1 Ịtọpa 15
15
Idevidi ee tenyi ẹngụ ọyị sị apoti oto vẹ Ijerusarẹmị
1Idevidi ộ da irehi anị tụ ịzị aā hị́ ẹkụra Idevidi. Ô re tenyi aha tịtẹ yị apoti oto Ohomorihi, dị ọ́ jị ajẹngụ yọ nị. 2#Ọda 10.8Dị Idevidi ka, ẹ̀ yị vị Anireevi nịnị ịnya, ẹ yị nyị aza ẹnẹsa ana vọrọ ka ẹ̀ sị apoti oto Ohomorihi nị, ka ẹnị Ẹnẹyịmavara nyị ka ẹẹ sị apoti anị, dị ẹ̀ rẹẹ mẹ ụkọrọọ yị ọnị pooro nị. 3Idevidi ộ kụ avaba Anisirẹrị nịnị gụ Ijerusarẹmị, ka à na sị apoti oto Ẹnẹyịmavara va tụ ịzị ọnị reè tenyi tịtẹ yọ. 4Dị Idevidi kụ ẹnị ezi Eerọnị ọnịrị Anireevi nịnị gụ nị. 5Hụụnị ezi Ikohati, Idevidi ộ nyị Uriyẹrị, ohirẹsụ ẹnịnị, beri ẹnị ẹchịhịnọnyị (120) ọsa. 6Hụụ ịdị ezi Imerari, ộ nyị ohirẹsụ ẹnịnị ana aā hị́ Asaya, beri ẹnị ịrẹkụ tụra oohu (220) ọsa. 7Hụụ ịdị ezi Ịgasọmị, dị ọ nyị Ijowẹrị ohirẹsụ ẹnịnị, beri ẹnị ẹchịhịnọnyị tụra ẹẹwụ (130) ọsa nị. 8Hụụ idi ezi Erizahwani, ộ nyị Isemaya ohirẹsụ ẹnịnị, beri anda ẹnịnị ịrẹka (200). 9Hụụ idi ezi Ihebirọnị, ộ nyị Eriyẹrị ohirẹsụ ẹnịnị beri anda ẹnịnị ẹbẹẹna (80) ohirẹsụ 10idi ezi Uziyẹrị, Idevidi ộ nyị Aminadabi ohirẹsụ ẹnịnị, beri anda ẹnịnị ẹchẹhị tụra ẹwụrẹva (112). 11Dị Idevidi va hị́ ẹnị ohirẹsụ Irehi Ohomorihi ana aā hị́ Ịzadọkị ọnịrị Abiyata, ẹnịrị Anireevi nịnị ana aā hị́ Uriyẹrị, Asaya, Ịjowẹrị, Ịsẹmaya, Eriyẹrị, ọnịrị Aminadabi, dị ọ kà a yị wa ka. 12Ẹnịnị ẹ vị ohi-ohi ezi Ireevi nịnị nị. Ọ kà ẹnịrị anda ẹnịnị ana vọ è tenyi ẹngụ, dị ẹ̀ sị ẹngụ tụ irenyi yị Ohomorihi, dị ẹ̀ na sị apoti oto Ẹnẹyịmavara, Ohomorihi Anisirẹrị va tụ ịzị ọnị reè tenyi tịtẹ yọ. 13Idevidi ka, agụvị ka ẹ yị vị ẹnị ẹ vịdị na sị ọ, ịhị ịpaapa ẹnẹ ẹnị na sị ọ, Ẹnẹyịmavara, Ohomorihi ẹnịnị sị kụ́ ayị hi ẹnị nị; agụvị ka ẹnị ẹ yị saasa ọda ọnị Ohomorihi ka à sịị sị ọ. 14Ịzẹyịza, dị ohirẹsụ Irehi Ohomorihi ẹnẹnị ẹnịrị Anireevi nịnị ẹnẹnị sị ẹngụ tụ irenyi yị Ohomorihi ụvị dị ẹnị ẹ̀ na sị apoti oto Ẹnẹyịmavara, Ohomorihi Anisirẹrị nịnị nị. 15#Kụra 25.14Anireevi nịnị ệ za okutẹ ana a mẹ tụ eyi ẹnyị-eyi ọsa, dị ẹ sị apoti ọnọọ tụra ịza nị. Avọọ Ẹnẹyịmavara mẹ kà a yị Imosiisi ka ọ̀ mẹ̀ ẹ ọda nị. 16Idevidi ộ kà a yị ẹnị ọdọvịdị Anireevi nịnị ka ẹ̀ nyị aza ịnị Anireevi nịnị ka ẹẹ jị ahẹ, dị ee hú ịsa. Ọ kà ee hú igita, dị ẹẹ kụ ịchachaa nya ẹngụ ana sị zụ ka ayị ẹnịnị ee hine. 17Anireevi nịnị ẹnẹnị ệ Ihemani ozi Ijowẹrị beri anda ẹnịnị ọnya ana aā hị́ Asahwi ozi Ịbẹrẹkiya nị. Â rẹ nyị anda ẹnịnị ọsa hụụnị ezi Imerari, ana aā hị́ Etaanị ozi Ikusaya nị. 18Â nyị aza ẹnẹnị anka e meme huna ẹngụ huna ẹngụ beri wa: Ịzakaraya, Ijaaziyeri, Isemiramọtị, Ijehiyẹrị, Uuni, Eriyabi, Ịbẹnaya, Imaseya, Imatitiya, Erihwerehu, Imikineya, ẹnịrị ẹnịnị vị eneē sere oze ọbanyị ana vị Obẹdị-Edomi ọnịrị Ijeyẹrị. 19Ẹnị ọmaahẹ ẹnẹnị, Ihemani, Asahwi ọnịrị Etaanị vị ana a ka ẹẹ kụ ịchachaa nya ẹngụ. 20Ịzakaraya, Aziyeri, Isemiramọtị, Ijehiyẹrị, Uuni, Eriyabi, Imaseya ọnịrị Ịbẹnaya vị ana a ka ee hú igita ọnị ọngwẹ anị tụ ẹba, 21dị a ka Imatitiya, Erihwerehu, Imikinẹya, Obẹdị-Edomi, Ijẹyẹrị ọnịrị Azaziya ee hú igita ọnị ọngwẹ anị nẹtẹ nị. 22Â nyị ọnọrụ ọnya ana vị ọdọvịdị Anireevi ana aā hị́ Ịkẹnanịya. Ọ yara mẹ aahẹ ẹtẹẹtẹrẹ, agụvị avọọ dị a ka ò si eyi pe ẹnị anaā mẹ aahẹ nị. 23Ịbẹrẹkiya ọnịrị Ẹrịkana a ka ee sere apoti oto nị. 24Dị a ka ẹnị ohirẹsụ irehi Ohomorihi ana aā hị́ Isebaniya, Ijosahwati, Ịnẹtanẹrị, Amazayị, Ịzakaraya, Ịbẹnaya ọnịrị Eriyaza ẹ̀ yà ọvịdị apoti oto ọnọnị dị ee hú ịkakanchị nị. Obẹdị-Edomi ọnịrị Ịjẹhiya vị ana ya ịnị aza ene ee sere apoti oto.
 sị apoti oto Ẹnẹyịmavara vẹ Ijerusarẹmị
(2 Ịsa 6.12-22)
25Avọọ ohinọyị Idevidi ọnịrị azọkụ-azọkụ Anisirẹrị beri ẹnị ọdọvịdị isoja ana a gà hị́ uche akahị-akahị mẹmẹ na sị apoti oto hụụnị eehi Obẹdị-Edomi nị, dị eyee hine ayị ẹtẹẹtẹrẹ nị. 26Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị. 27Idevidi vị ene chire awuru ọgọdọ ọvwọọvụ anka awuru ọnị Anireevi nịnị ana za apoti oto ẹnị re chire. Ẹngụ awuru ọnọọ Ịkẹnanịya ana sị eyi pe ọpa ọjahẹ ẹnịnị ọnị mẹ rẹ kụ ẹnya nị. Idevidi ô re chire awuru oweyi ọsa ana aā hị́ ehwodi ana a sị ịta ọvụ ene zoza ẹtẹẹrẹ jị kú awuru anị ịrẹsụ. 28Avọọ avaba Anisirẹrị nịnị mẹmẹ na sị apoti oto Ẹnẹyịmavara, dị eyee nowu ẹ maa jẹ ịrajẹ. Ẹnịnị ee hú ọpanyị ịdẹba, ọnịrị ịkakanchị, dị ẹyaa kụ ịchachaa nya ẹngụ, dị é re yee hú igita irenyi-irenyi nị. 29Á mẹmẹ maanị aà yịị sị apoti oto ọnọnịị ngụ ẹkụra Idevidi kẹnẹ, Imichari ozi Ịsọọrụ ô zi oze ini ozokete da eyi gẹ, dị o re ka ohinọyị Idevidi aa nyẹzẹ di ee ji iriga ayị anị mee hine nị. Dị ịrẹyị Idevidi aa nyị ọ ịhyẹrẹ nị.
Currently Selected:
1 Ịtọpa 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịtọpa 15
15
Idevidi ee tenyi ẹngụ ọyị sị apoti oto vẹ Ijerusarẹmị
1Idevidi ộ da irehi anị tụ ịzị aā hị́ ẹkụra Idevidi. Ô re tenyi aha tịtẹ yị apoti oto Ohomorihi, dị ọ́ jị ajẹngụ yọ nị. 2#Ọda 10.8Dị Idevidi ka, ẹ̀ yị vị Anireevi nịnị ịnya, ẹ yị nyị aza ẹnẹsa ana vọrọ ka ẹ̀ sị apoti oto Ohomorihi nị, ka ẹnị Ẹnẹyịmavara nyị ka ẹẹ sị apoti anị, dị ẹ̀ rẹẹ mẹ ụkọrọọ yị ọnị pooro nị. 3Idevidi ộ kụ avaba Anisirẹrị nịnị gụ Ijerusarẹmị, ka à na sị apoti oto Ẹnẹyịmavara va tụ ịzị ọnị reè tenyi tịtẹ yọ. 4Dị Idevidi kụ ẹnị ezi Eerọnị ọnịrị Anireevi nịnị gụ nị. 5Hụụnị ezi Ikohati, Idevidi ộ nyị Uriyẹrị, ohirẹsụ ẹnịnị, beri ẹnị ẹchịhịnọnyị (120) ọsa. 6Hụụ ịdị ezi Imerari, ộ nyị ohirẹsụ ẹnịnị ana aā hị́ Asaya, beri ẹnị ịrẹkụ tụra oohu (220) ọsa. 7Hụụ ịdị ezi Ịgasọmị, dị ọ nyị Ijowẹrị ohirẹsụ ẹnịnị, beri ẹnị ẹchịhịnọnyị tụra ẹẹwụ (130) ọsa nị. 8Hụụ idi ezi Erizahwani, ộ nyị Isemaya ohirẹsụ ẹnịnị, beri anda ẹnịnị ịrẹka (200). 9Hụụ idi ezi Ihebirọnị, ộ nyị Eriyẹrị ohirẹsụ ẹnịnị beri anda ẹnịnị ẹbẹẹna (80) ohirẹsụ 10idi ezi Uziyẹrị, Idevidi ộ nyị Aminadabi ohirẹsụ ẹnịnị, beri anda ẹnịnị ẹchẹhị tụra ẹwụrẹva (112). 11Dị Idevidi va hị́ ẹnị ohirẹsụ Irehi Ohomorihi ana aā hị́ Ịzadọkị ọnịrị Abiyata, ẹnịrị Anireevi nịnị ana aā hị́ Uriyẹrị, Asaya, Ịjowẹrị, Ịsẹmaya, Eriyẹrị, ọnịrị Aminadabi, dị ọ kà a yị wa ka. 12Ẹnịnị ẹ vị ohi-ohi ezi Ireevi nịnị nị. Ọ kà ẹnịrị anda ẹnịnị ana vọ è tenyi ẹngụ, dị ẹ̀ sị ẹngụ tụ irenyi yị Ohomorihi, dị ẹ̀ na sị apoti oto Ẹnẹyịmavara, Ohomorihi Anisirẹrị va tụ ịzị ọnị reè tenyi tịtẹ yọ. 13Idevidi ka, agụvị ka ẹ yị vị ẹnị ẹ vịdị na sị ọ, ịhị ịpaapa ẹnẹ ẹnị na sị ọ, Ẹnẹyịmavara, Ohomorihi ẹnịnị sị kụ́ ayị hi ẹnị nị; agụvị ka ẹnị ẹ yị saasa ọda ọnị Ohomorihi ka à sịị sị ọ. 14Ịzẹyịza, dị ohirẹsụ Irehi Ohomorihi ẹnẹnị ẹnịrị Anireevi nịnị ẹnẹnị sị ẹngụ tụ irenyi yị Ohomorihi ụvị dị ẹnị ẹ̀ na sị apoti oto Ẹnẹyịmavara, Ohomorihi Anisirẹrị nịnị nị. 15#Kụra 25.14Anireevi nịnị ệ za okutẹ ana a mẹ tụ eyi ẹnyị-eyi ọsa, dị ẹ sị apoti ọnọọ tụra ịza nị. Avọọ Ẹnẹyịmavara mẹ kà a yị Imosiisi ka ọ̀ mẹ̀ ẹ ọda nị. 16Idevidi ộ kà a yị ẹnị ọdọvịdị Anireevi nịnị ka ẹ̀ nyị aza ịnị Anireevi nịnị ka ẹẹ jị ahẹ, dị ee hú ịsa. Ọ kà ee hú igita, dị ẹẹ kụ ịchachaa nya ẹngụ ana sị zụ ka ayị ẹnịnị ee hine. 17Anireevi nịnị ẹnẹnị ệ Ihemani ozi Ijowẹrị beri anda ẹnịnị ọnya ana aā hị́ Asahwi ozi Ịbẹrẹkiya nị. Â rẹ nyị anda ẹnịnị ọsa hụụnị ezi Imerari, ana aā hị́ Etaanị ozi Ikusaya nị. 18Â nyị aza ẹnẹnị anka e meme huna ẹngụ huna ẹngụ beri wa: Ịzakaraya, Ijaaziyeri, Isemiramọtị, Ijehiyẹrị, Uuni, Eriyabi, Ịbẹnaya, Imaseya, Imatitiya, Erihwerehu, Imikineya, ẹnịrị ẹnịnị vị eneē sere oze ọbanyị ana vị Obẹdị-Edomi ọnịrị Ijeyẹrị. 19Ẹnị ọmaahẹ ẹnẹnị, Ihemani, Asahwi ọnịrị Etaanị vị ana a ka ẹẹ kụ ịchachaa nya ẹngụ. 20Ịzakaraya, Aziyeri, Isemiramọtị, Ijehiyẹrị, Uuni, Eriyabi, Imaseya ọnịrị Ịbẹnaya vị ana a ka ee hú igita ọnị ọngwẹ anị tụ ẹba, 21dị a ka Imatitiya, Erihwerehu, Imikinẹya, Obẹdị-Edomi, Ijẹyẹrị ọnịrị Azaziya ee hú igita ọnị ọngwẹ anị nẹtẹ nị. 22Â nyị ọnọrụ ọnya ana vị ọdọvịdị Anireevi ana aā hị́ Ịkẹnanịya. Ọ yara mẹ aahẹ ẹtẹẹtẹrẹ, agụvị avọọ dị a ka ò si eyi pe ẹnị anaā mẹ aahẹ nị. 23Ịbẹrẹkiya ọnịrị Ẹrịkana a ka ee sere apoti oto nị. 24Dị a ka ẹnị ohirẹsụ irehi Ohomorihi ana aā hị́ Isebaniya, Ijosahwati, Ịnẹtanẹrị, Amazayị, Ịzakaraya, Ịbẹnaya ọnịrị Eriyaza ẹ̀ yà ọvịdị apoti oto ọnọnị dị ee hú ịkakanchị nị. Obẹdị-Edomi ọnịrị Ịjẹhiya vị ana ya ịnị aza ene ee sere apoti oto.
 sị apoti oto Ẹnẹyịmavara vẹ Ijerusarẹmị
(2 Ịsa 6.12-22)
25Avọọ ohinọyị Idevidi ọnịrị azọkụ-azọkụ Anisirẹrị beri ẹnị ọdọvịdị isoja ana a gà hị́ uche akahị-akahị mẹmẹ na sị apoti oto hụụnị eehi Obẹdị-Edomi nị, dị eyee hine ayị ẹtẹẹtẹrẹ nị. 26Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị. 27Idevidi vị ene chire awuru ọgọdọ ọvwọọvụ anka awuru ọnị Anireevi nịnị ana za apoti oto ẹnị re chire. Ẹngụ awuru ọnọọ Ịkẹnanịya ana sị eyi pe ọpa ọjahẹ ẹnịnị ọnị mẹ rẹ kụ ẹnya nị. Idevidi ô re chire awuru oweyi ọsa ana aā hị́ ehwodi ana a sị ịta ọvụ ene zoza ẹtẹẹrẹ jị kú awuru anị ịrẹsụ. 28Avọọ avaba Anisirẹrị nịnị mẹmẹ na sị apoti oto Ẹnẹyịmavara, dị eyee nowu ẹ maa jẹ ịrajẹ. Ẹnịnị ee hú ọpanyị ịdẹba, ọnịrị ịkakanchị, dị ẹyaa kụ ịchachaa nya ẹngụ, dị é re yee hú igita irenyi-irenyi nị. 29Á mẹmẹ maanị aà yịị sị apoti oto ọnọnịị ngụ ẹkụra Idevidi kẹnẹ, Imichari ozi Ịsọọrụ ô zi oze ini ozokete da eyi gẹ, dị o re ka ohinọyị Idevidi aa nyẹzẹ di ee ji iriga ayị anị mee hine nị. Dị ịrẹyị Idevidi aa nyị ọ ịhyẹrẹ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.