ULĪFAYI 3
3
Ɛya kú olétɔ̄há mɛ́mla ɛbɔ́
1Ɔ́dāŋ́ ka ɔ̄cɛ dúúmā gāá je odée gwɛ́ɛya kú olétɔ̄há mɛ́mla ɛbɔ́ nɛɛ, ó géē wɛ ɔbá ɛna nōó lɛ ɛnyá dúúmā ŋ́. 2Ɔ̄cɛ ā géē kpó abɔ̄ kú nū ce ɔ́ ɛyí, cɛ́ɛ́ é lɛ ɛna á ŋmó okómpīinu kú Áklɔ̄kpīihɔ kú Ɔwɔicō. Ayínɔ̄nyīlɔ kú ɔ̄cogwɛ́ɛya ā géē mī oyī kú ɛna ā klá ɔ́kíka ɛnɛ kú ede ā. 3Ó géē je ɛgiyí ɛbɛ́ nēe bá nyā lɛ Óndú ā: odúúdú ijē mɛ́mla iyíipú nū. 4Íkplí mɛ́mla ɛga olɔhi fíyɛ́ dúú kú anyī ā. 5Ācogwɛ́ɛya ā géē je aáyā nēe bá nyā yɔlá mɛ́mla ɛya o yɔlá dúúdú ā. Ocu kú ɛya kú ɔdōlé nyā gē he Óndú ɔtū á.
6Ɔ́dāŋ́ ka álá ámāŋ ka ɛwū nēé bī wā kú ɛya kú olétɔ̄há mɛ́mla ɛbɔ́ á nɛɛ, ó lɔfú wɛ ɔbá ámāŋ ɔnyā glá. Amáŋ ó gáā lɛ ɛnyá dúúmā ŋ́. 7Ɔ́dāŋ́ ka ɔ̄cɛ éyi lɛ álá bī wā í le gwɛ́ɛya nyā á nɛɛ, 8ó géē kpó abɔ̄ kú nū ce ɔ́ ɛyí, cɛ́ɛ́ é lɛ ɔ́ ŋmó okómpīinu kú Áklɔ̄kpīihɔ kú Ɔwɔicō ā. Ācogwɛ́ɛya ā géē mī oyī kú nū klá ɔ́kíka ɛnɛ kú ede ā. 9Ɛgiyí ɛbɛ́ nēe bá nyā géē wɛ ákú Óndú ā: ijē kú nū, ugbé mɛ́mla útūgbé kú nū, mɛ́mla odúúdú ijē nōo klá iyíípú kú nū ā, 10íkplí mɛ́mla ijē kú íkplí ā, mɛ́mla ɛga olɔhi fíyɛ́ dúú kú anyī kú nū ā. 11ɔ̄cogwɛ́ɛya ā géē je ɛjɛ̄ɛ̄jī ɛ̄nyā yɔlá ɛyí ede kóō wɛ ɛya kú ɔdōlé lɛ Óndú ā.
12Ɔ́dāŋ́ ka ɛwū nɛ̄ ɔ̄cɛ ā je á nɛɛ, 13ó géē kpó abɔ̄ kú nū ce ɔ́ ɛyí. Cɛ́ɛ́ é lɛ ɔ́ ŋmó okómpīinu kú Áklɔ̄kpīihɔ kú Ɔwɔicō ā. Ācogwɛ́ɛya ā géē mī oyī kú nū klá ɔkíká ɛnɛ kú ede ā. 14Ó géē je ɛgiyí ɛbɛ́ nēe bá nyā kéē wɛ ɔdōlé kú Óndú ā: odúúdú ijē nōo klá iyíipú kú nū ā, 15íkplí mɛ́mla ijē kú nū mɛ́mla ɛga olɔhi fíyɛ́ dúú kú anyī ā. 16Ɔ̄cogwɛ́ɛya ā géē je ɛjɛ̄ɛ̄jī ɛ̄nyā yɔlá ɛyí ede ā kóō wɛ ɔdōlé nɛ̄ ocu kú nū gē he Óndú ā ɔtū. Ódúúdú ijē ā wɛ ákú Óndú ā. 17Ɔ̄cɛ kú Ísrɛ̄lu dóódu í gáā lé ijē ámāŋ oyī kú ɛbɛ ŋ́. Ɛ̄nyā wɛ íne nɛ̄ ācɛ kú Ísrɛ̄lu géē le tū piyóó, ɛga dóódu nēé lā.
Currently Selected:
ULĪFAYI 3: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 3
3
Ɛya kú olétɔ̄há mɛ́mla ɛbɔ́
1Ɔ́dāŋ́ ka ɔ̄cɛ dúúmā gāá je odée gwɛ́ɛya kú olétɔ̄há mɛ́mla ɛbɔ́ nɛɛ, ó géē wɛ ɔbá ɛna nōó lɛ ɛnyá dúúmā ŋ́. 2Ɔ̄cɛ ā géē kpó abɔ̄ kú nū ce ɔ́ ɛyí, cɛ́ɛ́ é lɛ ɛna á ŋmó okómpīinu kú Áklɔ̄kpīihɔ kú Ɔwɔicō. Ayínɔ̄nyīlɔ kú ɔ̄cogwɛ́ɛya ā géē mī oyī kú ɛna ā klá ɔ́kíka ɛnɛ kú ede ā. 3Ó géē je ɛgiyí ɛbɛ́ nēe bá nyā lɛ Óndú ā: odúúdú ijē mɛ́mla iyíipú nū. 4Íkplí mɛ́mla ɛga olɔhi fíyɛ́ dúú kú anyī ā. 5Ācogwɛ́ɛya ā géē je aáyā nēe bá nyā yɔlá mɛ́mla ɛya o yɔlá dúúdú ā. Ocu kú ɛya kú ɔdōlé nyā gē he Óndú ɔtū á.
6Ɔ́dāŋ́ ka álá ámāŋ ka ɛwū nēé bī wā kú ɛya kú olétɔ̄há mɛ́mla ɛbɔ́ á nɛɛ, ó lɔfú wɛ ɔbá ámāŋ ɔnyā glá. Amáŋ ó gáā lɛ ɛnyá dúúmā ŋ́. 7Ɔ́dāŋ́ ka ɔ̄cɛ éyi lɛ álá bī wā í le gwɛ́ɛya nyā á nɛɛ, 8ó géē kpó abɔ̄ kú nū ce ɔ́ ɛyí, cɛ́ɛ́ é lɛ ɔ́ ŋmó okómpīinu kú Áklɔ̄kpīihɔ kú Ɔwɔicō ā. Ācogwɛ́ɛya ā géē mī oyī kú nū klá ɔ́kíka ɛnɛ kú ede ā. 9Ɛgiyí ɛbɛ́ nēe bá nyā géē wɛ ákú Óndú ā: ijē kú nū, ugbé mɛ́mla útūgbé kú nū, mɛ́mla odúúdú ijē nōo klá iyíípú kú nū ā, 10íkplí mɛ́mla ijē kú íkplí ā, mɛ́mla ɛga olɔhi fíyɛ́ dúú kú anyī kú nū ā. 11ɔ̄cogwɛ́ɛya ā géē je ɛjɛ̄ɛ̄jī ɛ̄nyā yɔlá ɛyí ede kóō wɛ ɛya kú ɔdōlé lɛ Óndú ā.
12Ɔ́dāŋ́ ka ɛwū nɛ̄ ɔ̄cɛ ā je á nɛɛ, 13ó géē kpó abɔ̄ kú nū ce ɔ́ ɛyí. Cɛ́ɛ́ é lɛ ɔ́ ŋmó okómpīinu kú Áklɔ̄kpīihɔ kú Ɔwɔicō ā. Ācogwɛ́ɛya ā géē mī oyī kú nū klá ɔkíká ɛnɛ kú ede ā. 14Ó géē je ɛgiyí ɛbɛ́ nēe bá nyā kéē wɛ ɔdōlé kú Óndú ā: odúúdú ijē nōo klá iyíipú kú nū ā, 15íkplí mɛ́mla ijē kú nū mɛ́mla ɛga olɔhi fíyɛ́ dúú kú anyī ā. 16Ɔ̄cogwɛ́ɛya ā géē je ɛjɛ̄ɛ̄jī ɛ̄nyā yɔlá ɛyí ede ā kóō wɛ ɔdōlé nɛ̄ ocu kú nū gē he Óndú ā ɔtū. Ódúúdú ijē ā wɛ ákú Óndú ā. 17Ɔ̄cɛ kú Ísrɛ̄lu dóódu í gáā lé ijē ámāŋ oyī kú ɛbɛ ŋ́. Ɛ̄nyā wɛ íne nɛ̄ ācɛ kú Ísrɛ̄lu géē le tū piyóó, ɛga dóódu nēé lā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma