ÁLUKA 36
36
Ajɛ kú anyā o lɛ ɔbá
1Aótrɛ̄yí kú ipɔ́ɔma kú Ugílɛ̄di, ɔyí kú Umákīru, ɔyí nɔ̄nyākwɔ́cɛ kú Umanásɛ, ɔyí kú ɔyí kú Ujóɛ̄fu ā, le tá ɛgiyí Umósīsi mɛ́mla aótrɛ̄yí kú Ísrɛ̄lu gaá kahíníī, 2#Áluk 27.7“Óndú ā ka aá kóō lɛ ajɛ ā kɔ̄ lɛ ācɛ kú Ísrɛ̄lu bū ūlī ō tá. Ó kē da aá dúú, ka aá kóō kwú ukpɛ̄ kú ajɛ kú ɔmáapú alɔ Usɛlofɛ́hādi ā ú lɛ ayí nū nɔ̄nyā 3Amáŋ, ɔ́dāŋ ka é lɛ ɔbá lɛ ŋmá ipɔ́ɔma ɔhá, ajɛ kú uwā ā í je pīya ákú ipɔ́ɔma ɔ́ɔmā, cɛ́ɛ́ ukpɛ̄ kú ajɛ kú alɔ kwú cē nyɛ́. 4Cɛ́ɛ́ ipú iháyí kú ajɛ o je kwúcē lɛ óndú nū, eko nēé géē je odúúdú ajɛ nēé je lá ā cīgbihi lɛ aóndú uwā ā, ajɛ kú ayínɔ̄nyā kú Usɛlofɛ́hādi ā í je pīya ákú ipɔ́ɔma nēé lɛ ɔbá nyɔ̄ ā. Cɛ́ɛ́ ufu lɛ ipɔ́ɔma kú alɔ cɛ̄.”
5Anɔ́ɔ Umósīsi le íne nyā je lɛ ācɛ kú Ísrɛ̄lu ŋmá ɛgiyí Óndú ā kahíníī, “Ɛlā nɛ̄ ipɔ́ɔma kú Umanásɛ ka ā wɛ ɔkwɛ̄yi. 6Anɔ́ɔ Óndú ā ka ayí nɔ̄nyā kú Usɛlofɛ́hādi ā géē lɛ ɔbá dóódu nōo he uwá ɔtū. Amáŋ, ɔbá ā géē ŋmá ipɔ́ɔma kú uwā. 7Ajɛ kú ɔ̄cɛ Ísrɛ̄lu dóódu géē yɔ̄ lɛ ipɔ́ɔma kú nū. 8Ɔ̄cɛnyā dóódu nōo le úgwū agbénú kú ajɛ lé ŋmá ipɔ́ɔma éyi kú Ísrɛ̄lu, géē lɛ ɔbá ŋmá ipɔ́ɔma kú Ísrɛ̄lu ɔ́ɔmā piíí. Cɛ́ɛ́ ɔwɛ nyā, odúúdú ācɛ géē lé úgwū kú agbénú kú ajɛ kú aádáádā uwā. 9Ajɛ ā í gáā ŋmá abɔ̄ kú ipɔ́ɔma éyi ga ipɔ́ɔma ɔhá ŋ́. Ipɔ́ɔma éyééye géē yɔ̄ ī lúgwū kú agbénū kú iyī nū.”
10Anɔ́ɔ ayínɔ̄nya kú Usɛlofɛ́hādi le yá ɛ́gɛ́nɛ̄ Umósīsi ka lɛ ā. 11Anɔ́ɔ Umála, Utirísa, Uhɔ́gla, Umílika, mɛ́mla Unówa, lɛ ɔbá lɛ ŋmá ipɔ́ɔma kú ádā uwā ā. 12É lɛ ɔbá ŋmá ipɔ́ɔma kú aádáádā uwā Umanásɛ, ɔyí kú Ujósɛ̄fu, anɔ́ɔ ajɛ kú uwā yɔ̄ ipɔ́ɔma kú ádā uwā kpɔ́ á. 13Aɛ́nyā wɛ íne nɛ̄ Óndú ā je lɛ Umósīsi kóō je lɛ ācɛ kú Ísrɛ̄lu, ipú ɔpɛ kú Umówābu, okónu ísu kú Ujɔ́dan, nōo gbɔɔ́ ŋmá Ujɛ́rīko ā á.
Currently Selected:
ÁLUKA 36: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 36
36
Ajɛ kú anyā o lɛ ɔbá
1Aótrɛ̄yí kú ipɔ́ɔma kú Ugílɛ̄di, ɔyí kú Umákīru, ɔyí nɔ̄nyākwɔ́cɛ kú Umanásɛ, ɔyí kú ɔyí kú Ujóɛ̄fu ā, le tá ɛgiyí Umósīsi mɛ́mla aótrɛ̄yí kú Ísrɛ̄lu gaá kahíníī, 2#Áluk 27.7“Óndú ā ka aá kóō lɛ ajɛ ā kɔ̄ lɛ ācɛ kú Ísrɛ̄lu bū ūlī ō tá. Ó kē da aá dúú, ka aá kóō kwú ukpɛ̄ kú ajɛ kú ɔmáapú alɔ Usɛlofɛ́hādi ā ú lɛ ayí nū nɔ̄nyā 3Amáŋ, ɔ́dāŋ ka é lɛ ɔbá lɛ ŋmá ipɔ́ɔma ɔhá, ajɛ kú uwā ā í je pīya ákú ipɔ́ɔma ɔ́ɔmā, cɛ́ɛ́ ukpɛ̄ kú ajɛ kú alɔ kwú cē nyɛ́. 4Cɛ́ɛ́ ipú iháyí kú ajɛ o je kwúcē lɛ óndú nū, eko nēé géē je odúúdú ajɛ nēé je lá ā cīgbihi lɛ aóndú uwā ā, ajɛ kú ayínɔ̄nyā kú Usɛlofɛ́hādi ā í je pīya ákú ipɔ́ɔma nēé lɛ ɔbá nyɔ̄ ā. Cɛ́ɛ́ ufu lɛ ipɔ́ɔma kú alɔ cɛ̄.”
5Anɔ́ɔ Umósīsi le íne nyā je lɛ ācɛ kú Ísrɛ̄lu ŋmá ɛgiyí Óndú ā kahíníī, “Ɛlā nɛ̄ ipɔ́ɔma kú Umanásɛ ka ā wɛ ɔkwɛ̄yi. 6Anɔ́ɔ Óndú ā ka ayí nɔ̄nyā kú Usɛlofɛ́hādi ā géē lɛ ɔbá dóódu nōo he uwá ɔtū. Amáŋ, ɔbá ā géē ŋmá ipɔ́ɔma kú uwā. 7Ajɛ kú ɔ̄cɛ Ísrɛ̄lu dóódu géē yɔ̄ lɛ ipɔ́ɔma kú nū. 8Ɔ̄cɛnyā dóódu nōo le úgwū agbénú kú ajɛ lé ŋmá ipɔ́ɔma éyi kú Ísrɛ̄lu, géē lɛ ɔbá ŋmá ipɔ́ɔma kú Ísrɛ̄lu ɔ́ɔmā piíí. Cɛ́ɛ́ ɔwɛ nyā, odúúdú ācɛ géē lé úgwū kú agbénú kú ajɛ kú aádáádā uwā. 9Ajɛ ā í gáā ŋmá abɔ̄ kú ipɔ́ɔma éyi ga ipɔ́ɔma ɔhá ŋ́. Ipɔ́ɔma éyééye géē yɔ̄ ī lúgwū kú agbénū kú iyī nū.”
10Anɔ́ɔ ayínɔ̄nya kú Usɛlofɛ́hādi le yá ɛ́gɛ́nɛ̄ Umósīsi ka lɛ ā. 11Anɔ́ɔ Umála, Utirísa, Uhɔ́gla, Umílika, mɛ́mla Unówa, lɛ ɔbá lɛ ŋmá ipɔ́ɔma kú ádā uwā ā. 12É lɛ ɔbá ŋmá ipɔ́ɔma kú aádáádā uwā Umanásɛ, ɔyí kú Ujósɛ̄fu, anɔ́ɔ ajɛ kú uwā yɔ̄ ipɔ́ɔma kú ádā uwā kpɔ́ á. 13Aɛ́nyā wɛ íne nɛ̄ Óndú ā je lɛ Umósīsi kóō je lɛ ācɛ kú Ísrɛ̄lu, ipú ɔpɛ kú Umówābu, okónu ísu kú Ujɔ́dan, nōo gbɔɔ́ ŋmá Ujɛ́rīko ā á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma