1 Ịtọpa 12
12
Aza ene jintu saasa Idevidi ini Ezi Ịbẹnjamịnị
1Idevidi ộ ra ịzị aā hị́ Izikiragi. Ịzọọ o zwe na tẹ̀ agụvị ohinọyị Ịsọọrụ ozi Ikisi nị. Â nyị isoja ọkọọka ana na yà ịzọọ pe e. 2Isoja ẹnẹnị vị ana hụrẹ ovwoovu Ịbẹnjamịnị. Ẹnịnị vị anda Ịsọọrụ. Ẹnịnị ẹ zụ́ sị ụvọrị àa vị ụvọha ne ọpa ọnịrị ịrẹta. 3Â nyị ọnọrụ ana aā hị́ Ahiyẹza. Ọnị ọ vị ohirẹsụ ẹnịnị nị, dị ọnọrụ ana aā hị́ Ijowasi và tụra a nị. Ẹnị ẹyịva vị ezi Ịsẹmaa ana vị Anigibiya; Ẹnị ana vọ ẹ vị Ijeziyẹrị ọnịrị Ịpẹrẹtị ana vị ezi Azimaveti; Iberaka, ọnịrị Ijehu ana vi Anatọtị. 4Isimaya ana vị Anigibiyọnị; ộ nyị ụkata ẹtẹẹtẹrẹ ịnị ẹnị isoja ohurẹẹwụ ẹnẹẹ, dị ọ́ rẹ vị ọdọvịdị ẹnịnị nị. Ijeremaya, Ijahaziyẹrị, Ijohananị ọnịrị Ijozabadi ana vị Anịgẹdẹra. 5Eruzayi, Ijerimoti, Ibiyariya, Ịsẹmarịya, ọnịrị Ịsẹhwatịya ana vị Aniharuhwi. 6Ẹrịkana, Isihiya, Azarẹrị, Ijoweza, ọnịrị Ijahobiyami. Ẹnịnị vị Anikora. 7Ijowẹra ọnịrị Ịzẹbadịya, ezi Ijerohami ana vị Anịgẹdọ.
Anigadi ana saasa Idevidi
8Â nyị ẹnị isoja ohi-ohi ana yara kụ́ ịrẹkụ ẹtẹẹtẹrẹ ana hụụnị ovwoovu Igadi na yà pe Idevidi ịzị ọ tẹ̀ ịnị ụnọmị. Ọka ẹ vị ịnị ogonto ọnịrị ọha ọ̀ yị sị kụ ịrẹkụ nị. Eyirẹsụ ẹnịnị vị ana sị mẹẹ anka idu avọọ. Ẹnịnị ệ rẹ́ anka akọnọ ịrẹsụ ataba. 9Ezeri ọ vị ohirẹsụ ẹnịnị nị. Ọbadaya ọ vị ọgwọhụva anị nị, dị Eriyavị vị ọgwọhụta nị. 10Imisimana vị ọgwọhụna dị Ijeremaya vị ọgwọhụhị nị. 11Atayi vị ọgwọhụhịnọnyị, dị Eriyẹrị vị ọgwọhụhịmba nị. 12Ijohananị vị ọgwọhụhịnta, dị Erizabadi vị ọgwọhụhịịna nị. 13Ijeremaya ọ tụ́ ọ ẹẹwụ nị, dị Ịmakịbanayị ọ tụ́ ọ ẹwụrọnya nị. 14Avaba Anovwoovu Igadi ẹnẹnị vị ọdọvịdị ịnị isoja ẹnịnị. Ẹnị ẹnị udi anị ẹ̀ẹ yị vavọọ ka hịrẹ vị ana sị eyi pe isoja ẹchẹhị-ẹchẹhị, dị ẹnị ẹnị udi ẹnịnị sị ka hịrẹ si eyi pe isoja akahị-akahị nị. 15Aza ẹnẹnị ẹ jịnẹ okuha Ijodani ịnị ụhwẹ ịpaapa nị. Ụmẹ Ijodani o si hi, aa káa ha. Ẹnịnị ệ dụ aza ene hi inozi zi oze ọnị ọyịị̄ zị naa ngụ ẹtẹ.
Anịbẹnjamịnị ọnịrị Anijuda ana saasa Idevidi
16Â nyị aza ẹnyị hụụnị ovwoovu Ịbẹnjamịnị ọnịrị ovwoovu Ijuda ene ve tu Idevidi ịzị ọ na tẹ̀. 17Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị. 18Dị ụhwẹ Ohomorihi dọ Amazayị ana vị ohirẹsụ isoja ohurẹẹwụ ẹnẹẹ ayị nị. Dị ọ kà yị Idevidi ozi Ijeese ka, aanị ẹnị vị nị, ẹnị jẹẹ ịrẹma anị nị. Ẹngwọọrọ ọ vaa vị yọ nị, dị ọ vị ẹngwọọrọ yị aza ana àa gụ ọ ụvọ nị. Agụvị ka Ohomorihi aa gụ ọ ụvọ nị. Dị Idevidi dọ wa vaka ẹngụ dị ọ mẹ wa ọdọvịdị isoja anị nịnị nị.
Animanasẹ ana saasa Idevidi
19Aza ẹnyị ini ovwoovu Ịmanasẹ ê zwe và ka Idevidi na. Ụmẹ ọnọọ Idevidi saasa Anihwirisiti nịnị vẹ ịrẹkụ Ịsọọrụ nị. Ama Idevidi ẹ yị rẹ và kụ ịrẹkụ yị Anihwirisiti nịnị. Ọdọvịdị ẹnịnị e geyi dị ẹ ka Idevidi ọ̀ varẹma nị. Ẹ ka Idevidi ọ zụ́ vàka ọga anị na, dị ọ kụ ẹnị ahụ yọ. Agụvị avọọ, dị ẹ ka, ọ̀ varẹma ọọ nọ ịzị aā hị́ Izikiragi nị. 20Isoja Anịmanasẹ ẹnẹnị e zwe saasa Idevidi ọ mẹ̀ varẹma aa na nị: Adina, Ijozabadi, Ijediyayeri, Ịmayịkẹẹrị, Ijozabadi ọsa, Erihu, ọnịrị Iziretayị. Ẹ́ mẹ̀ yà Ịmanasẹ, ẹnịnị vị ana sị eyi pe isoja akahị-akahị. 21Idevidi ộ nyị wa mẹ ọdọvịdị isoja anị nịnị, agụvị ka ẹnịnị vị isoja ọkọọka. Ẹnịnị ệ vana yị vị ọdọvịdị isoja Anisirẹrị nịnị. 22Eyinị-eyinị aza ọwọọwa aa sị vaa ngụ ini isoja Idevidi nị. É yi kù dị isoja anị ta rụrụ tatarata.
Ịrẹha aza ene hi ini isoja Idevidi
23Ịrịka uche isoja ẹnẹnị ê vee tụ Idevidi Ihebirọnị nị. Ẹnịnị ệ gụ Idevidi ụvọ ka ọ̀ rị ohinọyị tụ́ udi Ịsọọrụ anka Ẹnẹyịmavara mẹ wo oto o yọ. 24Hụrẹ ovwoovu Ijuda: aza ẹnị akawụ-akawụ oze ẹẹta tụra akana (6,800). Ẹnịnị vị aza ana yara sị ogonto ọnịrị ọha kụ́ ịrẹkụ ẹtẹẹrẹ. 25Hụrẹ ovwoovu Isimiyọnị: aza ẹnị akawụ-akawụ oze ẹẹta tụra akahị rị ẹchẹhị. Ẹnịnị vị isoja ana yẹ eyirẹkụ ẹtẹẹrẹ (7,100). 26Hụụ ịdị Anireevi nịnị: aza ẹnị akawụ-akawụ oze ẹẹva tụra akata (4,600) 27Ijehoyada ana hụrẹ ovwoovu Eerọnị ọnịrị ezirẹma anị vị ẹnị akawụ rị akahị tụra akatarẹchẹhị (3,700). 28Ozwọọmụha ọnya ana yara kụ ịrẹkụ ẹtẹẹrẹ. Ịrẹha anị ọ rị Ịzadọkị nị. Ọnịrị ọdọvịdị isoja ohurẹẹva hụrị eehi ada anị ẹ yà ini isoja Idevidi nị. 29Anda Ịsọọrụ hụrẹ ovwoovu Ịbẹnjamịnị vị ẹnị akawụ rị akahị (3,000). Anịbẹnjamịnị ọrụrụ-ọrụrụ vị ana yị vị aza Ịsọọrụ. 30Hụrẹ ovwoovu Ehwireemi: Aza ẹnị akawụ-akawụ oze ẹẹwụ tụra akana (20,800). Avaba ẹnịnị vị aza ọkọọka ịnị ịrẹkụ, dị eyi yẹ wa ini ovwoovu ẹnịnị nị. 31Hụụ ịdị achẹva ezi Ịmanasẹ: Aza ẹnị akawụ-akawụ oze ịhịịna. Avaba ẹnịnị vị ana a hị́ ka ẹ̀ va sị Idevidi rị ohinọyị. 32Hụụ ịdị ezi Iisaka: Aza ohi-ohi ịrẹka (200), beri avaba anda ẹnịnị ana a kụ́ chire wa ụvọ. Ezi Iisaka vị aza ana yẹ ụmẹ, dị ẹ yẹ ịsị a vọrọ ka Anisirẹrị nịnị ẹ̀ mẹ. 33Hụụ ịdị Anizeburuni nịnị: Aza ẹnị akawụ-akawụ oze ohurẹẹhị (50,000). Ẹnịnị vị akoyina aza. Ệ nyị avaba ẹnya ịrẹkụ ẹnẹ ẹ kụ ọ̀yị sị ayị ọnya gụ Idevidi ụvọ. 34Aza ana hụrẹ ovwoovu Inahwitari vị ẹnị ọdọvịdị isoja, ẹchẹhị beri aza ẹnị akawụ-akawụ oze ẹwụrịhịnta tụra akahị (37,000) Avaba ẹnịnị vị ana za ogonto ọnịrị ọha. 35Aza ana hụụ ịdị Ezi Ịdaanị vị ẹnị akawụ-akawụ oze ẹwụrẹna (28,000). Avaba ẹnịnị vị ene tenyi ẹngụ ịrẹkụ. 36Aza ana hụrẹ ovwoovu Aseri vị ẹnị akawụ-akawụ oze oohu (40,000). Avaba ẹnịnị vị isoja akoyina-akoyina ene tenyi ẹngụ ịrẹkụ. 37Aza ana hụụ idi ezi Irubẹnị, ọnịrị ezi Igadi beri achẹva Anịmanasẹ ene hi akẹnẹ Okuha Ijodani eyi ọsọọ vị ẹnị akawụ-akawụ oze ẹbẹẹta. Avaba ẹnịnị vị ana za ẹnya ịrẹkụ obooro. 38Avaba aza ana maanị tenyi ẹngụ ịrẹkụ aanị ệ vẹ Ihebirọnị ka ẹnị ẹ̀ va sị Idevidi rị ohinọyị avaba Anisirẹrị. Avọọ gẹdẹ-gẹdẹ avaba Anisirẹrị ana vọ mẹ̀ sị ayị ọnya sị ọ ka, ẹnị aà sị Idevidi rị ohinọyị nị. 39Ẹnịnị ệ yà ịzọọ pe Idevidi mẹ ẹkụhị ẹẹta. Dị ẹyaa rị dị eyee hú nị, agụvị ka anda ẹnịnị ệ mẹ̀ ịsa tẹ wa. 40Ọnọhụva ẹnịnị hụụ idi ezi Iisaka ọnịrị Anizeburuni, hùuu na ngụ idi ezi Inahwitari ệ kụ ịsọyịrị vẹ. Ẹnịnị vị ana kụ ịsa ẹnẹẹ tụra ịkẹrịkẹtẹ, ọnịrị ịnyaakụmị beri ezi ụnọ ọnịrị tụra ụnọ ana ta hụ. Ịsọyịrị irenyi-irenyi vị ẹnẹ ẹ kụ́ vẹ hyọvọ-hyọvọ. Ệ kụ́ eche ọnịrị angwẹ beri ụnọ ọnịrị atẹmẹ nịnị vẹ agụvị ka ayị avaba Anisirẹrị ee hine.
Currently Selected:
1 Ịtọpa 12: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịtọpa 12
12
Aza ene jintu saasa Idevidi ini Ezi Ịbẹnjamịnị
1Idevidi ộ ra ịzị aā hị́ Izikiragi. Ịzọọ o zwe na tẹ̀ agụvị ohinọyị Ịsọọrụ ozi Ikisi nị. Â nyị isoja ọkọọka ana na yà ịzọọ pe e. 2Isoja ẹnẹnị vị ana hụrẹ ovwoovu Ịbẹnjamịnị. Ẹnịnị vị anda Ịsọọrụ. Ẹnịnị ẹ zụ́ sị ụvọrị àa vị ụvọha ne ọpa ọnịrị ịrẹta. 3Â nyị ọnọrụ ana aā hị́ Ahiyẹza. Ọnị ọ vị ohirẹsụ ẹnịnị nị, dị ọnọrụ ana aā hị́ Ijowasi và tụra a nị. Ẹnị ẹyịva vị ezi Ịsẹmaa ana vị Anigibiya; Ẹnị ana vọ ẹ vị Ijeziyẹrị ọnịrị Ịpẹrẹtị ana vị ezi Azimaveti; Iberaka, ọnịrị Ijehu ana vi Anatọtị. 4Isimaya ana vị Anigibiyọnị; ộ nyị ụkata ẹtẹẹtẹrẹ ịnị ẹnị isoja ohurẹẹwụ ẹnẹẹ, dị ọ́ rẹ vị ọdọvịdị ẹnịnị nị. Ijeremaya, Ijahaziyẹrị, Ijohananị ọnịrị Ijozabadi ana vị Anịgẹdẹra. 5Eruzayi, Ijerimoti, Ibiyariya, Ịsẹmarịya, ọnịrị Ịsẹhwatịya ana vị Aniharuhwi. 6Ẹrịkana, Isihiya, Azarẹrị, Ijoweza, ọnịrị Ijahobiyami. Ẹnịnị vị Anikora. 7Ijowẹra ọnịrị Ịzẹbadịya, ezi Ijerohami ana vị Anịgẹdọ.
Anigadi ana saasa Idevidi
8Â nyị ẹnị isoja ohi-ohi ana yara kụ́ ịrẹkụ ẹtẹẹtẹrẹ ana hụụnị ovwoovu Igadi na yà pe Idevidi ịzị ọ tẹ̀ ịnị ụnọmị. Ọka ẹ vị ịnị ogonto ọnịrị ọha ọ̀ yị sị kụ ịrẹkụ nị. Eyirẹsụ ẹnịnị vị ana sị mẹẹ anka idu avọọ. Ẹnịnị ệ rẹ́ anka akọnọ ịrẹsụ ataba. 9Ezeri ọ vị ohirẹsụ ẹnịnị nị. Ọbadaya ọ vị ọgwọhụva anị nị, dị Eriyavị vị ọgwọhụta nị. 10Imisimana vị ọgwọhụna dị Ijeremaya vị ọgwọhụhị nị. 11Atayi vị ọgwọhụhịnọnyị, dị Eriyẹrị vị ọgwọhụhịmba nị. 12Ijohananị vị ọgwọhụhịnta, dị Erizabadi vị ọgwọhụhịịna nị. 13Ijeremaya ọ tụ́ ọ ẹẹwụ nị, dị Ịmakịbanayị ọ tụ́ ọ ẹwụrọnya nị. 14Avaba Anovwoovu Igadi ẹnẹnị vị ọdọvịdị ịnị isoja ẹnịnị. Ẹnị ẹnị udi anị ẹ̀ẹ yị vavọọ ka hịrẹ vị ana sị eyi pe isoja ẹchẹhị-ẹchẹhị, dị ẹnị ẹnị udi ẹnịnị sị ka hịrẹ si eyi pe isoja akahị-akahị nị. 15Aza ẹnẹnị ẹ jịnẹ okuha Ijodani ịnị ụhwẹ ịpaapa nị. Ụmẹ Ijodani o si hi, aa káa ha. Ẹnịnị ệ dụ aza ene hi inozi zi oze ọnị ọyịị̄ zị naa ngụ ẹtẹ.
Anịbẹnjamịnị ọnịrị Anijuda ana saasa Idevidi
16Â nyị aza ẹnyị hụụnị ovwoovu Ịbẹnjamịnị ọnịrị ovwoovu Ijuda ene ve tu Idevidi ịzị ọ na tẹ̀. 17Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị. 18Dị ụhwẹ Ohomorihi dọ Amazayị ana vị ohirẹsụ isoja ohurẹẹwụ ẹnẹẹ ayị nị. Dị ọ kà yị Idevidi ozi Ijeese ka, aanị ẹnị vị nị, ẹnị jẹẹ ịrẹma anị nị. Ẹngwọọrọ ọ vaa vị yọ nị, dị ọ vị ẹngwọọrọ yị aza ana àa gụ ọ ụvọ nị. Agụvị ka Ohomorihi aa gụ ọ ụvọ nị. Dị Idevidi dọ wa vaka ẹngụ dị ọ mẹ wa ọdọvịdị isoja anị nịnị nị.
Animanasẹ ana saasa Idevidi
19Aza ẹnyị ini ovwoovu Ịmanasẹ ê zwe và ka Idevidi na. Ụmẹ ọnọọ Idevidi saasa Anihwirisiti nịnị vẹ ịrẹkụ Ịsọọrụ nị. Ama Idevidi ẹ yị rẹ và kụ ịrẹkụ yị Anihwirisiti nịnị. Ọdọvịdị ẹnịnị e geyi dị ẹ ka Idevidi ọ̀ varẹma nị. Ẹ ka Idevidi ọ zụ́ vàka ọga anị na, dị ọ kụ ẹnị ahụ yọ. Agụvị avọọ, dị ẹ ka, ọ̀ varẹma ọọ nọ ịzị aā hị́ Izikiragi nị. 20Isoja Anịmanasẹ ẹnẹnị e zwe saasa Idevidi ọ mẹ̀ varẹma aa na nị: Adina, Ijozabadi, Ijediyayeri, Ịmayịkẹẹrị, Ijozabadi ọsa, Erihu, ọnịrị Iziretayị. Ẹ́ mẹ̀ yà Ịmanasẹ, ẹnịnị vị ana sị eyi pe isoja akahị-akahị. 21Idevidi ộ nyị wa mẹ ọdọvịdị isoja anị nịnị, agụvị ka ẹnịnị vị isoja ọkọọka. Ẹnịnị ệ vana yị vị ọdọvịdị isoja Anisirẹrị nịnị. 22Eyinị-eyinị aza ọwọọwa aa sị vaa ngụ ini isoja Idevidi nị. É yi kù dị isoja anị ta rụrụ tatarata.
Ịrẹha aza ene hi ini isoja Idevidi
23Ịrịka uche isoja ẹnẹnị ê vee tụ Idevidi Ihebirọnị nị. Ẹnịnị ệ gụ Idevidi ụvọ ka ọ̀ rị ohinọyị tụ́ udi Ịsọọrụ anka Ẹnẹyịmavara mẹ wo oto o yọ. 24Hụrẹ ovwoovu Ijuda: aza ẹnị akawụ-akawụ oze ẹẹta tụra akana (6,800). Ẹnịnị vị aza ana yara sị ogonto ọnịrị ọha kụ́ ịrẹkụ ẹtẹẹrẹ. 25Hụrẹ ovwoovu Isimiyọnị: aza ẹnị akawụ-akawụ oze ẹẹta tụra akahị rị ẹchẹhị. Ẹnịnị vị isoja ana yẹ eyirẹkụ ẹtẹẹrẹ (7,100). 26Hụụ ịdị Anireevi nịnị: aza ẹnị akawụ-akawụ oze ẹẹva tụra akata (4,600) 27Ijehoyada ana hụrẹ ovwoovu Eerọnị ọnịrị ezirẹma anị vị ẹnị akawụ rị akahị tụra akatarẹchẹhị (3,700). 28Ozwọọmụha ọnya ana yara kụ ịrẹkụ ẹtẹẹrẹ. Ịrẹha anị ọ rị Ịzadọkị nị. Ọnịrị ọdọvịdị isoja ohurẹẹva hụrị eehi ada anị ẹ yà ini isoja Idevidi nị. 29Anda Ịsọọrụ hụrẹ ovwoovu Ịbẹnjamịnị vị ẹnị akawụ rị akahị (3,000). Anịbẹnjamịnị ọrụrụ-ọrụrụ vị ana yị vị aza Ịsọọrụ. 30Hụrẹ ovwoovu Ehwireemi: Aza ẹnị akawụ-akawụ oze ẹẹwụ tụra akana (20,800). Avaba ẹnịnị vị aza ọkọọka ịnị ịrẹkụ, dị eyi yẹ wa ini ovwoovu ẹnịnị nị. 31Hụụ ịdị achẹva ezi Ịmanasẹ: Aza ẹnị akawụ-akawụ oze ịhịịna. Avaba ẹnịnị vị ana a hị́ ka ẹ̀ va sị Idevidi rị ohinọyị. 32Hụụ ịdị ezi Iisaka: Aza ohi-ohi ịrẹka (200), beri avaba anda ẹnịnị ana a kụ́ chire wa ụvọ. Ezi Iisaka vị aza ana yẹ ụmẹ, dị ẹ yẹ ịsị a vọrọ ka Anisirẹrị nịnị ẹ̀ mẹ. 33Hụụ ịdị Anizeburuni nịnị: Aza ẹnị akawụ-akawụ oze ohurẹẹhị (50,000). Ẹnịnị vị akoyina aza. Ệ nyị avaba ẹnya ịrẹkụ ẹnẹ ẹ kụ ọ̀yị sị ayị ọnya gụ Idevidi ụvọ. 34Aza ana hụrẹ ovwoovu Inahwitari vị ẹnị ọdọvịdị isoja, ẹchẹhị beri aza ẹnị akawụ-akawụ oze ẹwụrịhịnta tụra akahị (37,000) Avaba ẹnịnị vị ana za ogonto ọnịrị ọha. 35Aza ana hụụ ịdị Ezi Ịdaanị vị ẹnị akawụ-akawụ oze ẹwụrẹna (28,000). Avaba ẹnịnị vị ene tenyi ẹngụ ịrẹkụ. 36Aza ana hụrẹ ovwoovu Aseri vị ẹnị akawụ-akawụ oze oohu (40,000). Avaba ẹnịnị vị isoja akoyina-akoyina ene tenyi ẹngụ ịrẹkụ. 37Aza ana hụụ idi ezi Irubẹnị, ọnịrị ezi Igadi beri achẹva Anịmanasẹ ene hi akẹnẹ Okuha Ijodani eyi ọsọọ vị ẹnị akawụ-akawụ oze ẹbẹẹta. Avaba ẹnịnị vị ana za ẹnya ịrẹkụ obooro. 38Avaba aza ana maanị tenyi ẹngụ ịrẹkụ aanị ệ vẹ Ihebirọnị ka ẹnị ẹ̀ va sị Idevidi rị ohinọyị avaba Anisirẹrị. Avọọ gẹdẹ-gẹdẹ avaba Anisirẹrị ana vọ mẹ̀ sị ayị ọnya sị ọ ka, ẹnị aà sị Idevidi rị ohinọyị nị. 39Ẹnịnị ệ yà ịzọọ pe Idevidi mẹ ẹkụhị ẹẹta. Dị ẹyaa rị dị eyee hú nị, agụvị ka anda ẹnịnị ệ mẹ̀ ịsa tẹ wa. 40Ọnọhụva ẹnịnị hụụ idi ezi Iisaka ọnịrị Anizeburuni, hùuu na ngụ idi ezi Inahwitari ệ kụ ịsọyịrị vẹ. Ẹnịnị vị ana kụ ịsa ẹnẹẹ tụra ịkẹrịkẹtẹ, ọnịrị ịnyaakụmị beri ezi ụnọ ọnịrị tụra ụnọ ana ta hụ. Ịsọyịrị irenyi-irenyi vị ẹnẹ ẹ kụ́ vẹ hyọvọ-hyọvọ. Ệ kụ́ eche ọnịrị angwẹ beri ụnọ ọnịrị atẹmẹ nịnị vẹ agụvị ka ayị avaba Anisirẹrị ee hine.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.