ÁLUKA 28
28
Ɛ̄gbā nēé gē je ojigógó
(Oyɛb 29.38-46)
1Óndú ā da Umósīsi ka, 2“Lɛ ka lɛ ācɛ kú Ísrɛ̄lu ka eko dóódu nɛ̄ eko kú ucɛ mɛ́mla eko ɛ̄gbā ā lɛ yá, é géē bī ɔdā kú ɛ̄gbā gé um ɛ́gɛ́nɛ̄ ō he um ɔtū ā. 3Ɛ̄nyā wɛ ɛya kú ɔdōlé nɛ̄ aá géē bī gé lɛ Óndú ā á, o ka lɛyíkwu ɔdā ɛya o yɔlá dúúdú kú ɛ̄cī dóódu ā, aá géē bī ɔyí omlede kú iháyí éyi nɛ̄ ó le ɛnyá ŋ́. 4Kwú ɔyí omlede éyi ā ú gwɛ́ɛya ɔ̄cɔ̄ɔ̄cī, cɛ́ɛ́ a klla kwú ɔhá ā ú gwɛ́ɛya ɔ̄nɔ̄ɔ̄nɛ̄. 5Ɔnyɔɔnyɛ kú uwā kóō wā mla umu kú īkpɔ̄dā kú okoolo éyi nēé le wīya tɔ̄há mla ɔjá nɛ̄ŋcɛ́ kú anɔ̄ ólífu. 6Ɛ̄nyā wɛ ɔdā kú ɛya nēé géē yɔ̄ ī gwó ɛ̄cī dóódu, nēe géē je ɔ́ yɔlá dúúdú, nēé kē wɛ ɛya nēé gwó aflɛ́yí ɛyí ɛfu kú Usáyínāyi, nɛ̄ ocu kú nū he Óndú ā ɔtū. 7A géē pīya ɔjá nɛ̄ŋcɛ́ éyi kú ejé klá ɛyí ede ā mɛ́mla ɛya kú ɔyí omlede kú aflɛ́yí ā. 8Ɔ̄nɔ̄ɔ̄nɛ̄, a kwú ɔyí omlede ɔ́mpa ā ú gwɛ́ɛya ɔwɛ ékpónú nāa yá ákú ɔ̄cɔ̄ɔ̄cī ā, mɛ́mla ejé ā dúú. Ó géē wɛ ɛya kú ɔdōlé, ocu kú nū í he Óndú ā ɔtū.”
Ɛya nēé ī gwó ɛ̄cī Usábāti
9Ɛ̄cī Usábāti ā aá lɛ ɔyí omlede ɛpa kú iháyí éyi nɛ̄ ó lɛ ɛnyá ŋ́ mā kpó gwɛ́ɛya mɛ́mla okoolo ɛpa kú umu kú īkpɔ̄dā nēé le ɔ́ wīya mla anɔ̄ kú ólīfu kóō wɛ ɛyá kú īkpɔ̄dā mɛ́mla ɛya kú ejé.
10Aá géē gwɛ́ɛya nyā ɛ̄cī Usábāti dóódu mɛ́mla ɛya nɛ̄ aá í gwó ɛ̄cī dóódu mɛ́mla ejé kú nū ā.
Ɛya nēé í gwó ɛ̄cī aflɛ́yí kú ɔyā.
11Ɛ̄cī aflɛ́yí kú ɔyā dóódu, aá lɛ ɔyí ɔbá ɛna ɛpa, omlede éyi, mɛ́mla aálá ahāapa kú iháyí éyi nɛ̄ ó lɛ ɛnyá dúúmā ŋ́ mā, kpó gwɛ́ɛya o yɔlá dúúdú lɛ Óndú ā. 12Ákú ɛya kú īkpɔ̄dā ā, aá lɛ umu nēé le ɔ́ wīya tɔ̄há mla anɔ̄ kú ólífu ā, gwɛ́ɛya. Ɛna dóódu kú ɛya ā kóō wā mla okoolo kú umu ɛtá. Omlede dóódu kóō wā mla okoolo kú umu éyi. 13Okoolo éyi kú umu kóō wā mla ɔyí omlede kú iháyí éyi eko dóódu. Ocu kú ɛya o yɔlá dúúdú nyā géē he Óndú ā ɔtū. 14Aá géē bī ɔja nɛ̄ŋcɛ́ kú ejé ɛpa mɛ́mla ɔbá ɛna dóódu, ɔjá nɛ̄ŋcɛ́ éyi ce āyā kú ejé mɛ́mla omlede éyééye. Aá géē lɛ íne kú ɛya ō gwó kú ɛci aflɛ́yí kú ɔyā ā tū piyóó ipú ɛcɛ nyā. 15Aá kwú opī éyi ú gwɛ́ɛya kú íne ōbīya, eko dóódu nɛ̄ aá gē gwɛ́ɛya kú ɛ̄cī dóódu ā.
Ɛya nēé gwó eko kú ucɛ kú igbo nɛ̄ó gē nū ŋ́ mā
(Ulīf 23.5-14)
16 #
Oyɛb 12.1-13; Obla 16.1,2 Aá géē yá ucɛ kú onyatá kú Óndú ā, ɛ̄cī igwɛ́ɛnɛ kú ɔyā éyi 17#Oyɛb 12.14-20; 23.15; 34.18; Obla 16.3-8Ɛ̄cī ɔ́migwɛ́ɛhɔ̄ ā, ucɛ ā gbɔɔ́, ó kē ī lé ɛ̄cī ahāapa. Eko ɔ́ɔmā, igbō nɛ̄ ó gē nū ŋ́ mā nɛ̄ aá gáā lé á. 18Ɛ̄cī aflɛ́yí kú ucɛ ā, aá géē jīla tɔ̄ɔ̄há nɛ̄ aá í gbɔ̄ɔkɔ. Ɔ̄cɛ dúúmā í gáā yúklɔ́ ɛ̄cī ɔ́ɔmā ŋ́. 19Aá lɛ ɔbá ɛna ɛpa, mɛ́mla omlede éyi, mɛ́mla álá ahāapa kú iháyí éyi nēé lɛ ɛcá dúúmā ŋ́ mā, gwɛ́ɛɛya o yɔlá dúúdú kóō wɛ ɛya kú ɔdōlé lɛ Óndú ā. 20Ɛya kú īkpɔ̄dā ā í wɛ umu nēé le anɔ̄ kú ólīfu tū ɔ̄, okoolo ɛtá kú umu mɛ́mla ɔbá ɛna éyi, okoolo kú umu ɛpa mɛ́mla ɔyí omlede ā. 21Okoolo éyi mɛ́mla ɔyí omlede kú iháyí éyééye. 22Aá klla í je opī éyi gwɛ́ɛya kú ínoōbīya, cɛ́ɛ́ aá bī ɔwɛ nyā lɛ uculo kú iyē ō gwu kú ācɛ ā yá dúú. 23Aá géē yá ɛ̄nyā mɛ́mla ɛya o yɔlá dúúdú ɔ̄cɔ̄ɔ̄cī dóódu. 24Aá géē gwó ɛdɔ ɛya ɛ́gɛ́nyā lɛ Óndú ā, ɛ̄cī ahāapa. Ocu kú nū í he Óndú ā ɔtū. Aá í gwɛ́ɛya kú ejé aā ɛ̄cī dóódu dúú. 25Aá le jīla ɛ̄cī ɔ́maahāapa kú ɔkɔ ō gbā. Ɔ̄cɛ dúúmā kóō híī yúklɔ́ ɛ̄cī ɔ́maahāapa ā ŋ́ dúú.
Ɛya kú eko kú ɛ̄gbā kú ɔdɛ̄hɔ̄ ō cē
26 #
Oyɛb 23.16; 34.22; Obla 16.9-12 Aá géē gwɛ́ɛya kú īkpɔ̄dɛ̄hɔ̄ ɛ̄yīpɛ̄ ō cē lɛ Óndú ā, eko kú ucɛ kú ɔdɛ̄hɔ̄ ō cē ā. Aá géē túbá kú ɔkɔ ō gbā, ɔ̄cɛ dúúmā í gáā yúklɔ́ dúúmā ɛ̄cī ɔ́ɔmā ŋ́. 27Aá lɛ ɛdrɔ́ ɔbá ɛna ɛpa, omlede éyi, mɛ́mla ɔyí omlede kú iháyí éyi ahāapa kú iháyí éyi nēé lɛ ɛnyá ŋ́, gwɛ́ɛya o yɔlá dúúdú lɛ Óndú ā. Ocu kú nū í he Óndú ɔtū. 28Ɛya kú īkpɔ̄dā ā í wɛ, umu kú īkpɔ̄dā nēé le anɔ̄ kú ólīfu tū ɔ̄ ā. Okoolo ɛtá kú umu mla ɔbá ɛna dóódu, okoolo ɛpa kú umu mɛ́mla omlede éyééye. 29Éyi ŋmá ipú igwó kú umu mɛ́mla omlede éyééye. 30Kwú opi éyi ú gwɛ́ɛya kú ínoōbīya, cɛ́ɛ́ a bī ɔwɛ nyā lɛ uculo kú iyē ō gwu kú ācɛ ā mɛ́mla awɔ abɔ̄yī uwɔ yá dúú. 31Aá í yá ɛ̄nyā mɛ́mla ɛya kú ejé, mɛ́mla ɛya o yɔlá dúúdú ɛ̄cī dóódu kú aá.
Currently Selected:
ÁLUKA 28: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 28
28
Ɛ̄gbā nēé gē je ojigógó
(Oyɛb 29.38-46)
1Óndú ā da Umósīsi ka, 2“Lɛ ka lɛ ācɛ kú Ísrɛ̄lu ka eko dóódu nɛ̄ eko kú ucɛ mɛ́mla eko ɛ̄gbā ā lɛ yá, é géē bī ɔdā kú ɛ̄gbā gé um ɛ́gɛ́nɛ̄ ō he um ɔtū ā. 3Ɛ̄nyā wɛ ɛya kú ɔdōlé nɛ̄ aá géē bī gé lɛ Óndú ā á, o ka lɛyíkwu ɔdā ɛya o yɔlá dúúdú kú ɛ̄cī dóódu ā, aá géē bī ɔyí omlede kú iháyí éyi nɛ̄ ó le ɛnyá ŋ́. 4Kwú ɔyí omlede éyi ā ú gwɛ́ɛya ɔ̄cɔ̄ɔ̄cī, cɛ́ɛ́ a klla kwú ɔhá ā ú gwɛ́ɛya ɔ̄nɔ̄ɔ̄nɛ̄. 5Ɔnyɔɔnyɛ kú uwā kóō wā mla umu kú īkpɔ̄dā kú okoolo éyi nēé le wīya tɔ̄há mla ɔjá nɛ̄ŋcɛ́ kú anɔ̄ ólífu. 6Ɛ̄nyā wɛ ɔdā kú ɛya nēé géē yɔ̄ ī gwó ɛ̄cī dóódu, nēe géē je ɔ́ yɔlá dúúdú, nēé kē wɛ ɛya nēé gwó aflɛ́yí ɛyí ɛfu kú Usáyínāyi, nɛ̄ ocu kú nū he Óndú ā ɔtū. 7A géē pīya ɔjá nɛ̄ŋcɛ́ éyi kú ejé klá ɛyí ede ā mɛ́mla ɛya kú ɔyí omlede kú aflɛ́yí ā. 8Ɔ̄nɔ̄ɔ̄nɛ̄, a kwú ɔyí omlede ɔ́mpa ā ú gwɛ́ɛya ɔwɛ ékpónú nāa yá ákú ɔ̄cɔ̄ɔ̄cī ā, mɛ́mla ejé ā dúú. Ó géē wɛ ɛya kú ɔdōlé, ocu kú nū í he Óndú ā ɔtū.”
Ɛya nēé ī gwó ɛ̄cī Usábāti
9Ɛ̄cī Usábāti ā aá lɛ ɔyí omlede ɛpa kú iháyí éyi nɛ̄ ó lɛ ɛnyá ŋ́ mā kpó gwɛ́ɛya mɛ́mla okoolo ɛpa kú umu kú īkpɔ̄dā nēé le ɔ́ wīya mla anɔ̄ kú ólīfu kóō wɛ ɛyá kú īkpɔ̄dā mɛ́mla ɛya kú ejé.
10Aá géē gwɛ́ɛya nyā ɛ̄cī Usábāti dóódu mɛ́mla ɛya nɛ̄ aá í gwó ɛ̄cī dóódu mɛ́mla ejé kú nū ā.
Ɛya nēé í gwó ɛ̄cī aflɛ́yí kú ɔyā.
11Ɛ̄cī aflɛ́yí kú ɔyā dóódu, aá lɛ ɔyí ɔbá ɛna ɛpa, omlede éyi, mɛ́mla aálá ahāapa kú iháyí éyi nɛ̄ ó lɛ ɛnyá dúúmā ŋ́ mā, kpó gwɛ́ɛya o yɔlá dúúdú lɛ Óndú ā. 12Ákú ɛya kú īkpɔ̄dā ā, aá lɛ umu nēé le ɔ́ wīya tɔ̄há mla anɔ̄ kú ólífu ā, gwɛ́ɛya. Ɛna dóódu kú ɛya ā kóō wā mla okoolo kú umu ɛtá. Omlede dóódu kóō wā mla okoolo kú umu éyi. 13Okoolo éyi kú umu kóō wā mla ɔyí omlede kú iháyí éyi eko dóódu. Ocu kú ɛya o yɔlá dúúdú nyā géē he Óndú ā ɔtū. 14Aá géē bī ɔja nɛ̄ŋcɛ́ kú ejé ɛpa mɛ́mla ɔbá ɛna dóódu, ɔjá nɛ̄ŋcɛ́ éyi ce āyā kú ejé mɛ́mla omlede éyééye. Aá géē lɛ íne kú ɛya ō gwó kú ɛci aflɛ́yí kú ɔyā ā tū piyóó ipú ɛcɛ nyā. 15Aá kwú opī éyi ú gwɛ́ɛya kú íne ōbīya, eko dóódu nɛ̄ aá gē gwɛ́ɛya kú ɛ̄cī dóódu ā.
Ɛya nēé gwó eko kú ucɛ kú igbo nɛ̄ó gē nū ŋ́ mā
(Ulīf 23.5-14)
16 #
Oyɛb 12.1-13; Obla 16.1,2 Aá géē yá ucɛ kú onyatá kú Óndú ā, ɛ̄cī igwɛ́ɛnɛ kú ɔyā éyi 17#Oyɛb 12.14-20; 23.15; 34.18; Obla 16.3-8Ɛ̄cī ɔ́migwɛ́ɛhɔ̄ ā, ucɛ ā gbɔɔ́, ó kē ī lé ɛ̄cī ahāapa. Eko ɔ́ɔmā, igbō nɛ̄ ó gē nū ŋ́ mā nɛ̄ aá gáā lé á. 18Ɛ̄cī aflɛ́yí kú ucɛ ā, aá géē jīla tɔ̄ɔ̄há nɛ̄ aá í gbɔ̄ɔkɔ. Ɔ̄cɛ dúúmā í gáā yúklɔ́ ɛ̄cī ɔ́ɔmā ŋ́. 19Aá lɛ ɔbá ɛna ɛpa, mɛ́mla omlede éyi, mɛ́mla álá ahāapa kú iháyí éyi nēé lɛ ɛcá dúúmā ŋ́ mā, gwɛ́ɛɛya o yɔlá dúúdú kóō wɛ ɛya kú ɔdōlé lɛ Óndú ā. 20Ɛya kú īkpɔ̄dā ā í wɛ umu nēé le anɔ̄ kú ólīfu tū ɔ̄, okoolo ɛtá kú umu mɛ́mla ɔbá ɛna éyi, okoolo kú umu ɛpa mɛ́mla ɔyí omlede ā. 21Okoolo éyi mɛ́mla ɔyí omlede kú iháyí éyééye. 22Aá klla í je opī éyi gwɛ́ɛya kú ínoōbīya, cɛ́ɛ́ aá bī ɔwɛ nyā lɛ uculo kú iyē ō gwu kú ācɛ ā yá dúú. 23Aá géē yá ɛ̄nyā mɛ́mla ɛya o yɔlá dúúdú ɔ̄cɔ̄ɔ̄cī dóódu. 24Aá géē gwó ɛdɔ ɛya ɛ́gɛ́nyā lɛ Óndú ā, ɛ̄cī ahāapa. Ocu kú nū í he Óndú ā ɔtū. Aá í gwɛ́ɛya kú ejé aā ɛ̄cī dóódu dúú. 25Aá le jīla ɛ̄cī ɔ́maahāapa kú ɔkɔ ō gbā. Ɔ̄cɛ dúúmā kóō híī yúklɔ́ ɛ̄cī ɔ́maahāapa ā ŋ́ dúú.
Ɛya kú eko kú ɛ̄gbā kú ɔdɛ̄hɔ̄ ō cē
26 #
Oyɛb 23.16; 34.22; Obla 16.9-12 Aá géē gwɛ́ɛya kú īkpɔ̄dɛ̄hɔ̄ ɛ̄yīpɛ̄ ō cē lɛ Óndú ā, eko kú ucɛ kú ɔdɛ̄hɔ̄ ō cē ā. Aá géē túbá kú ɔkɔ ō gbā, ɔ̄cɛ dúúmā í gáā yúklɔ́ dúúmā ɛ̄cī ɔ́ɔmā ŋ́. 27Aá lɛ ɛdrɔ́ ɔbá ɛna ɛpa, omlede éyi, mɛ́mla ɔyí omlede kú iháyí éyi ahāapa kú iháyí éyi nēé lɛ ɛnyá ŋ́, gwɛ́ɛya o yɔlá dúúdú lɛ Óndú ā. Ocu kú nū í he Óndú ɔtū. 28Ɛya kú īkpɔ̄dā ā í wɛ, umu kú īkpɔ̄dā nēé le anɔ̄ kú ólīfu tū ɔ̄ ā. Okoolo ɛtá kú umu mla ɔbá ɛna dóódu, okoolo ɛpa kú umu mɛ́mla omlede éyééye. 29Éyi ŋmá ipú igwó kú umu mɛ́mla omlede éyééye. 30Kwú opi éyi ú gwɛ́ɛya kú ínoōbīya, cɛ́ɛ́ a bī ɔwɛ nyā lɛ uculo kú iyē ō gwu kú ācɛ ā mɛ́mla awɔ abɔ̄yī uwɔ yá dúú. 31Aá í yá ɛ̄nyā mɛ́mla ɛya kú ejé, mɛ́mla ɛya o yɔlá dúúdú ɛ̄cī dóódu kú aá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma