ULĪFAYI 16

Ɛ̄cī kú ɛya kú oje yɛ́ɛhi kú íne ō bīya

1Igbīhi ikwū kú ayínɔ̄nyīlɔ ɛpa kú Árɔ̄ni nēe túblá Óndú ā ajaajɛ nōó kpó uwā ŋmó ā, Óndú ā le ɛlá ka lɛ Umósīsi. 2#Uhíb 6.19Ó da ɔ́ kahíníī, “Le ka lɛ Árɔ̄ni ɔyínɛ́ uwɔ ka eko nōo le kpaakpa ā ōfōōfūnū nōó géē ga igbīhi ukɔ́tin ā ɛga otīihɔ fíyɛ́ dúú ā á. Ohígbū ka abɔ́ɔ ā nɛ̄ n gē wɛ̄ɛcɛ ipú ojuja ɛyí ɔwū kú Ikpati kú Ɛka ā á. Ɔ́dāŋ ka ó lɛyítáajɛ ŋ́, ó géē kwú 3#Uhíb 9.7Amáŋ, ó lɔfú bēhé ga ipú ɛga nōo tīihɔ fíyɛ́ dúú igbīhi nōó le ɛdrɔ́ kú ɔbɛ́ɛna bī wā kú odée kú ɛya kú íne ō bīya mɛ́mla omlede kú ɛya o yɔlá dúúdú 4Anɔ́ɔ Óndú ā le ukɔ́ nēe bá nyā tū. Gbɔbū ɛ́ɛ́ ka Árɔ̄ni kóō í ga ɛga otīihɔ ā, ó géē gwīiyē klla í yíifa kú ɔ̄cogwɛ́ɛya kú nū mla īlī nɛhɛ́, ikakí kpiíí, īlī ogbɛ̄ɛ́nyɔ́ mɛ́mla oláwoni. 5Ójīla kú Ísrɛ̄lu ā géē je opī ɛpa lɛ Árɔ̄ni kú ɛya kú íne ō bīya mɛ́mla omlede éyi kú ɛya o yɔlá dúúdú. 6Árɔ̄ni géē je ɔbɛ́ɛna ā gwɛ́ɛya kú íne ō bīya, nōo géē yá kéē kwú íne nɛ̄ anú abɔ̄yī nū mɛ́mla ipɔ́ɔ́nū kú nū bīya ā kpó yá uwā ɛhi ā. 7Ó géē kpó aópī ɛpa ā ga okómpīinu kú Áklɔ̄kpīihɔ, ɛga nɛ̄ Óndú ā yɔ̄ ā. 8Ó géē bī ɛcɔ̄ ɛpa le tá ūlī. É géē tá tū ɛcɔ̄ éyi kahíníī, “Akú Óndú ā.” É kē í tá tū ɔhá ā kahíníī, “Ákú Asásɛ̄lu”#16.8 asásɛ̄l. Ɔ̄cɛ dúú í jé ɛyí kú ɛlā kú ācɛ Uhíbru nyā ŋ́. Ó lɔfú wɛ iyē kú eblíi éyi kú ipú ígbíli glá 9Árɔ̄ni géē je opī nɛ̄ ulī kú Óndú ā kwú ā, gwɛ́ɛya kú íne ō bīya lɛ Óndú ā. 10Amáŋ opī nɛ̄ ūlī kú Asásɛ̄ lu kwú ā, ó géē je ɔ́ lɛ Óndú ā oyēeyī. Cɛ́ɛ́ ó kwú ɔ̄ ú nū ga ipú ígbíli gé lɛ Asásɛ̄lu. Ɛnyā géē kpó íne nɛ̄ ācɛ ā bīya ā nyɔ̄.

11Eko nɛ̄ Árɔ̄ni kwú ɛna ā ú gwɛ́ɛya kú íne ō bīya kú anú abɔ̄yī nū mɛ́mla ákú ācɛ ɔlɛ́ nū ā. 12Ó géē fú ahɔ̄lá tū aklɛ ŋmá ɛyí ede ā mɛ́mla omōōmū abɔ̄ ɛpa kú ɔtulalī umuumu ā, cɛ́ɛ́ ó lɛ uwā kpó wā ipú ɛga otīihɔ fíyɛ́ dúú ā. 13Ó géē fú ɔtulalī ā tū ɔlá ipéyī Óndú ā, ódūdū kú ɔtulalī ā í klá ɔwū Ikpati kú Ɛka ā, í je ɔ́ tayínū ŋmá ɛgiyí nū, o yá kóó híī má ɔ̄ cɛ́ɛ́ kóō gekwú ŋ́. 14Ó géē lɛ ayíkābɔ̄ wu oyī kú ɔbɛ́ɛna, cɛ́ɛ́ ó lɛ ɔ́ mī klá iyɔ̄bū ɔ̄wū kú Ikpati kú Ɛka kú Óndú ā, klla í mī ɔ̄ klá iyɔ̄bū Ikpati kú Ɛka ā igbahāapa.

15 # Uhíb 9.12 Igbīhi ɔ́ɔmā, ó kē í ŋmó opī kú ɛya kú íne nɛ̄ ācɛ ā bīya ā. Ó géē bī oyī kú nū wā ipú ɛga nōo tīihɔ fíyɛ́ dúú ā, cɛ́ɛ́ ó lɛ ɔ́ mī klá ɔ̄wū mɛ́mla Ikpati kú Ɛka kú Óndú ā abɔ̄yīnū, ɛ́gɛ́nɛ̄ ó yá mla oyī kú ɔbɛ́ɛna ā. 16Ó géē bī ɔwɛ nyā lɛ uculo kú iyē ō gwu kú ɛga otīihɔ fíyɛ́ dúú ā yá kwɛyí ŋmá ɛ́gɛ́nɛ̄ ācɛ Ísrɛ̄lu tēelihɔ lɛ ā mɛ́mla oŋmá íne nēé bīya ā. Ó í yá ɔdā éékpó ā mla Áklɔ̄kpīihɔ ā, ohígbū koó kwu ɔtāhɛ̄ kú ɛga nɛ̄ ācɛ ā lā nōo le tēelihɔ ā. 17Oŋmá eko nɛ̄ Árɔ̄ni bēhé ga ipú ɛga otīihɔ fíyɛ́ dúú ā kóō gaá yá uculo kú iyē ō gwu ā, jāā gbéeko nōó lɛ bɛ̄cɛ. Ɔ̄cɛ dóódu í gáā yɔ̄ ipú Áklɔ̄kpīihɔ ā ŋ́. Eko nōó le uculo kú iyē ō gwu kú īyī nū, ákú ayípɛ́ ɔlɛ́ nū mɛ́mla ákú odúúdú ójīla ā yá ā. 18Cɛ́ɛ́ ó géē wɛ̄ɛcɛ ɛgiyí ede ā gaá lɛ ɛya o yɔlá dúúdú ā gwó cɛ́ɛ́ ó lɛ ede ā gwu. Ó géē je ōhī kú oyī kú ɛna mɛ́mla opī ā wā í kwu aájī kú ede nēe kwu ɔ́kíkā kú nū ā. 19Ó géē bī ayíkābɔ̄ kú nū ā lɛ ōhī kú oyī ā mī klá ede ā igbaāapa. Ɔwɛ nyā, ó í gwu ede ā ŋmá íne nɛ̄ ācɛ Ísrɛ̄lu bīya ā cɛ́ɛ́ ó kwúɛ ede ā ú tīihɔ.

Opī nōo gē kpó íne ō bīya nyɔ̄ ā

20Eko nɛ̄ Árɔ̄ni le ɛya kú iyē ō gwu kú ɛga otīihɔ fíyɛ́ dúú ā mɛ́mla ɛga ohile kú Áklɔ̄kpīihɔ, ɛga nɛ̄ Óndú ā yɔ̄ ā gwó kwɛyí ā, ó géē bī opī oyēeyī nēé je lɛ Asásɛ̄lu ā wɛ̄ɛcɛ#16.20 asásēl: Ɔ̄cɛ dúú í jé ɛyí kú ɛlā kú ācɛ Uhíbru nyā ŋ́. Ó lɔfú wɛ iyē kú eblíi éyi kú ipú igbíli glá (16.8). 21Ó géē kpó abɔ̄ ɛpɛlɛ́ɛpa kú nū ce opī ā ɛyí, géē ka odúúdú aɔ́dōōbɔ̄bí, íne nēé bīya, mɛ́mla ikpɛ̄yí olɔfú kú ācɛ kú Ísrɛ̄lu tɛ́ɛcɛ lɛ Óndú ā, cɛ́ɛ́ ó bī ɔwɛ nyā kwú ɛjɛ̄ɛ̄jī aɔ́dōōbɔ̄bí nōó ka tɛ́ɛcɛ ā í kpó ce opī ā ɛyí. Cɛ́ɛ́ é kwú opī ā tū ɔ̄cɛ nēe fu ā abɔ̄ kóō kwú ga ipú ígbíli, kóō kwú ɔ̄ ú nū ɔ nyɔ̄. 22Opī ā géē kpó odúúdú íne nēé bīya ā ga ipú ígbíli ga ɛga nɛ̄ ɔ̄cɛ dúúmā í lā ŋ́ mā ā.

23 # Isík 44.19 Árɔ̄ni géē cīgbīhi gā ipú Áklɔ̄kpīihɔ ā, kwú aódōwīyē kú ɔ̄cogwɛ́ɛya kú nū nōó kpó wiyē ɛɛ́ kóō bēhé ga ipú ɛga nōo tīihɔ fíyɛ́ dúú ú plla ŋmá iyē. Cɛ́ɛ́ ó mā ɔ̄ tá bá abɔ́ɔ 24Ó géē gwīiyē ɛga otīihɔ, cɛ́ɛ́ ó kwú úwé kú nū ú wiyē. Igbīhi ɛ̄nyā cɛ́ɛ́ ó le bɛ̄cɛ gaá lɛ ɛya o yɔlá dúúdú gwó lɛ Óndú ā kóō lɛ íne nɛ̄ anú abɔ̄yī nū mɛ́mla ákú ācɛ Ísrɛ̄lu ā kpó nyɔ̄. 25Ó géē je ijé kú ɛya kú ɛbɛ́ kú íne ō bīya ā yɔlá ɛyí ede ā. 26Ɔ̄cɛ nōo nū opī ā ga ipú ígbíli gé lɛ Asásɛ̄lu ā géē na īlī kú nū klla í gwīiyē ɛ́ɛ́ nōó í cīgbīhi wā ipú ɛga nēe lā á. 27#Uhíb 13.11Ó géē kpó ɛna mɛ́mla opī kú ɛya kú íne ō bīya ā, nōó bī oyī kú uwā ga ɛga otīihɔ fíyɛ́ dúú ā gaá gwɛ́ɛya o kpó íne ō bīya kú ācɛ ā nyɔ̄ ā yɔlá eyīyɛ̄ɛcɛ kú ɛga nēé lā ā. Ó géē kpó ɔkpá kú uwā, ícɛ̄bɛ́ kú uwā mɛ́mla ajīlīpú kú uwā yɔlá dúúdú. 28Ɔ̄cɛ nōo kē í je uwá yɔlá ā, géē na īlī kú nū klla í gwīiyē, ɛ́ɛ́ ka ó wā ipú ɛga nēé lā ā.

Ɛ̄cī kú ɛya nōo ī yá kéē kwú íne ō bīya í yá ɛhi ā

29 # Ulīf 23.26-32; Áluk 29.7-11 Aɛ́nyā wɛ íne nēé géē lɛ tū piyóó ā ipú ɛcɛ nyā á. Ɛ̄cī ɔ́migwó kú ɔyā ɔ́migwáahāapa ā, ācɛ Ísrɛ̄lu mɛ́mla aílɔ́wā nēe bá mɛ́mla uwá í gwōkónu. É kē gáā yúklɔ́ dóódu ŋ́. 30Ɛ̄cī ɔ́ɔmā, é géē yá uculo kéē lɛ uwá iyē gwu ŋmá íne nēé bīya ā, cɛ́ɛ́ kú uwā kóō le yá yēŋēē. 31Ɛ̄cī ɔ́ɔmā géē wɛ ɛ̄cī otīihɔ nɛ̄hi, ɛ̄cī nēé géē gwōkónu, nɛ̄ ɔ̄cɛ dúúmā í gaá yúklɔ́ ŋ́. Aá géē lɛ íne nyā tū piyóó ipú ɛcɛ nyā. 32Otrɛ̄yí kú ācogwɛ́ɛya nēé lɛ anɔ̄ tū ɔ̄ ɛyí klla le abɔ̄ ce ɔ́ ɛyí ɔwɛ o kpaakpa ā, ɛ̄nɛ̄ o í mīyɛ ɔkwu ádā nū ā, géē yá uculo kú iyē ō gwu nyā á. Ó géē lɛ úwé kú ācogwɛ́ɛya wiiyē, 33cɛ́ɛ́ ó le ɛya nōo géē gwu ɛga otīihɔ fíyɛ́ dúú ā mɛ́mla ɛga ohile kú Áklɔ̄kpīihɔ, ɛga nɛ̄ Óndú ā yɔ̄ ā, ede ā, ācogwɛ́ɛya ā mɛ́mla odúúdú ójīla kú ācɛ ā gwó. 34Aá géē lɛ íne nēe bá nyā tū piyóó. Aá géē yá uculo kú iyē ō gwu nyā igbeéyi iháyí ká aá lɛ ācɛ kú Ísrɛ̄lu iyē gwu ŋmá odúúdú íne nēé bīya kpɛ́mm ā. Anɔ́ɔ Umósīsi#16.34 Umósīsi, ámāŋ Árɔ̄n le yá ɛ́gɛ́nɛ̄ Óndú ā tū uwā ukɔ́ lɛ ā á.

Currently Selected:

ULĪFAYI 16: IFBCL

Highlight

Copy

Compare