ULĪFAYI 18
18
Ɛdɔ kú ikpɔ́nyā ōce nɛ̄ Ɔwɔicō tá ā
1Óndú ā da Umósīsi kóō 2le ka lɛ ācɛ kú Ísrɛ̄lu kahíníī, “Ami wɛ Óndú ā, nōo wɛ Ɔwɔicō kú aá á. 3Aá híī gbla ucē kú ācɛ kú Íjīpiti, ɛga nɛ̄ aá tɛtɛ lá gbɔbū ā ŋ́, ámāŋ ákú ācɛ Ukénan, ɛga nɛ̄ n yɔ̄ ī kpó aá nyɔ̄ abālɔbányā ŋ́. 4Aá lɛyítáajɛ lɛ aíne kú um, cɛ́ɛ́ ká aá yá ɔdā nɛ̄ n tū aá ukɔ́ nū ā. Ami wɛ Óndú ā, nōo wɛ Ɔwɔicō kú aá á. 5#Uneh 9.29; Isík 18.9; 20.11-13; Ulúk 10.28; Uróm 10.5; Ugal 3.12Aá yɛce aíne mɛ́mla uce nɛ̄ n tū aá ukɔ́ kú aá yá ā. Ɔ́dāŋ ka aá gē yá lɛ ā, aá géē nya oyēeyī kú aá tá. Ami ā wɛ Óndú ā á.” 6Óndú ā le aíne nēe bá nyā kpó lɛ ācɛ Ísrɛ̄lu. Aá kóō híī cikpó ɔmáapú aá dóódu ŋ́. 7Ā híī je uwēyī lɛ ádā uwɔ o ŋmá lɛ ō cikpó ɛ́nɛ́ uwɔ ŋ́. 8#Ulīf 20.11; Obla 22.30; 27.20Ā híī je uwēyī lɛ ádā uwɔ o ŋmá lɛ o cikpó ɔnyā nū ɔhá dóódu ŋ́. 9#Ulīf 20.17; Obla 27.22Ā híī cikpó ɔyínɛ́ uwɔ nɔ̄nyā ámāŋ ɔyí ádā uwɔ nɔ̄nyā ŋ́. É kōō bī ɔ̄ jɛ̄ ɛga éékpó mɛ́mla awɔ ámāŋ keé bī ɔ̄ jɛ̄ ɛga éékpó mɛ́mla uwɔ ŋ́. 10Ā híī cikpó ɔyínɔ̄nyā kú ɔyí uwɔ ŋ́. Ɔda ɛ́gɔ́ɔ́mā géē wɛ ɔdūwēyī gā uwɔ̄. 11Ā híī cikpó ɔyí ádā uwɔ nɔ̄nyā ŋ́. Ó kē wɛ ɔyínɛ́ abɔ́yī uwɔ dúú. 12#Ulīf 20.19,20Ā híī cikpó ɔyínɛ́ ádā uwɔ nɔ̄nyā ŋ́, ohígbū koó wɛ ɔmáapú ádā uwɔ ajaajɛ. 13Ā híī cikpó ɔyínɛ́ kú ɛ́nɛ́ uwɔ nɔ̄nyā ŋ́. Ɔmáapú ɛ́nɛ́ uwɔ ajaajɛ yɔ̄ abɔ́ɔ á. 14Ā híī cikpó ɔ̄nyā ɔmáapú ádā uwɔ nɔ̄nyīlɔ ŋ́, ohígbū ka ɔnyā abɔ̄yī nū ā wɛ ɔmáapú ádā nɔ̄nyā dúú. 15#Ulīf 20.12Ā híī cikpó ɔ̄nyā ɔyí uwɔ ŋ́. 16#Ulīf 20.21Ā híī cikpó ɔnyā ɔyínɛ́ uwɔ ŋ́, ɔnyā ɔyínɛ́ uwɔ yɔ̄ abɔ́ɔ á. 17#Ulīf 20.14; Obla 27.23Ā híī cikpó ɔyínɔ̄nyā ámāŋ ka ɔyɔ́ɔ́yí nɔ̄nyā kú ɔnyā dúú nɛ̄ a gē cikpó nū ŋ́. É lɔfú wɛ ɔmáapú uwɔ glá, cɛ́ɛ́ ɔ́ɔmā kwú pīya ɔmáapú uwɔ nɛ̄ a cikpó nū abɔ́ɔ á. 18Ā híī je ɔyínɛ́ kú ɔnyā uwɔ nɔ̄nyā pīya ɔnyā uwɔ, eko nɛ̄ ɔnyā uwɔ yēeyī ŋ́.
19 #
Ulīf 20.18
Ā híī cikpó ɔnyā dúúmā eko nōó yɔ̄ ī nyílá kú ɔyɔ̄ɔ̄yā kú nū ŋ́. Ohígbū ka iyē kú nū le tēelihɔ. 20#Ulīf 20.10Ā híī cikpó ɔnyā kú ɔ̄cɛ ɔhá ŋ́, ɔ́ɔmā géē je uwɔ tēelihɔ 21#Ulīf 20.1-5Aá híī je ɔyí aá dóódu gwɛ́ɛya o yɔlá dúúdú lɛ icɛ̄bɔ̄ nēé hī ka Umɔ́lɛ̄ki ā ŋ́. Ɔ́ɔmā gē je uwēyī lɛ Ɔwɔicō, nōo wɛ Óndú ā. 22#Ulīf 20.13Ɔ̄cɛnyīlɔ dúúmā kóō híī cikpó ɔ̄cɛnyīlɔ ɔ́mpānū ŋ́. Ucē ɛ́gɔ́ɔmā í he Ɔwɔicō ɔtū ŋ́. 23#Oyɛb 22.19; Ulīf 20.15,16; Obla 27.21Ɔ̄cɛnyīlɔ dúúmā kóō híī cikpó ɛbɛ́ ŋ́, ɛ́ɛ́ nɛ̄ ɔ̄cɛnyā dúúmā gē cɛ̄ kú ɛbɛ́ dúúmā kóō cikpó nū ŋ́. Ɔdā ɛ́gɛ́nyā gē jē ɔ̄cɛ tēelihɔ.
24Aá híī jɛ īyī aá tēelihɔ ŋmá o yá odóódu kú aɔ́dā nēe bá nyā ŋ́. Ohígbū ka ɛ́gɔ́ɔmā nɛ̄ ācopɛ̄cí nēe tɛtɛ lā ajɛ nyā gbɔbū lɛ aá ā, nɛ̄ ami nōo wɛ Óndú ā yɔ̄ gē nū hī lɛ aá, yá lɛ nēé je iyī uwā tēelihɔ á. 25Ucē nēé yá ā kwú ajɛ ā ú tēelihɔ, ohígbū ɔ́ɔmā, n yɔ̄ ī yá ajɛ ā italā klla yɔ̄ ī yá kú ajɛ ā kóō tá ācɛ nēe lā abɔ́ɔ ā bónū ŋmá abɔ́ɔ. 26-27É le odúúdú ɔdēelihɔ nēe bá ā mɛ́mla aɔ́dōōbɔ́bí nɛ̄hi yá, anɔ́ɔ é kwú ajɛ ā ú tēelihɔ á. Amáŋ aá híī yá aɔ́dā nēe yá ā ŋ́. Odúúdú aá, ó kōō wɛ ācɛ Ísrɛ̄lu ámāŋ aéwɔhá nēe lā ipú aá, géē lɛ aíne kú ami nōo wɛ Óndú ā tū piíí, 28Cɛ́ɛ́ kú Óndú ā kóō híī nū aá ŋmá ipú ajɛ ā ŋ́, ɛ́gɛ́nɛ̄ ó nū ācopɛ̄cí nēe tɛtɛ lā ipú nū ā. 29Ɔ̄cɛ dóódu nōo lɛ odóódu kú ɔdēelihɔ nēe bá nyā yá, í gáā wɛ éyi kú ācɛ ɔlɛ́ ami nōo wɛ Óndú ā ɛ́ɛ́ gɛ ŋ́. 30Anɔ́ɔ ā kahíníī, “Aá lɛ aíne nɛ̄ n je ā tū cɛ́ɛ́ kú aá híī yá ɛdɔ kú ucē nɛ̄ ācɛ nēe lā ajɛ ā gbɔbū lɛ aá yá ā ŋ́. Aá híī je iyī aá tēelihɔ oŋmá lɛ o yá ɛdɔ kú ucē elihɔ nēe bá ā ŋ́. Ami wɛ Óndú ā, nōo wɛ Ɔwɔicō kú aá á.”
Currently Selected:
ULĪFAYI 18: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 18
18
Ɛdɔ kú ikpɔ́nyā ōce nɛ̄ Ɔwɔicō tá ā
1Óndú ā da Umósīsi kóō 2le ka lɛ ācɛ kú Ísrɛ̄lu kahíníī, “Ami wɛ Óndú ā, nōo wɛ Ɔwɔicō kú aá á. 3Aá híī gbla ucē kú ācɛ kú Íjīpiti, ɛga nɛ̄ aá tɛtɛ lá gbɔbū ā ŋ́, ámāŋ ákú ācɛ Ukénan, ɛga nɛ̄ n yɔ̄ ī kpó aá nyɔ̄ abālɔbányā ŋ́. 4Aá lɛyítáajɛ lɛ aíne kú um, cɛ́ɛ́ ká aá yá ɔdā nɛ̄ n tū aá ukɔ́ nū ā. Ami wɛ Óndú ā, nōo wɛ Ɔwɔicō kú aá á. 5#Uneh 9.29; Isík 18.9; 20.11-13; Ulúk 10.28; Uróm 10.5; Ugal 3.12Aá yɛce aíne mɛ́mla uce nɛ̄ n tū aá ukɔ́ kú aá yá ā. Ɔ́dāŋ ka aá gē yá lɛ ā, aá géē nya oyēeyī kú aá tá. Ami ā wɛ Óndú ā á.” 6Óndú ā le aíne nēe bá nyā kpó lɛ ācɛ Ísrɛ̄lu. Aá kóō híī cikpó ɔmáapú aá dóódu ŋ́. 7Ā híī je uwēyī lɛ ádā uwɔ o ŋmá lɛ ō cikpó ɛ́nɛ́ uwɔ ŋ́. 8#Ulīf 20.11; Obla 22.30; 27.20Ā híī je uwēyī lɛ ádā uwɔ o ŋmá lɛ o cikpó ɔnyā nū ɔhá dóódu ŋ́. 9#Ulīf 20.17; Obla 27.22Ā híī cikpó ɔyínɛ́ uwɔ nɔ̄nyā ámāŋ ɔyí ádā uwɔ nɔ̄nyā ŋ́. É kōō bī ɔ̄ jɛ̄ ɛga éékpó mɛ́mla awɔ ámāŋ keé bī ɔ̄ jɛ̄ ɛga éékpó mɛ́mla uwɔ ŋ́. 10Ā híī cikpó ɔyínɔ̄nyā kú ɔyí uwɔ ŋ́. Ɔda ɛ́gɔ́ɔ́mā géē wɛ ɔdūwēyī gā uwɔ̄. 11Ā híī cikpó ɔyí ádā uwɔ nɔ̄nyā ŋ́. Ó kē wɛ ɔyínɛ́ abɔ́yī uwɔ dúú. 12#Ulīf 20.19,20Ā híī cikpó ɔyínɛ́ ádā uwɔ nɔ̄nyā ŋ́, ohígbū koó wɛ ɔmáapú ádā uwɔ ajaajɛ. 13Ā híī cikpó ɔyínɛ́ kú ɛ́nɛ́ uwɔ nɔ̄nyā ŋ́. Ɔmáapú ɛ́nɛ́ uwɔ ajaajɛ yɔ̄ abɔ́ɔ á. 14Ā híī cikpó ɔ̄nyā ɔmáapú ádā uwɔ nɔ̄nyīlɔ ŋ́, ohígbū ka ɔnyā abɔ̄yī nū ā wɛ ɔmáapú ádā nɔ̄nyā dúú. 15#Ulīf 20.12Ā híī cikpó ɔ̄nyā ɔyí uwɔ ŋ́. 16#Ulīf 20.21Ā híī cikpó ɔnyā ɔyínɛ́ uwɔ ŋ́, ɔnyā ɔyínɛ́ uwɔ yɔ̄ abɔ́ɔ á. 17#Ulīf 20.14; Obla 27.23Ā híī cikpó ɔyínɔ̄nyā ámāŋ ka ɔyɔ́ɔ́yí nɔ̄nyā kú ɔnyā dúú nɛ̄ a gē cikpó nū ŋ́. É lɔfú wɛ ɔmáapú uwɔ glá, cɛ́ɛ́ ɔ́ɔmā kwú pīya ɔmáapú uwɔ nɛ̄ a cikpó nū abɔ́ɔ á. 18Ā híī je ɔyínɛ́ kú ɔnyā uwɔ nɔ̄nyā pīya ɔnyā uwɔ, eko nɛ̄ ɔnyā uwɔ yēeyī ŋ́.
19 #
Ulīf 20.18
Ā híī cikpó ɔnyā dúúmā eko nōó yɔ̄ ī nyílá kú ɔyɔ̄ɔ̄yā kú nū ŋ́. Ohígbū ka iyē kú nū le tēelihɔ. 20#Ulīf 20.10Ā híī cikpó ɔnyā kú ɔ̄cɛ ɔhá ŋ́, ɔ́ɔmā géē je uwɔ tēelihɔ 21#Ulīf 20.1-5Aá híī je ɔyí aá dóódu gwɛ́ɛya o yɔlá dúúdú lɛ icɛ̄bɔ̄ nēé hī ka Umɔ́lɛ̄ki ā ŋ́. Ɔ́ɔmā gē je uwēyī lɛ Ɔwɔicō, nōo wɛ Óndú ā. 22#Ulīf 20.13Ɔ̄cɛnyīlɔ dúúmā kóō híī cikpó ɔ̄cɛnyīlɔ ɔ́mpānū ŋ́. Ucē ɛ́gɔ́ɔmā í he Ɔwɔicō ɔtū ŋ́. 23#Oyɛb 22.19; Ulīf 20.15,16; Obla 27.21Ɔ̄cɛnyīlɔ dúúmā kóō híī cikpó ɛbɛ́ ŋ́, ɛ́ɛ́ nɛ̄ ɔ̄cɛnyā dúúmā gē cɛ̄ kú ɛbɛ́ dúúmā kóō cikpó nū ŋ́. Ɔdā ɛ́gɛ́nyā gē jē ɔ̄cɛ tēelihɔ.
24Aá híī jɛ īyī aá tēelihɔ ŋmá o yá odóódu kú aɔ́dā nēe bá nyā ŋ́. Ohígbū ka ɛ́gɔ́ɔmā nɛ̄ ācopɛ̄cí nēe tɛtɛ lā ajɛ nyā gbɔbū lɛ aá ā, nɛ̄ ami nōo wɛ Óndú ā yɔ̄ gē nū hī lɛ aá, yá lɛ nēé je iyī uwā tēelihɔ á. 25Ucē nēé yá ā kwú ajɛ ā ú tēelihɔ, ohígbū ɔ́ɔmā, n yɔ̄ ī yá ajɛ ā italā klla yɔ̄ ī yá kú ajɛ ā kóō tá ācɛ nēe lā abɔ́ɔ ā bónū ŋmá abɔ́ɔ. 26-27É le odúúdú ɔdēelihɔ nēe bá ā mɛ́mla aɔ́dōōbɔ́bí nɛ̄hi yá, anɔ́ɔ é kwú ajɛ ā ú tēelihɔ á. Amáŋ aá híī yá aɔ́dā nēe yá ā ŋ́. Odúúdú aá, ó kōō wɛ ācɛ Ísrɛ̄lu ámāŋ aéwɔhá nēe lā ipú aá, géē lɛ aíne kú ami nōo wɛ Óndú ā tū piíí, 28Cɛ́ɛ́ kú Óndú ā kóō híī nū aá ŋmá ipú ajɛ ā ŋ́, ɛ́gɛ́nɛ̄ ó nū ācopɛ̄cí nēe tɛtɛ lā ipú nū ā. 29Ɔ̄cɛ dóódu nōo lɛ odóódu kú ɔdēelihɔ nēe bá nyā yá, í gáā wɛ éyi kú ācɛ ɔlɛ́ ami nōo wɛ Óndú ā ɛ́ɛ́ gɛ ŋ́. 30Anɔ́ɔ ā kahíníī, “Aá lɛ aíne nɛ̄ n je ā tū cɛ́ɛ́ kú aá híī yá ɛdɔ kú ucē nɛ̄ ācɛ nēe lā ajɛ ā gbɔbū lɛ aá yá ā ŋ́. Aá híī je iyī aá tēelihɔ oŋmá lɛ o yá ɛdɔ kú ucē elihɔ nēe bá ā ŋ́. Ami wɛ Óndú ā, nōo wɛ Ɔwɔicō kú aá á.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma