ÁLUKA 16
16
Īkpɛ̄yí olɔfu kú Ukóra, Udátan mɛ́mla Abíram
1 #
Ujúd 1.11
Ukóra, ɔyí kú Ísar, ɔyí kú Ukɔ́hāti, ɔyí kú Ulífāyi, mɛ́mla Udátan mɛ́mla Abíram, ayí kú Ɛlíyābu, ɔyí kú Upélɛ̄ti, ayí kú Urúbɛ̄n, mɛ́mla anyākwɔ́cɛ kú Ísrɛ̄lu, ofigwɛ́ɛpa ce igwó (250). 2lɛ ācɛ kpó, anɔ́ɔ é cāŋjɛ lɛyíkwu Umósīsi. 3É lɛ iyī uwā túbá lɛyíkwu Umósīsi mɛ́mla Árɔ̄ni. Anɔ́ɔ é kahíníī, “Aá le yá fíyɛ́ abɔ̄. Odúúdú ójīla kú ācɛ kú Ísrɛ̄lu ā wɛ ákú Óndú. Óndú ā yɔ̄ mla éyééye kú alɔ, ɔdíyá nɛ̄ aá gē je iyī aá gicō fíyɛ́ ācɛ ohile kú ójila kú Óndú ā?”
4Eko nɛ̄ Umósīsi le ɛ̄nyā pó ā, ó leyī pīya klá ajɛ le ɔkɔ gbā. 5Anɔ́ɔ ó da Ukɔ́ra mɛ́mla ígwu kú nū ā kahíníī, “Ɔ̄cɔ̄ɔ̄cī óócí, Óndú ā géē mafú ɔ̄cɛ nōo wɛ ákú nū ā lɛ alɔ. Ó kē í cɛ̄ lɛ ɔ̄cɛ nōo wɛ ákú nū ā, nɛ̄ ó kē fu ā, kóō túblá anú. 6Óócí, awɔ, Ukɔ́ra mɛ́mla aígwu kú uwɔ kóō kwu ákánjɔ̄ ú. 7Cɛ́ɛ́ aá lɛ ahɔ̄lá fú tū ɔ̄, ká aá lɛ ɔtulalī tū ɔ̄, cɛ́ɛ́ aá kwú ɔ́ ú ga ɛyí ede. Alɔ géē má ɔ̄cɛ nōo tīihɔ ā eko ɔ́ɔmā. Aá le yá fíyɛ́ abɔ̄, ayí kú Ulífāyi.” 8Anɔ́ɔ Umósīsi da Ukɔ́ra kahíníī, “Aá pó, ayí kú Ulífāyi. 9Aá gbɛlá ka ó wɛ ɔdā nɛ̄ŋcɛ́ ka, Óndú ā kóō lɛ á fu ŋmá ipú ójila kú ācɛ Ísrɛ̄lu, cɛ́ɛ́ kú aá wā ɛgiyí nū ajaajɛ, kú aá yúklɔ́ lɛ ɔ́ ipú Áklɔ̄kpīihɔ kú nū, kú aá yúklɔ́ lɛ ācɛ kú Ísrɛ̄lu ā nɛɛ? 10Óndú ā lɛ ojīlīmā nyā je lɛ aá mɛ́mla ayí kú Ulífāyi o hile ā, abālɔbányā ɛga kú ɔcogwɛ́ɛya ā, nɛ̄ aá gē dɔɔ̄kā mɛ́ɛ̄ á. 11Ohígbū ɔ́ɔmā ā, Óndú ā nɛ̄ awɔ mɛ́mla ígwu kú uwɔ túbá yɔ̄ ī bɛ́yíkwu ɔ́ á, ó wɛ ɔ́ɔmā gɛ ŋ́, ɔnyɛ wɛ Árɔ̄ni ɛ́ɛ́ nɛ̄ aá gē ka iŋini tú ɔ̄ ā?”
12Umósīsi lɛ ɛhɔ̄ tū gaá le Udátan mɛ́mla Abíram hīīgwú klla lɛ ayí kú Ɛlíyābu hīīgwú, amáŋ é kahíníī, “Alɔ í gáā wā ŋ́. 13Ó wɛ ɔdā nɛ̄ŋcɛ́ nɛɛ mɛ́ ŋ́, nēé kpó alɔ bɛ̄cɛ ŋmá ajɛ kú Íjīpiti nōo gbo alɔ iyē nɛɛ, ɛga nɛ̄ ɔdōlé kpɔ nɛ̄ɛ̄nɛ̄hi, cɛ́ɛ́ kú ā kpó alɔ ŋmó ipú ígbíli amānyā nɛɛ? A klla lɛ iyī uwɔ yá ɔcɛ́ kú alɔ. 14Ofíyɛ́ dúú ā, a le alɔ bī wā ajɛ nɛ̄ ó lɔhi gbo alɔ iyē nɛɛ nɛ̄ ɔdōlé í yɔ̄ ŋ́. Á klla je ajɛ kú úgwū mɛ́mla ajɛ kú ɛhɔ̄ mɛ́mla ajɛ ɛhɔ̄ kú ɔcí ufáyin lɛ alɔ ŋ́. A kē gbɔɔ́ ō plla alɔ ɛɛ ɛ́ alɔ í wā ŋ́.”
Umósīsi gbɔ̄ɔkɔ ohígbū ācɛ ā
15Umósīsi le cɔ̄nū nɛ̄hi, anɔ́ɔ ó da Óndú ā ka, ā híī mīyɛ ɔdā ɛ̄gbā nɛ̄ ācɛ nēe bá nyā bī wā ā ŋ́. Ń yá ɔ̄cɛ dóódu kú uwā ɔdōbɔ̄bí ɛ́ɛ́ nɛ̄ n ge mīyɛ ijakī kú ɔ̄cɛ dúúmā kú uwā ŋ́.” 16Anɔ́ɔ Umósīsi da Ukɔ́ra kahíníī, “Awɔ mɛ́mla aígwu kú uwɔ, mɛ́mla Árɔ̄ni, aá gā iyɔ̄bū kú Óndú ā óócí ipú Áklɔ̄kpīihɔ ā. 17Ɔnyɔɔnyɛ kú aá géē bī ákánjɔ̄ kú nū, lɛ ahɔ̄lá fú tū ɔ̄, lɛ umu kú ɔtulalī tū ɔ̄, cɛ́ɛ́ kú aá kwú ɔ̄ ú ce ɛyí ede, Árɔ̄ni wɛ dúú. 18Anɔ́ɔ ɔnyɔnyɛ kú ācɛ ofu igwɛ́ɛpa ce igwó ā, kwú ákánjɔ̄ kú uwā ú kpó, le ahɔ̄lá fú tū ɔ̄, le ɔtulalī tū ɔ̄. Anɔ́ɔ é gaá māháyi okómpīinu kú Áklɔ̄kpīihɔ ā mɛ́mla Umósīsi mɛ́mla Árɔ̄ni. 19Anɔ́ɔ Ukɔ́ra lɛ odúúdu ójila kú ācɛ ā túbá háyi lɛ eyī pīya kwu Umósīsi mɛ́mla Árɔ̄ni okómpinu kú Áklɔ̄kpīihɔ ā. Anɔ́ɔ igbeékpónú ɛgahi kú Óndú ā le hɛ́bɛ̄cɛ ɛgiyí ójila kú ācɛ ā. 20Anɔ́ɔ Óndú ā da Umósīsi mɛ́mla Árɔ̄ni ka, 21“Áa háyi ɛga ɛyɛ́ ɛyɛ́ɛ́yí yí hɛ̄ ācɛ ā tá, cɛ́ɛ́ kú n̄ kwú uwā ú kpó yíífi fíyaa.” 22Anɔ́ɔ Umósīsi mɛ́mla Árɔ̄ni le ɔkɔ gbā lɛ eyī pīya klá ajɛ kahíníī, “Ɔwɔicō, awɔ nōo lɛ ɛjɛ̄ɛ̄jī oyēēyī ā, ɔ́dāŋ ka ɔ̄cɛ ékpónú le íne kú uwɔ bīya, a gē cɔ̄nū mla odúúdú ójīla kú ācɛ kú Ísrɛ̄lu nɛɛ? 23Anɔ́ɔ Óndú ā da Umósīsi kahíníī, 24“Lɛ ka lɛ ācɛ Ísrɛ̄lu ā kéē nyɛ̄ɛ̄ ŋmá ɛga nɛ̄ Ukɔ́ra, Udátan mla Abíram lā ā.”
25Anɔ́ɔ Umósīsi mɛ́mla anyākwɔ́cɛ kú Ísrɛ̄lu ā le tá ɛgiyí Udátan mɛ́mla Abíram. 26Anɔ́ɔ o da ójīla kú ācɛ Ísrɛ̄lu a kahíníī, “Aá nyɛ̄ɛ̄ ŋmá ɛgiyí ɔlɛ́ kú ācobɔ̄bíipú nyā, aá kóō híī lɛ abɔ̄ kwu ɔda dúúmā kú uwā ŋ́, ohígbū nēé géē kpó aá yíífi bónū mla ācɛ obɔ̄bí nyā. 27Anɔ́ɔ ācɛ ā nyɛ̄ɛ̄ ŋmá ɛga nɛ̄ Ukɔ́ra, Udátan mɛ́mla Abíram lā ā. Anɔ́ɔ uwá ɛtɛ́trɛ́ɛtá ā gaá háyi okómpīinu kú ɔlɛ́ uwā mɛ́mla anyā ɔlɛ́ uwā mɛ́mla ayí uwā, mɛ́mla ayí olugwulugwu kú ɔlɛ́ uwā ā. 28Anɔ́ɔ Umósīsi da uwá kahíníī, “Abālɔbányā, aá géē jé ka Óndú ā tū um ɛhɔ̄ wā í yúklɔ́ nɛ̄ n gē yá ā á, ka ń yá ɔdā dúúmā abɔ̄yī um ŋ́. 29Ɔ́dāŋ ka ācɛ nēe bá nyā gekwú ɛ́gɛ́nɛ̄ ācɛ ɔhá gē kwú, nɛ̄ ó wɛ ɔdā dóódu ŋmá ɛgiyí Óndú ā wā í kpó uwā ŋmó ohígbū íne ō bīya kú ūwā ŋ́, ayíka ó wɛ Óndú tū um ɛhɔ̄ ā ŋ́. 30Amáŋ, ɔ́dāŋ ka Óndú ā lɛ ɔdā nɛ̄ ó yá jééjē ŋ́ yá, nɛ̄ ajɛ lɛ okónu nwūla kwú ācɛ ā ú mulɛ mla ɔdā dóódu nēé lɛ ā, nēé lɛ tá ɔlékwū oyēeyī, cɛ́ɛ́ aá géē jé ka ācɛ nēe bá nyā tá Óndú ā, klla leyī gwō ɔ̄ bónū.”
31Ikpííkpó nɛ̄ Umósīsi le ɛlā ka mɛ ā, ajɛ ɛga nēé háyi ā kwú hɛ́ ɛpa kɔ. 32Anɔ́ɔ ajɛ lɛ okónu nwūla kwú uwā ú kpó mulɛ mɛ́mla ɔdā dóódu nēé lɛ ā. 33Uwá mɛ́mla ɔdā dóódu nēé lɛ ā, le pɛ́ ga ɔlékwū oyēeyī. Anɔ́ɔ ajɛ ā kwú okónu ú klá tū uwā kpim á. É kwú kpó yíífi ŋmá ipú ójila kú ācɛ Ísrɛ̄lu ā. 34Eko nēé bá ī dɛ̄gba ā, ācɛ kú Ísrɛ̄lu o hile ā gbɔɔ́ ō kwu, kú ajɛ ā kóō je uwá mulɛ mla ācɛ ā ŋ́. 35Ɔlá ŋmá ɛgiyí Óndú ā gaá kwú ācɛ ofu igwɛ́ɛpa ce igwó ɔhá (255) o hile nēe bá ī yi ɔtulalī ɔlá ipú ákánjɔ̄ lɛ Óndú ā í yi ŋmá ajɛ.
36Óndú ā da Umósīsi kahíníī, 37“Lɛ ka lɛ Ɛlísa, ɔyí kú Árɔ̄ni ā, kóō kwú ákánjɔ̄ kú oje udɔ o fɔ́ɔ́lá ā ú ŋmá ɛgiyí okwū kú ācɛ nɛ̄ ɔlá je yi ā, kóō lɛ ahā kú ɔlá ā pīya klá ɛga ɔhá ohígbū ka ákánjɔ̄ kú oje udɔ ā tīihɔ. 38É kwú ɔ̄ ú tīihɔ ŋmá eko nēé bī ɔ̄ wā ɛyí ede kú Óndú ā. Lɛ ákánjɔ̄ ō fɔ́ɔ́lá kú ācɛ nēe kwú ohígbū íne nēé bīya ā kpó, cɛ́ɛ́ kú kwú ɔ̄ ú na oje oplákátá ō bī le klá ɛyí ede ā. Kóō wɛ ahɔ̄ ō pi lɛ ācɛ kú Ísrɛ̄lu. 39Anɔ́ɔ Ɛlísa, ɔ̄cogwɛ́ɛya ā kwú ákánjɔ̄ kú oje udɔ ú lɛ ɔ́ na kwú ɔ̄ ú pīya ɔdā ō lɛ klá ɛyí ede ā. 40Ɛ̄nyā wɛ ahɔ̄ nēé pi ācɛ kú Ísrɛ̄lu ka, ɔ̄cɛ dúúmā nɛ̄ ó wɛ ipɔ́ɔma kú Árɔ̄ni ā ŋ́, í gáā wā ɛyí ede í yi umu kú ɔtulalī ɔlá lɛ Óndú ā ŋ́. Ohígbū nēé géē je yíífi bɛ̄ɛka, Ukɔ́ra mɛ́mla ācɛ ígwu kú nū ā. Ɛlísa lɛ odúúdu ɔdā nyā kpó yá ɛ́gɛ́nɛ̄ Óndú ā je íne lɛ ɔ́ bū okónu kú Umósīsi lɛ ā.”
Árɔ̄ni lɛ ācɛ ā nyatá
41Oŋmɔ́ɔ̄cī nū ā, ācɛ kú Ísrɛ̄lu le iŋini ka tú Umósīsi mɛ́mla Árɔ̄ni kahíníī, “Aá le ācɛ kú Óndú ā kpó ŋmó ɛɛ́.” 42Eko nɛ̄ ācɛ ā jīla bɛ́yí kwu Umósīsi mɛ́mla Árɔ̄ni ā, é le pɛ́ ga ɛgiyí Áklɔ̄kpīihɔ ā. Anɔ́ɔ é má ɛgahi kú Óndú ā le hɛ́bɛ̄cɛ ipú ojuja ā klá Áklɔ̄kpīihɔ ā. 43Anɔ́ɔ Umósīsi mɛ́mla Árɔ̄ni gā iyɔ̄bū kú Áklɔ̄kpīihɔ ā. 44Anɔ́ɔ Óndú ā da Umósīsi kahíníī, 45“Aá nyɛ̄ɛ̄ ŋmá ɛgiyí ācɛ ā, cɛ́ɛ́ kú n̄ kwú uwā ú kpó yíífi fíyaa.” Anɔ́ɔ é kwú eyī ú pīya klá ajɛ gbɔɔ́ ō gbɔ̄ɔkɔ. 46Anɔ́ɔ Umósīsi da Árɔ̄ni ka, kwú ákánjɔ̄ ofɔ́ɔ́lá kú uwɔ ú, cɛ́ɛ́ a lɛ ahɔ̄lá fú tā ɔ̄ ŋmá ɛyí ede, kú ā lɛ umu kú ɔtulalī fú tū ɔ̄, kú ā ga ɛgiyí ācɛ ā fíyaa kú ā lɛ ɛya kú iyē ō gwu gwó kwɛyí uwā, ohígbū ka ícɔ̄nū kú Óndú ā ga ɛɛ́, ōcē obɔ̄bí kē gáā bɛ̄cɛ dúú ɛɛ́.” 47Anɔ́ɔ Árɔ̄ni le yá fíyaa ɛ́gɛ́nɛ̄ Umósīsi ka ā. Anɔ́ɔ ó le inya kwu ga ipú ójila kú ācɛ Ísrɛ̄lu ā, ó má ōcē obɔ̄bí le bɛ̄cɛ ɛga nɛ̄ ācɛ ā bá ā ɛɛ́, anɔ́ɔ ó lɛ umu kú ɔtulalī fú tū ɔlá. Anɔ́ɔ ó le ɛya gwó kwɛyí ācɛ ā. 48Anɔ́ɔ ó má háyi ɔtāhɛ kú ācɛ nēe pɛ́kwú ā mɛ́mla ācɛ nōo yēeyī ā, anɔ́ɔ ōcē obɔ̄bí ā mɛ á. 49Ācɛ nēe kwú ipú ōcē obɔ̄bí nyā, mɛ́mla ācɛ nēe kwú eko kú Ukɔ́ra ā í wɛ áluka kú uwā ɛ́ɛ́ ŋ́ mā, wɛ ulá ofu ce igwɛ́ɛhɔ̄ ce úlā éyi ce ofu igwɛ́ɛhɔ̄ (14,700). 50Árɔ̄ni pīyɛyí wā ɛgiyí Umósīsi Okómpíinu kú Áklɔ̄kpīihɔ ā eko nɛ̄ ōcē obɔ̄bí ā mɛ ā.
Currently Selected:
ÁLUKA 16: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 16
16
Īkpɛ̄yí olɔfu kú Ukóra, Udátan mɛ́mla Abíram
1 #
Ujúd 1.11
Ukóra, ɔyí kú Ísar, ɔyí kú Ukɔ́hāti, ɔyí kú Ulífāyi, mɛ́mla Udátan mɛ́mla Abíram, ayí kú Ɛlíyābu, ɔyí kú Upélɛ̄ti, ayí kú Urúbɛ̄n, mɛ́mla anyākwɔ́cɛ kú Ísrɛ̄lu, ofigwɛ́ɛpa ce igwó (250). 2lɛ ācɛ kpó, anɔ́ɔ é cāŋjɛ lɛyíkwu Umósīsi. 3É lɛ iyī uwā túbá lɛyíkwu Umósīsi mɛ́mla Árɔ̄ni. Anɔ́ɔ é kahíníī, “Aá le yá fíyɛ́ abɔ̄. Odúúdú ójīla kú ācɛ kú Ísrɛ̄lu ā wɛ ákú Óndú. Óndú ā yɔ̄ mla éyééye kú alɔ, ɔdíyá nɛ̄ aá gē je iyī aá gicō fíyɛ́ ācɛ ohile kú ójila kú Óndú ā?”
4Eko nɛ̄ Umósīsi le ɛ̄nyā pó ā, ó leyī pīya klá ajɛ le ɔkɔ gbā. 5Anɔ́ɔ ó da Ukɔ́ra mɛ́mla ígwu kú nū ā kahíníī, “Ɔ̄cɔ̄ɔ̄cī óócí, Óndú ā géē mafú ɔ̄cɛ nōo wɛ ákú nū ā lɛ alɔ. Ó kē í cɛ̄ lɛ ɔ̄cɛ nōo wɛ ákú nū ā, nɛ̄ ó kē fu ā, kóō túblá anú. 6Óócí, awɔ, Ukɔ́ra mɛ́mla aígwu kú uwɔ kóō kwu ákánjɔ̄ ú. 7Cɛ́ɛ́ aá lɛ ahɔ̄lá fú tū ɔ̄, ká aá lɛ ɔtulalī tū ɔ̄, cɛ́ɛ́ aá kwú ɔ́ ú ga ɛyí ede. Alɔ géē má ɔ̄cɛ nōo tīihɔ ā eko ɔ́ɔmā. Aá le yá fíyɛ́ abɔ̄, ayí kú Ulífāyi.” 8Anɔ́ɔ Umósīsi da Ukɔ́ra kahíníī, “Aá pó, ayí kú Ulífāyi. 9Aá gbɛlá ka ó wɛ ɔdā nɛ̄ŋcɛ́ ka, Óndú ā kóō lɛ á fu ŋmá ipú ójila kú ācɛ Ísrɛ̄lu, cɛ́ɛ́ kú aá wā ɛgiyí nū ajaajɛ, kú aá yúklɔ́ lɛ ɔ́ ipú Áklɔ̄kpīihɔ kú nū, kú aá yúklɔ́ lɛ ācɛ kú Ísrɛ̄lu ā nɛɛ? 10Óndú ā lɛ ojīlīmā nyā je lɛ aá mɛ́mla ayí kú Ulífāyi o hile ā, abālɔbányā ɛga kú ɔcogwɛ́ɛya ā, nɛ̄ aá gē dɔɔ̄kā mɛ́ɛ̄ á. 11Ohígbū ɔ́ɔmā ā, Óndú ā nɛ̄ awɔ mɛ́mla ígwu kú uwɔ túbá yɔ̄ ī bɛ́yíkwu ɔ́ á, ó wɛ ɔ́ɔmā gɛ ŋ́, ɔnyɛ wɛ Árɔ̄ni ɛ́ɛ́ nɛ̄ aá gē ka iŋini tú ɔ̄ ā?”
12Umósīsi lɛ ɛhɔ̄ tū gaá le Udátan mɛ́mla Abíram hīīgwú klla lɛ ayí kú Ɛlíyābu hīīgwú, amáŋ é kahíníī, “Alɔ í gáā wā ŋ́. 13Ó wɛ ɔdā nɛ̄ŋcɛ́ nɛɛ mɛ́ ŋ́, nēé kpó alɔ bɛ̄cɛ ŋmá ajɛ kú Íjīpiti nōo gbo alɔ iyē nɛɛ, ɛga nɛ̄ ɔdōlé kpɔ nɛ̄ɛ̄nɛ̄hi, cɛ́ɛ́ kú ā kpó alɔ ŋmó ipú ígbíli amānyā nɛɛ? A klla lɛ iyī uwɔ yá ɔcɛ́ kú alɔ. 14Ofíyɛ́ dúú ā, a le alɔ bī wā ajɛ nɛ̄ ó lɔhi gbo alɔ iyē nɛɛ nɛ̄ ɔdōlé í yɔ̄ ŋ́. Á klla je ajɛ kú úgwū mɛ́mla ajɛ kú ɛhɔ̄ mɛ́mla ajɛ ɛhɔ̄ kú ɔcí ufáyin lɛ alɔ ŋ́. A kē gbɔɔ́ ō plla alɔ ɛɛ ɛ́ alɔ í wā ŋ́.”
Umósīsi gbɔ̄ɔkɔ ohígbū ācɛ ā
15Umósīsi le cɔ̄nū nɛ̄hi, anɔ́ɔ ó da Óndú ā ka, ā híī mīyɛ ɔdā ɛ̄gbā nɛ̄ ācɛ nēe bá nyā bī wā ā ŋ́. Ń yá ɔ̄cɛ dóódu kú uwā ɔdōbɔ̄bí ɛ́ɛ́ nɛ̄ n ge mīyɛ ijakī kú ɔ̄cɛ dúúmā kú uwā ŋ́.” 16Anɔ́ɔ Umósīsi da Ukɔ́ra kahíníī, “Awɔ mɛ́mla aígwu kú uwɔ, mɛ́mla Árɔ̄ni, aá gā iyɔ̄bū kú Óndú ā óócí ipú Áklɔ̄kpīihɔ ā. 17Ɔnyɔɔnyɛ kú aá géē bī ákánjɔ̄ kú nū, lɛ ahɔ̄lá fú tū ɔ̄, lɛ umu kú ɔtulalī tū ɔ̄, cɛ́ɛ́ kú aá kwú ɔ̄ ú ce ɛyí ede, Árɔ̄ni wɛ dúú. 18Anɔ́ɔ ɔnyɔnyɛ kú ācɛ ofu igwɛ́ɛpa ce igwó ā, kwú ákánjɔ̄ kú uwā ú kpó, le ahɔ̄lá fú tū ɔ̄, le ɔtulalī tū ɔ̄. Anɔ́ɔ é gaá māháyi okómpīinu kú Áklɔ̄kpīihɔ ā mɛ́mla Umósīsi mɛ́mla Árɔ̄ni. 19Anɔ́ɔ Ukɔ́ra lɛ odúúdu ójila kú ācɛ ā túbá háyi lɛ eyī pīya kwu Umósīsi mɛ́mla Árɔ̄ni okómpinu kú Áklɔ̄kpīihɔ ā. Anɔ́ɔ igbeékpónú ɛgahi kú Óndú ā le hɛ́bɛ̄cɛ ɛgiyí ójila kú ācɛ ā. 20Anɔ́ɔ Óndú ā da Umósīsi mɛ́mla Árɔ̄ni ka, 21“Áa háyi ɛga ɛyɛ́ ɛyɛ́ɛ́yí yí hɛ̄ ācɛ ā tá, cɛ́ɛ́ kú n̄ kwú uwā ú kpó yíífi fíyaa.” 22Anɔ́ɔ Umósīsi mɛ́mla Árɔ̄ni le ɔkɔ gbā lɛ eyī pīya klá ajɛ kahíníī, “Ɔwɔicō, awɔ nōo lɛ ɛjɛ̄ɛ̄jī oyēēyī ā, ɔ́dāŋ ka ɔ̄cɛ ékpónú le íne kú uwɔ bīya, a gē cɔ̄nū mla odúúdú ójīla kú ācɛ kú Ísrɛ̄lu nɛɛ? 23Anɔ́ɔ Óndú ā da Umósīsi kahíníī, 24“Lɛ ka lɛ ācɛ Ísrɛ̄lu ā kéē nyɛ̄ɛ̄ ŋmá ɛga nɛ̄ Ukɔ́ra, Udátan mla Abíram lā ā.”
25Anɔ́ɔ Umósīsi mɛ́mla anyākwɔ́cɛ kú Ísrɛ̄lu ā le tá ɛgiyí Udátan mɛ́mla Abíram. 26Anɔ́ɔ o da ójīla kú ācɛ Ísrɛ̄lu a kahíníī, “Aá nyɛ̄ɛ̄ ŋmá ɛgiyí ɔlɛ́ kú ācobɔ̄bíipú nyā, aá kóō híī lɛ abɔ̄ kwu ɔda dúúmā kú uwā ŋ́, ohígbū nēé géē kpó aá yíífi bónū mla ācɛ obɔ̄bí nyā. 27Anɔ́ɔ ācɛ ā nyɛ̄ɛ̄ ŋmá ɛga nɛ̄ Ukɔ́ra, Udátan mɛ́mla Abíram lā ā. Anɔ́ɔ uwá ɛtɛ́trɛ́ɛtá ā gaá háyi okómpīinu kú ɔlɛ́ uwā mɛ́mla anyā ɔlɛ́ uwā mɛ́mla ayí uwā, mɛ́mla ayí olugwulugwu kú ɔlɛ́ uwā ā. 28Anɔ́ɔ Umósīsi da uwá kahíníī, “Abālɔbányā, aá géē jé ka Óndú ā tū um ɛhɔ̄ wā í yúklɔ́ nɛ̄ n gē yá ā á, ka ń yá ɔdā dúúmā abɔ̄yī um ŋ́. 29Ɔ́dāŋ ka ācɛ nēe bá nyā gekwú ɛ́gɛ́nɛ̄ ācɛ ɔhá gē kwú, nɛ̄ ó wɛ ɔdā dóódu ŋmá ɛgiyí Óndú ā wā í kpó uwā ŋmó ohígbū íne ō bīya kú ūwā ŋ́, ayíka ó wɛ Óndú tū um ɛhɔ̄ ā ŋ́. 30Amáŋ, ɔ́dāŋ ka Óndú ā lɛ ɔdā nɛ̄ ó yá jééjē ŋ́ yá, nɛ̄ ajɛ lɛ okónu nwūla kwú ācɛ ā ú mulɛ mla ɔdā dóódu nēé lɛ ā, nēé lɛ tá ɔlékwū oyēeyī, cɛ́ɛ́ aá géē jé ka ācɛ nēe bá nyā tá Óndú ā, klla leyī gwō ɔ̄ bónū.”
31Ikpííkpó nɛ̄ Umósīsi le ɛlā ka mɛ ā, ajɛ ɛga nēé háyi ā kwú hɛ́ ɛpa kɔ. 32Anɔ́ɔ ajɛ lɛ okónu nwūla kwú uwā ú kpó mulɛ mɛ́mla ɔdā dóódu nēé lɛ ā. 33Uwá mɛ́mla ɔdā dóódu nēé lɛ ā, le pɛ́ ga ɔlékwū oyēeyī. Anɔ́ɔ ajɛ ā kwú okónu ú klá tū uwā kpim á. É kwú kpó yíífi ŋmá ipú ójila kú ācɛ Ísrɛ̄lu ā. 34Eko nēé bá ī dɛ̄gba ā, ācɛ kú Ísrɛ̄lu o hile ā gbɔɔ́ ō kwu, kú ajɛ ā kóō je uwá mulɛ mla ācɛ ā ŋ́. 35Ɔlá ŋmá ɛgiyí Óndú ā gaá kwú ācɛ ofu igwɛ́ɛpa ce igwó ɔhá (255) o hile nēe bá ī yi ɔtulalī ɔlá ipú ákánjɔ̄ lɛ Óndú ā í yi ŋmá ajɛ.
36Óndú ā da Umósīsi kahíníī, 37“Lɛ ka lɛ Ɛlísa, ɔyí kú Árɔ̄ni ā, kóō kwú ákánjɔ̄ kú oje udɔ o fɔ́ɔ́lá ā ú ŋmá ɛgiyí okwū kú ācɛ nɛ̄ ɔlá je yi ā, kóō lɛ ahā kú ɔlá ā pīya klá ɛga ɔhá ohígbū ka ákánjɔ̄ kú oje udɔ ā tīihɔ. 38É kwú ɔ̄ ú tīihɔ ŋmá eko nēé bī ɔ̄ wā ɛyí ede kú Óndú ā. Lɛ ákánjɔ̄ ō fɔ́ɔ́lá kú ācɛ nēe kwú ohígbū íne nēé bīya ā kpó, cɛ́ɛ́ kú kwú ɔ̄ ú na oje oplákátá ō bī le klá ɛyí ede ā. Kóō wɛ ahɔ̄ ō pi lɛ ācɛ kú Ísrɛ̄lu. 39Anɔ́ɔ Ɛlísa, ɔ̄cogwɛ́ɛya ā kwú ákánjɔ̄ kú oje udɔ ú lɛ ɔ́ na kwú ɔ̄ ú pīya ɔdā ō lɛ klá ɛyí ede ā. 40Ɛ̄nyā wɛ ahɔ̄ nēé pi ācɛ kú Ísrɛ̄lu ka, ɔ̄cɛ dúúmā nɛ̄ ó wɛ ipɔ́ɔma kú Árɔ̄ni ā ŋ́, í gáā wā ɛyí ede í yi umu kú ɔtulalī ɔlá lɛ Óndú ā ŋ́. Ohígbū nēé géē je yíífi bɛ̄ɛka, Ukɔ́ra mɛ́mla ācɛ ígwu kú nū ā. Ɛlísa lɛ odúúdu ɔdā nyā kpó yá ɛ́gɛ́nɛ̄ Óndú ā je íne lɛ ɔ́ bū okónu kú Umósīsi lɛ ā.”
Árɔ̄ni lɛ ācɛ ā nyatá
41Oŋmɔ́ɔ̄cī nū ā, ācɛ kú Ísrɛ̄lu le iŋini ka tú Umósīsi mɛ́mla Árɔ̄ni kahíníī, “Aá le ācɛ kú Óndú ā kpó ŋmó ɛɛ́.” 42Eko nɛ̄ ācɛ ā jīla bɛ́yí kwu Umósīsi mɛ́mla Árɔ̄ni ā, é le pɛ́ ga ɛgiyí Áklɔ̄kpīihɔ ā. Anɔ́ɔ é má ɛgahi kú Óndú ā le hɛ́bɛ̄cɛ ipú ojuja ā klá Áklɔ̄kpīihɔ ā. 43Anɔ́ɔ Umósīsi mɛ́mla Árɔ̄ni gā iyɔ̄bū kú Áklɔ̄kpīihɔ ā. 44Anɔ́ɔ Óndú ā da Umósīsi kahíníī, 45“Aá nyɛ̄ɛ̄ ŋmá ɛgiyí ācɛ ā, cɛ́ɛ́ kú n̄ kwú uwā ú kpó yíífi fíyaa.” Anɔ́ɔ é kwú eyī ú pīya klá ajɛ gbɔɔ́ ō gbɔ̄ɔkɔ. 46Anɔ́ɔ Umósīsi da Árɔ̄ni ka, kwú ákánjɔ̄ ofɔ́ɔ́lá kú uwɔ ú, cɛ́ɛ́ a lɛ ahɔ̄lá fú tā ɔ̄ ŋmá ɛyí ede, kú ā lɛ umu kú ɔtulalī fú tū ɔ̄, kú ā ga ɛgiyí ācɛ ā fíyaa kú ā lɛ ɛya kú iyē ō gwu gwó kwɛyí uwā, ohígbū ka ícɔ̄nū kú Óndú ā ga ɛɛ́, ōcē obɔ̄bí kē gáā bɛ̄cɛ dúú ɛɛ́.” 47Anɔ́ɔ Árɔ̄ni le yá fíyaa ɛ́gɛ́nɛ̄ Umósīsi ka ā. Anɔ́ɔ ó le inya kwu ga ipú ójila kú ācɛ Ísrɛ̄lu ā, ó má ōcē obɔ̄bí le bɛ̄cɛ ɛga nɛ̄ ācɛ ā bá ā ɛɛ́, anɔ́ɔ ó lɛ umu kú ɔtulalī fú tū ɔlá. Anɔ́ɔ ó le ɛya gwó kwɛyí ācɛ ā. 48Anɔ́ɔ ó má háyi ɔtāhɛ kú ācɛ nēe pɛ́kwú ā mɛ́mla ācɛ nōo yēeyī ā, anɔ́ɔ ōcē obɔ̄bí ā mɛ á. 49Ācɛ nēe kwú ipú ōcē obɔ̄bí nyā, mɛ́mla ācɛ nēe kwú eko kú Ukɔ́ra ā í wɛ áluka kú uwā ɛ́ɛ́ ŋ́ mā, wɛ ulá ofu ce igwɛ́ɛhɔ̄ ce úlā éyi ce ofu igwɛ́ɛhɔ̄ (14,700). 50Árɔ̄ni pīyɛyí wā ɛgiyí Umósīsi Okómpíinu kú Áklɔ̄kpīihɔ ā eko nɛ̄ ōcē obɔ̄bí ā mɛ ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma