ULĪFAYI 1
1
Ɛya ō yɔlá dúúdú
1Óndú ā le Umósīsi hīgwú ŋmá ipū Áklɔ̄kpīihɔ, ɛga nɛ̄ Óndú ā yɔ̄ ā. Anɔ́ɔ ó le aíne nēe bá nyā kpó lɛ ɔ́. 2Cɛ́ɛ́ kú ācɛ kú Ísrɛ̄lu kéē lɛ tū eko nēé bī ɛya gáā gwó lɛ Óndú ā á.
Eko nɛ̄ ɔ̄cɛ dóódu kwú ɛbɛ́ ú gwɛ́ɛya lɛ Óndú ā, ó lɔfú wɛ éyi kú aɛ́na, amáŋ aálá ámāŋ aɛ́wū kú nū. 3Ɔ́dāŋ koó yɔ̄ gē je éyi kú ɛna kú nū gwɛ́ɛya kóō yɔlá dúúdú. Ó géē bī ɔbɛ́ɛna nōó lɛ ɛnyá dóódu iyē kú nū ŋ́. Ó í je ɔ́ lɛ Óndú ā okómpīinu kú Áklɔ̄kpīihɔ, ɛga nɛ̄ Óndú ā yɔ̄ ā, cɛ́ɛ́ kú ɛlā nū kóō le he Óndú ā ɔtū. 4Ɔ̄cɛ ā géē kpó abɔ̄ kú nū ce ɛbɛ́ ā ɛyí. Cɛ́ɛ́ é géē mīyɛ ɔdā kú ɛ̄gbā ā bɛ̄ɛka ɛya nēé gwó, nōo kpó íne nōó bīya ā nyɔ̄ ā. 5Ó géē ŋmó ɛna ā abɔ́ɔ, iyɔ̄bū Óndú ā. Cɛ́ɛ́ ayínɔ̄nyīlɔ kú Árɔ̄ni, nēe wɛ ācogwɛ́ɛya ā, géē mīyɛ oyí kú ɛbɛ́ ā géē je lɛ Óndú ā. Cɛ́ɛ́ é kwú ɔ̄ ú ce klá odúúdú ɔ́kíka ɛnɛ kú ede ā. 6Cɛ́ɛ́ é le ɔkpá kú ɛbɛ́ ā tá ŋmá ɔ̄ iyē, kéē le ɔ́ kpó wá kpɛɛ́kpɛɛ́. 7Ɔ̄cogwɛ́ɛya ā géē gwó ɛfú tū ɛyí ede, cɛ́ɛ́ é lɛ ɔlá hɛ́ kwu ɔ́. 8É géē kpó ɛbɛ́ nēé wā ā ce ɛyí ɔlá, īkpɛ̄yí mɛ́mla ijē kú ɛbɛ́ ā. 9Ɔ̄cɛ ā í kpó aíyíípú kú nū mɛ́mla aíklíkpó kú nū, cɛ́ɛ́ ɔ̄cogwɛ́ɛya nōo yɔ̄ ī gwɛ́ɛya ā, géē kpó odúúdú íyɛ́ɛya ā yɔlá. Ocu kú ɔdōlé nyā gē he Óndú ā ɔtū.
10Ɔ́dāŋ ka ɔ̄cɛ yɔ̄ ī je álá ámāŋ ka ɛwū, ó í bī ɔbá nōó lɛ ɛcá ŋ́. 11Ó géē ŋmó ɔ̄ ābɔ̄ ɛhícō kú ede ā, ipéyī Óndú ā. Ācogwɛ́ɛya ā géē pīya oyī kú nū kla ɔ́kíka ɛnɛ kú ede ā. 12Igbīhi nɛ̄ ɔ̄cɛ ā le ɛbɛ́ ā wá ā, ɔ̄cogwɛ́ɛya nōo yɔ̄ ī gwɛ́ɛya ā géē kpó odúúdú ɛbɛ́ ā mɛ́mla īkpɛ̄yí mɛ́mla ijē kú nū ce ɛyí ɔlá ā. 13Amáŋ, ɔ̄cɛ ā í kpó iyíípú mɛ́mla iklííkpó igbīhi kú nū na. Ɔ̄cogwɛ́ɛya í je ɛya ā lɛ Óndú ā, cɛ́ɛ́ ó kwú uwā ú kpó yɔlá ɛyí ede ā. Ocu kú nū gē he Óndú ā ɔtū.
14Ɔ̄dāŋ ka ɔ̄cɛ yɔ̄ ī je ígbáanɔ gwɛ́ɛya ō yɔlá dúúdú nɛɛ, ígbáanɔ ā í wɛ okóohō ámāŋ ka ɔklɛ́ɛbɛ́tɛ. 15Ɔ̄cogwɛ́ɛya ā géē bī ɔ̄ wā ɛyí ede ā, lɛ ɔ́ ɔkɔ nya gbiílí, lɛ ɔ́ īkpɛ̄yí fu cáa. Cɛ́ɛ́ é kwú īkpɛ̄yí ā ú yɔlá ɛyí ede ā. É géē pī oyī kú nū klá ákló kú ede ā. 16Ó géē je īkpɛ̄ɛcɛ kú nū mɛ́mla ɔdā nōo bá ipú nū ā kpó bónū ābɔ̄ ɛnɔ̄ɔ̄cī kú ede ā, ɛga nēé pīya ewo bá ā. 17Ó géē bī acá kú nū lɛ ipú nū fā tɛ́ɛcɛ. Ó í yá ɛ̄nyā ɔwɛ nɛ̄ acá ā í gáā je fā ŋmá anú ŋ́. Cɛ́ɛ ó kwú ɛjɛ̄ɛ̄jī nū ú kpó yɔlá ɛyí ede ā. Ocu kú ɛya kú ɔdōlé nyā gē he Óndú ā ɔtū.
Currently Selected:
ULĪFAYI 1: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaULĪFAYI 1
1
Ɛya ō yɔlá dúúdú
1Óndú ā le Umósīsi hīgwú ŋmá ipū Áklɔ̄kpīihɔ, ɛga nɛ̄ Óndú ā yɔ̄ ā. Anɔ́ɔ ó le aíne nēe bá nyā kpó lɛ ɔ́. 2Cɛ́ɛ́ kú ācɛ kú Ísrɛ̄lu kéē lɛ tū eko nēé bī ɛya gáā gwó lɛ Óndú ā á.
Eko nɛ̄ ɔ̄cɛ dóódu kwú ɛbɛ́ ú gwɛ́ɛya lɛ Óndú ā, ó lɔfú wɛ éyi kú aɛ́na, amáŋ aálá ámāŋ aɛ́wū kú nū. 3Ɔ́dāŋ koó yɔ̄ gē je éyi kú ɛna kú nū gwɛ́ɛya kóō yɔlá dúúdú. Ó géē bī ɔbɛ́ɛna nōó lɛ ɛnyá dóódu iyē kú nū ŋ́. Ó í je ɔ́ lɛ Óndú ā okómpīinu kú Áklɔ̄kpīihɔ, ɛga nɛ̄ Óndú ā yɔ̄ ā, cɛ́ɛ́ kú ɛlā nū kóō le he Óndú ā ɔtū. 4Ɔ̄cɛ ā géē kpó abɔ̄ kú nū ce ɛbɛ́ ā ɛyí. Cɛ́ɛ́ é géē mīyɛ ɔdā kú ɛ̄gbā ā bɛ̄ɛka ɛya nēé gwó, nōo kpó íne nōó bīya ā nyɔ̄ ā. 5Ó géē ŋmó ɛna ā abɔ́ɔ, iyɔ̄bū Óndú ā. Cɛ́ɛ́ ayínɔ̄nyīlɔ kú Árɔ̄ni, nēe wɛ ācogwɛ́ɛya ā, géē mīyɛ oyí kú ɛbɛ́ ā géē je lɛ Óndú ā. Cɛ́ɛ́ é kwú ɔ̄ ú ce klá odúúdú ɔ́kíka ɛnɛ kú ede ā. 6Cɛ́ɛ́ é le ɔkpá kú ɛbɛ́ ā tá ŋmá ɔ̄ iyē, kéē le ɔ́ kpó wá kpɛɛ́kpɛɛ́. 7Ɔ̄cogwɛ́ɛya ā géē gwó ɛfú tū ɛyí ede, cɛ́ɛ́ é lɛ ɔlá hɛ́ kwu ɔ́. 8É géē kpó ɛbɛ́ nēé wā ā ce ɛyí ɔlá, īkpɛ̄yí mɛ́mla ijē kú ɛbɛ́ ā. 9Ɔ̄cɛ ā í kpó aíyíípú kú nū mɛ́mla aíklíkpó kú nū, cɛ́ɛ́ ɔ̄cogwɛ́ɛya nōo yɔ̄ ī gwɛ́ɛya ā, géē kpó odúúdú íyɛ́ɛya ā yɔlá. Ocu kú ɔdōlé nyā gē he Óndú ā ɔtū.
10Ɔ́dāŋ ka ɔ̄cɛ yɔ̄ ī je álá ámāŋ ka ɛwū, ó í bī ɔbá nōó lɛ ɛcá ŋ́. 11Ó géē ŋmó ɔ̄ ābɔ̄ ɛhícō kú ede ā, ipéyī Óndú ā. Ācogwɛ́ɛya ā géē pīya oyī kú nū kla ɔ́kíka ɛnɛ kú ede ā. 12Igbīhi nɛ̄ ɔ̄cɛ ā le ɛbɛ́ ā wá ā, ɔ̄cogwɛ́ɛya nōo yɔ̄ ī gwɛ́ɛya ā géē kpó odúúdú ɛbɛ́ ā mɛ́mla īkpɛ̄yí mɛ́mla ijē kú nū ce ɛyí ɔlá ā. 13Amáŋ, ɔ̄cɛ ā í kpó iyíípú mɛ́mla iklííkpó igbīhi kú nū na. Ɔ̄cogwɛ́ɛya í je ɛya ā lɛ Óndú ā, cɛ́ɛ́ ó kwú uwā ú kpó yɔlá ɛyí ede ā. Ocu kú nū gē he Óndú ā ɔtū.
14Ɔ̄dāŋ ka ɔ̄cɛ yɔ̄ ī je ígbáanɔ gwɛ́ɛya ō yɔlá dúúdú nɛɛ, ígbáanɔ ā í wɛ okóohō ámāŋ ka ɔklɛ́ɛbɛ́tɛ. 15Ɔ̄cogwɛ́ɛya ā géē bī ɔ̄ wā ɛyí ede ā, lɛ ɔ́ ɔkɔ nya gbiílí, lɛ ɔ́ īkpɛ̄yí fu cáa. Cɛ́ɛ́ é kwú īkpɛ̄yí ā ú yɔlá ɛyí ede ā. É géē pī oyī kú nū klá ákló kú ede ā. 16Ó géē je īkpɛ̄ɛcɛ kú nū mɛ́mla ɔdā nōo bá ipú nū ā kpó bónū ābɔ̄ ɛnɔ̄ɔ̄cī kú ede ā, ɛga nēé pīya ewo bá ā. 17Ó géē bī acá kú nū lɛ ipú nū fā tɛ́ɛcɛ. Ó í yá ɛ̄nyā ɔwɛ nɛ̄ acá ā í gáā je fā ŋmá anú ŋ́. Cɛ́ɛ ó kwú ɛjɛ̄ɛ̄jī nū ú kpó yɔlá ɛyí ede ā. Ocu kú ɛya kú ɔdōlé nyā gē he Óndú ā ɔtū.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma