ÁLUKA 30
30
Ine Lɛyíkwu okónu ō ce
1Umósīsi da aótrɛ̄yí kú ācɛ kú Ísrɛ̄lu ā kahíníī, “Ɛ̄nyā wɛ íne nɛ̄ Óndú ā je á. 2#Obla 23.21-23; Umát 5.33Eko nɛ̄ ɔ̄cɛ lɛ okónu ce lɛ Óndú ā, ó gáā nyíla okónu nɛ̄ ó ce ā ŋ́, amáŋ ó géē yá ɛ́gɛ́nɛ̄ ó ce okónu lɛ ā.”
3Ɔ́dāŋ ka ɔyípɔ̄nɔ̄nyā nōo táajɛ ɔlɛ́ ádā nū, le oji hɛ́ Óndú ā ká anúɔ í yá odée lɛ ɔ́. 4Ó géē yá ɔdā dóódu nɛ̄ ó hɛ́ oji nū lɛ Óndú ā, ń táafú ayíka ádā nū yɔ̄ eko nɛ̄ ó yɔ̄ ī hóoji ā, nɛ̄ ó kē ka ɔdā dúú ŋ́, ó lɛ ā oji ā yɔ̄ ɛ́gɛ́nɛ̄ ó lɛ ā kpɔ́. 5Ɔ́dāŋ ka eko nɛ̄ ádā nū le pó, nɛ̄ ó tá ká ɔ̄ híī cē oji nɛ̄ ó hɛ́ ā ŋ́, ó gáā lɛ ɔ́ tū ŋ́. Óndú ā í je yá ɔ̄ ɛhi, ohígbū ka ádā nū tá.
6Ɔ́dāŋ ka ɔnyā nɛ̄ ó lɛ ɔbá ŋ́, jégēdē ámāŋ kōō jégēdē ŋ́ lɛ oji hɛ́. Anɔ́ɔ ó gaá lɛ ɔbá lɛ á, 7ó géē cē oji nɛ̄ ó hɛ́ Óndú ā piíí, ayíka ɔbá nū ā tá, eko nɛ̄ ó pó oji nɛ̄ ó hɛ́ ā. 8Ɔ́dāŋ ka ɔbá nū ā tá ká ɔ̄ híī cē oji ā ŋ́ nɛ, ayíka ó gáā cē ŋ́. Óndú ā í je yá ɔ̄ ɛhi.
9Ɔ́dāŋ ka ɔnyōkwū, ámāŋ ka ɔnyā nɛ̄ ɔbá nū tá ɔ̄ lɛ oji hɛ́ Óndú ā, ó géē cē oji ɔ́ɔmā gaajɛ piíí. 10Ɔ́dāŋ ka ɔnyā ō lɛ ɔbá lɛ oji hɛ́ Óndú ā. 11Ó géē cē oji ā jīla lɛ Óndú ā piíí, ayíka ɔbá nū ā tá, eko nɛ̄ ó pó oji nɛ̄ ó cē ā. 12Ɔ́dāŋ ka ɔbá nū lɛ oji nɛ̄ ó hɛ́ ā pó, nɛ̄ ó tá, ká ɔ̄ híī hóoji ŋ́. Ó gáā cē oji ā ŋ́, ohígbū ka ɔbá nū tá, eko nɛ̄ ó pó oji nɛ̄ ó hɛ́ ā. Óndú í je yá ɔ̄ ɛhi. 13Ɔbá ɔnyā lɛ íkwu kóō cɛ̄ oji nɛ̄ ɔnyā nū hɛ́ ā, ámāŋ ka oōtá kú oji dóódu nɛ̄ ɔnyā hɛ́ lɛ Óndú ā. 14Amáŋ eko nɛ̄ ó le oji nɛ̄ ɔnyā nū hɛ́ ā pó, nɛ̄ ó ka ɔdā dúúmā ŋ́, ɔdā dóódu nɛ̄ ɔnyā nū hóoji nū ā, ɔnyā géē yá ɔ̄ jīla lɛ Óndú ā piíí. Ohígbū ka ó pó oji nɛ̄ ɔnyā hɛ́ ā, anɔ́ɔ ó kē ka ɔdā dúúmā ŋ́ mā. 15Amáŋ igbīhāajɛ nɛ̄ ɔbá ɔnyā ā tá oji nɛ̄ ɔnyā nū hɛ́ Óndú ā, ó géē móōwē kú ínoōbīya, abɔ̄ ó yá oji nɛ̄ ɔnyā hɛ́ ā jila ŋ́ ma.”
16Ɛ̄nyā wɛ íne nɛ̄ Óndú ā je lɛ Umósīsi kóō je lɛ ācɛ kú Ísrɛ̄lu, Ohígbū okónu ō ce mɛ́mla oji ō hɛ́ lɛ Óndú ā, kú ɔyípɔ̄nɔ̄nyā ō táajɛ ɔlɛ́ ádā nū, mɛ́mla ɔnyōkwū, mɛ́mla ɔnyā nɛ̄ ɔbá nū tá ɔ̄, mɛ́mla ɔnyā ō lɛ ɔbá ā.
Currently Selected:
ÁLUKA 30: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 30
30
Ine Lɛyíkwu okónu ō ce
1Umósīsi da aótrɛ̄yí kú ācɛ kú Ísrɛ̄lu ā kahíníī, “Ɛ̄nyā wɛ íne nɛ̄ Óndú ā je á. 2#Obla 23.21-23; Umát 5.33Eko nɛ̄ ɔ̄cɛ lɛ okónu ce lɛ Óndú ā, ó gáā nyíla okónu nɛ̄ ó ce ā ŋ́, amáŋ ó géē yá ɛ́gɛ́nɛ̄ ó ce okónu lɛ ā.”
3Ɔ́dāŋ ka ɔyípɔ̄nɔ̄nyā nōo táajɛ ɔlɛ́ ádā nū, le oji hɛ́ Óndú ā ká anúɔ í yá odée lɛ ɔ́. 4Ó géē yá ɔdā dóódu nɛ̄ ó hɛ́ oji nū lɛ Óndú ā, ń táafú ayíka ádā nū yɔ̄ eko nɛ̄ ó yɔ̄ ī hóoji ā, nɛ̄ ó kē ka ɔdā dúú ŋ́, ó lɛ ā oji ā yɔ̄ ɛ́gɛ́nɛ̄ ó lɛ ā kpɔ́. 5Ɔ́dāŋ ka eko nɛ̄ ádā nū le pó, nɛ̄ ó tá ká ɔ̄ híī cē oji nɛ̄ ó hɛ́ ā ŋ́, ó gáā lɛ ɔ́ tū ŋ́. Óndú ā í je yá ɔ̄ ɛhi, ohígbū ka ádā nū tá.
6Ɔ́dāŋ ka ɔnyā nɛ̄ ó lɛ ɔbá ŋ́, jégēdē ámāŋ kōō jégēdē ŋ́ lɛ oji hɛ́. Anɔ́ɔ ó gaá lɛ ɔbá lɛ á, 7ó géē cē oji nɛ̄ ó hɛ́ Óndú ā piíí, ayíka ɔbá nū ā tá, eko nɛ̄ ó pó oji nɛ̄ ó hɛ́ ā. 8Ɔ́dāŋ ka ɔbá nū ā tá ká ɔ̄ híī cē oji ā ŋ́ nɛ, ayíka ó gáā cē ŋ́. Óndú ā í je yá ɔ̄ ɛhi.
9Ɔ́dāŋ ka ɔnyōkwū, ámāŋ ka ɔnyā nɛ̄ ɔbá nū tá ɔ̄ lɛ oji hɛ́ Óndú ā, ó géē cē oji ɔ́ɔmā gaajɛ piíí. 10Ɔ́dāŋ ka ɔnyā ō lɛ ɔbá lɛ oji hɛ́ Óndú ā. 11Ó géē cē oji ā jīla lɛ Óndú ā piíí, ayíka ɔbá nū ā tá, eko nɛ̄ ó pó oji nɛ̄ ó cē ā. 12Ɔ́dāŋ ka ɔbá nū lɛ oji nɛ̄ ó hɛ́ ā pó, nɛ̄ ó tá, ká ɔ̄ híī hóoji ŋ́. Ó gáā cē oji ā ŋ́, ohígbū ka ɔbá nū tá, eko nɛ̄ ó pó oji nɛ̄ ó hɛ́ ā. Óndú í je yá ɔ̄ ɛhi. 13Ɔbá ɔnyā lɛ íkwu kóō cɛ̄ oji nɛ̄ ɔnyā nū hɛ́ ā, ámāŋ ka oōtá kú oji dóódu nɛ̄ ɔnyā hɛ́ lɛ Óndú ā. 14Amáŋ eko nɛ̄ ó le oji nɛ̄ ɔnyā nū hɛ́ ā pó, nɛ̄ ó ka ɔdā dúúmā ŋ́, ɔdā dóódu nɛ̄ ɔnyā nū hóoji nū ā, ɔnyā géē yá ɔ̄ jīla lɛ Óndú ā piíí. Ohígbū ka ó pó oji nɛ̄ ɔnyā hɛ́ ā, anɔ́ɔ ó kē ka ɔdā dúúmā ŋ́ mā. 15Amáŋ igbīhāajɛ nɛ̄ ɔbá ɔnyā ā tá oji nɛ̄ ɔnyā nū hɛ́ Óndú ā, ó géē móōwē kú ínoōbīya, abɔ̄ ó yá oji nɛ̄ ɔnyā hɛ́ ā jila ŋ́ ma.”
16Ɛ̄nyā wɛ íne nɛ̄ Óndú ā je lɛ Umósīsi kóō je lɛ ācɛ kú Ísrɛ̄lu, Ohígbū okónu ō ce mɛ́mla oji ō hɛ́ lɛ Óndú ā, kú ɔyípɔ̄nɔ̄nyā ō táajɛ ɔlɛ́ ádā nū, mɛ́mla ɔnyōkwū, mɛ́mla ɔnyā nɛ̄ ɔbá nū tá ɔ̄, mɛ́mla ɔnyā ō lɛ ɔbá ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma