ÁLUKA 12
12
Umírīyam mɛ́mla Árɔ̄ni
1Umósīsi le ɔnyā lɛ ŋmá Ukússi, anɔ́ɔ Umíriyam mɛ́mla Árɔ̄ni le ɔ́ ŋmókónu ohígbū nū á. 2Anɔ́ɔ é kahíníī, “Umósīsi ōfōōfū nū nɛ̄ Óndú ā gē kɛlā bū okónu kú nū á nɛɛ? Ó kē ī kɛlā lɛ alɔ dúú ŋ́ nɛɛ?” Anɔ́ɔ Óndú ā lɛ ɛlā nēé ka ā pó á. 3Umósīsi wɛ ɔ̄cɛ nōo gbēyī cíí, klla tá iyī nū wāajɛ fíyɛ́ odúúdu ācɛ nēe lā ɛcɛ ā.
4Igbeékpónú, Óndú ā da Umósīsi, Árɔ̄ni mɛ́mla Umíriyam kahíníī, “Aá ɛtɛ́trɛ́ɛtá ā, kéē wā ipú Áklɔ̄kpīihɔ kú um.” Anɔ́ɔ uwá ɛtɛ́trɛ́ɛtá ā le pɛ́ tá ipú Áklɔ̄kpīihɔ ā á. 5Anɔ́ɔ Óndú ā gā ajɛ ipú ojuja kú ɔlá gaá háyi okómpinu kú Áklɔ̄kpīihɔ ā, anɔ́ɔ ó hī Árɔ̄ni mɛ́mla Umíriyam igwú wā iyɔ̄bū nū. Anɔ́ɔ uwá ɛpɛplɛ́ɛpa ā gā iyɔ̄bū nū á. 6Anɔ́ɔ Óndú ā da uwá kahíníī, “Aá pó ɛlā kú um, ɔ́dāŋ ka ɔ̄comɛ́ɛbɛ́ dúúmā yɔ̄ ipú aá, ami nōo wɛ Óndú ā gē ma iyī um fú lɛ ɔ̄cɛ ɔ́ɔmā ipú ɔ̄na ámāŋ ipú ɛbɛ nɛ̄ ó má. 7#Uhíb 3.2Amáŋ, ó lɛ ā lɛ ɔ̄cocɛ̄hɔ̄ kú um, Umósīsi ŋ́. N kwú odúúdu ɛwa kú ācɛ ɔlɛ́ um ú tū ɔ̄ abɔ̄. 8N gē kɛlā mla anú leyī kwu eyī, klla ī kɛlā lɛ ɔ́ péee. Ó wɛ ɛla nɛ̄ n ka ipú ita ŋ́. Ó klla ī má eyī kú ami Óndú ā. Ɔdíyá ɛ́ɛ́ nɛ̄ aá yúufi ō ka obɔ̄bí kú ɔ̄cocɛ̄hɔ̄ kú um, Umósīsi ŋ́ mā?”
Umíriyam kwuú gbo agwú
9Anɔ́ɔ Óndú ā le cɔ̄nū mla uwá, anɔ́ɔ ó nyɛ̄ɛ̄ á. 10Eko nɛ̄ ojuja kú ɔlá ā nyɛ̄ɛ̄ ŋmá Áklɔ̄kpīihɔ ā, Umíriyam kwú gbo agwú, kwú pīya ɛnɛ̄hɛ́ fíyɛ́ áfū. Árɔ̄ni pīyeyī má Umíriyam, anɔ́ɔ ó má koó kwú gbaagwú. 11Anɔ́ɔ Árɔ̄ni da Umósīsi kahíníī, “Kóocōō, ɔkpani um, ā yá alɔ italā ohígbū ucē kú ínoōbīya kú íla nɛ̄ alɔ yá nyā ŋ́. 12Ā híīī cɛ̄ lɛ ɔ́ kóō je pīya bɛ̄ɛka ɔ̄cɛ nēé ma ŋmá ipú nōo wɛ okwū, nɛ̄ āyā kú ɔkpíyē kú nū éyi gē je wa ɛɛ́, kóō bɛ̄cɛ ŋmá ipú kú ɛ́nɛ́ nū ā ŋ́.” 13Anɔ́ɔ Umósīsi gbɔɔ́ ō jikwū klá Óndú ā kahíníī, “Kóocōō, Óndú, pó ɔkɔ oōgba kú um, káā lɛ ɔ́ nyatá.” 14#Áluk 5.2,3Amáŋ, Óndú ā tá Umósīsi ohi kahíníī, “Ɔ́dāŋ ka ádā nū le ahɛ tá klá anú eyī, ó géē bī uwēyī kú nū gaá kwu ɛ̄cī ahāapa. Kéē lɛ ɔwɛ gwū tū ɔ̄ eyīyɛ̄cɛ kú ɛga nēé lā ā ɛ̄cī ahāapa, ɛ́ɛ́ kéē géē bī ɔ̄ wā ɔlɛ́.” 15Anɔ́ɔ é lɛ ɔwɛ gwū tū Umíriyam eyīyɛ̄cɛ kú ɛga nēé bá ā ɛ̄cī ahāapa á. Ācɛ ā í yɛ gɔbū glá ŋ́, gbéeko nēé le Umíriyam bī wā ɔlɛ́. 16Anɔ́ɔ ācɛ ā gbo iyāwu kú uwā ŋmá Uhasɛ́rɔ̄tu abɔ́ɔ gaá lā ígbíli kú Upáran á.
Currently Selected:
ÁLUKA 12: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 12
12
Umírīyam mɛ́mla Árɔ̄ni
1Umósīsi le ɔnyā lɛ ŋmá Ukússi, anɔ́ɔ Umíriyam mɛ́mla Árɔ̄ni le ɔ́ ŋmókónu ohígbū nū á. 2Anɔ́ɔ é kahíníī, “Umósīsi ōfōōfū nū nɛ̄ Óndú ā gē kɛlā bū okónu kú nū á nɛɛ? Ó kē ī kɛlā lɛ alɔ dúú ŋ́ nɛɛ?” Anɔ́ɔ Óndú ā lɛ ɛlā nēé ka ā pó á. 3Umósīsi wɛ ɔ̄cɛ nōo gbēyī cíí, klla tá iyī nū wāajɛ fíyɛ́ odúúdu ācɛ nēe lā ɛcɛ ā.
4Igbeékpónú, Óndú ā da Umósīsi, Árɔ̄ni mɛ́mla Umíriyam kahíníī, “Aá ɛtɛ́trɛ́ɛtá ā, kéē wā ipú Áklɔ̄kpīihɔ kú um.” Anɔ́ɔ uwá ɛtɛ́trɛ́ɛtá ā le pɛ́ tá ipú Áklɔ̄kpīihɔ ā á. 5Anɔ́ɔ Óndú ā gā ajɛ ipú ojuja kú ɔlá gaá háyi okómpinu kú Áklɔ̄kpīihɔ ā, anɔ́ɔ ó hī Árɔ̄ni mɛ́mla Umíriyam igwú wā iyɔ̄bū nū. Anɔ́ɔ uwá ɛpɛplɛ́ɛpa ā gā iyɔ̄bū nū á. 6Anɔ́ɔ Óndú ā da uwá kahíníī, “Aá pó ɛlā kú um, ɔ́dāŋ ka ɔ̄comɛ́ɛbɛ́ dúúmā yɔ̄ ipú aá, ami nōo wɛ Óndú ā gē ma iyī um fú lɛ ɔ̄cɛ ɔ́ɔmā ipú ɔ̄na ámāŋ ipú ɛbɛ nɛ̄ ó má. 7#Uhíb 3.2Amáŋ, ó lɛ ā lɛ ɔ̄cocɛ̄hɔ̄ kú um, Umósīsi ŋ́. N kwú odúúdu ɛwa kú ācɛ ɔlɛ́ um ú tū ɔ̄ abɔ̄. 8N gē kɛlā mla anú leyī kwu eyī, klla ī kɛlā lɛ ɔ́ péee. Ó wɛ ɛla nɛ̄ n ka ipú ita ŋ́. Ó klla ī má eyī kú ami Óndú ā. Ɔdíyá ɛ́ɛ́ nɛ̄ aá yúufi ō ka obɔ̄bí kú ɔ̄cocɛ̄hɔ̄ kú um, Umósīsi ŋ́ mā?”
Umíriyam kwuú gbo agwú
9Anɔ́ɔ Óndú ā le cɔ̄nū mla uwá, anɔ́ɔ ó nyɛ̄ɛ̄ á. 10Eko nɛ̄ ojuja kú ɔlá ā nyɛ̄ɛ̄ ŋmá Áklɔ̄kpīihɔ ā, Umíriyam kwú gbo agwú, kwú pīya ɛnɛ̄hɛ́ fíyɛ́ áfū. Árɔ̄ni pīyeyī má Umíriyam, anɔ́ɔ ó má koó kwú gbaagwú. 11Anɔ́ɔ Árɔ̄ni da Umósīsi kahíníī, “Kóocōō, ɔkpani um, ā yá alɔ italā ohígbū ucē kú ínoōbīya kú íla nɛ̄ alɔ yá nyā ŋ́. 12Ā híīī cɛ̄ lɛ ɔ́ kóō je pīya bɛ̄ɛka ɔ̄cɛ nēé ma ŋmá ipú nōo wɛ okwū, nɛ̄ āyā kú ɔkpíyē kú nū éyi gē je wa ɛɛ́, kóō bɛ̄cɛ ŋmá ipú kú ɛ́nɛ́ nū ā ŋ́.” 13Anɔ́ɔ Umósīsi gbɔɔ́ ō jikwū klá Óndú ā kahíníī, “Kóocōō, Óndú, pó ɔkɔ oōgba kú um, káā lɛ ɔ́ nyatá.” 14#Áluk 5.2,3Amáŋ, Óndú ā tá Umósīsi ohi kahíníī, “Ɔ́dāŋ ka ádā nū le ahɛ tá klá anú eyī, ó géē bī uwēyī kú nū gaá kwu ɛ̄cī ahāapa. Kéē lɛ ɔwɛ gwū tū ɔ̄ eyīyɛ̄cɛ kú ɛga nēé lā ā ɛ̄cī ahāapa, ɛ́ɛ́ kéē géē bī ɔ̄ wā ɔlɛ́.” 15Anɔ́ɔ é lɛ ɔwɛ gwū tū Umíriyam eyīyɛ̄cɛ kú ɛga nēé bá ā ɛ̄cī ahāapa á. Ācɛ ā í yɛ gɔbū glá ŋ́, gbéeko nēé le Umíriyam bī wā ɔlɛ́. 16Anɔ́ɔ ācɛ ā gbo iyāwu kú uwā ŋmá Uhasɛ́rɔ̄tu abɔ́ɔ gaá lā ígbíli kú Upáran á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma