1 Ịtọpa 17
17
Ụtụ ọnị Ịnatanị na kà yị Idevidi
(2 Ịsa 7.1-17)
1Idevidi vị ana ra ini irehi ohinọyị ọnị ọ́ da. Ẹkụhị ọnya dị ọ tụ na hị́ ọnọrụ ọnya ana aā hị́ Ịnatanị nị. Ịnatanị vị ọnịsẹ. Idevidi ộ kà a yọ ka, wée re, áá vọrọ ka ọnị ọ̀ ra ini irehi ohinọyị ana a sị ọchị isida da, ama dị à sị apoti oto Ẹnẹyịmavara tụ ịnị ajẹngụ? 2Dị Ịnatanị tụ́ ohi ka, ịsị ọ̀ọ nyị tụ ịnị ayị ka ọnị aà mẹ, ọ̀ na mẹ̀ ẹ, agụvị ka Ohomorihi yà a ịrẹma. 3Ama ịrahụ ịhị ọnọọ, dị Ohomorihi kà a yị Ịnatanị ka, 4Ọ̀ na kà a yị Idevidi, ozi ahụ anị ka, ẹ́ yị vị ọnị ọ vaa da irehii yị ọnị, ọnị ọnị aa rá ịnị anị. 5Ẹnẹyịmavara kà hụrẹ ụmẹ ọnị ọnị sị kụ Anisirẹrị nịnị hụrẹ Ijipiti avọọ, pooro va ngụ ọyaanị, ọnị ệ yị ra ini irehi da. Ịnị ajẹngụ ọnịị̄ ra hụrẹ aha ọnya naa ngụ aha ọsa nị. 6Ọ kà, ọnịrị Anisirẹrị nịnị mẹ̀ hụrẹ aa zịịzị, ọnị ẹ yị họ̀ ọdọvịdị ọnyọọnyị ọnị ọnị nyị ka, sị ẹ vẹ dị ẹ̀ yị sị ọchị isida dà irehi yị ọnị da. 7Avọọ ọ ka ọnị ọ̀ kà a yị Idevidi ozi ahụ anị ka ọnị, Ẹnẹyịmavara Ochẹtẹẹngụ ka, vi u wee sere atẹmẹ dị ọnị va sị wụ ka wa va vị ohinọyị aza anị Anisirẹrị nịnị nị. 8Ẹnẹyịmavara kà aha tụra aha ọnị ụ nọ, vị ọnị ọnị yàa wụ ịrẹma. Dị ọnị dọ ọvịdị anị, dị ọnị hu ọnịvị awụ nịnị ẹtẹ yị wụ. Ọ kà ọnị vaa mẹ ka wa ngụrẹyị anka ohinọyị ene hu keekere ịnị ẹhẹ. 9Ẹnẹyịmavara kà ọnị ọ raà nyị aha yị aza anị Anisirẹrị nịnị, ọnị ọ raà kụ wa ve hi ịzọọ ka ọ̀ vị eehi ẹnịnị, dị a sị e kuku zigi wa. Ọ kà aza edivi ẹ yị ma vana mẹ ehuna yị wa anka ẹ mẹ̀ mẹ wa ẹnịnị mẹ va ngụ ịzẹnị kẹnẹ. 10Avọọ ọnịvị ẹnịnị ẹnẹnị mẹ vịdị ịị mẹ̀ ọnị mẹ hụrẹ nyị ohinọyị yị aza anị nị. Ẹnẹyịmavara kà ọnị ộ wo oto ka ọnị re vee hú ọnịvị awụ nịnị ẹtẹ yị wụ, dị ọnị mẹ ka wa ma ezi gwẹtẹ. 11Ịjị wèe wusu, dị ụ zị và ka ohiku awụ nịnị na nị, ọnị vaa sị ozi ewu ọnya rị ohinọyị, dị ohinọyị anị nyị ụkata. 12Ọ kà ozi ewu ọnọọ ọ vaa dà irehii yị ọnị nị. Ọnị vaa mẹ ka ịpa ezi anị ẹẹ rị ohinọyị pooro zịna-zịna. 13#2 Ịkọ 6.18; Ihib 1.5Ẹnẹyịmavara kà ọnị vaa vị ada anị, dị ọ vị ozi anị. Ọnị ẹ yị vaa và ịrẹma anị anka ọnị mẹ̀ và ịrẹma Ịsọọrụ, ọ ka ọnị ọ hụrẹ Ịsọọrụ ka a sị ọ kụkụ rị ohinọyị nị. 14Ẹnẹyịmavara kà ọnị vaa sị aza anịị chire e ụvọ, dị aà mẹ ohinọyị yị aza anị pooro zịna. Ọnị vaa mẹ ka ezi anị ẹ̀ẹ rị ohinọyị pooro. 15Dị Ịnatanị vavọọ na ka avaba ịrẹyị oni Ohomorihi maanị sị zụ̀ ọ aanị yị Idevidi nị.
Aduwa oni Idevidi mẹ
(2 Ịsa 7.18-29)
16Idevidi ộ ngụ ịnị ajẹngụ ọnị Ẹnẹyịmavara yà, dị ọ yaatụ dị ọ mẹ̀ aduwa ka, Ẹnẹyịmavara Ohomorihi, ọnịrị ovwoovu anị ẹ yị hwọọ ọnị ọọ mẹ avaba ịsa ọnị ọ mẹ aanịị yị. 17Ama dị ọ kụkụ aà yịị mẹ̀ ẹ tụ ọ hu avọọ nị. Ọ kà Ohomorihi ọ sị ọ ka ịsị ọ́ vaa mẹẹ yị ezi anị ịnị ụmẹ ana aa vẹ. Dị Ẹnẹyịmavara Ohomorihi aa sị eyi ọza okumi-okumii re ọnị nị. 18Idevidi ka, sị ọnị kụkụ zụ kà da, ọ ka Ohomorihi ộ yẹ ẹngụ ọza ọnị ọnị vị, ama dị ọ maanị yị sị ụbanyị yị ọnị ozi ahụ anị nị. 19Ọ kà Ohomorihi me sì ọ, ọ́ mẹ hi ọnị aanị nị, dị ọ sị zụ ọnị ka ọnị vaa banyị ụhwọọ nị. 20Ẹnẹyịmavara, ẹ ị nyị ọza anka ẹngụ awụ. Ọ kà o sị ku ẹnẹ ẹnị hụrẹ yẹ ka ọnị ịnya ọ vị Ohomorihi nị. 21Idevidi ka ẹ yị nyị anẹkụra ọsa ịrẹsụ ẹtẹ anka Anisirẹrị nịnị. Ẹnị ịnya kẹnẹ Ohomorihi dọha ka a sị ẹ kụkụ vị ọrịhị, dị ọ́ mẹ wa ka ẹ̀ vị aza anị nị. Ịtọmatapa ọbanyị ọnị ọ mẹ yị wa ộ mẹ̀ ka ịrẹyị Ohomorihi ọ̀ ngụrẹyị ngụ avaba ẹhẹ zịịzị. Ọ kà Ohomorihi ọ̀ dọ wa hụrẹ Anijipiti nịnị ụvọ dị ọ dụ anẹkụra ana vọ kwooze aza anị màa vẹ nị. 22Ọ kà ọ sị Anisirẹrị nịnị mẹ ka ẹ̀ vị aza anị pooro zịna, dị Ẹnẹyịmavara kụkụ vị Ohomorihi ẹnịnị nị. 23Idevidi ka, aarịhịnị, Ẹnẹyịmavara ọ̀ navọ ọ̀ mẹ avaba ịsa ọ kà a ka ọnị vaa mẹẹ yị ọnịrị ezi anị pooro aanị o. Ọ̀ ka ọ̀ navọ ọ̀ mẹ̀ ịsa ọ ka ọnị vaa mẹ de. 24Ọ kà Ẹnẹyịmavara vaa daa ngụrẹyị kẹnẹ, dị avaba aza aa kà a pooro ka Ẹnẹyịmavara Ochẹtẹẹngụ ọ vị Ohomorihi Anisirẹrị nịnị nị. Ọnị ọ ka ọnị vee sere ezi anị yị ọnị nị. 25Ọtụtụrụma ọnị aà sịị mẹ̀ aduwa ọnọnịị hi Ohomorihi aanị nị, agụvị ka ọ raà sị avaba ịsa ọnọnị zụ ọnị, ozi ahụ anị. Dị Ohomorihi sị ọ kà ka ọnị vaa sị ezi anịị rị ohinọyị nị. 26Ọ kà Ẹnẹyịmavara, ọ vị Ohomorihi nị. Ọnị ọ kà a ka ọnị vaa mẹ̀ ịsa ọyịza-ọyịza ẹnẹnịị yị ọnị ozi ahụ anị nị. 27Ọ kà ọnị aa mẹ̀ aduwa ka Ohomorihi ọ̀ mẹ ọyịza yị ezi anị, dị ẹnịnị ẹ̀ vaa rị aha anị pooro. Ọ́ sị ọyịza mẹ yị wa, avọọ ọ mẹ vaa mẹ ọyịzaa yị ẹnị ana vọ pooro zịna-zịna nị.
Currently Selected:
1 Ịtọpa 17: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịtọpa 17
17
Ụtụ ọnị Ịnatanị na kà yị Idevidi
(2 Ịsa 7.1-17)
1Idevidi vị ana ra ini irehi ohinọyị ọnị ọ́ da. Ẹkụhị ọnya dị ọ tụ na hị́ ọnọrụ ọnya ana aā hị́ Ịnatanị nị. Ịnatanị vị ọnịsẹ. Idevidi ộ kà a yọ ka, wée re, áá vọrọ ka ọnị ọ̀ ra ini irehi ohinọyị ana a sị ọchị isida da, ama dị à sị apoti oto Ẹnẹyịmavara tụ ịnị ajẹngụ? 2Dị Ịnatanị tụ́ ohi ka, ịsị ọ̀ọ nyị tụ ịnị ayị ka ọnị aà mẹ, ọ̀ na mẹ̀ ẹ, agụvị ka Ohomorihi yà a ịrẹma. 3Ama ịrahụ ịhị ọnọọ, dị Ohomorihi kà a yị Ịnatanị ka, 4Ọ̀ na kà a yị Idevidi, ozi ahụ anị ka, ẹ́ yị vị ọnị ọ vaa da irehii yị ọnị, ọnị ọnị aa rá ịnị anị. 5Ẹnẹyịmavara kà hụrẹ ụmẹ ọnị ọnị sị kụ Anisirẹrị nịnị hụrẹ Ijipiti avọọ, pooro va ngụ ọyaanị, ọnị ệ yị ra ini irehi da. Ịnị ajẹngụ ọnịị̄ ra hụrẹ aha ọnya naa ngụ aha ọsa nị. 6Ọ kà, ọnịrị Anisirẹrị nịnị mẹ̀ hụrẹ aa zịịzị, ọnị ẹ yị họ̀ ọdọvịdị ọnyọọnyị ọnị ọnị nyị ka, sị ẹ vẹ dị ẹ̀ yị sị ọchị isida dà irehi yị ọnị da. 7Avọọ ọ ka ọnị ọ̀ kà a yị Idevidi ozi ahụ anị ka ọnị, Ẹnẹyịmavara Ochẹtẹẹngụ ka, vi u wee sere atẹmẹ dị ọnị va sị wụ ka wa va vị ohinọyị aza anị Anisirẹrị nịnị nị. 8Ẹnẹyịmavara kà aha tụra aha ọnị ụ nọ, vị ọnị ọnị yàa wụ ịrẹma. Dị ọnị dọ ọvịdị anị, dị ọnị hu ọnịvị awụ nịnị ẹtẹ yị wụ. Ọ kà ọnị vaa mẹ ka wa ngụrẹyị anka ohinọyị ene hu keekere ịnị ẹhẹ. 9Ẹnẹyịmavara kà ọnị ọ raà nyị aha yị aza anị Anisirẹrị nịnị, ọnị ọ raà kụ wa ve hi ịzọọ ka ọ̀ vị eehi ẹnịnị, dị a sị e kuku zigi wa. Ọ kà aza edivi ẹ yị ma vana mẹ ehuna yị wa anka ẹ mẹ̀ mẹ wa ẹnịnị mẹ va ngụ ịzẹnị kẹnẹ. 10Avọọ ọnịvị ẹnịnị ẹnẹnị mẹ vịdị ịị mẹ̀ ọnị mẹ hụrẹ nyị ohinọyị yị aza anị nị. Ẹnẹyịmavara kà ọnị ộ wo oto ka ọnị re vee hú ọnịvị awụ nịnị ẹtẹ yị wụ, dị ọnị mẹ ka wa ma ezi gwẹtẹ. 11Ịjị wèe wusu, dị ụ zị và ka ohiku awụ nịnị na nị, ọnị vaa sị ozi ewu ọnya rị ohinọyị, dị ohinọyị anị nyị ụkata. 12Ọ kà ozi ewu ọnọọ ọ vaa dà irehii yị ọnị nị. Ọnị vaa mẹ ka ịpa ezi anị ẹẹ rị ohinọyị pooro zịna-zịna. 13#2 Ịkọ 6.18; Ihib 1.5Ẹnẹyịmavara kà ọnị vaa vị ada anị, dị ọ vị ozi anị. Ọnị ẹ yị vaa và ịrẹma anị anka ọnị mẹ̀ và ịrẹma Ịsọọrụ, ọ ka ọnị ọ hụrẹ Ịsọọrụ ka a sị ọ kụkụ rị ohinọyị nị. 14Ẹnẹyịmavara kà ọnị vaa sị aza anịị chire e ụvọ, dị aà mẹ ohinọyị yị aza anị pooro zịna. Ọnị vaa mẹ ka ezi anị ẹ̀ẹ rị ohinọyị pooro. 15Dị Ịnatanị vavọọ na ka avaba ịrẹyị oni Ohomorihi maanị sị zụ̀ ọ aanị yị Idevidi nị.
Aduwa oni Idevidi mẹ
(2 Ịsa 7.18-29)
16Idevidi ộ ngụ ịnị ajẹngụ ọnị Ẹnẹyịmavara yà, dị ọ yaatụ dị ọ mẹ̀ aduwa ka, Ẹnẹyịmavara Ohomorihi, ọnịrị ovwoovu anị ẹ yị hwọọ ọnị ọọ mẹ avaba ịsa ọnị ọ mẹ aanịị yị. 17Ama dị ọ kụkụ aà yịị mẹ̀ ẹ tụ ọ hu avọọ nị. Ọ kà Ohomorihi ọ sị ọ ka ịsị ọ́ vaa mẹẹ yị ezi anị ịnị ụmẹ ana aa vẹ. Dị Ẹnẹyịmavara Ohomorihi aa sị eyi ọza okumi-okumii re ọnị nị. 18Idevidi ka, sị ọnị kụkụ zụ kà da, ọ ka Ohomorihi ộ yẹ ẹngụ ọza ọnị ọnị vị, ama dị ọ maanị yị sị ụbanyị yị ọnị ozi ahụ anị nị. 19Ọ kà Ohomorihi me sì ọ, ọ́ mẹ hi ọnị aanị nị, dị ọ sị zụ ọnị ka ọnị vaa banyị ụhwọọ nị. 20Ẹnẹyịmavara, ẹ ị nyị ọza anka ẹngụ awụ. Ọ kà o sị ku ẹnẹ ẹnị hụrẹ yẹ ka ọnị ịnya ọ vị Ohomorihi nị. 21Idevidi ka ẹ yị nyị anẹkụra ọsa ịrẹsụ ẹtẹ anka Anisirẹrị nịnị. Ẹnị ịnya kẹnẹ Ohomorihi dọha ka a sị ẹ kụkụ vị ọrịhị, dị ọ́ mẹ wa ka ẹ̀ vị aza anị nị. Ịtọmatapa ọbanyị ọnị ọ mẹ yị wa ộ mẹ̀ ka ịrẹyị Ohomorihi ọ̀ ngụrẹyị ngụ avaba ẹhẹ zịịzị. Ọ kà Ohomorihi ọ̀ dọ wa hụrẹ Anijipiti nịnị ụvọ dị ọ dụ anẹkụra ana vọ kwooze aza anị màa vẹ nị. 22Ọ kà ọ sị Anisirẹrị nịnị mẹ ka ẹ̀ vị aza anị pooro zịna, dị Ẹnẹyịmavara kụkụ vị Ohomorihi ẹnịnị nị. 23Idevidi ka, aarịhịnị, Ẹnẹyịmavara ọ̀ navọ ọ̀ mẹ avaba ịsa ọ kà a ka ọnị vaa mẹẹ yị ọnịrị ezi anị pooro aanị o. Ọ̀ ka ọ̀ navọ ọ̀ mẹ̀ ịsa ọ ka ọnị vaa mẹ de. 24Ọ kà Ẹnẹyịmavara vaa daa ngụrẹyị kẹnẹ, dị avaba aza aa kà a pooro ka Ẹnẹyịmavara Ochẹtẹẹngụ ọ vị Ohomorihi Anisirẹrị nịnị nị. Ọnị ọ ka ọnị vee sere ezi anị yị ọnị nị. 25Ọtụtụrụma ọnị aà sịị mẹ̀ aduwa ọnọnịị hi Ohomorihi aanị nị, agụvị ka ọ raà sị avaba ịsa ọnọnị zụ ọnị, ozi ahụ anị. Dị Ohomorihi sị ọ kà ka ọnị vaa sị ezi anịị rị ohinọyị nị. 26Ọ kà Ẹnẹyịmavara, ọ vị Ohomorihi nị. Ọnị ọ kà a ka ọnị vaa mẹ̀ ịsa ọyịza-ọyịza ẹnẹnịị yị ọnị ozi ahụ anị nị. 27Ọ kà ọnị aa mẹ̀ aduwa ka Ohomorihi ọ̀ mẹ ọyịza yị ezi anị, dị ẹnịnị ẹ̀ vaa rị aha anị pooro. Ọ́ sị ọyịza mẹ yị wa, avọọ ọ mẹ vaa mẹ ọyịzaa yị ẹnị ana vọ pooro zịna-zịna nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.