ULĪFAYI 23
23
Aɛ́cī ōtīihɔ kú ācɛ Ujíyu
1Óndú ā le aíne nēe bá ā kpó lɛ Umósīsi 2lɛyíkwu aɛ́cī ucɛ kú nū nɛ̄ ācɛ kú Ísrɛ̄lu géē tūbá kéē gbā ɔ̄ ɛ̄gbā ā. 3#Oyɛb 20.8-10; 23.12; 31.15; 34.21; 35.2; Obla 5.12-14Ó kahíníī, Aá géē yúklɔ́ kú aá ɛ̄cī ɛhīlī, amáŋ ɛ̄cī ɔ́mahāapa ā wɛ ɛ̄cī kú Usábáti, ɛ̄cī nɛ̄ aá géē mlɛ́nyɔ́. Ɛ̄cī ɔ́ɔmā aá gáā yúklɔ́ dúúmā ŋ́, amáŋ aá géē túbá, cɛ́ɛ́ ká aá gbā um ɛ̄gbā. Ɛ̄cī kú Usábāti ā wɛ ɛ̄cī otīihɔ kú Óndú ā ɛga dúú nɛ̄ aá lā ā. 4Aá géē lé ucɛ otīihɔ nēe bá nyā eko kú nū.
Ucɛ kú onyatá mɛ́mla ucɛ kú igbō nōó géē nū ŋ́ mā
(Áluk 28.16-25)
5 #
Oyɛb 12.1-13; Obla 16.1,2 Ɛ̄cī igwɛ́ɛnɛ kú ɔyā aflɛ́yí kú iháyí ā, ɔ̄nɔ̄ɔ̄nɛ̄ kú nū géē wɛ ucɛ kú eko nɛ̄ Óndú ā nya aá tá á. 6#Oyɛb 12.14-20; 23.15; 34.18; Obla 16.3-8Ɛ̄cī ɔ́miigwɛ́ɛhɔ̄ kú ɔyā ékpónú ɔ́ɔmā, ucɛ kú igbō nōó gē nū ŋ́ mā gbɔɔ́. Aá híī lé igbō nōó gē nū ŋ́ ɛ̄cī ahāapa 7Aá géē túbá ká aá gbā um ɛ̄gbā ɛ̄cī aflɛ́yí kú aɛ́cī nēe bá ā. Aá híī yúklɔ́ kú ɛ̄cī kú aá nɛ̄ aá gē yá ɛ̄cī dóódu ā ŋ́. 8Amáŋ aá géē bá ī gwɛ́ɛya o yɔlá dúúdú lɛ Óndú ā ɛ̄cī ahāapa. Ɛ̄cī ɔ́mahāapa ā, aá géē jīla cɛ́ɛ́ ká aá gbā um ɛ̄gbā. Amáŋ aá gáā yúklɔ́ nɛ̄ aá gē yá ɛ̄cī dóódu ā ŋ́.
9Óndú ā da Umósīsi kóō 10le ka lɛ ācɛ kú Ísrɛ̄lu ā kahíníī, “Eko nēé gā ipú ajɛ nɛ̄ n gáā je lɛ aá nyā, ɔ́dāŋ nɛ̄ aá le ɔdɛ̄hɔ̄ kú aá cē, aá kóō kwú ɛ̄wɛ̄ kú aflɛ́yí ā ú gé lɛ ɔ̄cogwɛ́ɛya ā. 11O í jíla nú iyē iyɔbū ede kú Óndú ā kóō wɛ ɛya nēé gwó lɛ Óndú ā, cɛ́ɛ́ ká Óndú ā kóō mīyɛ aá. Ɔ̄cogwɛ́ɛya géē jíla ɔ́ iyē igbīhi kú ɛ̄cī Usábáti ā. 12Ɛ̄cī nɛ̄ aá géē je īkpɔ̄dɛ̄hɔ̄ ā gwɛ́ɛya ā, aá géē je ɔyí álá kú iháyí ékpónú nōó lɛ ɛnyá ŋ́ gwɛ́ɛya dúú. 13Aá í je okoolo kú umu nɛ̄ anɔ̄ kú ólīifu yɔ̄ anú ā gwɛ́ɛya mɛ́mla anú dúú. Ocu kú nū ī he Ɔwɔicō ɔtū. Aá géē gwɛ́ɛya ā mɛ́mla íkpɔ́yí ɛtɛ́ ejé éyi. 14Aá gáā lé odúúmā kú īkpɔ̄dɛ̄hɔ̄ ā ŋ́, ó kōō wɛ ɛ̄mɛ̄ɛ̄mɛ̄, ɛ̄nɛ̄ é le pá ɔlá ámāŋ igbō kú nū, jāā gbéeko nɛ̄ aá le odée kú ɛya ā bī gé lɛ Ɔwɔicō ā gbɔbū. Ayááyí aá géē lɛ aíne nyā tū piyóó.
Ucɛ kú eko nēé gē cē ɔdɛ̄hɔ̄
15 #
Oyɛb 23.16; 34.22; Obla 16.9-12 “Aá lɛ aládi odunkulu ahāapa gbaáluka ŋmá ɛ̄cī nōo gboce usábáti nɛ̄ aá bī ɛ̄wɛ̄ kú īkpɔ̄dɛ̄hɔ̄ aflɛ́yí kú aá gé lɛ Óndú ā. 16Ɛ̄cī ɔ́mofɛpa cigwó, ɛ̄cī éyi igbīhi Usábáti ɔ́mahāapa ā, aá lɛ īkpɔ̄dɛhɔ̄ ɛ̄yīpɛ̄ ɔhá gwɛ́ɛya lɛ Óndú ā. 17Ipɔ́ɔ́nū éyééye géē bī igbō ɛpɛɛpa wā gé lɛ Óndú ā kóō wɛ ɛya nēé jíleyē ipéyī nū. É géē yá éyééye kú igbō ā ŋmá okoolo ɛpa kú umu mɛ́mla ɔdōnīgbō, cɛ́ɛ́ é géē kpó uwā lɛ Óndú ā bɛ̄ɛka ɛya kú īkpɔ̄dɛ̄hɔ̄ kú aflɛ́yí kú uwā nēé cē ā. 18Ācɛ kú Ísrɛ̄lu ā géē bī ɔyí álá kú iháyí éyi ahāapa, ɔbɛ́ɛna éyi, aómlede ɛpa, odóódu kú uwā í gáā lɛ ɛnyá ŋ́, wā tɔ̄há mɛ́mla igbō ā. É géē kpó uwā gwɛ́ɛya o yɔlá dúúdú lɛ Óndú ā tɔ̄há mɛ́mla ɔdā kú ɛya kú īkpɔ̄dɛ̄hɔ̄ mɛ́mla ejé lɛ Óndú ā. Ocu kú ɛya nyā gē he Óndú ā ɔtū nɛ̄hi. 19Aá klla géē je opī gwɛ́ɛya kú íne ō bīya lɛ Óndú ā, cɛ́ɛ́ aá kwú ɔyí omlede ɛpa kú iháyí éyi ígwɛ́ɛya kú ɛbɔ́ lɛ Óndú ā. 20Ɔ̄cogwɛ́ɛya ā géē jíla igbō ā mɛ́mla ɔyí omlede ɛpa ā iyē lɛ Óndú ā, cɛ́ɛ́ ó kwú pīya ɔdā otīihɔ kú Óndú ā lɛ ācogwɛ́ɛya ā. 21Ɛ̄cī ɔ́ɔmā, aá híī yúklɔ́ kú aá dóódu ŋ́. Amáŋ aá le jīla kú aá gbā Óndú ā ɛ̄gbā. Ɛga dóódu nɛ̄ aá lā ipú ɛcɛ ā, ipɔ́ɔma kú aá dóódu géē lɛ íne nyā tū ogbóógbóō ipú ɛcɛ nyā.
22 #
Ulīf 19.9,10; Obla 24.19-22 Eko nɛ̄ aá géē cē ɔdɛ̄hɔ̄ kú aá, aá gáā cē ɔ̄ ga okónōgwu kú ɛhɔ̄ ŋ́. Aá híī cīgbīhi wā í cē ɛ̄nɛ̄ aá le gwɔ̄ tá ŋ́. Aá mā ɔ́ɔmā tá lɛ aógbɛhá mɛ́mla aúgbɔga.” ami, Óndú ā wɛ Ɔwɔicō kú aá ā.
Ucɛ kú iháyí ɛ̄yīpɛ̄
23Óndú ā da Umósīsi kahíníī, 24“Le ka lɛ ācɛ kú Ísrɛ̄lu ka ɛ̄cī éyi kú ɔyā ɔ́mahāapa ā, géē wɛ ɛ̄cī ō blatū nɛ̄ aá géē mlɛ̄nyɔ̄. Aá géē wā í jīla ká aá gbā Óndú ā ɛ̄gbā eko nēé lɛ opo tá. 25Aá gáā yúklɔ́ ɛ̄cī ɔ́ɔmā ŋ́. Aá í gwɛ́ɛya o yɔlá dúúdú lɛ Óndú ā.
Ɛ̄cī kú ɛya nēé í gwó kú íne nēé bīya mɛ́mla ákú ɛbɔ́
(Áluk 29.7-11)
26 #
Ulīf 16.29-34
Óndú ā da Umósīsi kahíníī, 27“Ɛ̄cī ɔ́migwó kú ɔyā ahāapa nyā ā wɛ ɛ̄cī nēe í yá uculo kú ɛya kú ɛbɔ́ mɛ́mla íne ō bīya kú iháyí kéē kpó íne nɛ̄ ācɛ bīya ā í yá aá ɛhi á. Aá híī lé ɔdōlé dúúmā ɛ̄cī ɔ́ɔmā ŋ́, aá wā í le jīla tɔ̄há kú aá gbā um ɛ̄gbā, cɛ́ɛ́ ká aá je ɔdā kú ɛya kú ɔdōlé lɛ ami nōo wɛ Óndú ā. 28Aá gáā yúklɔ́ dúúmā ɛ̄cī ɔ́ɔmā ŋ́. Ohígbū koó wɛ ɛ̄cī nēé géē gwɛ́ɛya, nōo gēe yá kéē kpó íne nɛ̄ aá bīya ā yá aá ɛhi. 29Ɔ̄cɛ dóódu nōo lɛ ɔdōlé lé, ɛ̄cī ɔ́ɔmā í gáā wɛ éyi kú ācɛ ɔlɛ́ um ɛ́ɛ́ gɛ ŋ́. 30Ɔ̄cɛ dúúmā nōo lɛ úklɔ́ yá ɛ̄cī ɔ́ɔmā. Óndú ā, abɔ̄yī nū géē je ɔ́ ŋmó. 31Íne nyā yɔ̄ lɛ odúúdú ayááyí kú aá ɛga dóódu nɛ̄ aá lā. 32Aá lɛ ɛ̄cī nōo gbɔɔ́ ŋmá ɔ̄nɔ̄ɔ̄nɛ̄ kú ɛ̄cī ɔ́mahaanɛ kú ɔyā ā ga ɔ̄nɔ̄ɔ̄nɛ̄ kú ɛ̄cī ɔ́migwó, tū céé kóō kú wɛ ɛ̄cī kē omlɛ́nyɔ́. Ɛ̄cī nɛ̄ ɔ̄cɛ dúú í gáā lɛ okónu kwu ɔdā dúú ŋ́ mā.
Ucɛ kú aáklɔ̄kpɛ
33 #
Obla 16.13-15
Óndú ā da Umósīsi 34kóō le ka lɛ ācɛ kú Ísrɛ̄lu ka ucɛ kú aáklɔ̄kpɛ ā gbɔɔ́ ɛ̄cī ɔ́migwɛ́ɛhɔ̄ kú ɔyā ɔ́mahāapa, ó kē géē yɔ̄ jāā ɛ̄cī ahāapa Óndú ā da Umósīsi kahíníī, 35“Ɛ̄cī aflɛ́yí kú nū ā géē wɛ ɛ̄cī nɛ̄ aá géē jīla tɔ̄há kú aá gbā Óndú ā ɛ̄gbā. Ɔ̄cɛ dóódu kóō híī yá ɛ́dɔ̄ kú úklɔ́ dúúmā ŋ́. 36Ɛ̄cī ahāapa ā, aá géē gwɛ́ɛya o yɔlá dúúdú lɛ Óndú ā. Ɛ̄cī ɔ̄mahātá ā, aá géē jīla tɔ̄há kpɔ́ kú aá gbā um ɛ̄gbā cɛ́ɛ́ ká aá je ɔdā kú ɛya kú ɔdōlé gā um. Ó géē wɛ ɛ̄cī kú ɛ̄gbā nɛ̄ aá í gbā um, aá gáā yúklɔ́ ɛdɔ ɔhá dúúmā ŋ́.
37Aɛ́nyā wɛ aɛ́cī nɛ̄ aá í jīla Óndú ā eyī, nɛ̄ aá géē je ɔdā kú ɛya kú ɔdōlé, ɔdā kú ɛya o yɔlá dúúdú, ɔdā kú ɛya kú īkpɔ̄dɛ̄hɔ̄, ɔdā nɛ̄ aá í je gwɛ́ɛya mɛ́mla ɔdōgwá kú ɛya lɛ Óndú ā, ɛ́gɛ́nɛ̄ Óndú ā cɛgbá ɛ̄cī éyééyē ā. 38Aúcɛ nyā wɛ ɔdā nēé ba ɛ̄cī Usábáti, ɛya kú eko dóódu ā, ɔdā ɛ̄gbā kú ɛya kú oji nēé wā í cɛ̄, mɛ́mla ɔdā ɛ̄gbā kú ɛya nɛ̄ aá je ŋmá ɔtū kú aá lɛ Óndú ā iyē. 39“Eko nɛ̄ aá le ɔdɛ̄hɔ̄ kú aá cē, aá lé ucɛ kú nū ɛ̄cī ahāapa, o gbɔɔ́ ŋmá ɛ̄cī ɔ́migwɛ́ɛhɔ̄ kú ɔyā ɔ́mahāapa ā. Ɛ̄cī aflɛ́yí ā géē wɛ ɛ̄cī omlɛ́nyɔ̄. 40Ɛ̄cī aflɛ́yí kú ucɛ ā, aá géē je aíkpɔ̄cí nōo lɔhi fíyɛ́ dúú ŋmá ɔcí kú aá, ābɔ̄ kú alī, mɛ́mla ābɔ̄ kú ɔcí nōo lɛ ēpū nɛ̄hi ā, cɛ́ɛ́ aá gbɔɔ́ ō yá ucɛ yɔ̄ ī gwéeyē ipéyī Óndú ā, Ɔwɔicō kú aá ɛ̄cī ahāapa. 41Aá géē lé ucɛ nyā ɛ̄cī ahāapa ipú iháyí dóódu. Aá géē lɛ íne kú ucɛ nyā tū lɛ ayááyí kú ɔlɛ́ aá jāā gā ɛ̄cɔ̄bū nōo ī wā ā. 42Ódúúdú ācɛ Ísrɛ̄lu géē lā ipú aáklɔ̄kpɛ ɛ̄cī ahāapa, 43cɛ́ɛ́ ka ipɔ́ɔma kú aá kéē le jé ka n yá ká ācɛ kú Ísrɛ̄lu kéē lā ipú aáklɔ̄kpɛ ā, eko nɛ̄ n kpó uwā bɛ̄cɛ ŋmá ajɛ kú Íjīpiti ā. Ami wɛ Óndú ā, nōo wɛ Ɔwɔicō kú aá ā á.
44Ɛ́gɔ́ɔmā nɛ̄ Umósīsi ka lɛ ācɛ kú Ísrɛ̄lu ā lɛyíkwu aúcɛ nɛ̄ uwá géē lé lɛ ojīlīmā ce Óndú ā á.
Currently Selected:
ULĪFAYI 23: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 23
23
Aɛ́cī ōtīihɔ kú ācɛ Ujíyu
1Óndú ā le aíne nēe bá ā kpó lɛ Umósīsi 2lɛyíkwu aɛ́cī ucɛ kú nū nɛ̄ ācɛ kú Ísrɛ̄lu géē tūbá kéē gbā ɔ̄ ɛ̄gbā ā. 3#Oyɛb 20.8-10; 23.12; 31.15; 34.21; 35.2; Obla 5.12-14Ó kahíníī, Aá géē yúklɔ́ kú aá ɛ̄cī ɛhīlī, amáŋ ɛ̄cī ɔ́mahāapa ā wɛ ɛ̄cī kú Usábáti, ɛ̄cī nɛ̄ aá géē mlɛ́nyɔ́. Ɛ̄cī ɔ́ɔmā aá gáā yúklɔ́ dúúmā ŋ́, amáŋ aá géē túbá, cɛ́ɛ́ ká aá gbā um ɛ̄gbā. Ɛ̄cī kú Usábāti ā wɛ ɛ̄cī otīihɔ kú Óndú ā ɛga dúú nɛ̄ aá lā ā. 4Aá géē lé ucɛ otīihɔ nēe bá nyā eko kú nū.
Ucɛ kú onyatá mɛ́mla ucɛ kú igbō nōó géē nū ŋ́ mā
(Áluk 28.16-25)
5 #
Oyɛb 12.1-13; Obla 16.1,2 Ɛ̄cī igwɛ́ɛnɛ kú ɔyā aflɛ́yí kú iháyí ā, ɔ̄nɔ̄ɔ̄nɛ̄ kú nū géē wɛ ucɛ kú eko nɛ̄ Óndú ā nya aá tá á. 6#Oyɛb 12.14-20; 23.15; 34.18; Obla 16.3-8Ɛ̄cī ɔ́miigwɛ́ɛhɔ̄ kú ɔyā ékpónú ɔ́ɔmā, ucɛ kú igbō nōó gē nū ŋ́ mā gbɔɔ́. Aá híī lé igbō nōó gē nū ŋ́ ɛ̄cī ahāapa 7Aá géē túbá ká aá gbā um ɛ̄gbā ɛ̄cī aflɛ́yí kú aɛ́cī nēe bá ā. Aá híī yúklɔ́ kú ɛ̄cī kú aá nɛ̄ aá gē yá ɛ̄cī dóódu ā ŋ́. 8Amáŋ aá géē bá ī gwɛ́ɛya o yɔlá dúúdú lɛ Óndú ā ɛ̄cī ahāapa. Ɛ̄cī ɔ́mahāapa ā, aá géē jīla cɛ́ɛ́ ká aá gbā um ɛ̄gbā. Amáŋ aá gáā yúklɔ́ nɛ̄ aá gē yá ɛ̄cī dóódu ā ŋ́.
9Óndú ā da Umósīsi kóō 10le ka lɛ ācɛ kú Ísrɛ̄lu ā kahíníī, “Eko nēé gā ipú ajɛ nɛ̄ n gáā je lɛ aá nyā, ɔ́dāŋ nɛ̄ aá le ɔdɛ̄hɔ̄ kú aá cē, aá kóō kwú ɛ̄wɛ̄ kú aflɛ́yí ā ú gé lɛ ɔ̄cogwɛ́ɛya ā. 11O í jíla nú iyē iyɔbū ede kú Óndú ā kóō wɛ ɛya nēé gwó lɛ Óndú ā, cɛ́ɛ́ ká Óndú ā kóō mīyɛ aá. Ɔ̄cogwɛ́ɛya géē jíla ɔ́ iyē igbīhi kú ɛ̄cī Usábáti ā. 12Ɛ̄cī nɛ̄ aá géē je īkpɔ̄dɛ̄hɔ̄ ā gwɛ́ɛya ā, aá géē je ɔyí álá kú iháyí ékpónú nōó lɛ ɛnyá ŋ́ gwɛ́ɛya dúú. 13Aá í je okoolo kú umu nɛ̄ anɔ̄ kú ólīifu yɔ̄ anú ā gwɛ́ɛya mɛ́mla anú dúú. Ocu kú nū ī he Ɔwɔicō ɔtū. Aá géē gwɛ́ɛya ā mɛ́mla íkpɔ́yí ɛtɛ́ ejé éyi. 14Aá gáā lé odúúmā kú īkpɔ̄dɛ̄hɔ̄ ā ŋ́, ó kōō wɛ ɛ̄mɛ̄ɛ̄mɛ̄, ɛ̄nɛ̄ é le pá ɔlá ámāŋ igbō kú nū, jāā gbéeko nɛ̄ aá le odée kú ɛya ā bī gé lɛ Ɔwɔicō ā gbɔbū. Ayááyí aá géē lɛ aíne nyā tū piyóó.
Ucɛ kú eko nēé gē cē ɔdɛ̄hɔ̄
15 #
Oyɛb 23.16; 34.22; Obla 16.9-12 “Aá lɛ aládi odunkulu ahāapa gbaáluka ŋmá ɛ̄cī nōo gboce usábáti nɛ̄ aá bī ɛ̄wɛ̄ kú īkpɔ̄dɛ̄hɔ̄ aflɛ́yí kú aá gé lɛ Óndú ā. 16Ɛ̄cī ɔ́mofɛpa cigwó, ɛ̄cī éyi igbīhi Usábáti ɔ́mahāapa ā, aá lɛ īkpɔ̄dɛhɔ̄ ɛ̄yīpɛ̄ ɔhá gwɛ́ɛya lɛ Óndú ā. 17Ipɔ́ɔ́nū éyééye géē bī igbō ɛpɛɛpa wā gé lɛ Óndú ā kóō wɛ ɛya nēé jíleyē ipéyī nū. É géē yá éyééye kú igbō ā ŋmá okoolo ɛpa kú umu mɛ́mla ɔdōnīgbō, cɛ́ɛ́ é géē kpó uwā lɛ Óndú ā bɛ̄ɛka ɛya kú īkpɔ̄dɛ̄hɔ̄ kú aflɛ́yí kú uwā nēé cē ā. 18Ācɛ kú Ísrɛ̄lu ā géē bī ɔyí álá kú iháyí éyi ahāapa, ɔbɛ́ɛna éyi, aómlede ɛpa, odóódu kú uwā í gáā lɛ ɛnyá ŋ́, wā tɔ̄há mɛ́mla igbō ā. É géē kpó uwā gwɛ́ɛya o yɔlá dúúdú lɛ Óndú ā tɔ̄há mɛ́mla ɔdā kú ɛya kú īkpɔ̄dɛ̄hɔ̄ mɛ́mla ejé lɛ Óndú ā. Ocu kú ɛya nyā gē he Óndú ā ɔtū nɛ̄hi. 19Aá klla géē je opī gwɛ́ɛya kú íne ō bīya lɛ Óndú ā, cɛ́ɛ́ aá kwú ɔyí omlede ɛpa kú iháyí éyi ígwɛ́ɛya kú ɛbɔ́ lɛ Óndú ā. 20Ɔ̄cogwɛ́ɛya ā géē jíla igbō ā mɛ́mla ɔyí omlede ɛpa ā iyē lɛ Óndú ā, cɛ́ɛ́ ó kwú pīya ɔdā otīihɔ kú Óndú ā lɛ ācogwɛ́ɛya ā. 21Ɛ̄cī ɔ́ɔmā, aá híī yúklɔ́ kú aá dóódu ŋ́. Amáŋ aá le jīla kú aá gbā Óndú ā ɛ̄gbā. Ɛga dóódu nɛ̄ aá lā ipú ɛcɛ ā, ipɔ́ɔma kú aá dóódu géē lɛ íne nyā tū ogbóógbóō ipú ɛcɛ nyā.
22 #
Ulīf 19.9,10; Obla 24.19-22 Eko nɛ̄ aá géē cē ɔdɛ̄hɔ̄ kú aá, aá gáā cē ɔ̄ ga okónōgwu kú ɛhɔ̄ ŋ́. Aá híī cīgbīhi wā í cē ɛ̄nɛ̄ aá le gwɔ̄ tá ŋ́. Aá mā ɔ́ɔmā tá lɛ aógbɛhá mɛ́mla aúgbɔga.” ami, Óndú ā wɛ Ɔwɔicō kú aá ā.
Ucɛ kú iháyí ɛ̄yīpɛ̄
23Óndú ā da Umósīsi kahíníī, 24“Le ka lɛ ācɛ kú Ísrɛ̄lu ka ɛ̄cī éyi kú ɔyā ɔ́mahāapa ā, géē wɛ ɛ̄cī ō blatū nɛ̄ aá géē mlɛ̄nyɔ̄. Aá géē wā í jīla ká aá gbā Óndú ā ɛ̄gbā eko nēé lɛ opo tá. 25Aá gáā yúklɔ́ ɛ̄cī ɔ́ɔmā ŋ́. Aá í gwɛ́ɛya o yɔlá dúúdú lɛ Óndú ā.
Ɛ̄cī kú ɛya nēé í gwó kú íne nēé bīya mɛ́mla ákú ɛbɔ́
(Áluk 29.7-11)
26 #
Ulīf 16.29-34
Óndú ā da Umósīsi kahíníī, 27“Ɛ̄cī ɔ́migwó kú ɔyā ahāapa nyā ā wɛ ɛ̄cī nēe í yá uculo kú ɛya kú ɛbɔ́ mɛ́mla íne ō bīya kú iháyí kéē kpó íne nɛ̄ ācɛ bīya ā í yá aá ɛhi á. Aá híī lé ɔdōlé dúúmā ɛ̄cī ɔ́ɔmā ŋ́, aá wā í le jīla tɔ̄há kú aá gbā um ɛ̄gbā, cɛ́ɛ́ ká aá je ɔdā kú ɛya kú ɔdōlé lɛ ami nōo wɛ Óndú ā. 28Aá gáā yúklɔ́ dúúmā ɛ̄cī ɔ́ɔmā ŋ́. Ohígbū koó wɛ ɛ̄cī nēé géē gwɛ́ɛya, nōo gēe yá kéē kpó íne nɛ̄ aá bīya ā yá aá ɛhi. 29Ɔ̄cɛ dóódu nōo lɛ ɔdōlé lé, ɛ̄cī ɔ́ɔmā í gáā wɛ éyi kú ācɛ ɔlɛ́ um ɛ́ɛ́ gɛ ŋ́. 30Ɔ̄cɛ dúúmā nōo lɛ úklɔ́ yá ɛ̄cī ɔ́ɔmā. Óndú ā, abɔ̄yī nū géē je ɔ́ ŋmó. 31Íne nyā yɔ̄ lɛ odúúdú ayááyí kú aá ɛga dóódu nɛ̄ aá lā. 32Aá lɛ ɛ̄cī nōo gbɔɔ́ ŋmá ɔ̄nɔ̄ɔ̄nɛ̄ kú ɛ̄cī ɔ́mahaanɛ kú ɔyā ā ga ɔ̄nɔ̄ɔ̄nɛ̄ kú ɛ̄cī ɔ́migwó, tū céé kóō kú wɛ ɛ̄cī kē omlɛ́nyɔ́. Ɛ̄cī nɛ̄ ɔ̄cɛ dúú í gáā lɛ okónu kwu ɔdā dúú ŋ́ mā.
Ucɛ kú aáklɔ̄kpɛ
33 #
Obla 16.13-15
Óndú ā da Umósīsi 34kóō le ka lɛ ācɛ kú Ísrɛ̄lu ka ucɛ kú aáklɔ̄kpɛ ā gbɔɔ́ ɛ̄cī ɔ́migwɛ́ɛhɔ̄ kú ɔyā ɔ́mahāapa, ó kē géē yɔ̄ jāā ɛ̄cī ahāapa Óndú ā da Umósīsi kahíníī, 35“Ɛ̄cī aflɛ́yí kú nū ā géē wɛ ɛ̄cī nɛ̄ aá géē jīla tɔ̄há kú aá gbā Óndú ā ɛ̄gbā. Ɔ̄cɛ dóódu kóō híī yá ɛ́dɔ̄ kú úklɔ́ dúúmā ŋ́. 36Ɛ̄cī ahāapa ā, aá géē gwɛ́ɛya o yɔlá dúúdú lɛ Óndú ā. Ɛ̄cī ɔ̄mahātá ā, aá géē jīla tɔ̄há kpɔ́ kú aá gbā um ɛ̄gbā cɛ́ɛ́ ká aá je ɔdā kú ɛya kú ɔdōlé gā um. Ó géē wɛ ɛ̄cī kú ɛ̄gbā nɛ̄ aá í gbā um, aá gáā yúklɔ́ ɛdɔ ɔhá dúúmā ŋ́.
37Aɛ́nyā wɛ aɛ́cī nɛ̄ aá í jīla Óndú ā eyī, nɛ̄ aá géē je ɔdā kú ɛya kú ɔdōlé, ɔdā kú ɛya o yɔlá dúúdú, ɔdā kú ɛya kú īkpɔ̄dɛ̄hɔ̄, ɔdā nɛ̄ aá í je gwɛ́ɛya mɛ́mla ɔdōgwá kú ɛya lɛ Óndú ā, ɛ́gɛ́nɛ̄ Óndú ā cɛgbá ɛ̄cī éyééyē ā. 38Aúcɛ nyā wɛ ɔdā nēé ba ɛ̄cī Usábáti, ɛya kú eko dóódu ā, ɔdā ɛ̄gbā kú ɛya kú oji nēé wā í cɛ̄, mɛ́mla ɔdā ɛ̄gbā kú ɛya nɛ̄ aá je ŋmá ɔtū kú aá lɛ Óndú ā iyē. 39“Eko nɛ̄ aá le ɔdɛ̄hɔ̄ kú aá cē, aá lé ucɛ kú nū ɛ̄cī ahāapa, o gbɔɔ́ ŋmá ɛ̄cī ɔ́migwɛ́ɛhɔ̄ kú ɔyā ɔ́mahāapa ā. Ɛ̄cī aflɛ́yí ā géē wɛ ɛ̄cī omlɛ́nyɔ̄. 40Ɛ̄cī aflɛ́yí kú ucɛ ā, aá géē je aíkpɔ̄cí nōo lɔhi fíyɛ́ dúú ŋmá ɔcí kú aá, ābɔ̄ kú alī, mɛ́mla ābɔ̄ kú ɔcí nōo lɛ ēpū nɛ̄hi ā, cɛ́ɛ́ aá gbɔɔ́ ō yá ucɛ yɔ̄ ī gwéeyē ipéyī Óndú ā, Ɔwɔicō kú aá ɛ̄cī ahāapa. 41Aá géē lé ucɛ nyā ɛ̄cī ahāapa ipú iháyí dóódu. Aá géē lɛ íne kú ucɛ nyā tū lɛ ayááyí kú ɔlɛ́ aá jāā gā ɛ̄cɔ̄bū nōo ī wā ā. 42Ódúúdú ācɛ Ísrɛ̄lu géē lā ipú aáklɔ̄kpɛ ɛ̄cī ahāapa, 43cɛ́ɛ́ ka ipɔ́ɔma kú aá kéē le jé ka n yá ká ācɛ kú Ísrɛ̄lu kéē lā ipú aáklɔ̄kpɛ ā, eko nɛ̄ n kpó uwā bɛ̄cɛ ŋmá ajɛ kú Íjīpiti ā. Ami wɛ Óndú ā, nōo wɛ Ɔwɔicō kú aá ā á.
44Ɛ́gɔ́ɔmā nɛ̄ Umósīsi ka lɛ ācɛ kú Ísrɛ̄lu ā lɛyíkwu aúcɛ nɛ̄ uwá géē lé lɛ ojīlīmā ce Óndú ā á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma