẹva aza Ịmanasẹ ene hi eyi ịzị ọyịị̄ zịị hụrẹẹ vẹ, dị ọ kụ wa ịzị aā hị́ Ịhaara, Ịhabọ, ọnịrị ịzị aā hị́ Ịhara, ne beri ụtọ irehu ana aā hị́ Igozanị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.