ULĪFAYI 25
25
Iháyí ɔ́mahāapa ā
1 #
Oyɛb 23.10,11 Óndú ā le ɛlā ka lɛ Umósīsi ɛyí ɛfu kú usáyínāyi ā kóō 2le ka lɛ ācɛ kú Ísrɛ̄lu ā kahíníī, “Eko nɛ̄ aá gā ipú ajɛ nɛ̄ n gáā je lɛ aá ā. Aá géē lɛ ojīlīmā ce um oŋmá lɛ ō mabɔ̄ ajɛ tá cíí, nɛ̄ aá í gáā hɛ́hɔ̄ anú ŋ́, iháyí ahāapa. 3Iháyí ɛhīlī, aá géē hɛ́hɔ̄ anú klla í nyi, í cē īkpɔ̄dɛ̄hɔ̄ kú aá. 4Amáŋ iháyí ɔ́mahāapa ā géē wɛ iháyí kú omlɛ́nyɔ́ dúúdú kú ajɛ ā, iháyí nēé kwú tū Óndú ā abɔ̄. Aá gáā nyi ɔdā dúú tū ajɛ ā iháyí ɔ́ɔmā ŋ́, ɛ́ɛ́ nɛ̄ aa géē gwó ābɔ̄ kú ɔcí ufáyin tū ɔ̄ ŋ́. 5Aá kōō híī nyɔ̄ gaá ce igbodí igwu ŋmá ajɛ kú aá ŋ́. Aá híī nyɔ̄ gaá tú īkpō ufáyin kú aá bá ŋmá ɔcí ufáyin nɛ̄ aá glá ābɔ̄ nū yá ŋ́ mā ŋ́. Ohígbū koó wɛ iháyí kú omlɛ́nyɔ́ kú ajɛ ā dúúdú. 6Nááná nɛ̄ aá hí ajɛ ā ŋ́ eko kú omlɛ́nyɔ́ ā, ó géē yá ɔdōlé lɛ aá, aɔ́fiyɛ kú aá, ācɛ olufa kú aá, aéwɔhá nēe lā mla aá, 7aɛ́bɛ́ kú ɔlɛ́ aá mɛ́mla aɛ́bɛ́ ácí kú aá. Aá lɔfú lé ɔdā dúú nōo bū ŋmá ajɛ ā glá.
Iháyí kóō ɔdā ō je cīgbīhi
8Óndú ā klla kahíníī, “Aá gbaáluka iháyí ahāapa ɛga ahāapa, odúúdú nū í wɛ iháyí ofɛpa cahāanɛ. 9Cɛ́ɛ́ ɛ̄cī ɔ́migwó kú ɔyā ɔ́mahāapa ā, ɛ̄cī nēé gē gwɛ́ɛya kú íne ō bīya ā, aá lɛ ɔ̄cɛ éyi tɛ̄hɔ̄ kóō lɛ opo tá odúúdú ajɛ ā. 10Aá bī ɔwɛ ɛ́gɛ́nyā lɛ iháyí ɔ́mofɛpa cigwó ā fō tá, nɛ̄ aá géē ka tɛ́ɛcɛ lɛ odúúdú ācɛ nēe lā ipú ajɛ ā, keé le hɛ́tá ɛɛ́. Odúúdú agbénú nēé kpó lá kpɛ́mm ā, é í je uwá kpó kwúcē igbīhi lɛ ācɛ nēe lɛ aflɛ́yí ā, ámāŋ ka ayááyí kú ɔ̄cɛ ā. Ɔ̄cɛ dúúmā nēé je lá ɔfiyɛ ā géē kwúcē igbīhi ga ipɔ́ɔ́nū kú nū. 11Iháyí ɔ́mofɛpa cigwó ā, aá gáā nyi ɔdā dóódu tū ɛhɔ̄ kú aá ŋ́. Ɛ́ɛ́ nɛ̄ aá gēe cē inana kú ɔdɛ̄hɔ̄ kú aá ŋ́. Ɛ́ɛ́ nɛ̄ aá géē tú ikpó kú ɔcí dúúmā nɛ̄ aá gwó ābɔ̄ nū ŋ́ mā bá ŋ́. 12Odúúdú iháyí ā géē wɛ iháyí otīihɔ lɛ aá. Aɔ́dā nēe bū ŋmá ajɛ ā abɔ̄yī uwā ā ōfōōfū uwā ā nɛ̄ aá gaá lé á. 13Ipú iháyí ɔ́ɔmā ā, odúúdú agbénú nɛ̄ ācɛ kpó ce aá abɔ̄ ā, aá géē je uwá kpó cīgbīhi lɛ aóndú uwā. 14Ohígbū ɔ́ɔmā eko nɛ̄ aá kwú ajɛ ú lá lɛ ɔ̄cɛ kú Ísrɛ̄lu ɔ́mpa aá, ámāŋ ka aá le ajɛ lá ŋmá abɔ̄ ɔ̄cɛ dúúmā, aá híī yá iyī aá ŋmó ŋ́. 15Aá géē ka ɔ́lá kú nū oŋmá áluka kú iháyí nɛ̄ ajɛ ā géē lɔfú yá ɔdɛ̄hɔ̄ glá ā gaá kwu gbɔbū lɛ iháyí kú ohabɔ̄ ajɛ tá ɔhá ā. 16Ɔ́dāŋ ka iháyí nōo hile gbɔbū le iháyí kú ohabɔ̄ odée tá ā lɛwa, ɔlá kú ajɛ ā géē nwuné. Ɔ́gāŋ nɛ̄ iháyí ā kē le lígíí, ɔ́lá kú nū géē lɛ lígíí. Ohígbū ka ɔ́lá kú ajɛ nēe yɔ̄ í je lá nyā ŋmá ɔdɛ̄hɔ̄ nɛ̄ ɔ̄cɛ ce ŋmá ajɛ ā glá nɛ n. 17Aá híī hɛ́ ɔ̄cɛ kú Ísrɛ̄lu ɔ́mpa aá lé ŋ́. Aá yúufi Ɔwɔicō.”
Unwalu kú iháyí ɔ́mahāapa ā
18“Aá lɛyítáajɛ lɛ odúúdú íne kú Óndú ā, kú aá lɛ odúúdú nū yá jila, cɛ́ɛ́ kú aá lā ɛbɔ́ ipú ajɛ ā. 19Ajɛ ā géē yá īkpɔ̄dɛ̄hɔ̄ lɛ aá, aá kē í lé ɔdā dóódu nɛ̄ aá dɔɔ̄kā ō lé ā, aá klla í lā ɛbɔ́. 20Amáŋ, ɔ́dāŋ ka ɔ̄cɛ éyi lɛ ɔ̄kā kú ɔdā nōó géē yɔ̄ ī lé ɛplá eko kú iháyí ɔ́mahāapa ā nēé ī nyi ɔdɛ̄hɔ̄ dóódu ŋ́ mā da. 21Ami Óndú ā géē hɔ́hā ce ajɛ ā cɛ́ɛ́ ó géē yá ɔdɛ̄hɔ̄ nɛ̄hi iháyí ɔ́mɛhīlī ā nōo lɔfú bī aá iháyí ɛpa. 22Eko nɛ̄ aá lɛ ɔdɛ̄hɔ̄ nyi iháyí ɔ́mahātá ā, nááná, aá géē bā ī lé ɔdɛ̄hɔ̄ nɛ̄ncɛ̄ kú aá nɛ̄ aá cē iháyí ɔ́mɛhīlī ā kpɔ́. Aá kē í lɛ ɔdōlé jāā gbéeko nɛ̄ aá géē cē ɔdɛ̄hɔ̄ nɛ̄ aá nyi iháyí ɔ́ɔmā ā.
Ɔdā ō je kwúcē igbīhi
23Aá gáā je ajɛ ā lá lɛ ɔ̄cɛ piyóó ŋ́, ohígbū ka ajɛ ā í wɛ ákú aá ŋ́. Ó wɛ ákú ami nōo wɛ Ɔwɔicō ā nɛ. Aá kē lɛbɛ̄ɛka éwɔhá nēé jɛga lɛ aá ká aá hɛ́hɔ́ ipú ajɛ ā nɛ n. 24Eko nɛ̄ aá kwú ajɛ ú lá, ɛga kú óndú ajɛ ā kóō lɔfú lá ɔdāyīnū cīgbīhi glá ā cíká ō yɔ̄. 25Ɔ́dāŋ ka ɔ̄cɛ kú Ísrɛ̄lu kwú gbɛhá, anɔ́ɔ ó tíne ó kwú ajɛ kú nū ú lá á. Ɔmáapu nū nōo kwu ɔ́ ajaajɛ ā géē lá ajɛ ā cīgbīhi lɛ ɔ́. 26Amáŋ ɔ́dāŋ ka ɔ̄cɛ dúúmā nōó lɛ ɔmáapú nōo í lá ajɛ cīgbīhi ŋ́, ɔ̄cɛ ā lɔfú je gbagbénú ɛ̄cī éyi glá, nōó lɔfú lá ɔdāyīnū cīgbīhi glá. 27Ɔ́dāŋ koó lɛ ā, ó í cíla ɔ̄cɛ nōo lá ajɛ ā okónu kú ije nōo í kwɛyí eko nōo hile kéē je ajɛ cīgbīhi lɛ óndú nū ā piíí. Cɛ́ɛ́ ó mīyɛ ajɛ kú nū cīgbīhi. 28Amáŋ ɔ́dāŋ koó má ije jɛ̄ nōó ī lá ajɛ ā cīgbīhi ŋ́, ó géē yɔ̄ abɔ̄ kú ācɛ nōo lá ā jāā gbéeko kú ajɛ ō je cīgbīhi lɛ óndú nū. É géē je ɔ́ cīgbīhi lɛ ɔ̄cɛ nōo lɛ abɔ̄ɔ̄bɔ̄yī nū ā. 29Ɔ́dāŋ ka ɔ̄cɛ kwú ɔlɛ́ nū nōo yɔ̄ ipú igelī nēé le igá cē tū ɔ̄ ā ú lá. Ó lɛ íkwu ō lá ɔdā iyī nū cīgbīhi ɛplá iháyí odunkwulu ŋmá ɛ̄cī nēé lá ajɛ ā glá. 30Amáŋ, ɔ́dāŋ koó lá ɔ̄ cīgbīhi ɛplá iháyí éyi ā glá ŋ́, ó gáā lɛ íkwu ō lá ɔlɛ́ ā cīgbīhi glá gɛ ŋ́. Cɛ́ɛ́ ɔlɛ́ ā kwú pīya ɔdā kú ukpɛ́ kú agbénū kú ɔ̄cɛ nōo lā mɛ́mla ayááyí kú ɔlɛ́ nū. É gáā je ɔ́ cīgbīhi eko kú ɔdā ō je cīgbīhi lɛ óndú nū ā ŋ́. 31Amáŋ aɔ́lɛ́ nēe bá aípɔ́lɛ́ nēé cē igá tū uwā ŋ́ mā, é géē je uwā bɛ̄ɛka ajɛ kú ipácí ā. Ɔ̄cɛ nōo tɛtɛ lɛ ā lɔfú lá ɔdāyīnū cīgbīhi glá, é kē í kpó uwā cīgbīhi eko nēé gē je ɔdā cīgbīhi lɛ óndú nū ā. 32Amáŋ, ayí kú Ulífāyi ā lɛ íkwu kéē lá odée kú uwā cīgbīhi eko dóódu glá ipú aígelī nēé je lɛ uwá ā. 33Ɔ́dāŋ ka ɔ̄cɛ Ulífāyi éyi kwú inu ɔlɛ́ nū nōo yɔ̄ ipɔ́lɛ́ ā ú lá, anɔ́ɔ ó fūla anú ŋ́ má. É géē je ɔlɛ́ ā cīgbīhi lɛ ɔ́ ipú iháyí kú ɔdā ō je kwúcē igbīhi lɛ óndú nū ā. Ohígbū ka ɔlɛ́ nɛ̄ ācɛ kú Ulífāyi lɛ ipú igelī ā wɛ ákú uwā piyóó ipú ācɛ kú Ísrɛ̄lu. 34Amáŋ ajɛ ɔlamu nōo yɛ igelī kú uwā jīla tá ā, é gáā je ɔ́ lá gbóógbóō ŋ́. Ó wɛ agbénú kú uwā piyóó.”
Ɛ́kplá ō kplá aógbɛhá
35 #
Obla 15.7,8 Ɔ́dāŋ ka ɔ̄cɛ kú Ísrɛ̄lu ɔ́mpā uwɔ, nōo lā kwu uwɔ ā kwú gbɛɛhá anɔ́ɔ ó kē tá iyī nū abɔ̄ glá gɛ ŋ́ má, aá géē tá ɔ̄ abɔ̄ ɛ́gɛ́nɛ̄ aá gē tá ācocɛ̄hɔ̄ kú olufa abɔ̄ ā. Cɛ́ɛ́ kóō lɔfú yɔ̄ ī lā kwu uwɔ ajaajɛ glá 36Ā híī lɛ ije tá ije nɛ̄ aá le kplá uwá ā ŋ́ ámāŋ kéē gbā fíyɛ́ ɛ̄nɛ̄ aá le kplá uwá ā ɔkwu ŋ́. 37#Oyɛb 22.25; Obla 23.19,20Aá híī lɛ ije cɛyí ije lɛ ācɛ nɛ̄ aá le kplá uwá ā ŋ́. Aá kē lé itene ŋmá ɔdōlé nɛ̄ aá ī je lá lɛ uwá ŋ́. 38Ɛ̄nyā wɛ íne kú Óndú ā, nōo wɛ Ɔwɔicō kú aá, nōo kpó aá bɛ̄cɛ ŋmá ajɛ kú Íjīpiti, nōo je ajɛ kú Ukénan lɛ aá, cɛ́ɛ́ kóō wɛ Ɔwɔicō kú aá ā á nɛ.
Ɔfiyɛ ō hɛ́tá
39 #
Oyɛb 21.2-6; Obla 15.12-18 Ɔ́dāŋ ka ɔ̄cɛ Ísrɛ̄lu nōo lā kwu uwɔ ā, kwú gbɛhá, nōó kwú iyī nū ú ce aá abɔ̄, aá gáā cɛ̄ lɛ ɔ́ yúklɔ́ kú ɔfiyɛ ŋ́. 40Ó géē lā mla aá bɛ̄ɛka ɔ̄coyúklɔ́ olufa lɛ aá ā jāā gbéeko iháyí kú ɔdā o je cīgbīhi lɛ óndú nū ā. 41Eko ɔ́ɔmā ā, aá géē mā anú mɛ́mla ayí nū tá ga ɔlɛ́ uwā, ga ipú agbénú kú ádáádā nū. 42Ācɛ kú Ísrɛ̄lu ā wɛ aɔ́fiyɛ kú Óndú ā nɛ. Ó kpó uwā bɛ̄cɛ ŋmá ajɛ kú Íjīpiti, é gáā je īyī uwá lá bɛ̄ɛka ɔfiyɛ ɛ́ɛ́ gɛ ŋ́. 43Aá híī yá ɔ̄cɛ kú Ísrɛ̄lu ɛ́gɔ́ɔmā bɔ̄bí ŋ́. Amáŋ aá lɛyítáajɛ lɛ Ɔwɔicō kú aá. 44Ɔdāŋ ka aá cɛgbá aɔ́fiyɛ, aá lɔfú lá ŋmá ipú aéwo nēe lā kwu aá yɛ jīla tá ā. 45Aá lɔfú lá ayí kú aéwɔhá nēe lā ipú aá. Ɛdɔ ayí dóódu nɛ̄ uwá ma ipú ajɛ kú aá ā, géē wɛ agbénú kú aá. 46Aá géē mā uwā tá kéē wɛ úgwū kú ayí aá, nēé géē cɛ̄ aá ɛhɔ̄ ɛ́gɛ́nɛ̄ é géē yēeyī gaá kwu lɛ ā. Amáŋ, aá gáā lɔnɔ lɛ ɔ̄cɛ kú Ísrɛ̄lu ɔ́mpá aá klla yá uwā ōwē ŋ́.
47Ɔ́dāŋ ka éwɔhá éyi nōo lā mla aá kwú gbagbénú, ɛ́ɛ́ nɛ̄ ɔ̄cɛ Ísrɛ̄lu ɔ́mpa aá kwú gbɛɛhá, anɔ́ɔ ó kwú iyī nū ú ce éwɔhá ā abɔ̄ bɛ̄ɛka ɔfiyɛ ā ámāŋ ka ɔ̄cɛ éyi ŋmá ipɔ́nū ɔlɛ́ éwɔhá ā. 48Igbīhi nōó kwú iyī nū ú je lá ā, ó lɛ íkwu ō lɛ iyī nū fūla glá. Ɔyínɛ́ nū nɔ̄nyīlɔ lɔfú fūla anú glá, 49Amáŋ ɔmáapu ádā nū mɛ́mla ɔmáapu ɛ́nɛ́ nū géē fūla anú, amáŋ eko nōó lɛ ije tútū jɛ̄, ó géē fūla iyī nū. 50Ó géē kā mɛ́mla ɔ̄cɛ nōó je iyī nū ce ɔ́ abɔ̄ ā, cɛ́ɛ́ é í ka áluka kú iháyí kú eko nōó je iyī nū cābɔ̄ ŋmá ā kwu eko kú ɔdā ō je cīgbīh lɛ óndú nū ā. Ó géē ka ɔ́lá kú ɔdā nēé í lɛ fūla anú ā ŋmá ulé nēé gē gbā lɛ ācocɛ̄hɔ̄ ā. 51Ɔ́dāŋ koó hile iháyí alɛwa nɛɛ, ɛ́gɛ́nɛ̄ é miya ɔ́ lɛ ā, ó géē gbá ije kóō fūla kú nū lɛ ɔ̄cɛ ā. 52Amáŋ ɔ́dāŋ ka iháyí nōo hile ā í lɛ ɛwa ŋ́, ó géē ka ɔ́ mɛ́mla anú, cɛ́ɛ́ ó lɛ ije ōhī gbā ŋmá anú ŋmá ɛ́gɛ́nɛ̄ iháyí nōo hile ā lɛ ā, 53bɛ̄ɛka ɔdā nōó yɔ̄ gē yúklɔ́ olufa kú iháyí iháyí ā. Ɔkpani nū í gáā yá ɔ̄ ōwē ŋ́. 54Ɔ́dāŋ keé hɛ́ ɔ̄ tá ipú ɔwɛ dóódu nēe bá ā ŋ́, é géē hɛ́ anú mɛ́mla aíkonó kú nū tá ɛpléeko kú iháyí kú o je ɔdā cīgbīhi lɛ óndú nū nōo ī wā ā. 55Ɔ̄cɛ Ísrɛ̄lu í gáā wɛ ɔfiyɛ piyóó glá ŋ́. Ohígbū ka ācɛ kú Ísrɛ̄lu wɛ aɔ́fiyɛ kú Óndú ā. Anú kpó uwā bɛ̄cɛ ŋmá ajɛ kú Íjīpiti á. Ami wɛ Óndú ā, nōo wɛ Ɔwɔicō kú aá a.
Currently Selected:
ULĪFAYI 25: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 25
25
Iháyí ɔ́mahāapa ā
1 #
Oyɛb 23.10,11 Óndú ā le ɛlā ka lɛ Umósīsi ɛyí ɛfu kú usáyínāyi ā kóō 2le ka lɛ ācɛ kú Ísrɛ̄lu ā kahíníī, “Eko nɛ̄ aá gā ipú ajɛ nɛ̄ n gáā je lɛ aá ā. Aá géē lɛ ojīlīmā ce um oŋmá lɛ ō mabɔ̄ ajɛ tá cíí, nɛ̄ aá í gáā hɛ́hɔ̄ anú ŋ́, iháyí ahāapa. 3Iháyí ɛhīlī, aá géē hɛ́hɔ̄ anú klla í nyi, í cē īkpɔ̄dɛ̄hɔ̄ kú aá. 4Amáŋ iháyí ɔ́mahāapa ā géē wɛ iháyí kú omlɛ́nyɔ́ dúúdú kú ajɛ ā, iháyí nēé kwú tū Óndú ā abɔ̄. Aá gáā nyi ɔdā dúú tū ajɛ ā iháyí ɔ́ɔmā ŋ́, ɛ́ɛ́ nɛ̄ aa géē gwó ābɔ̄ kú ɔcí ufáyin tū ɔ̄ ŋ́. 5Aá kōō híī nyɔ̄ gaá ce igbodí igwu ŋmá ajɛ kú aá ŋ́. Aá híī nyɔ̄ gaá tú īkpō ufáyin kú aá bá ŋmá ɔcí ufáyin nɛ̄ aá glá ābɔ̄ nū yá ŋ́ mā ŋ́. Ohígbū koó wɛ iháyí kú omlɛ́nyɔ́ kú ajɛ ā dúúdú. 6Nááná nɛ̄ aá hí ajɛ ā ŋ́ eko kú omlɛ́nyɔ́ ā, ó géē yá ɔdōlé lɛ aá, aɔ́fiyɛ kú aá, ācɛ olufa kú aá, aéwɔhá nēe lā mla aá, 7aɛ́bɛ́ kú ɔlɛ́ aá mɛ́mla aɛ́bɛ́ ácí kú aá. Aá lɔfú lé ɔdā dúú nōo bū ŋmá ajɛ ā glá.
Iháyí kóō ɔdā ō je cīgbīhi
8Óndú ā klla kahíníī, “Aá gbaáluka iháyí ahāapa ɛga ahāapa, odúúdú nū í wɛ iháyí ofɛpa cahāanɛ. 9Cɛ́ɛ́ ɛ̄cī ɔ́migwó kú ɔyā ɔ́mahāapa ā, ɛ̄cī nēé gē gwɛ́ɛya kú íne ō bīya ā, aá lɛ ɔ̄cɛ éyi tɛ̄hɔ̄ kóō lɛ opo tá odúúdú ajɛ ā. 10Aá bī ɔwɛ ɛ́gɛ́nyā lɛ iháyí ɔ́mofɛpa cigwó ā fō tá, nɛ̄ aá géē ka tɛ́ɛcɛ lɛ odúúdú ācɛ nēe lā ipú ajɛ ā, keé le hɛ́tá ɛɛ́. Odúúdú agbénú nēé kpó lá kpɛ́mm ā, é í je uwá kpó kwúcē igbīhi lɛ ācɛ nēe lɛ aflɛ́yí ā, ámāŋ ka ayááyí kú ɔ̄cɛ ā. Ɔ̄cɛ dúúmā nēé je lá ɔfiyɛ ā géē kwúcē igbīhi ga ipɔ́ɔ́nū kú nū. 11Iháyí ɔ́mofɛpa cigwó ā, aá gáā nyi ɔdā dóódu tū ɛhɔ̄ kú aá ŋ́. Ɛ́ɛ́ nɛ̄ aá gēe cē inana kú ɔdɛ̄hɔ̄ kú aá ŋ́. Ɛ́ɛ́ nɛ̄ aá géē tú ikpó kú ɔcí dúúmā nɛ̄ aá gwó ābɔ̄ nū ŋ́ mā bá ŋ́. 12Odúúdú iháyí ā géē wɛ iháyí otīihɔ lɛ aá. Aɔ́dā nēe bū ŋmá ajɛ ā abɔ̄yī uwā ā ōfōōfū uwā ā nɛ̄ aá gaá lé á. 13Ipú iháyí ɔ́ɔmā ā, odúúdú agbénú nɛ̄ ācɛ kpó ce aá abɔ̄ ā, aá géē je uwá kpó cīgbīhi lɛ aóndú uwā. 14Ohígbū ɔ́ɔmā eko nɛ̄ aá kwú ajɛ ú lá lɛ ɔ̄cɛ kú Ísrɛ̄lu ɔ́mpa aá, ámāŋ ka aá le ajɛ lá ŋmá abɔ̄ ɔ̄cɛ dúúmā, aá híī yá iyī aá ŋmó ŋ́. 15Aá géē ka ɔ́lá kú nū oŋmá áluka kú iháyí nɛ̄ ajɛ ā géē lɔfú yá ɔdɛ̄hɔ̄ glá ā gaá kwu gbɔbū lɛ iháyí kú ohabɔ̄ ajɛ tá ɔhá ā. 16Ɔ́dāŋ ka iháyí nōo hile gbɔbū le iháyí kú ohabɔ̄ odée tá ā lɛwa, ɔlá kú ajɛ ā géē nwuné. Ɔ́gāŋ nɛ̄ iháyí ā kē le lígíí, ɔ́lá kú nū géē lɛ lígíí. Ohígbū ka ɔ́lá kú ajɛ nēe yɔ̄ í je lá nyā ŋmá ɔdɛ̄hɔ̄ nɛ̄ ɔ̄cɛ ce ŋmá ajɛ ā glá nɛ n. 17Aá híī hɛ́ ɔ̄cɛ kú Ísrɛ̄lu ɔ́mpa aá lé ŋ́. Aá yúufi Ɔwɔicō.”
Unwalu kú iháyí ɔ́mahāapa ā
18“Aá lɛyítáajɛ lɛ odúúdú íne kú Óndú ā, kú aá lɛ odúúdú nū yá jila, cɛ́ɛ́ kú aá lā ɛbɔ́ ipú ajɛ ā. 19Ajɛ ā géē yá īkpɔ̄dɛ̄hɔ̄ lɛ aá, aá kē í lé ɔdā dóódu nɛ̄ aá dɔɔ̄kā ō lé ā, aá klla í lā ɛbɔ́. 20Amáŋ, ɔ́dāŋ ka ɔ̄cɛ éyi lɛ ɔ̄kā kú ɔdā nōó géē yɔ̄ ī lé ɛplá eko kú iháyí ɔ́mahāapa ā nēé ī nyi ɔdɛ̄hɔ̄ dóódu ŋ́ mā da. 21Ami Óndú ā géē hɔ́hā ce ajɛ ā cɛ́ɛ́ ó géē yá ɔdɛ̄hɔ̄ nɛ̄hi iháyí ɔ́mɛhīlī ā nōo lɔfú bī aá iháyí ɛpa. 22Eko nɛ̄ aá lɛ ɔdɛ̄hɔ̄ nyi iháyí ɔ́mahātá ā, nááná, aá géē bā ī lé ɔdɛ̄hɔ̄ nɛ̄ncɛ̄ kú aá nɛ̄ aá cē iháyí ɔ́mɛhīlī ā kpɔ́. Aá kē í lɛ ɔdōlé jāā gbéeko nɛ̄ aá géē cē ɔdɛ̄hɔ̄ nɛ̄ aá nyi iháyí ɔ́ɔmā ā.
Ɔdā ō je kwúcē igbīhi
23Aá gáā je ajɛ ā lá lɛ ɔ̄cɛ piyóó ŋ́, ohígbū ka ajɛ ā í wɛ ákú aá ŋ́. Ó wɛ ákú ami nōo wɛ Ɔwɔicō ā nɛ. Aá kē lɛbɛ̄ɛka éwɔhá nēé jɛga lɛ aá ká aá hɛ́hɔ́ ipú ajɛ ā nɛ n. 24Eko nɛ̄ aá kwú ajɛ ú lá, ɛga kú óndú ajɛ ā kóō lɔfú lá ɔdāyīnū cīgbīhi glá ā cíká ō yɔ̄. 25Ɔ́dāŋ ka ɔ̄cɛ kú Ísrɛ̄lu kwú gbɛhá, anɔ́ɔ ó tíne ó kwú ajɛ kú nū ú lá á. Ɔmáapu nū nōo kwu ɔ́ ajaajɛ ā géē lá ajɛ ā cīgbīhi lɛ ɔ́. 26Amáŋ ɔ́dāŋ ka ɔ̄cɛ dúúmā nōó lɛ ɔmáapú nōo í lá ajɛ cīgbīhi ŋ́, ɔ̄cɛ ā lɔfú je gbagbénú ɛ̄cī éyi glá, nōó lɔfú lá ɔdāyīnū cīgbīhi glá. 27Ɔ́dāŋ koó lɛ ā, ó í cíla ɔ̄cɛ nōo lá ajɛ ā okónu kú ije nōo í kwɛyí eko nōo hile kéē je ajɛ cīgbīhi lɛ óndú nū ā piíí. Cɛ́ɛ́ ó mīyɛ ajɛ kú nū cīgbīhi. 28Amáŋ ɔ́dāŋ koó má ije jɛ̄ nōó ī lá ajɛ ā cīgbīhi ŋ́, ó géē yɔ̄ abɔ̄ kú ācɛ nōo lá ā jāā gbéeko kú ajɛ ō je cīgbīhi lɛ óndú nū. É géē je ɔ́ cīgbīhi lɛ ɔ̄cɛ nōo lɛ abɔ̄ɔ̄bɔ̄yī nū ā. 29Ɔ́dāŋ ka ɔ̄cɛ kwú ɔlɛ́ nū nōo yɔ̄ ipú igelī nēé le igá cē tū ɔ̄ ā ú lá. Ó lɛ íkwu ō lá ɔdā iyī nū cīgbīhi ɛplá iháyí odunkwulu ŋmá ɛ̄cī nēé lá ajɛ ā glá. 30Amáŋ, ɔ́dāŋ koó lá ɔ̄ cīgbīhi ɛplá iháyí éyi ā glá ŋ́, ó gáā lɛ íkwu ō lá ɔlɛ́ ā cīgbīhi glá gɛ ŋ́. Cɛ́ɛ́ ɔlɛ́ ā kwú pīya ɔdā kú ukpɛ́ kú agbénū kú ɔ̄cɛ nōo lā mɛ́mla ayááyí kú ɔlɛ́ nū. É gáā je ɔ́ cīgbīhi eko kú ɔdā ō je cīgbīhi lɛ óndú nū ā ŋ́. 31Amáŋ aɔ́lɛ́ nēe bá aípɔ́lɛ́ nēé cē igá tū uwā ŋ́ mā, é géē je uwā bɛ̄ɛka ajɛ kú ipácí ā. Ɔ̄cɛ nōo tɛtɛ lɛ ā lɔfú lá ɔdāyīnū cīgbīhi glá, é kē í kpó uwā cīgbīhi eko nēé gē je ɔdā cīgbīhi lɛ óndú nū ā. 32Amáŋ, ayí kú Ulífāyi ā lɛ íkwu kéē lá odée kú uwā cīgbīhi eko dóódu glá ipú aígelī nēé je lɛ uwá ā. 33Ɔ́dāŋ ka ɔ̄cɛ Ulífāyi éyi kwú inu ɔlɛ́ nū nōo yɔ̄ ipɔ́lɛ́ ā ú lá, anɔ́ɔ ó fūla anú ŋ́ má. É géē je ɔlɛ́ ā cīgbīhi lɛ ɔ́ ipú iháyí kú ɔdā ō je kwúcē igbīhi lɛ óndú nū ā. Ohígbū ka ɔlɛ́ nɛ̄ ācɛ kú Ulífāyi lɛ ipú igelī ā wɛ ákú uwā piyóó ipú ācɛ kú Ísrɛ̄lu. 34Amáŋ ajɛ ɔlamu nōo yɛ igelī kú uwā jīla tá ā, é gáā je ɔ́ lá gbóógbóō ŋ́. Ó wɛ agbénú kú uwā piyóó.”
Ɛ́kplá ō kplá aógbɛhá
35 #
Obla 15.7,8 Ɔ́dāŋ ka ɔ̄cɛ kú Ísrɛ̄lu ɔ́mpā uwɔ, nōo lā kwu uwɔ ā kwú gbɛɛhá anɔ́ɔ ó kē tá iyī nū abɔ̄ glá gɛ ŋ́ má, aá géē tá ɔ̄ abɔ̄ ɛ́gɛ́nɛ̄ aá gē tá ācocɛ̄hɔ̄ kú olufa abɔ̄ ā. Cɛ́ɛ́ kóō lɔfú yɔ̄ ī lā kwu uwɔ ajaajɛ glá 36Ā híī lɛ ije tá ije nɛ̄ aá le kplá uwá ā ŋ́ ámāŋ kéē gbā fíyɛ́ ɛ̄nɛ̄ aá le kplá uwá ā ɔkwu ŋ́. 37#Oyɛb 22.25; Obla 23.19,20Aá híī lɛ ije cɛyí ije lɛ ācɛ nɛ̄ aá le kplá uwá ā ŋ́. Aá kē lé itene ŋmá ɔdōlé nɛ̄ aá ī je lá lɛ uwá ŋ́. 38Ɛ̄nyā wɛ íne kú Óndú ā, nōo wɛ Ɔwɔicō kú aá, nōo kpó aá bɛ̄cɛ ŋmá ajɛ kú Íjīpiti, nōo je ajɛ kú Ukénan lɛ aá, cɛ́ɛ́ kóō wɛ Ɔwɔicō kú aá ā á nɛ.
Ɔfiyɛ ō hɛ́tá
39 #
Oyɛb 21.2-6; Obla 15.12-18 Ɔ́dāŋ ka ɔ̄cɛ Ísrɛ̄lu nōo lā kwu uwɔ ā, kwú gbɛhá, nōó kwú iyī nū ú ce aá abɔ̄, aá gáā cɛ̄ lɛ ɔ́ yúklɔ́ kú ɔfiyɛ ŋ́. 40Ó géē lā mla aá bɛ̄ɛka ɔ̄coyúklɔ́ olufa lɛ aá ā jāā gbéeko iháyí kú ɔdā o je cīgbīhi lɛ óndú nū ā. 41Eko ɔ́ɔmā ā, aá géē mā anú mɛ́mla ayí nū tá ga ɔlɛ́ uwā, ga ipú agbénú kú ádáádā nū. 42Ācɛ kú Ísrɛ̄lu ā wɛ aɔ́fiyɛ kú Óndú ā nɛ. Ó kpó uwā bɛ̄cɛ ŋmá ajɛ kú Íjīpiti, é gáā je īyī uwá lá bɛ̄ɛka ɔfiyɛ ɛ́ɛ́ gɛ ŋ́. 43Aá híī yá ɔ̄cɛ kú Ísrɛ̄lu ɛ́gɔ́ɔmā bɔ̄bí ŋ́. Amáŋ aá lɛyítáajɛ lɛ Ɔwɔicō kú aá. 44Ɔdāŋ ka aá cɛgbá aɔ́fiyɛ, aá lɔfú lá ŋmá ipú aéwo nēe lā kwu aá yɛ jīla tá ā. 45Aá lɔfú lá ayí kú aéwɔhá nēe lā ipú aá. Ɛdɔ ayí dóódu nɛ̄ uwá ma ipú ajɛ kú aá ā, géē wɛ agbénú kú aá. 46Aá géē mā uwā tá kéē wɛ úgwū kú ayí aá, nēé géē cɛ̄ aá ɛhɔ̄ ɛ́gɛ́nɛ̄ é géē yēeyī gaá kwu lɛ ā. Amáŋ, aá gáā lɔnɔ lɛ ɔ̄cɛ kú Ísrɛ̄lu ɔ́mpá aá klla yá uwā ōwē ŋ́.
47Ɔ́dāŋ ka éwɔhá éyi nōo lā mla aá kwú gbagbénú, ɛ́ɛ́ nɛ̄ ɔ̄cɛ Ísrɛ̄lu ɔ́mpa aá kwú gbɛɛhá, anɔ́ɔ ó kwú iyī nū ú ce éwɔhá ā abɔ̄ bɛ̄ɛka ɔfiyɛ ā ámāŋ ka ɔ̄cɛ éyi ŋmá ipɔ́nū ɔlɛ́ éwɔhá ā. 48Igbīhi nōó kwú iyī nū ú je lá ā, ó lɛ íkwu ō lɛ iyī nū fūla glá. Ɔyínɛ́ nū nɔ̄nyīlɔ lɔfú fūla anú glá, 49Amáŋ ɔmáapu ádā nū mɛ́mla ɔmáapu ɛ́nɛ́ nū géē fūla anú, amáŋ eko nōó lɛ ije tútū jɛ̄, ó géē fūla iyī nū. 50Ó géē kā mɛ́mla ɔ̄cɛ nōó je iyī nū ce ɔ́ abɔ̄ ā, cɛ́ɛ́ é í ka áluka kú iháyí kú eko nōó je iyī nū cābɔ̄ ŋmá ā kwu eko kú ɔdā ō je cīgbīh lɛ óndú nū ā. Ó géē ka ɔ́lá kú ɔdā nēé í lɛ fūla anú ā ŋmá ulé nēé gē gbā lɛ ācocɛ̄hɔ̄ ā. 51Ɔ́dāŋ koó hile iháyí alɛwa nɛɛ, ɛ́gɛ́nɛ̄ é miya ɔ́ lɛ ā, ó géē gbá ije kóō fūla kú nū lɛ ɔ̄cɛ ā. 52Amáŋ ɔ́dāŋ ka iháyí nōo hile ā í lɛ ɛwa ŋ́, ó géē ka ɔ́ mɛ́mla anú, cɛ́ɛ́ ó lɛ ije ōhī gbā ŋmá anú ŋmá ɛ́gɛ́nɛ̄ iháyí nōo hile ā lɛ ā, 53bɛ̄ɛka ɔdā nōó yɔ̄ gē yúklɔ́ olufa kú iháyí iháyí ā. Ɔkpani nū í gáā yá ɔ̄ ōwē ŋ́. 54Ɔ́dāŋ keé hɛ́ ɔ̄ tá ipú ɔwɛ dóódu nēe bá ā ŋ́, é géē hɛ́ anú mɛ́mla aíkonó kú nū tá ɛpléeko kú iháyí kú o je ɔdā cīgbīhi lɛ óndú nū nōo ī wā ā. 55Ɔ̄cɛ Ísrɛ̄lu í gáā wɛ ɔfiyɛ piyóó glá ŋ́. Ohígbū ka ācɛ kú Ísrɛ̄lu wɛ aɔ́fiyɛ kú Óndú ā. Anú kpó uwā bɛ̄cɛ ŋmá ajɛ kú Íjīpiti á. Ami wɛ Óndú ā, nōo wɛ Ɔwɔicō kú aá a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma