ULĪFAYI 27
27
Íne ohígbū ɛhi nɛ̄ ācɛ ī je lɛ Óndú ā
1Óndú ā da Umósīsi kahíníī, 2“Le ka lɛ ācɛ kú Ísrɛ̄lu ā ka ɔ́dāŋ keé kwú ɔ̄cɛ ú lɛ Óndú ā kóō yá jīla kú okónu nēé ce ā, é géē fūla ɔ̄cɛ ɔ́ɔmā glá, ŋmá lɛ ō cílá ije nōo yɔ̄ nyā ā. 3Ɔ̄cɛ nōo ŋmá iháyí ofu ga iháyí ofɛtá ā, ije kú nū géē wɛ īkpō ije nɛ̄hɛ́ ofɛpa cigwó. 4Ɔ́dāŋ ka ɔ̄cɛ ā wɛ ɔ̄cɛnyā, ó géē wɛ īkpō ije nɛ̄hɛ́ ofu cigwó. 5Ɔ́dāŋ ka ɔ̄cɛ ā wɛ iháyí ɛhɔ̄ ga iháyí ofu, ije kú nū géē wɛ īkpō ije nɛhɛ̄ ofu. Ɔ́dāŋ koó wɛ ɔ̄cɛnyā ije kú nū géē wɛ īkpō ije nɛ̄hɛ́ igwó. 6Ɔ́dāŋ ka ɔ̄cɛ ā wɛ ɔyā éyi ga iháyí ɛhɔ̄, ije kú nū géē wɛ īkpō ije nɛ̄hɛ́ ɛhɔ̄. Ɔ́dāŋ koó wɛ ɔ̄cɛnyā, ije kú nū géē wɛ īkpō ije nɛ̄hɛ́ ɛtá. 7Ɔ́dāŋ ka ɔ̄cɛ ā wɛ iháyí ofu ɛtá gɔbū. Ije kú nū géē wɛ īkpō ije nɛ̄hɛ́ igwɛ́ɛhɔ̄. Ɔ́dāŋ koó wɛ ɔ̄cɛnyā ije kú nū géē wɛ īkpō ije nɛ̄hɛ́ igwó. 8Ɔ́dāŋ ka ɔ̄cɛ nōo cokónu ā le gbɛhá nōó má ije nyā gbā ŋ́. Ó géē bī ɔ̄cɛ éyi gé lɛ ɔ̄cogwɛ́ɛya ā, ɔ̄cogwɛ́ɛya ā ké í tá ije kú īkpɛ̄yí kú ɔ̄cɛ ɔ́ɔmā wā ajɛ lɛ ɔ́, ɛnɛ ó géē lɔfú gbā glá ā.”
9“Ɔ́dāŋ ka okónu nōó ce ā wɛ ɛbɛ́ nēé gē le gwɛ́ɛya lɛ Óndú ā glá, ɔdā dóódu nɛ̄ ɔ̄cɛ ɔ́ɔmā je ā tīihɔ. 10Ó gáā je ɔdā dúúmā fūla anú ŋ́, ɛ́ɛ́ nōó í je ɔ́ fūlabɔ̄ ŋ́, ɛ́ɛ́ nōó gē je ɛbɛ́ obɔ̄bí fūla olɔhi ámāŋ je ɛbɛ́ olɔhi fūla obɔ̄bí ŋ́. Ɔ́dāŋ koó kwú ɛbɛ́ éyi ú kwɛyí ɛbɛ́ ɔhá, ɛbɛ́ ɛpɛlɛ́ɛpa ā kwú pīya ákú Óndú ā ɛɛ́. 11Ɔ́dāŋ ka okónu nōó ce ā wɛ ɛbéelihɔ nēé nōó lɔhi ō je gwɛ́ɛya lɛ Óndú ā ŋ́ nɛɛ, ɔ̄cɛ ɔ́ɔmā géē bī ɛbɛ́ ā gé lɛ ɔ̄cogwɛ́ɛya ā. 12Ɔ̄cogwɛ́ɛya ā géē jila anú ɔ́dāŋ koó lɔhi, ámāŋ koó bɔ̄bí. Ɔdā nɛ̄ ɔ̄cogwɛ́ɛya ka ā, nōó wɛ á. 13Amáŋ ɔ́dāŋ koó dɔɔ̄kā ō fūla anú nɛɛ, ó géē lɛ ije ofu ŋmá ipú ofɛhɔ̄ ce ɛyí ɔ́lá nū.
14“Ɔ́dāŋ ka ɔ̄cɛ kwú inu kú nū ú lɛ Óndú ā, ɔ̄cogwɛ́ɛya ā géē tá ɔ́lá nū ā kwu ɛ́gɛ́nɛ̄ ó lɔhi ámāŋ koó bōbí lɛ ā. Ɛ́gɔ́ɔmā nɛ̄ ɔlá nū géē wɛ á. 15Ɔ́dāŋ ka ɔ̄cɛ nōo je inu ā lɛ Óndú ā dɔɔ̄kā ō fūla anú, ó géē cíla ulé nú klla í lɛ ije ofu ŋmá ipú ofɛhɔ̄ ce ɛyí nū.
16“Ɔ́dāŋ ka ɔ̄cɛ kwú ajɛ kú úgwū kú nū ú lɛ Óndú ā, ɔlá kú nū géē wɛ ɛ́gɛ́nɛ̄ áluka ɔdɛ̄hɔ̄, nɛ̄ ɔ̄cɛ géē nyi tū ɔɔ̄ glá ā. Ó géē gbā īkpō ije nɛ̄hɛ́ igwó kú ajɛ nōo géē yá īkpɔ̄dɛ̄hɔ̄ ukílōgram ofu glá ā. 17Ɔ́dāŋ kó kwú ajɛ ā ú lɛ Óndú ā bōōbū nɛ̄ iháyí kú ɔdā o je cīgbīhi lɛ óndú nū ā gaá yɛ, ó géē gbā odúúdú ije nōo wɛ ɔ́lá nū ā. 18Ɔ́dāŋ koó je ajɛ ā lɛ Óndú ā igbīhāajɛ, ɔ̄cogwɛ́ɛya ā géē hɛ́ ɔ́lá nū ɛ́gɛ́nɛ̄ ije kú iháyí nōo hile kú ajɛ ō cīgbīhi lɛ óndú nū kú igbɔhá ā lɛ ā, cɛ́ɛ́ ó lɛ ɔ́lá ā tú wāajɛ. 19Ɔ́dāŋ ka ɔ̄cɛ nōo je ajɛ ā lɛ Óndú ā dɔɔ̄kā kóō fūla anú. Ó géē cíla ulé nú klla í lɛ ije ofu ŋmá ipú ofɛhɔ̄ ce ɛyí nū. 20Ɔ́dāŋ koó kwú ajɛ ā ú lá lɛ ɔ̄cɛ ɔhá, nōó fūla ɔ́ ŋmá ɛgiyí Óndú ā gbɔbū ŋ́. É gáā lɛ íkwu ō fūla anú igb ɔhá ɛ́ɛ́ gɛ ŋ́. 21Ɛpléeko kú ɔdā ō je cīgbīhi lɛ óndú nū kú iháyí ɔhá ā, ó géē je pīya ákú Óndú ā piyóó. Ó géē wɛ ákú ācogwɛ́ɛya ā.”
22Ɔ́dāŋ ka ɔ̄cɛ kwú ajɛ nōó lá ā ú lɛ Óndú ā, 23ɔ̄cogwɛ́ɛya ā géē hɛ́ ɔlá nū, ɛ́gɛ́nɛ̄ eko nōo hile ɛ́ɛ́ kú iháyí kú ɔdā ō je cīgbīhi lɛ óndú nū ā kóō yá ā lɛ ā. Ɔ̄cɛ ā géē cíla ije ā ícíícɛ ɔ́ɔmā. Ije ā géē wɛ ákú Óndú ā. 24Eko kú iháyí kú ɔdā ō je cīgbīhi lɛ óndú nū ā, é géē je ajɛ ā cīgbīhi lɛ ɔ̄cɛ nēé lá ŋmá abɔ̄ nū aflɛ́yí ā ámāŋ ka ayááyí nū. 25Ɔ́lá kú odúúdú aɔ́dā nēe bá nyā géē wɛ ɛ́gɛ́nɛ̄ é ī hɛ́ ɔ́lá kú Áklɔ̄kpīihɔ kú Óndú ā lɛ ā.
26Ɔyí aflɛ́yí kú ɛbɛ́ ɔlɛ́ dóódu wɛ ákú Óndú ā, nōo wɛ Ɔwɔicō ā, ohígbū ɔ́ɔmā, ɔ̄cɛ dúúmā kóō je ɔ́ lɛ Óndú ā kóō wɛ ɔdā ɛhi ɛ́ɛ́ gɛ ŋ́. Ó kōō wɛ ɔyí ɛna ámāŋ ɔyí álá, ámāŋ ka ɔyí ɛwū, ó wɛ ákú Óndú ā. 27Amáŋ é géē fūla ɔyí aflɛ́yí kú ɛbɛ́ ɔlɛ́ nōo wɛ ɛbéelihɔ dóódu mla ɔlá kú Áklɔ̄kpīihɔ ā. Cɛ́ɛ́ é lɛ ije ofu ŋmá ipú ofɛhɔ̄ ce ɔ́láā ɛyí. Ɔ́dāŋ keé hīla anú ŋ́, é géē je ɔ́ lá lɛ ɔ̄cɛ ɔhá ɔ́lá ɔlamu. 28#Áluk 18.14Ɔdā dóódu nɛ̄ ɔ̄cɛ kwú lɛ Óndú ā dúúdú, ɔ̄cɛ dúúmā í gáā fūla anú ŋ́. Ó kōō wɛ ɔ̄cɛ ɔlamu, ámāŋ ɛbɛ́ ámāŋ ajɛ. Ó wɛ ákú Óndú ā piyóó. 29Kwu ɔ̄cɛ ɔlamu nēé kwú lɛ Óndú ā piyóó, é gáā hīla anú ŋ́, é géē je ɔ̄cɛ ɔ́ɔmā ŋmó.
30 #
Áluk 18.21; Obla 14.22-29 Éyi ŋmá ipú igwó kú odúúdú ɔdɛ̄hɔ̄, mɛ́mla īkpɔ̄cí kú ajɛ ā wɛ ákú Óndú ā. 31Ɔ́dāŋ ka ɔ̄cɛ dúúmā dɔɔ̄kā ō fūla odóódu kú nū, ó gé cíla ulé nū, ɛ́gɛ́nɛ̄ ɔlá nū lɛ ā. Ó klla í lɛ ije ofu ŋmá ipú ofɛhɔ̄ ce ɛyí ɔ́lá ā. 32Éyi ŋmá ipú igwó kú odúúdú ɛbɛ́ ɔlɛ́ kú aá ā wɛ ákú Óndú ā. Eko nɛ̄ aá géē gbo aɛ́bɛ́ ā áluka ā, éyi ŋmá ipú igwó kú uwā wɛ ákú Óndú ā. 33Óndú kú ɛbɛ́ ā í gáā jila ɔ́ kóō má ɛyɛ́ɛyɛ́yí kú obɔ̄bí mɛ́mla olɔhi kú ɛbɛ́ ā ŋ́, ɛ́ɛ́ nēé kōō je ɔ́ fūlabɔ̄ ŋ́. Ɔ́dāŋ koó kōō kwú ɔ̄ ú fūlabɔ̄ mla ɛbɛ́ ɔhá, ó lɛ ā, aɛ́bɛ́ ɛplɛ́ɛpa ā géē wɛ ákú Óndú ā, cɛ́ɛ́ é kē je ɔ́ fūla glá gɛ ŋ́.
34Ɛ̄nyā wɛ íne nɛ̄ Ɔwɔicō je lɛ Umósīsi ɛyí ɛfu kú Usáyínāyi á.
Currently Selected:
ULĪFAYI 27: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 27
27
Íne ohígbū ɛhi nɛ̄ ācɛ ī je lɛ Óndú ā
1Óndú ā da Umósīsi kahíníī, 2“Le ka lɛ ācɛ kú Ísrɛ̄lu ā ka ɔ́dāŋ keé kwú ɔ̄cɛ ú lɛ Óndú ā kóō yá jīla kú okónu nēé ce ā, é géē fūla ɔ̄cɛ ɔ́ɔmā glá, ŋmá lɛ ō cílá ije nōo yɔ̄ nyā ā. 3Ɔ̄cɛ nōo ŋmá iháyí ofu ga iháyí ofɛtá ā, ije kú nū géē wɛ īkpō ije nɛ̄hɛ́ ofɛpa cigwó. 4Ɔ́dāŋ ka ɔ̄cɛ ā wɛ ɔ̄cɛnyā, ó géē wɛ īkpō ije nɛ̄hɛ́ ofu cigwó. 5Ɔ́dāŋ ka ɔ̄cɛ ā wɛ iháyí ɛhɔ̄ ga iháyí ofu, ije kú nū géē wɛ īkpō ije nɛhɛ̄ ofu. Ɔ́dāŋ koó wɛ ɔ̄cɛnyā ije kú nū géē wɛ īkpō ije nɛ̄hɛ́ igwó. 6Ɔ́dāŋ ka ɔ̄cɛ ā wɛ ɔyā éyi ga iháyí ɛhɔ̄, ije kú nū géē wɛ īkpō ije nɛ̄hɛ́ ɛhɔ̄. Ɔ́dāŋ koó wɛ ɔ̄cɛnyā, ije kú nū géē wɛ īkpō ije nɛ̄hɛ́ ɛtá. 7Ɔ́dāŋ ka ɔ̄cɛ ā wɛ iháyí ofu ɛtá gɔbū. Ije kú nū géē wɛ īkpō ije nɛ̄hɛ́ igwɛ́ɛhɔ̄. Ɔ́dāŋ koó wɛ ɔ̄cɛnyā ije kú nū géē wɛ īkpō ije nɛ̄hɛ́ igwó. 8Ɔ́dāŋ ka ɔ̄cɛ nōo cokónu ā le gbɛhá nōó má ije nyā gbā ŋ́. Ó géē bī ɔ̄cɛ éyi gé lɛ ɔ̄cogwɛ́ɛya ā, ɔ̄cogwɛ́ɛya ā ké í tá ije kú īkpɛ̄yí kú ɔ̄cɛ ɔ́ɔmā wā ajɛ lɛ ɔ́, ɛnɛ ó géē lɔfú gbā glá ā.”
9“Ɔ́dāŋ ka okónu nōó ce ā wɛ ɛbɛ́ nēé gē le gwɛ́ɛya lɛ Óndú ā glá, ɔdā dóódu nɛ̄ ɔ̄cɛ ɔ́ɔmā je ā tīihɔ. 10Ó gáā je ɔdā dúúmā fūla anú ŋ́, ɛ́ɛ́ nōó í je ɔ́ fūlabɔ̄ ŋ́, ɛ́ɛ́ nōó gē je ɛbɛ́ obɔ̄bí fūla olɔhi ámāŋ je ɛbɛ́ olɔhi fūla obɔ̄bí ŋ́. Ɔ́dāŋ koó kwú ɛbɛ́ éyi ú kwɛyí ɛbɛ́ ɔhá, ɛbɛ́ ɛpɛlɛ́ɛpa ā kwú pīya ákú Óndú ā ɛɛ́. 11Ɔ́dāŋ ka okónu nōó ce ā wɛ ɛbéelihɔ nēé nōó lɔhi ō je gwɛ́ɛya lɛ Óndú ā ŋ́ nɛɛ, ɔ̄cɛ ɔ́ɔmā géē bī ɛbɛ́ ā gé lɛ ɔ̄cogwɛ́ɛya ā. 12Ɔ̄cogwɛ́ɛya ā géē jila anú ɔ́dāŋ koó lɔhi, ámāŋ koó bɔ̄bí. Ɔdā nɛ̄ ɔ̄cogwɛ́ɛya ka ā, nōó wɛ á. 13Amáŋ ɔ́dāŋ koó dɔɔ̄kā ō fūla anú nɛɛ, ó géē lɛ ije ofu ŋmá ipú ofɛhɔ̄ ce ɛyí ɔ́lá nū.
14“Ɔ́dāŋ ka ɔ̄cɛ kwú inu kú nū ú lɛ Óndú ā, ɔ̄cogwɛ́ɛya ā géē tá ɔ́lá nū ā kwu ɛ́gɛ́nɛ̄ ó lɔhi ámāŋ koó bōbí lɛ ā. Ɛ́gɔ́ɔmā nɛ̄ ɔlá nū géē wɛ á. 15Ɔ́dāŋ ka ɔ̄cɛ nōo je inu ā lɛ Óndú ā dɔɔ̄kā ō fūla anú, ó géē cíla ulé nú klla í lɛ ije ofu ŋmá ipú ofɛhɔ̄ ce ɛyí nū.
16“Ɔ́dāŋ ka ɔ̄cɛ kwú ajɛ kú úgwū kú nū ú lɛ Óndú ā, ɔlá kú nū géē wɛ ɛ́gɛ́nɛ̄ áluka ɔdɛ̄hɔ̄, nɛ̄ ɔ̄cɛ géē nyi tū ɔɔ̄ glá ā. Ó géē gbā īkpō ije nɛ̄hɛ́ igwó kú ajɛ nōo géē yá īkpɔ̄dɛ̄hɔ̄ ukílōgram ofu glá ā. 17Ɔ́dāŋ kó kwú ajɛ ā ú lɛ Óndú ā bōōbū nɛ̄ iháyí kú ɔdā o je cīgbīhi lɛ óndú nū ā gaá yɛ, ó géē gbā odúúdú ije nōo wɛ ɔ́lá nū ā. 18Ɔ́dāŋ koó je ajɛ ā lɛ Óndú ā igbīhāajɛ, ɔ̄cogwɛ́ɛya ā géē hɛ́ ɔ́lá nū ɛ́gɛ́nɛ̄ ije kú iháyí nōo hile kú ajɛ ō cīgbīhi lɛ óndú nū kú igbɔhá ā lɛ ā, cɛ́ɛ́ ó lɛ ɔ́lá ā tú wāajɛ. 19Ɔ́dāŋ ka ɔ̄cɛ nōo je ajɛ ā lɛ Óndú ā dɔɔ̄kā kóō fūla anú. Ó géē cíla ulé nú klla í lɛ ije ofu ŋmá ipú ofɛhɔ̄ ce ɛyí nū. 20Ɔ́dāŋ koó kwú ajɛ ā ú lá lɛ ɔ̄cɛ ɔhá, nōó fūla ɔ́ ŋmá ɛgiyí Óndú ā gbɔbū ŋ́. É gáā lɛ íkwu ō fūla anú igb ɔhá ɛ́ɛ́ gɛ ŋ́. 21Ɛpléeko kú ɔdā ō je cīgbīhi lɛ óndú nū kú iháyí ɔhá ā, ó géē je pīya ákú Óndú ā piyóó. Ó géē wɛ ákú ācogwɛ́ɛya ā.”
22Ɔ́dāŋ ka ɔ̄cɛ kwú ajɛ nōó lá ā ú lɛ Óndú ā, 23ɔ̄cogwɛ́ɛya ā géē hɛ́ ɔlá nū, ɛ́gɛ́nɛ̄ eko nōo hile ɛ́ɛ́ kú iháyí kú ɔdā ō je cīgbīhi lɛ óndú nū ā kóō yá ā lɛ ā. Ɔ̄cɛ ā géē cíla ije ā ícíícɛ ɔ́ɔmā. Ije ā géē wɛ ákú Óndú ā. 24Eko kú iháyí kú ɔdā ō je cīgbīhi lɛ óndú nū ā, é géē je ajɛ ā cīgbīhi lɛ ɔ̄cɛ nēé lá ŋmá abɔ̄ nū aflɛ́yí ā ámāŋ ka ayááyí nū. 25Ɔ́lá kú odúúdú aɔ́dā nēe bá nyā géē wɛ ɛ́gɛ́nɛ̄ é ī hɛ́ ɔ́lá kú Áklɔ̄kpīihɔ kú Óndú ā lɛ ā.
26Ɔyí aflɛ́yí kú ɛbɛ́ ɔlɛ́ dóódu wɛ ákú Óndú ā, nōo wɛ Ɔwɔicō ā, ohígbū ɔ́ɔmā, ɔ̄cɛ dúúmā kóō je ɔ́ lɛ Óndú ā kóō wɛ ɔdā ɛhi ɛ́ɛ́ gɛ ŋ́. Ó kōō wɛ ɔyí ɛna ámāŋ ɔyí álá, ámāŋ ka ɔyí ɛwū, ó wɛ ákú Óndú ā. 27Amáŋ é géē fūla ɔyí aflɛ́yí kú ɛbɛ́ ɔlɛ́ nōo wɛ ɛbéelihɔ dóódu mla ɔlá kú Áklɔ̄kpīihɔ ā. Cɛ́ɛ́ é lɛ ije ofu ŋmá ipú ofɛhɔ̄ ce ɔ́láā ɛyí. Ɔ́dāŋ keé hīla anú ŋ́, é géē je ɔ́ lá lɛ ɔ̄cɛ ɔhá ɔ́lá ɔlamu. 28#Áluk 18.14Ɔdā dóódu nɛ̄ ɔ̄cɛ kwú lɛ Óndú ā dúúdú, ɔ̄cɛ dúúmā í gáā fūla anú ŋ́. Ó kōō wɛ ɔ̄cɛ ɔlamu, ámāŋ ɛbɛ́ ámāŋ ajɛ. Ó wɛ ákú Óndú ā piyóó. 29Kwu ɔ̄cɛ ɔlamu nēé kwú lɛ Óndú ā piyóó, é gáā hīla anú ŋ́, é géē je ɔ̄cɛ ɔ́ɔmā ŋmó.
30 #
Áluk 18.21; Obla 14.22-29 Éyi ŋmá ipú igwó kú odúúdú ɔdɛ̄hɔ̄, mɛ́mla īkpɔ̄cí kú ajɛ ā wɛ ákú Óndú ā. 31Ɔ́dāŋ ka ɔ̄cɛ dúúmā dɔɔ̄kā ō fūla odóódu kú nū, ó gé cíla ulé nū, ɛ́gɛ́nɛ̄ ɔlá nū lɛ ā. Ó klla í lɛ ije ofu ŋmá ipú ofɛhɔ̄ ce ɛyí ɔ́lá ā. 32Éyi ŋmá ipú igwó kú odúúdú ɛbɛ́ ɔlɛ́ kú aá ā wɛ ákú Óndú ā. Eko nɛ̄ aá géē gbo aɛ́bɛ́ ā áluka ā, éyi ŋmá ipú igwó kú uwā wɛ ákú Óndú ā. 33Óndú kú ɛbɛ́ ā í gáā jila ɔ́ kóō má ɛyɛ́ɛyɛ́yí kú obɔ̄bí mɛ́mla olɔhi kú ɛbɛ́ ā ŋ́, ɛ́ɛ́ nēé kōō je ɔ́ fūlabɔ̄ ŋ́. Ɔ́dāŋ koó kōō kwú ɔ̄ ú fūlabɔ̄ mla ɛbɛ́ ɔhá, ó lɛ ā, aɛ́bɛ́ ɛplɛ́ɛpa ā géē wɛ ákú Óndú ā, cɛ́ɛ́ é kē je ɔ́ fūla glá gɛ ŋ́.
34Ɛ̄nyā wɛ íne nɛ̄ Ɔwɔicō je lɛ Umósīsi ɛyí ɛfu kú Usáyínāyi á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma