ULĪFAYI 5
5
Ɔdā nōo géē cɛgbá kú ɛya nēé gē gwó kú íne ō bīya
1É géē gwɛ́ɛya kú ínobīya ohígbū aɔ́dā nɛ̄ bá nyā.
Ɔ́dāŋ́ keé lɛ ɔ̄cɛ dúúmā hīīgwú kóō wā í lɛ ijáalí cɛ̄ ɔnɛ̄pɔ̄. Anɔ́ɔ ó wā í lɛ ijáalí cɛ̄ kú ɔdā nōó má ŋ́ ámāŋ ka ɛ̄nɛ̄ ó pó ŋ́ má. É géē yá ɔ̄ italā.
2Ɔ́dāŋ́ ka ɔ̄cɛ dúúmā í jégēdē ŋ́, lɛ abɔ̄ kwu ɔdēelihɔ dúúmā, lɛbɛ̄ɛka okwū kú ɛbɛ́, ɔ̄cɛ ɛ́gɔ́ɔmā kwú īyī nū tēelīhɔ. Ó kē lɛ ɛpɔ́bí lé ɔkwɔɔkwu nōó le ɔdā nōó yá ā jé ā. 3Ɔ́dāŋ ka ɔ̄cɛ dúúmā í jégēdē ŋ́, lɛ abɔ̄ kwu ɔdēelihɔ kú ɔlɛɛcɛ dóódu, ɛdɔ ɔdēelihɔ dúúmā, ó le ɛpɔ̄bí lé ɔkwɔɔkwu nōó le ɔdā nōó yá ā jé ā.
4Ɔ́dāŋ ka ɔ̄cɛ lɛ okónu icííci ce ipéyī Ɔwɔicō, kóō yá olɔhi o, kóō yá ɔdōbɔ̄bí, ɛ́gɛ́ dúú nōó lɛ, ó le ɛpɔ̄bí lé ɔkwɔɔkwu nōó le ɔdā nōó yá ā jé ā.
5Eko nɛ̄ ɔ̄cɛ ā lɛ ɛpɔ̄bí lé, ó géē ka ɔdōbɔ̄bí nōó yá ā tɛ́ɛcɛ. 6Ó géē bī ɔnyā ɛwū ámāŋ ɔnya álá wā gé lɛ Óndú ā kóō wɛ ɔdā ɛ̄gbā kú ɛya kú íne nōó bīya ā. Ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā.
Ɛ̄gbā kú íne ō bīya
7Amáŋ, ɔ́dāŋ ka ɔ̄cɛ ā í má álá ámāŋ ka ɛwū ŋ́, ó géē bī okóohō ɛpa ámāŋ ɔklɛ́ɛbɛ́tɛ ɛpa gé lɛ Óndú ā. Cɛ́ɛ́ kóō wɛ ɔdā ɛ̄gbā ō gwɛ́ɛya kú íne ō bīya. Éyi wɛ ákú íne ō bīya, ɔhá kē wɛ ákú ɛya o yɔlá dúúdú. 8Ó géē bī uwā wā gé lɛ ɔ̄cogwɛ́ɛya ā. Cɛ́ɛ́ ɔ̄cogwɛ́ɛya ā kwú okóohō ā ú gwɛ́ɛya kú íne ō bīya ā aflɛ́yí. Ó géē je ɔ́ ɔkɔ nya gbiíli, amáŋ ó gáā fu īkpɛ̄yí kú nū ŋmá ɔkɔ kú nū ŋ́. 9Cɛ́ɛ́ ó lɛ oyī kú nū ōhī mī klá áklō kú ede ā. Ó géē pīya oyī ohile ā tū ɔkwu kú ede ā. Ɛya nyā gē kpó íne nɛ̄ ɔ̄cɛ ā bīya ā bónū. 10Ó géē je ɔklɛ́bɛ́tɛ ā gwɛ́ɛya o yɔlá ɛ́gɛ́nɛ̄ íne kú nū lɛ ā. Ɔwɛ nyā ā, nɛ̄ ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā á. Cɛ́ɛ́ é kwú íne nōó bīya ā ú yá ɔ̄ ɛhi.
11Amáŋ, ɔ́dāŋ ka ɔ̄cɛ ā í má abɔ̄ ō je okóohō ɛpa ámāŋ ka oklɛ́ɛbɛ́tɛ ɛpa ā ŋ́, ó géē bī okoolo kú umu éyi kóō wɛ ɔdā ɛ̄gbā kú ɛya kú íne nōó bīya ā. Ó gáā lɛ anɔ̄ kú ólīifu, ámāŋ ka ɔtulālī umuumu dóódu tū ɔ̄ ŋ́. Ohígbū ka ɛya kú íne ō bīya nōó wɛ á, ó wɛ ɛya kú ikpɔ̄dɛ̄hɔ̄ ŋ́. 12Ó géē bī ɔ̄ gé lɛ ɔ̄cogwɛ́ɛya ā. Ɔ̄cogwɛ́ɛya ā géē lɛ abɔ̄ fú ɔ̄ omōōmu kú ɛya kú ōblatū nēé je lɛ Óndú ā. É kē í je ɔ́ yɔlá ɛyí ede kóō wɛ ɛya o yɔlá dúúdú. Ó wɛ ɛya kú íne ō bīya bónū. 13Ɔwɛ nyā nɛ̄ ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā á. Cɛ́ɛ́ é géē je íne nōó bīya ā yá ɔ̄ ɛhi. Umu nōo hile ā wɛ ákú ɔ̄cogwɛ́ɛya ā, ɛ́gɛ́nɛ̄ ó lɛ mla ɛya kú īkpɔ̄dā ā.
Ínɛ kú ɛya kú ɛpɔ̄bí ō lé
14Óndú ā le aíne nēe bá nyā kpó lɛ Umósīsi. 15“Ɔ́dāŋ́ ka ɔ̄cɛ dúúmā í jé ŋ́ tá ō je ɔdā ōtīihɔ nōó cíkā ō je lɛ Óndú ā lɛ ɔ́, ó le íne bīya. Ó géē bī omlede ámāŋ opī nōó lɛ ɛnyá ŋ́ gé lɛ Óndú ā kóō wɛ ɛ̄gbā kú ɛya kú ɛpɔ̄bí ō lé. Ɔlá kú nū géē wɛ oje nɛ̄hɛ́, ɛ́gɛ́nɛ̄ ɔ́lá kú nū Áklɔ̄kpīihɔ cíkā ō lɛ ā. 16Ó géē cíla ulé kú ɔdā otīihɔ nōó je lɛ Óndú ā ŋ́ mā piíí. Ó klla géē gbā ɛga ofu ŋmá ipú ofɛhɔ̄ kú nū. Ó géē je ɔ́ lɛ ɔ̄cogwɛ́ɛya ā, cɛ́ɛ́ ɔ̄cogwɛ́ɛya ā kwú ɛbɛ́ ā ú gwɛ́ɛya kú íne nɛ̄ ɔ̄cɛ ā bīya. Cɛ́ɛ́ é kwú íne nōó bīya ā í yá ɔ́ ɛhi. 17Ɔ́dāŋ ka ɔ̄cɛ dúúmā í jégēdē ŋ́ le íne kú Óndú ā bīya, nááná nōó jé ŋ́ mā, ó le ɛpɔ̄bí lé kpɔ́. Ó géē cílá ulé kú ɔdā nōó yá ā. 18Ó géē bī omlede ámāŋ opī nōó lɛ ɛnyá ŋ́, gé lɛ ɔ̄cogwɛ́ɛya ā kú íne nōó bīya ā. Ɔ̄cogwɛ́ɛya ā géē gwɛ́ɛya kú íne ō bīya ā, cɛ́ɛ́ é kwú íne nōó jégēdē ŋ́ bīya ā ú yá ɔ̄ ɛhi. 19Ɛ̄nyā wɛ ɛya nēé gwó kú íne kú Óndú ā nōó bīya ā.
Currently Selected:
ULĪFAYI 5: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 5
5
Ɔdā nōo géē cɛgbá kú ɛya nēé gē gwó kú íne ō bīya
1É géē gwɛ́ɛya kú ínobīya ohígbū aɔ́dā nɛ̄ bá nyā.
Ɔ́dāŋ́ keé lɛ ɔ̄cɛ dúúmā hīīgwú kóō wā í lɛ ijáalí cɛ̄ ɔnɛ̄pɔ̄. Anɔ́ɔ ó wā í lɛ ijáalí cɛ̄ kú ɔdā nōó má ŋ́ ámāŋ ka ɛ̄nɛ̄ ó pó ŋ́ má. É géē yá ɔ̄ italā.
2Ɔ́dāŋ́ ka ɔ̄cɛ dúúmā í jégēdē ŋ́, lɛ abɔ̄ kwu ɔdēelihɔ dúúmā, lɛbɛ̄ɛka okwū kú ɛbɛ́, ɔ̄cɛ ɛ́gɔ́ɔmā kwú īyī nū tēelīhɔ. Ó kē lɛ ɛpɔ́bí lé ɔkwɔɔkwu nōó le ɔdā nōó yá ā jé ā. 3Ɔ́dāŋ ka ɔ̄cɛ dúúmā í jégēdē ŋ́, lɛ abɔ̄ kwu ɔdēelihɔ kú ɔlɛɛcɛ dóódu, ɛdɔ ɔdēelihɔ dúúmā, ó le ɛpɔ̄bí lé ɔkwɔɔkwu nōó le ɔdā nōó yá ā jé ā.
4Ɔ́dāŋ ka ɔ̄cɛ lɛ okónu icííci ce ipéyī Ɔwɔicō, kóō yá olɔhi o, kóō yá ɔdōbɔ̄bí, ɛ́gɛ́ dúú nōó lɛ, ó le ɛpɔ̄bí lé ɔkwɔɔkwu nōó le ɔdā nōó yá ā jé ā.
5Eko nɛ̄ ɔ̄cɛ ā lɛ ɛpɔ̄bí lé, ó géē ka ɔdōbɔ̄bí nōó yá ā tɛ́ɛcɛ. 6Ó géē bī ɔnyā ɛwū ámāŋ ɔnya álá wā gé lɛ Óndú ā kóō wɛ ɔdā ɛ̄gbā kú ɛya kú íne nōó bīya ā. Ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā.
Ɛ̄gbā kú íne ō bīya
7Amáŋ, ɔ́dāŋ ka ɔ̄cɛ ā í má álá ámāŋ ka ɛwū ŋ́, ó géē bī okóohō ɛpa ámāŋ ɔklɛ́ɛbɛ́tɛ ɛpa gé lɛ Óndú ā. Cɛ́ɛ́ kóō wɛ ɔdā ɛ̄gbā ō gwɛ́ɛya kú íne ō bīya. Éyi wɛ ákú íne ō bīya, ɔhá kē wɛ ákú ɛya o yɔlá dúúdú. 8Ó géē bī uwā wā gé lɛ ɔ̄cogwɛ́ɛya ā. Cɛ́ɛ́ ɔ̄cogwɛ́ɛya ā kwú okóohō ā ú gwɛ́ɛya kú íne ō bīya ā aflɛ́yí. Ó géē je ɔ́ ɔkɔ nya gbiíli, amáŋ ó gáā fu īkpɛ̄yí kú nū ŋmá ɔkɔ kú nū ŋ́. 9Cɛ́ɛ́ ó lɛ oyī kú nū ōhī mī klá áklō kú ede ā. Ó géē pīya oyī ohile ā tū ɔkwu kú ede ā. Ɛya nyā gē kpó íne nɛ̄ ɔ̄cɛ ā bīya ā bónū. 10Ó géē je ɔklɛ́bɛ́tɛ ā gwɛ́ɛya o yɔlá ɛ́gɛ́nɛ̄ íne kú nū lɛ ā. Ɔwɛ nyā ā, nɛ̄ ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā á. Cɛ́ɛ́ é kwú íne nōó bīya ā ú yá ɔ̄ ɛhi.
11Amáŋ, ɔ́dāŋ ka ɔ̄cɛ ā í má abɔ̄ ō je okóohō ɛpa ámāŋ ka oklɛ́ɛbɛ́tɛ ɛpa ā ŋ́, ó géē bī okoolo kú umu éyi kóō wɛ ɔdā ɛ̄gbā kú ɛya kú íne nōó bīya ā. Ó gáā lɛ anɔ̄ kú ólīifu, ámāŋ ka ɔtulālī umuumu dóódu tū ɔ̄ ŋ́. Ohígbū ka ɛya kú íne ō bīya nōó wɛ á, ó wɛ ɛya kú ikpɔ̄dɛ̄hɔ̄ ŋ́. 12Ó géē bī ɔ̄ gé lɛ ɔ̄cogwɛ́ɛya ā. Ɔ̄cogwɛ́ɛya ā géē lɛ abɔ̄ fú ɔ̄ omōōmu kú ɛya kú ōblatū nēé je lɛ Óndú ā. É kē í je ɔ́ yɔlá ɛyí ede kóō wɛ ɛya o yɔlá dúúdú. Ó wɛ ɛya kú íne ō bīya bónū. 13Ɔwɛ nyā nɛ̄ ɔ̄cogwɛ́ɛya ā géē gwɛ́ɛya kú íne nɛ̄ ɔ̄cɛ ā bīya ā á. Cɛ́ɛ́ é géē je íne nōó bīya ā yá ɔ̄ ɛhi. Umu nōo hile ā wɛ ákú ɔ̄cogwɛ́ɛya ā, ɛ́gɛ́nɛ̄ ó lɛ mla ɛya kú īkpɔ̄dā ā.
Ínɛ kú ɛya kú ɛpɔ̄bí ō lé
14Óndú ā le aíne nēe bá nyā kpó lɛ Umósīsi. 15“Ɔ́dāŋ́ ka ɔ̄cɛ dúúmā í jé ŋ́ tá ō je ɔdā ōtīihɔ nōó cíkā ō je lɛ Óndú ā lɛ ɔ́, ó le íne bīya. Ó géē bī omlede ámāŋ opī nōó lɛ ɛnyá ŋ́ gé lɛ Óndú ā kóō wɛ ɛ̄gbā kú ɛya kú ɛpɔ̄bí ō lé. Ɔlá kú nū géē wɛ oje nɛ̄hɛ́, ɛ́gɛ́nɛ̄ ɔ́lá kú nū Áklɔ̄kpīihɔ cíkā ō lɛ ā. 16Ó géē cíla ulé kú ɔdā otīihɔ nōó je lɛ Óndú ā ŋ́ mā piíí. Ó klla géē gbā ɛga ofu ŋmá ipú ofɛhɔ̄ kú nū. Ó géē je ɔ́ lɛ ɔ̄cogwɛ́ɛya ā, cɛ́ɛ́ ɔ̄cogwɛ́ɛya ā kwú ɛbɛ́ ā ú gwɛ́ɛya kú íne nɛ̄ ɔ̄cɛ ā bīya. Cɛ́ɛ́ é kwú íne nōó bīya ā í yá ɔ́ ɛhi. 17Ɔ́dāŋ ka ɔ̄cɛ dúúmā í jégēdē ŋ́ le íne kú Óndú ā bīya, nááná nōó jé ŋ́ mā, ó le ɛpɔ̄bí lé kpɔ́. Ó géē cílá ulé kú ɔdā nōó yá ā. 18Ó géē bī omlede ámāŋ opī nōó lɛ ɛnyá ŋ́, gé lɛ ɔ̄cogwɛ́ɛya ā kú íne nōó bīya ā. Ɔ̄cogwɛ́ɛya ā géē gwɛ́ɛya kú íne ō bīya ā, cɛ́ɛ́ é kwú íne nōó jégēdē ŋ́ bīya ā ú yá ɔ̄ ɛhi. 19Ɛ̄nyā wɛ ɛya nēé gwó kú íne kú Óndú ā nōó bīya ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma