ÁLUKA 18
18
Úklɔ́ kú ācogwɛ́ɛya mɛ́mla ācɛ Ulífāyi
1Óndú ā da Árɔ̄ni kahíníī, “Awɔ mɛ́mla ayí uwɔ, mɛ́mla ācɛ Ulífāyi ɔhá ā géē móōwe kú ɔdōbɔ̄bí dóódu nɛ̄ aá yá lɛyíkwu Áklɔ̄kpīihɔ ā. Amáŋ, awɔ mɛ́mla ayí uwɔ géē móōwe kú ɔdōbɔ̄bí dóódu nɛ̄ aá ya lɛyíkwu ɛya ō gwó ā. 2Lɛ aɔ́máapú uwɔ, nēe ŋmá ipɔ́ɔma kú ācɛ Ulífāyi ā kpó wā, cɛ́ɛ́ kéē yúklɔ́ mla uwɔ, gē tá uwɔ abɔ̄ eko nɛ̄ awɔ mɛ́mla ayí uwɔ géē yúklɔ́ ipú Áklɔ̄kpīihɔ ā 3É géē yúklɔ́ gá uwɔ, mɛ́mla úklɔ́ kú ipú Áklɔ̄kpīihɔ ā, amáŋ, é gáā lɛ iyē kwu ɔdā otīīhɔ dúúmā kú Áklɔ̄kpīihɔ ā ŋ́. Ɔ́dāŋ ka é lɛ iyē kwu ɔ̄, uwá mɛ́mla awɔ géē kwú. 4É géē yúklɔ́ mla uwɔ, géē cɛ̄ uwɔ ɛhɔ̄ ipu Áklɔ̄kpīihɔ ā, ɔ̄cɛ ɔhá dúúmā í gáā túblla uwɔ ŋ́. 5Awɔ mɛ́mla ayí uwɔ géē yúklɔ́ kú ɛga otīīhɔ ā ōfōōfū nū á, cɛ́ɛ́ ká ícɔ̄nū kú Óndú ā kóō híī wā ɛgiyí ācɛ Ísrɛ̄lu igbɔhá gɛ ŋ́. 6Ami fu aɔ́máapú uwɔ ācɛ Ulífāyi ŋmá ipú ācɛ kú Ísrɛ̄lu kéē wɛ ɛhi gā uwɔ á. É kwú uwā ú kpó gā um, cɛ́ɛ́ kéē yúklɔ́ ipú Áklɔ̄kpīihɔ ā. 7Amáŋ, úklɔ́ kú ede mɛ́mla ɛga otīihɔ fíyɛ́ dúú ā wɛ úklɔ́ kú uwɔ, ohígbū ka n kwú ɛhi kú ɔ̄cogwɛ́ɛya ú gā uwɔ. Ɔ̄cɛ ɔhá dóódu nōo túblá ɔdā otīihɔ ā géē kwú.”
Ukpɛ̄ kú ācogwɛ́ɛya
8Óndú ā da Árɔ̄ni kahíníī, “Bla ka n géē je ɔdā dóódu nɛ̄ ācɛ bī gé um, nɛ̄ ó wɛ ɛya ō yɔlá dúúdú ā ŋ́ mā yá uwɔ ɛhi. N géē kpó uwā gā uwɔ mɛ́mla ayí uwɔ kéē wɛ ukpɛ̄ kú uwā piyóó ipú ɛcɛ. 9Ipú ɔdā otīīhɔ nɛ̄hi nēé yɔlá dúúdú ɛyí ede ŋ́ mā, aɛ́nɛ̄ e bá nyā wɛ ákú uwɔ: ɛya kú īkpɔ̄dɛ̄hɔ̄, ɛya kú íne ō bīya, mɛ́mla ɛya kú ulé ō cílá. Ɛjɛ̄ɛ̄jī ɔdā nēé kpó gā um kóō wɛ ɛya otīihɔ gā um ā í wɛ ákú uwɔ mɛ́mla ayí uwɔ. 10Aá géē lé ɔdā otīihɔ ā, ɛga otīīhɔ. Ayí ācɛnyīlɔ kú uwɔ ōfōōfū uwa géē lé glá á. Je uwa ɔdā otīihɔ nɛ̄hi piyóó ipú ɛcɛ nyā. 11N kwú ɔdā ɛ̄gbā ɛdɔ ɛyɛ́ɛyɛ́yí nēé bī gé um ā ú kpó lɛ awɔ mɛ́mla ayí uwɔ ācɛnyīlɔ mɛ́mla ācɛnyā piyóó. Ɔ̄cɛ dóódu kú uwā nōo le yēŋēē lɔfú lé.”
12Ɔdɛ̄hɔ̄ aflɛ́yí nōo lɔhi fíyɛ́ kú iháyí nɛ̄ ācɛ kú Ísrɛ̄lu géē je ga um ā, anɔ̄ kú ólīfu, ejé mɛ́mla īkpɔ̄dɛ̄hɔ̄ ā, n kwú kpó gā uwɔ.
13Ɔdɛ̄hɔ̄ dúúmā nōo le pīya aflɛ́yí ipú ajɛ ā, nēé géē bī wā gé lɛ Óndú ā, géē wɛ ákú uwɔ. Ɔ̄cɛ dúúmā nōo le yēŋēē inu ɔlɛ́ uwɔ ā lɔfú lé glá. 14#Ulīf 27.28Ɔdā dúúmā nēé le tīihɔ céé, kú ɔdā ɛ̄gbā lɛ Óndú ā, géē wɛ ákú uwɔ. 15Odúúdú ayí aflɛ́yí kú aɛ́bɛ́ nɛ̄ ācɛ kú Ísrɛ̄lu géē je gā um ā, wɛ ákú uwɔ. Amáŋ a géē mīyɛ ije nēé gé le fūla aɔ́kplá kú ācɛ ā mɛ́mla ɛ̄nɛ̄ é lɛ fūla ayí aflɛ́yí kú aɛ́bɛ́ nēe wɛ ɛbɛ́ elihɔ ā. 16É géē fūla aɔ́kplá ā, eko nēé le pīya ɔyā éyi. Ɔ́lá kú oōfūla kú uwā ā wɛ ije nɛ̄hɛ́ ɛhɔ̄. 17Amáŋ, ayí aflɛ́yí kú aɛ́na, aálá, aɛ́wū ā, é gáā fūla uwá ŋ́. É wɛ ákú um, a géē je uwá gwɛ́ɛya, cɛ́ɛ́ a lɛ oyī kú uwā tá klá ede ā, a klla í je ijē kú nū yɔlá lɛ Óndú ā. Ocu kú nū gē he Óndú ā ɔtū. 18Ícɛ̄bɛ́ kú uwā wɛ ákú uwɔ, amɛ̄ mɛ́mla átákwū abɔ̄lɔ́ná kú ɛbɛ́ ā nāa jíliye lɛ Óndú ā kóō wɛ ɛya nōo cɛgbá nɛ̄hi ā wɛ ákú uwɔ dúú. 19N kwú odúúdú ɔdā ɛ̄gbā nɛ̄ ācɛ géē bī gé um ā ú gā uwɔ mɛ́mla ayí uwɔ nɔ̄nyīlɔ mɛ́mla ayí uwɔ nɔ̄nyā. Ɛ̄nyā wɛ okónu nɛ̄ n ce gā uwɔ mɛ́mla ayááyí uwɔ piyóó ipú ɛcɛ, nɛ̄ ń gáā nyíla anú ŋ́.” 20Óndú ā klla da Árɔ̄ni Kahíníī, “Á gáā mīyɛ agbénú dóódu nɛ̄ ɔ̄cɛ géē je lúgwū ŋ́. Á kē gáā lɛ āyā kú ajɛ kú Ísrɛ̄lu dúúmā ŋ́. Ami Óndú ā, géē yá ɔdā dóódu nēe ce uwɔ ɛgbá ā á.”
Ukpɛ̄ kú ācɛ Ulífāyi
21 #
Ulīf 27.30-33; Obla 14.22-29 Óndú ā kahíníī, “N kwú ɔdā ɛ̄gbā kú éyi ŋmá ipú igwó dóódu, nɛ̄ ācɛ bī gé um ā í lɛ ācɛ kú Ulífāyi. Ɛ̄nyā wɛ ulé kú eyī nēé gē le kwu Áklɔ̄kpīihɔ ā á. 22Ācɛ kú Ísrɛ̄lu o hile ā í gáā túblá Áklɔ̄kpīihɔ ā, ɛ́ɛ́ ká é bī ikwū gé lɛ iyī uwā ŋ́. 23Oŋmá ícɛ gɔbū ā, ācɛ kú Ulífāyi géē leyīkwu Áklɔ̄kpīihɔ ā mɛ́mla úklɔ́ kú nū mɛ́ɛ̄ á. Íne nyā géē yɔ̄ lɛ odúúdu ipɔ́ɔma kú aá. Ācɛ kú Ulífāyi ā í kē gáā lɛ agbénú kú abɔ̄yī uwā ipú Ísrɛ̄lu ɛ́ɛ́ gɛ ŋ́. 24Ohígbū ka n kwú ɔdā ɛ̄gbā kú éyi ŋmá ipú igwó nɛ̄ ācɛ kú Ísrɛ̄lu ge bī gé um ā í lɛ uwá kóō wɛ ákú uwā ɛɛ́. Ɔdā nōo yá ɛ́ɛ́ nɛ̄ n da uwá ka é gáā lɛ agbénú kú abɔ̄yī uwā ipú ācɛ Ísrɛ̄lu ŋ́ mā yɔ̄ abɔ́ɔ á.”
Ɛ̄gbā kú éyi ŋmá ipú igwó kú ācɛ Ulífāyi
25Óndú ā da Umósīsi kahíníī, 26“Le ka lɛ ācɛ Ulífāyi ā ka, eko nēé mīyɛ ɛ̄gbā kú éyi ŋmá ipú igwó, nɛ̄ ācɛ Ísrɛ̄lu géē bī gé lɛ Óndú ā, nōo wɛ ákú aá ā. Aá géē je éyi ŋmá ipú igwó kú nū lɛ Óndú ā. 27Ɛ̄gbā nɛ̄ aá géē je nyā lɛbɛ̄ɛka ɛ̄gbā kú īkpɔ̄dɛ̄hɔ̄ kú aflɛ́yí nɛ̄ ɔ̄cɛ nōo hí ɛhɔ̄ géē je ā, mɛ́mla ɔdā ɛ̄gbā kú ejé ɛ̄yīpɛ̄ ā. 28Ɔwɛ nyā, aá géē je ɛ̄gbā kú aá lɛ Óndú ā dúú, ŋmá ipú odúúdu ɔdā ɛ̄gbā kú éyi ŋmá ipú igwó, nɛ̄ aá mīyɛ ŋmá ɛgiyī ācɛ kú Ísrɛ̄lu ā. Aá géē je ɔdā ɛ̄gbā kú aá nyā lɛ Árɔ̄ni, ɔ̄cogwɛ́ɛya ā. 29Aá je ɛga olɔhi fíyɛ́ dúú ā ŋmá ipú odúúdu ɔdā ɛ̄gbā kú éyi ŋmá ipú igwó ā, nɛ̄ aá mīyɛ ŋmá ɛgiyí ācɛ kú Ísrɛ̄lu ā lɛ Óndú ā. 30Eko nɛ̄ aá lɛ ɔdā ɛ̄gbā kú Óndú ā je lɛ Árɔ̄ni, o hile ā wɛ ákú aá, ɛ́gɛ́nɛ̄ ɔ̄cɛ nōo hí ɛhɔ̄ ā géē bī o hile kú ɔdɛ̄hɔ̄ kú nū, eko nɛ̄ ó le ɔdā ɛ̄gbā je lɛ Óndú ā a. 31Aá mɛ́mla aíkonó kú aá géē je o hile ā lé ɛga dóódu. Ohígbū ka ɔ́ɔmā wɛ ulé kú úklɔ́ nɛ̄ aá gē yá ipú Áklɔ̄kpīihɔ ā á. 32Eko nɛ̄ aá le ɛga nōo lɔhi fíyɛ́ dúú ā je lɛ Óndú ā nɛɛ, aá gáā lé ɛpɔ̄bí eko nɛ̄ aá kwú ɛga o hile ā ú lé ŋ́. Amáŋ, aá híī nyíla ɔdā ɛ̄gbā otīīhɔ nyā ŋmá lɛ o lé gbɔbū ká aá je lɛ Óndú ā ŋ́. Aá géē kwú ɔ́dāŋ ka aá le yá lɛ ā.”
Currently Selected:
ÁLUKA 18: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 18
18
Úklɔ́ kú ācogwɛ́ɛya mɛ́mla ācɛ Ulífāyi
1Óndú ā da Árɔ̄ni kahíníī, “Awɔ mɛ́mla ayí uwɔ, mɛ́mla ācɛ Ulífāyi ɔhá ā géē móōwe kú ɔdōbɔ̄bí dóódu nɛ̄ aá yá lɛyíkwu Áklɔ̄kpīihɔ ā. Amáŋ, awɔ mɛ́mla ayí uwɔ géē móōwe kú ɔdōbɔ̄bí dóódu nɛ̄ aá ya lɛyíkwu ɛya ō gwó ā. 2Lɛ aɔ́máapú uwɔ, nēe ŋmá ipɔ́ɔma kú ācɛ Ulífāyi ā kpó wā, cɛ́ɛ́ kéē yúklɔ́ mla uwɔ, gē tá uwɔ abɔ̄ eko nɛ̄ awɔ mɛ́mla ayí uwɔ géē yúklɔ́ ipú Áklɔ̄kpīihɔ ā 3É géē yúklɔ́ gá uwɔ, mɛ́mla úklɔ́ kú ipú Áklɔ̄kpīihɔ ā, amáŋ, é gáā lɛ iyē kwu ɔdā otīīhɔ dúúmā kú Áklɔ̄kpīihɔ ā ŋ́. Ɔ́dāŋ ka é lɛ iyē kwu ɔ̄, uwá mɛ́mla awɔ géē kwú. 4É géē yúklɔ́ mla uwɔ, géē cɛ̄ uwɔ ɛhɔ̄ ipu Áklɔ̄kpīihɔ ā, ɔ̄cɛ ɔhá dúúmā í gáā túblla uwɔ ŋ́. 5Awɔ mɛ́mla ayí uwɔ géē yúklɔ́ kú ɛga otīīhɔ ā ōfōōfū nū á, cɛ́ɛ́ ká ícɔ̄nū kú Óndú ā kóō híī wā ɛgiyí ācɛ Ísrɛ̄lu igbɔhá gɛ ŋ́. 6Ami fu aɔ́máapú uwɔ ācɛ Ulífāyi ŋmá ipú ācɛ kú Ísrɛ̄lu kéē wɛ ɛhi gā uwɔ á. É kwú uwā ú kpó gā um, cɛ́ɛ́ kéē yúklɔ́ ipú Áklɔ̄kpīihɔ ā. 7Amáŋ, úklɔ́ kú ede mɛ́mla ɛga otīihɔ fíyɛ́ dúú ā wɛ úklɔ́ kú uwɔ, ohígbū ka n kwú ɛhi kú ɔ̄cogwɛ́ɛya ú gā uwɔ. Ɔ̄cɛ ɔhá dóódu nōo túblá ɔdā otīihɔ ā géē kwú.”
Ukpɛ̄ kú ācogwɛ́ɛya
8Óndú ā da Árɔ̄ni kahíníī, “Bla ka n géē je ɔdā dóódu nɛ̄ ācɛ bī gé um, nɛ̄ ó wɛ ɛya ō yɔlá dúúdú ā ŋ́ mā yá uwɔ ɛhi. N géē kpó uwā gā uwɔ mɛ́mla ayí uwɔ kéē wɛ ukpɛ̄ kú uwā piyóó ipú ɛcɛ. 9Ipú ɔdā otīīhɔ nɛ̄hi nēé yɔlá dúúdú ɛyí ede ŋ́ mā, aɛ́nɛ̄ e bá nyā wɛ ákú uwɔ: ɛya kú īkpɔ̄dɛ̄hɔ̄, ɛya kú íne ō bīya, mɛ́mla ɛya kú ulé ō cílá. Ɛjɛ̄ɛ̄jī ɔdā nēé kpó gā um kóō wɛ ɛya otīihɔ gā um ā í wɛ ákú uwɔ mɛ́mla ayí uwɔ. 10Aá géē lé ɔdā otīihɔ ā, ɛga otīīhɔ. Ayí ācɛnyīlɔ kú uwɔ ōfōōfū uwa géē lé glá á. Je uwa ɔdā otīihɔ nɛ̄hi piyóó ipú ɛcɛ nyā. 11N kwú ɔdā ɛ̄gbā ɛdɔ ɛyɛ́ɛyɛ́yí nēé bī gé um ā ú kpó lɛ awɔ mɛ́mla ayí uwɔ ācɛnyīlɔ mɛ́mla ācɛnyā piyóó. Ɔ̄cɛ dóódu kú uwā nōo le yēŋēē lɔfú lé.”
12Ɔdɛ̄hɔ̄ aflɛ́yí nōo lɔhi fíyɛ́ kú iháyí nɛ̄ ācɛ kú Ísrɛ̄lu géē je ga um ā, anɔ̄ kú ólīfu, ejé mɛ́mla īkpɔ̄dɛ̄hɔ̄ ā, n kwú kpó gā uwɔ.
13Ɔdɛ̄hɔ̄ dúúmā nōo le pīya aflɛ́yí ipú ajɛ ā, nēé géē bī wā gé lɛ Óndú ā, géē wɛ ákú uwɔ. Ɔ̄cɛ dúúmā nōo le yēŋēē inu ɔlɛ́ uwɔ ā lɔfú lé glá. 14#Ulīf 27.28Ɔdā dúúmā nēé le tīihɔ céé, kú ɔdā ɛ̄gbā lɛ Óndú ā, géē wɛ ákú uwɔ. 15Odúúdú ayí aflɛ́yí kú aɛ́bɛ́ nɛ̄ ācɛ kú Ísrɛ̄lu géē je gā um ā, wɛ ákú uwɔ. Amáŋ a géē mīyɛ ije nēé gé le fūla aɔ́kplá kú ācɛ ā mɛ́mla ɛ̄nɛ̄ é lɛ fūla ayí aflɛ́yí kú aɛ́bɛ́ nēe wɛ ɛbɛ́ elihɔ ā. 16É géē fūla aɔ́kplá ā, eko nēé le pīya ɔyā éyi. Ɔ́lá kú oōfūla kú uwā ā wɛ ije nɛ̄hɛ́ ɛhɔ̄. 17Amáŋ, ayí aflɛ́yí kú aɛ́na, aálá, aɛ́wū ā, é gáā fūla uwá ŋ́. É wɛ ákú um, a géē je uwá gwɛ́ɛya, cɛ́ɛ́ a lɛ oyī kú uwā tá klá ede ā, a klla í je ijē kú nū yɔlá lɛ Óndú ā. Ocu kú nū gē he Óndú ā ɔtū. 18Ícɛ̄bɛ́ kú uwā wɛ ákú uwɔ, amɛ̄ mɛ́mla átákwū abɔ̄lɔ́ná kú ɛbɛ́ ā nāa jíliye lɛ Óndú ā kóō wɛ ɛya nōo cɛgbá nɛ̄hi ā wɛ ákú uwɔ dúú. 19N kwú odúúdú ɔdā ɛ̄gbā nɛ̄ ācɛ géē bī gé um ā ú gā uwɔ mɛ́mla ayí uwɔ nɔ̄nyīlɔ mɛ́mla ayí uwɔ nɔ̄nyā. Ɛ̄nyā wɛ okónu nɛ̄ n ce gā uwɔ mɛ́mla ayááyí uwɔ piyóó ipú ɛcɛ, nɛ̄ ń gáā nyíla anú ŋ́.” 20Óndú ā klla da Árɔ̄ni Kahíníī, “Á gáā mīyɛ agbénú dóódu nɛ̄ ɔ̄cɛ géē je lúgwū ŋ́. Á kē gáā lɛ āyā kú ajɛ kú Ísrɛ̄lu dúúmā ŋ́. Ami Óndú ā, géē yá ɔdā dóódu nēe ce uwɔ ɛgbá ā á.”
Ukpɛ̄ kú ācɛ Ulífāyi
21 #
Ulīf 27.30-33; Obla 14.22-29 Óndú ā kahíníī, “N kwú ɔdā ɛ̄gbā kú éyi ŋmá ipú igwó dóódu, nɛ̄ ācɛ bī gé um ā í lɛ ācɛ kú Ulífāyi. Ɛ̄nyā wɛ ulé kú eyī nēé gē le kwu Áklɔ̄kpīihɔ ā á. 22Ācɛ kú Ísrɛ̄lu o hile ā í gáā túblá Áklɔ̄kpīihɔ ā, ɛ́ɛ́ ká é bī ikwū gé lɛ iyī uwā ŋ́. 23Oŋmá ícɛ gɔbū ā, ācɛ kú Ulífāyi géē leyīkwu Áklɔ̄kpīihɔ ā mɛ́mla úklɔ́ kú nū mɛ́ɛ̄ á. Íne nyā géē yɔ̄ lɛ odúúdu ipɔ́ɔma kú aá. Ācɛ kú Ulífāyi ā í kē gáā lɛ agbénú kú abɔ̄yī uwā ipú Ísrɛ̄lu ɛ́ɛ́ gɛ ŋ́. 24Ohígbū ka n kwú ɔdā ɛ̄gbā kú éyi ŋmá ipú igwó nɛ̄ ācɛ kú Ísrɛ̄lu ge bī gé um ā í lɛ uwá kóō wɛ ákú uwā ɛɛ́. Ɔdā nōo yá ɛ́ɛ́ nɛ̄ n da uwá ka é gáā lɛ agbénú kú abɔ̄yī uwā ipú ācɛ Ísrɛ̄lu ŋ́ mā yɔ̄ abɔ́ɔ á.”
Ɛ̄gbā kú éyi ŋmá ipú igwó kú ācɛ Ulífāyi
25Óndú ā da Umósīsi kahíníī, 26“Le ka lɛ ācɛ Ulífāyi ā ka, eko nēé mīyɛ ɛ̄gbā kú éyi ŋmá ipú igwó, nɛ̄ ācɛ Ísrɛ̄lu géē bī gé lɛ Óndú ā, nōo wɛ ákú aá ā. Aá géē je éyi ŋmá ipú igwó kú nū lɛ Óndú ā. 27Ɛ̄gbā nɛ̄ aá géē je nyā lɛbɛ̄ɛka ɛ̄gbā kú īkpɔ̄dɛ̄hɔ̄ kú aflɛ́yí nɛ̄ ɔ̄cɛ nōo hí ɛhɔ̄ géē je ā, mɛ́mla ɔdā ɛ̄gbā kú ejé ɛ̄yīpɛ̄ ā. 28Ɔwɛ nyā, aá géē je ɛ̄gbā kú aá lɛ Óndú ā dúú, ŋmá ipú odúúdu ɔdā ɛ̄gbā kú éyi ŋmá ipú igwó, nɛ̄ aá mīyɛ ŋmá ɛgiyī ācɛ kú Ísrɛ̄lu ā. Aá géē je ɔdā ɛ̄gbā kú aá nyā lɛ Árɔ̄ni, ɔ̄cogwɛ́ɛya ā. 29Aá je ɛga olɔhi fíyɛ́ dúú ā ŋmá ipú odúúdu ɔdā ɛ̄gbā kú éyi ŋmá ipú igwó ā, nɛ̄ aá mīyɛ ŋmá ɛgiyí ācɛ kú Ísrɛ̄lu ā lɛ Óndú ā. 30Eko nɛ̄ aá lɛ ɔdā ɛ̄gbā kú Óndú ā je lɛ Árɔ̄ni, o hile ā wɛ ákú aá, ɛ́gɛ́nɛ̄ ɔ̄cɛ nōo hí ɛhɔ̄ ā géē bī o hile kú ɔdɛ̄hɔ̄ kú nū, eko nɛ̄ ó le ɔdā ɛ̄gbā je lɛ Óndú ā a. 31Aá mɛ́mla aíkonó kú aá géē je o hile ā lé ɛga dóódu. Ohígbū ka ɔ́ɔmā wɛ ulé kú úklɔ́ nɛ̄ aá gē yá ipú Áklɔ̄kpīihɔ ā á. 32Eko nɛ̄ aá le ɛga nōo lɔhi fíyɛ́ dúú ā je lɛ Óndú ā nɛɛ, aá gáā lé ɛpɔ̄bí eko nɛ̄ aá kwú ɛga o hile ā ú lé ŋ́. Amáŋ, aá híī nyíla ɔdā ɛ̄gbā otīīhɔ nyā ŋmá lɛ o lé gbɔbū ká aá je lɛ Óndú ā ŋ́. Aá géē kwú ɔ́dāŋ ka aá le yá lɛ ā.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma