ÁLUKA 32
32
Ipɔ́ɔma kú ɛnɔ̄ɔ̄cī kú Ujɔ́dan ā
(Obla 3.12-22)
1Aipɔ́ɔma kú Urúbɛ̄n mɛ́mla Ugádi lɛ aɛ́bɛ́ ɔlɛ́ alɛwa nɛ̄hi. Eko nēé le má ka ajɛ kú Ujása mɛ́mla Ugílɛ̄d ɔ́ɔ wɛ ajɛ olɔhi lɛ ɛna ā, 2é le tá ɛgiyí Umósīsi mɛ́mla Ɛlísa ɔ̄cogwɛ́ɛya ā mɛ́mla anyākwɔ́cɛ ɔhá kú Ísrɛ̄lu, gaá da uwá kahíníī, 3“Ajɛ kú Atárɔ̄tu, Udíbɔn, Ujása, Unimára, Uhɛ́sbɔn, Ɛlíyāle, Usébam, Unɛ́bo, mɛ́mla Ubéyɔ̄n, 4nɛ̄ Óndú ā cɛ̄ lɛ ācɛ kú Ísrɛ̄lu mīyɛ ā, ɔ́ɔ wɛ ajɛ olɔhi lɛ ɛna, ācocɛ̄hɔ̄ kú uwɔ kē lɛ ɛna nɛ̄hi. 5Ɔ́dāŋ ka aá cɛ̄, aá kóocōō kú aá kwú ajɛ kú aígelī nēe bá ā ú lɛ alɔ, cɛ́ɛ́ kú ālɔ̄ ga ogbēé ɔhá kú ísu kú Ujɔ́dan ā gɛ ŋ́.”
6Amáŋ Umósīsi tá uwā ohi kahíníī, “Aá géē lā amānyā, kú ayínɛ́ aá o hile kéē ga ɔgbɛ́fú ōfōōfū uwā kɛ̄ɛ? 7Ɔdíyá nɛ̄ aá cɛ̄ lɛ ɔtū kú ācɛ ɔlɛ́ aá gē gbenyi cɛ́ɛ́ kéē híī bēhé ísu kú Ujɔ́dan ga ipú ajɛ nɛ̄ Óndú ā kwú lɛ uwá ɛɛ́ mā ā? 8#Áluk 13.17-33Ɛ́gɛ́nyā nɛ̄ aádā aá yá eko nɛ̄ n tū uwā ɛhɔ̄ ŋmá Ukádɛssi Ubánīya nyɔ̄ í jila ajɛ ā á. 9É le yɛ í lɛ ajɛ ā má jāā ga ɔpɛ́ kú Éssikɔ̄lu, amɛ́ŋ é le ācɛ ā ɔtū pīyeyī ŋmá ō nyɔ̄ ga ipú ajɛ nɛ̄ Óndú ā je lɛ uwá ā. 10#Áluk 14.26-35Óndú ā le cɔ̄nū ɛ̄cí ɔ́ɔmā kahíníī, 11“Abɔ̄ uwá í lɛyítáajɛ gā um ŋ́ mā, odóódu kú uwā nēe wɛ iháyí ofu gɔbū, nēe bɛ̄cɛ ŋmá Íjīpiti ā, í gáā ga ipú ajɛ ā ŋ́, 12ayíka Ukálɛ̄bu, ɔyí kú Ujɛ́fūnɛ, ɔ̄cɛ Ukéniti ā, mɛ́mla Ujóssuwa, ɔyí kú Unɔ́n, nēe gē lɛyítáajɛ lɛ Óndú ā ōfōōfū uwā. 13Óndú ā le cɔ̄nū mla ācɛ ā, anɔ́ɔ ó cɛ̄ lɛ uwá móōwe ipú ígbíli iháyí ofɛpa jāā gbéeko nɛ̄ ācɛ nēé lɛyítáajɛ lɛ ɔ́ ŋ́ mā, le pɛ́ gekwú. 14Abālɔbányā, aá mīyɛ ɔkwu aádā aá ɛɛ́, ipɔ́ɔma kú ācɛ nēe dɔɔ̄ka kú Óndú ā kóō klla cɔ̄nū mla ācɛ kú Ísrɛ̄lu ā. 15ɔ́dāŋ ka aá, Urúbɛ̄n mɛ́mla Ugádi, tá kóō yɛce Óndú ā abālɔbányā, ó géē mā ācɛ kú Ísrɛ̄lu tá ipú ígbíli, é géē je kpó yíífi. Ífi kú Ísrɛ̄lu ā kē í ce aá ɛyí.”
16É le pɛ́ tá ɛgiyí Umósīsi, anɔ́ɔ é da ɔ́ kahíníī, “Alɔ tíne ō lɛ inu kpó gwó lɛ aɛ́na, aɛ́wū mɛ́mla aálá kú alɔ. Ká ālɔ̄ klla lɛ aígelī nɛ̄hi ō lɛ ɔdɔ olɔfú kpó gwó lɛ anyā mɛ́mla ayí alɔ gbɔbū ɛ́. 17Alɔ í ga ɔgbɛ́fú mla ācɛ kú Ísrɛ̄lu o hile klla í gbɔbū ɛfú ā jāā gbéeko nɛ̄ alɔ lɛ uwá kpó wā í lā ajɛ nōo wɛ ákú uwā ā. Abālɔbányā ā, aíkonó kú alɔ lɔfú lā amānyā, aígelī nɛ̄hi nēé lɛ igá cē tū ūwā nyā, cɛ́ɛ́ ē bá abɔ́ɔ ŋmá ɛgiyí aólɛlā kú alɔ. 18Alɔ í gáā pīyɛyí wā ɔlɛ́ alɔ ŋ́ jāā gbéeko nɛ̄ ācɛ kú Ísrɛ̄lu o hile ā mīyɛ ajɛ nōo wɛ ákú uwā ā. 19Alɔ í klla gáā lɛ ajɛ ɔhá dúúmā mla uwá ogbeé kú Ujɔ́dan ā gɛ ŋ́, ohígbū ka alɔ lɛ ukpɛ̄ kú alɔ lɛ amānyā ɛɛ́.”
20Anɔ́ɔ Umósīsi tá uwā ohi kahíníī, “Ɔ́dāŋ ka aá cɛ̄ ka ɛlā nɛ̄ aá ka wɛ ɔkwɛ̄yi, ó lɛ ā, aá le tútū kú aá gbɔɔ́ ō nyɔ̄ ipéyī Óndú ā ŋmá amānyā. 21Odúúdú ācɛ okpɛ́fú kú aá ā, kéē bēhé ga ogbeé kú Ujɔ́dan, Óndú ā géē wɛ ogbénjūwā kú uwā á. Ó í kpó ɔfú kwu aólɛlā kú alɔ klla í nuunu tá uwā jāā gbéeko nɛ̄ ó lɛ uwá yálé lɛ aá. 22nɛ̄ aá mīyɛ ajɛ ā, ɛ́ɛ́ kú aá géē pīyɛyí. Ohígbū ka eko nyā aá géē lɛ úklɔ́ kú aá yá lɛ Óndó ā mɛ́mla ācɛ kú Ísrɛ̄lu ɔ́mpa aá ɛɛ́. Cɛ́ɛ́ Óndú ā í jé ka ajɛ kú ɛnɔ̄ɔ̄cī kú ísu kú Ujɔ́dan ā, ɔ́ɔ wɛ ákú aá. 23Amáŋ, ɔ́dāŋ ka aá yá okónu nɛ̄ aá ce ā jīla ŋ́, ó wɛ íne kú Óndú ā nɛ̄ aá bīya á. Aá le jé ka ɔkwu kú íne nɛ̄ aá bīya ā í wɛ̄ɛcɛ, é kē í yá aá italā ohígbū nū. 24Aá gwó aígelī nɛ̄hi mɛ́mla igá o kpó aálá kú aá tū ɔ̄ mɛ́ɛ́nɛ, amáŋ, aá lɛ ɔdā nɛ̄ aá cokónu nū ā yá jīla.”
25Ācɛ kú ipɔ́ɔma kú Urúbɛ̄n mɛ́mla Ugádi ā tóohi kahíníī, “Alɔ géē yá ɛ́gɛ́nɛ̄ a ka lɛ ā. 26Anyā, ayí, aɛ́na mɛ́mla aálá kú alɔ géē bá ipú aígelī nɛ̄hi kú Ugílɛ̄di amānyā. 27Amáŋ odúúdú alɔ le tútū ō ga ɔgbɛ́fú nɛ̄ Óndú ā gbɔbū ā. Alɔ géē bēé ísu kú Ujɔ́dan, í kpɛ́fú ɛ́gɛ́nɛ̄ a ka lɛ ā.”
Āyā éyi kú ipɔ́ɔma kú Umanásɛ lā Ugílɛ̄di
28 #
Ujós 1.12-15
Anɔ́ɔ Umósīsi da Ɛlísa, mɛ́mla Ujóssuwa mɛ́mla aótrɛ̄yí ɔhá kú Ísrɛ̄lu ā kahíníī, 29Ɔ́dāŋ ka ācɛ ipɔ́ɔma kú Urúbɛ̄n mɛ́mla Ugádi le bēhé ísu kú Ujɔ́dan ā gaá kpɛ́fú nɛ̄ Óndú ā gbɔbū nū ā, nɛ̄ aá lɔfú mīyɛ ajɛ ā, ó lɛ ā aá kwú ajɛ kú Ugílɛ̄di ā ú lɛ uwá kóō wɛ ákú uwā. 30Amáŋ, ɔ́dāŋ ka é bēhé ísu kú Ujɔ́dan nyɔ̄ í kpɛ́fú mla aá glá ŋ́, é géē lɛ ukpɛ̄ kú ajɛ kú Ukénan ɛ́gɛ́nɛ̄ aá géē lɛ ā.” 31Ācɛ ipɔ́ɔma kú Urúbɛ̄n mɛ́mla Ugádi ā tóohi kahíníī, “Alɔ géē yá ɛ́gɛ́nɛ̄ Óndú ā ka lɛ ā. 32Alɔ géē bēhé ga ipú ajɛ kú Ukénan gaá kpɛ́fú, cɛ́ɛ́ kú ālɔ̄ lɛ ukpɛ̄ kú agbénú kú alɔ lɛ ɛnɔ̄ɔ̄cī kú Ujɔ́dan amanyā, abɔ̄ Óndú ā ī gbɔbū ɛfú lɛ alɔ ā.”
33Anɔ́ɔ Umósīsi kwú ajɛ ā ú lɛ ipɔ́ɔma kú Ugádi mɛ́mla Urúbɛ̄n mɛ́mla āyā éyi kú ipɔ́ɔma kú Umanásɛ, odúúdu ajɛ kú ɔcɛ́ kú Usíhɔn, ɔcɛ́ kú Ámɔn ā, mɛ́mla ajɛ kú Ógu ɔcɛ́ kú Ubássan, jāā kwu ajɛ kú aéwo dóódu mɛ́mla aígelī nɛ̄hi nēe yɛ uwá jīla tá ā. 34Ipɔ́ɔma kú Ugádi lɛ aígelī nɛ̄hi nēé hɛ́ igá olɔfú tū uwā kú Udíbɔn, Atárɔ̄tu mɛ́mla Árōwɛ, 35Atarɔ́tússófán, Ujasa, Ujɔgbéha, 36Ubɛ́ti-nímra, mɛ́mla Ubɛ́tihára ā tú gwó igbɔhá. 37Ipɔ́ɔma kú Urúbɛ̄n ā kē le Uhɛ́ssbɔn, Ɛlíle, Ukɛnyatéyim, 38Unɛ́bɔ, Ubáali-mēyon, mɛ́mla Usíbma tú gwó igbɔhá. É kwú iyē ɛ̄yīpɛ̄ í kpó ce aígelī nɛ̄hi nɛ̄é kpó tú gwó nēe bá nyā a.
39Ipɔ́ɔma kú Umakíyɛ ɔyí kú Umanásɛ gaá le ajɛ kú Ugílɛ̄di ā mīyɛ tū abɔ̄, le ācɛ kú Ámɔn nēe lā anú ā kpó nū bɛ̄ɛcɛ. 40Umósīsi kwú ajɛ ɔ́ɔmā ú lɛ ipɔ́ɔma kú Umanásɛ, anɔ́ɔ é má lā anú á. 41Ujíyɛ, ipɔ́ɔma kú Umanasɛ éyi klla nyɔ̄ í lɛ ɛfú kpó tú aígelī nɛ̄hi ōhī klla mīyɛ uwá, kwú iyē ɛ̄yīpɛ̄ í kpó ce uwá ka aígelī nɛ̄hi kú Ujíyɛ.” 42Unɔ́ba le ɛfú kpó tá ācɛ ɔlɛ́ kú Ukénāti, mɛ́mla aígelī nɛ̄hi kú uwā klla mīyɛ aígelī nɛ̄hi ā. Anɔ́ɔ ó kwú ɔ̄ ú hí iyī nū á.
Currently Selected:
ÁLUKA 32: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 32
32
Ipɔ́ɔma kú ɛnɔ̄ɔ̄cī kú Ujɔ́dan ā
(Obla 3.12-22)
1Aipɔ́ɔma kú Urúbɛ̄n mɛ́mla Ugádi lɛ aɛ́bɛ́ ɔlɛ́ alɛwa nɛ̄hi. Eko nēé le má ka ajɛ kú Ujása mɛ́mla Ugílɛ̄d ɔ́ɔ wɛ ajɛ olɔhi lɛ ɛna ā, 2é le tá ɛgiyí Umósīsi mɛ́mla Ɛlísa ɔ̄cogwɛ́ɛya ā mɛ́mla anyākwɔ́cɛ ɔhá kú Ísrɛ̄lu, gaá da uwá kahíníī, 3“Ajɛ kú Atárɔ̄tu, Udíbɔn, Ujása, Unimára, Uhɛ́sbɔn, Ɛlíyāle, Usébam, Unɛ́bo, mɛ́mla Ubéyɔ̄n, 4nɛ̄ Óndú ā cɛ̄ lɛ ācɛ kú Ísrɛ̄lu mīyɛ ā, ɔ́ɔ wɛ ajɛ olɔhi lɛ ɛna, ācocɛ̄hɔ̄ kú uwɔ kē lɛ ɛna nɛ̄hi. 5Ɔ́dāŋ ka aá cɛ̄, aá kóocōō kú aá kwú ajɛ kú aígelī nēe bá ā ú lɛ alɔ, cɛ́ɛ́ kú ālɔ̄ ga ogbēé ɔhá kú ísu kú Ujɔ́dan ā gɛ ŋ́.”
6Amáŋ Umósīsi tá uwā ohi kahíníī, “Aá géē lā amānyā, kú ayínɛ́ aá o hile kéē ga ɔgbɛ́fú ōfōōfū uwā kɛ̄ɛ? 7Ɔdíyá nɛ̄ aá cɛ̄ lɛ ɔtū kú ācɛ ɔlɛ́ aá gē gbenyi cɛ́ɛ́ kéē híī bēhé ísu kú Ujɔ́dan ga ipú ajɛ nɛ̄ Óndú ā kwú lɛ uwá ɛɛ́ mā ā? 8#Áluk 13.17-33Ɛ́gɛ́nyā nɛ̄ aádā aá yá eko nɛ̄ n tū uwā ɛhɔ̄ ŋmá Ukádɛssi Ubánīya nyɔ̄ í jila ajɛ ā á. 9É le yɛ í lɛ ajɛ ā má jāā ga ɔpɛ́ kú Éssikɔ̄lu, amɛ́ŋ é le ācɛ ā ɔtū pīyeyī ŋmá ō nyɔ̄ ga ipú ajɛ nɛ̄ Óndú ā je lɛ uwá ā. 10#Áluk 14.26-35Óndú ā le cɔ̄nū ɛ̄cí ɔ́ɔmā kahíníī, 11“Abɔ̄ uwá í lɛyítáajɛ gā um ŋ́ mā, odóódu kú uwā nēe wɛ iháyí ofu gɔbū, nēe bɛ̄cɛ ŋmá Íjīpiti ā, í gáā ga ipú ajɛ ā ŋ́, 12ayíka Ukálɛ̄bu, ɔyí kú Ujɛ́fūnɛ, ɔ̄cɛ Ukéniti ā, mɛ́mla Ujóssuwa, ɔyí kú Unɔ́n, nēe gē lɛyítáajɛ lɛ Óndú ā ōfōōfū uwā. 13Óndú ā le cɔ̄nū mla ācɛ ā, anɔ́ɔ ó cɛ̄ lɛ uwá móōwe ipú ígbíli iháyí ofɛpa jāā gbéeko nɛ̄ ācɛ nēé lɛyítáajɛ lɛ ɔ́ ŋ́ mā, le pɛ́ gekwú. 14Abālɔbányā, aá mīyɛ ɔkwu aádā aá ɛɛ́, ipɔ́ɔma kú ācɛ nēe dɔɔ̄ka kú Óndú ā kóō klla cɔ̄nū mla ācɛ kú Ísrɛ̄lu ā. 15ɔ́dāŋ ka aá, Urúbɛ̄n mɛ́mla Ugádi, tá kóō yɛce Óndú ā abālɔbányā, ó géē mā ācɛ kú Ísrɛ̄lu tá ipú ígbíli, é géē je kpó yíífi. Ífi kú Ísrɛ̄lu ā kē í ce aá ɛyí.”
16É le pɛ́ tá ɛgiyí Umósīsi, anɔ́ɔ é da ɔ́ kahíníī, “Alɔ tíne ō lɛ inu kpó gwó lɛ aɛ́na, aɛ́wū mɛ́mla aálá kú alɔ. Ká ālɔ̄ klla lɛ aígelī nɛ̄hi ō lɛ ɔdɔ olɔfú kpó gwó lɛ anyā mɛ́mla ayí alɔ gbɔbū ɛ́. 17Alɔ í ga ɔgbɛ́fú mla ācɛ kú Ísrɛ̄lu o hile klla í gbɔbū ɛfú ā jāā gbéeko nɛ̄ alɔ lɛ uwá kpó wā í lā ajɛ nōo wɛ ákú uwā ā. Abālɔbányā ā, aíkonó kú alɔ lɔfú lā amānyā, aígelī nɛ̄hi nēé lɛ igá cē tū ūwā nyā, cɛ́ɛ́ ē bá abɔ́ɔ ŋmá ɛgiyí aólɛlā kú alɔ. 18Alɔ í gáā pīyɛyí wā ɔlɛ́ alɔ ŋ́ jāā gbéeko nɛ̄ ācɛ kú Ísrɛ̄lu o hile ā mīyɛ ajɛ nōo wɛ ákú uwā ā. 19Alɔ í klla gáā lɛ ajɛ ɔhá dúúmā mla uwá ogbeé kú Ujɔ́dan ā gɛ ŋ́, ohígbū ka alɔ lɛ ukpɛ̄ kú alɔ lɛ amānyā ɛɛ́.”
20Anɔ́ɔ Umósīsi tá uwā ohi kahíníī, “Ɔ́dāŋ ka aá cɛ̄ ka ɛlā nɛ̄ aá ka wɛ ɔkwɛ̄yi, ó lɛ ā, aá le tútū kú aá gbɔɔ́ ō nyɔ̄ ipéyī Óndú ā ŋmá amānyā. 21Odúúdú ācɛ okpɛ́fú kú aá ā, kéē bēhé ga ogbeé kú Ujɔ́dan, Óndú ā géē wɛ ogbénjūwā kú uwā á. Ó í kpó ɔfú kwu aólɛlā kú alɔ klla í nuunu tá uwā jāā gbéeko nɛ̄ ó lɛ uwá yálé lɛ aá. 22nɛ̄ aá mīyɛ ajɛ ā, ɛ́ɛ́ kú aá géē pīyɛyí. Ohígbū ka eko nyā aá géē lɛ úklɔ́ kú aá yá lɛ Óndó ā mɛ́mla ācɛ kú Ísrɛ̄lu ɔ́mpa aá ɛɛ́. Cɛ́ɛ́ Óndú ā í jé ka ajɛ kú ɛnɔ̄ɔ̄cī kú ísu kú Ujɔ́dan ā, ɔ́ɔ wɛ ákú aá. 23Amáŋ, ɔ́dāŋ ka aá yá okónu nɛ̄ aá ce ā jīla ŋ́, ó wɛ íne kú Óndú ā nɛ̄ aá bīya á. Aá le jé ka ɔkwu kú íne nɛ̄ aá bīya ā í wɛ̄ɛcɛ, é kē í yá aá italā ohígbū nū. 24Aá gwó aígelī nɛ̄hi mɛ́mla igá o kpó aálá kú aá tū ɔ̄ mɛ́ɛ́nɛ, amáŋ, aá lɛ ɔdā nɛ̄ aá cokónu nū ā yá jīla.”
25Ācɛ kú ipɔ́ɔma kú Urúbɛ̄n mɛ́mla Ugádi ā tóohi kahíníī, “Alɔ géē yá ɛ́gɛ́nɛ̄ a ka lɛ ā. 26Anyā, ayí, aɛ́na mɛ́mla aálá kú alɔ géē bá ipú aígelī nɛ̄hi kú Ugílɛ̄di amānyā. 27Amáŋ odúúdú alɔ le tútū ō ga ɔgbɛ́fú nɛ̄ Óndú ā gbɔbū ā. Alɔ géē bēé ísu kú Ujɔ́dan, í kpɛ́fú ɛ́gɛ́nɛ̄ a ka lɛ ā.”
Āyā éyi kú ipɔ́ɔma kú Umanásɛ lā Ugílɛ̄di
28 #
Ujós 1.12-15
Anɔ́ɔ Umósīsi da Ɛlísa, mɛ́mla Ujóssuwa mɛ́mla aótrɛ̄yí ɔhá kú Ísrɛ̄lu ā kahíníī, 29Ɔ́dāŋ ka ācɛ ipɔ́ɔma kú Urúbɛ̄n mɛ́mla Ugádi le bēhé ísu kú Ujɔ́dan ā gaá kpɛ́fú nɛ̄ Óndú ā gbɔbū nū ā, nɛ̄ aá lɔfú mīyɛ ajɛ ā, ó lɛ ā aá kwú ajɛ kú Ugílɛ̄di ā ú lɛ uwá kóō wɛ ákú uwā. 30Amáŋ, ɔ́dāŋ ka é bēhé ísu kú Ujɔ́dan nyɔ̄ í kpɛ́fú mla aá glá ŋ́, é géē lɛ ukpɛ̄ kú ajɛ kú Ukénan ɛ́gɛ́nɛ̄ aá géē lɛ ā.” 31Ācɛ ipɔ́ɔma kú Urúbɛ̄n mɛ́mla Ugádi ā tóohi kahíníī, “Alɔ géē yá ɛ́gɛ́nɛ̄ Óndú ā ka lɛ ā. 32Alɔ géē bēhé ga ipú ajɛ kú Ukénan gaá kpɛ́fú, cɛ́ɛ́ kú ālɔ̄ lɛ ukpɛ̄ kú agbénú kú alɔ lɛ ɛnɔ̄ɔ̄cī kú Ujɔ́dan amanyā, abɔ̄ Óndú ā ī gbɔbū ɛfú lɛ alɔ ā.”
33Anɔ́ɔ Umósīsi kwú ajɛ ā ú lɛ ipɔ́ɔma kú Ugádi mɛ́mla Urúbɛ̄n mɛ́mla āyā éyi kú ipɔ́ɔma kú Umanásɛ, odúúdu ajɛ kú ɔcɛ́ kú Usíhɔn, ɔcɛ́ kú Ámɔn ā, mɛ́mla ajɛ kú Ógu ɔcɛ́ kú Ubássan, jāā kwu ajɛ kú aéwo dóódu mɛ́mla aígelī nɛ̄hi nēe yɛ uwá jīla tá ā. 34Ipɔ́ɔma kú Ugádi lɛ aígelī nɛ̄hi nēé hɛ́ igá olɔfú tū uwā kú Udíbɔn, Atárɔ̄tu mɛ́mla Árōwɛ, 35Atarɔ́tússófán, Ujasa, Ujɔgbéha, 36Ubɛ́ti-nímra, mɛ́mla Ubɛ́tihára ā tú gwó igbɔhá. 37Ipɔ́ɔma kú Urúbɛ̄n ā kē le Uhɛ́ssbɔn, Ɛlíle, Ukɛnyatéyim, 38Unɛ́bɔ, Ubáali-mēyon, mɛ́mla Usíbma tú gwó igbɔhá. É kwú iyē ɛ̄yīpɛ̄ í kpó ce aígelī nɛ̄hi nɛ̄é kpó tú gwó nēe bá nyā a.
39Ipɔ́ɔma kú Umakíyɛ ɔyí kú Umanásɛ gaá le ajɛ kú Ugílɛ̄di ā mīyɛ tū abɔ̄, le ācɛ kú Ámɔn nēe lā anú ā kpó nū bɛ̄ɛcɛ. 40Umósīsi kwú ajɛ ɔ́ɔmā ú lɛ ipɔ́ɔma kú Umanásɛ, anɔ́ɔ é má lā anú á. 41Ujíyɛ, ipɔ́ɔma kú Umanasɛ éyi klla nyɔ̄ í lɛ ɛfú kpó tú aígelī nɛ̄hi ōhī klla mīyɛ uwá, kwú iyē ɛ̄yīpɛ̄ í kpó ce uwá ka aígelī nɛ̄hi kú Ujíyɛ.” 42Unɔ́ba le ɛfú kpó tá ācɛ ɔlɛ́ kú Ukénāti, mɛ́mla aígelī nɛ̄hi kú uwā klla mīyɛ aígelī nɛ̄hi ā. Anɔ́ɔ ó kwú ɔ̄ ú hí iyī nū á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma