OŌYƐBƐ̄CƐ 34
34
Usiléti ɔ́mpa nɛ̄ íne yɔ̄ anú ā
1Óndú ā da Umósīsi kahíníī, “Lɛ usiléti kú ɛcɔ̄ ɛpa gbā bɛ̄ɛka á kú aflɛ́yí ā, cɛ́ɛ́ n lɛ ɛlā nɛ̄ n tá tū ákú aflɛ́yí nāa ca ā tá tū ɔ̄ kpɔ́. 2Lɛ tútū ɔ̄cɔ̄ɔ̄cī óócí cɛ́ɛ́ ká ā gā ɛyí ɛfu kú Usáyínāyi ā gaá jīla mla um ɛyí nū. 3Ɔ̄cɛ dúúmā kóō ō wā mla uwɔ ŋ́. Ká n̄ híī má ɔ̄cɛ dóódu, ɛgiyí ābɔ̄ dóódu kú ɛfu ā ŋ́. Álá ámāŋ́ ka ɛna kéē híi lé ácí ɔkwu ɛfu ā ŋ́.”
4Anɔ́ɔ Umósīsi le usiléti kú ɛcɔ̄ ɛpa gbā, bɛ̄ɛka ákú aflɛ́yí ā. Anɔ́ɔ ó cāŋjɛ ɔ̄cɔ̄ɔ̄cī kú oŋmɔ́ɔ̄cī nū ā, ó le uwá kpó le tá ɛyí ɛfu kú Usáyínāyi, ɛ́gɛ́nɛ̄ Óndú ā je ɔdā lɛ ɔ́ ā. 5Óndú ā gā ajɛ ipú ojuja, anɔ́ɔ ó gáā háyi pī Umósīsi abɔ́ɔ ɛyí ɛfu ā, anɔ́ɔ ó le iyē otīihɔ kú nū ā hī ka Óndú ā. 6#Oyɛb 20.5,6; Áluk 14.18; Obla 5.9,10; 7.9,10Óndú ā gaá le yɛ iyɔ̄bū nū, anɔ́ɔ ó ka tɛ́ɛcɛ kahíníī, “Ami Óndú ā, wɛ Ɔwɔicō nɛ̄ gbonɛnɛ nɛ̄hi, n kē ī méyīnyi, ń kē ī cɔ̄nū fíya ŋ́. N klla gē ma ihɔtū nɛ̄hi fú lɛ ācɛ ɔlɛ́ um, cɛ́ɛ́ kéē lɛɔtūce um. 7N gē lɛ okónu nɛ̄ n ce lɛ ayááyí úlúúlā ā tū. N kē ī je ɔdōbɔ̄bí mɛ́mla ínoōbīya yɛ́ɛhi, amáŋ n gē yá ayí mɛ́mla ayááyí ga ipɔ́ɔma ɔ́mɛtá mɛ́mla ɔ́mɛɛnɛ italā ohígbū íne kú um nɛ̄ aádā uwā bīya ā.”
8Umósīsi páápá túkpɛɛ́, le ɛ̄gbā gbā Ɔwɔicō. 9O da Óndú ā kahíníī, “Ɔ́dāŋ́ ka, ɛlā mɛ́mla ucē kú um he uwɔ ɔtū ɔkwɛ̄yi, Óndú, n géē gbɔ̄kɔ gā uwɔ ká ā nyɔ̄ mla alɔ. Ācɛ nēe bá nyā likpɛ̄yí olɔfú íbí, amáŋ kwú ɔ́bíipú mɛ́mla íneōbīya kú alɔ í yá alɔ ɛhi, cɛ́ɛ́ ká ā mīya alɔ bɛ̄ɛka ācɛ kú abɔ̄yī uwɔ ā.”
Óndú ā cokónu ɔhá mla ācɛ Ísrɛ̄lu
10Óndú ā da Umósīsi kahíníī, “N géē cokónu lɛ ācɛ kú Ísrɛ̄lu o ŋmá abālɔbányā. N géē yá ɔdā nɛ̄hi ɛdɛ̄ nɛ̄ ɛ́dɔ kú nū í yá jééjéē ɛga dúúmā kú ipú ɛcɛ ipéyī éwo dúúmā ɛ́ɛ́ ŋ́. Aá mɛ́mla odúúdú aéwo nēe lɛ aá yɛjīlatá géē yúufi, cɛ́ɛ́ é géē jé ka ami ɔ́ɔ yá aɔ́dā ōhídáagó nyā á. 11Aá lɛ lɛyítajɛ táajɛ lɛ aíne, nɛ̄ n yɔ̄ gē je Uprisi ícɛ nyā. N kē í nū ācɛ Ámɔn, Ukénan, ācɛ Uhɛ́ti, Uprisi, ācɛ Uhám, mɛ́mla ācɛ Ujébūsi ŋmá ajɛ ā hī lɛ ā, abɔ̄ aá gē yɛ gɔbū ā. 12Aá cokónū kú aá lé tɔ̄há mla ācɛ kú ipú ɔlɛ́ nɛ̄ aá yɔ̄ gē nyɔ̄ ā ŋ́, ohígbū ka ɔ́ɔmā lɔfú lɛ pīya ukpa kú ikwu lɛ aá glá. 13#Obla 16.21 Ikɔkɔ nɛ̄ aá í yá lɛ ā, aá lɛ ede kú uwā ca tāajɛ, lɛ ɔ́kpa otīihɔ kú uwā yíífi ŋmáajɛ, cɛ́ɛ́ aá klla lɛ ojibó kú anjɛnū kú uwā nēé hī Ássɛ̄ra ā hɛ́ tónū. 14Aá híī gbā ɔwɔ ɔhá dúúmā ɛ̄gbā gwū um tá ŋ́, ohígbū ka ami nōo wɛ Óndú ā gē yɔ́bɔ̄nyā bɛ̄ɛka ɔ̄cɛ ɔlamu ā, abɔ̄ iyē kú um kē lé ka Oyɔ́bɔ́nyā ā. 15Aá cokónu dóódu mla ācɛ ā ŋ́. Ohígbū ka eko nēé gē pā ɛcí kú uwā gē ŋmó odée lɛ ɔ́, é géē hī aá igwú kú aá lé mla uwá, unwū kú ɛbɛ́ lɔfú já aá má, cɛ́ɛ́ kú aá lé ɔdōlé nēé yá lé ɛcí ā glá. 16Ayínɔ̄nyīlɔ kú aá lɔfú lɛ anyā ŋmá éwɔhá glá, nēe lɔfú yá kéē cɛ̄ɛ̄lā kú um gɛ ŋ́ cɛ́ɛ́ kéē nyɔ̄ í gbɔɔ́ ō pɛ̄ɛ̄cí kú uwā.
17 #
Oyɛb 20.4; Ulīf 19.4; Obla 5.8; 27.15 Aá gáā yá íkpékwīija kú aɔ́wɔ dóódu lɛ iyí aá ŋ́.
18 #
Oyɛb 12.14-20; Ulīf 23.6-8; Áluk 28.16-25 Aa géē lɛ ucɛ kú igbō nɛ̄ó gē nū ŋ́ mā tū. Ɛ́gɛ́nɛ̄ n je ɔ́da lɛ aá ā. Aá lé igbō nɛ̄ó gē nū ŋ́ mā ɛ̄cī ahāapa ipú ɔyā kú Abíbu, ohígbū ka ipú ɔyā ɔ́ɔmā nɛ̄ aá nyɛ̄ɛ̄ ŋmá ajɛ kú Íjīpiti á. 19#Oyɛb 13.2Ɔyí aflɛ́yí nɔ̄nyīlɔ dóódu kú aá mla ákú ɛna mla álá kú aá wɛ ákú um. 20#Oyɛb 13.13Amáŋ aá géē fūla ɔyí aflɛ́yí kú ijakī kú aá mla omlede kú aá. Ɔ́dāŋ́ ka aá í gáā hīla ɔ́ ŋ́. Aá lɛ ɔ́ ɔkɔ cē. Aá géē fūla ɔ́kplá kú aá dóódu. Ɔ̄cɛ dúúmā kú aá í gáā wā iyɔ̄bū um abɔ̄ áncā ŋ́.
21 #
Oyɛb 20.9,10; 23.12; 31.15; 35.2; Ulīf 23.3; Obla 5.13,14 Ɛ̄cī ɛhīlī nɛ̄ aá géē yúklɔ́ á, amáŋ aá yúklɔ́ ɛ̄cī ɔ́mahāapa ā ŋ́, ó kōō wɛ eko nēé gē hɛ́ɛhɔ̄ ámāŋ eko nēé gē cē ɔdɛ̄hɔ̄. 22#Ulīf 23.15-21; Áluk 28.26-31; Ulīf 23.39-43Aá géē lɛ ucɛ kú ɔdɛ̄hɔ̄ ō cē tū eko nɛ̄ aá gbɔɔ́ ō cē ɔdɛ̄hɔ̄ kú īkpɔ̄dā kú aá. Aá klla í lɛ ucɛ kú áklɔ̄kpɛ tū eko nɛ̄ aá gē tú īkpɔ̄cí kú aá bá. 23Ācɛnyīlɔ kú aá géē wā iyɔ̄bū um gáā gbā ami Óndú ā, Ɔwɔicō kú Ísrɛ̄lu, ɛ̄gbā igbɛtá ipú iháyí piíí. 24Ohígbū ka n géē nū aéwo bɛ̄cɛ ŋmá iyɔ̄bū aá. N géē nyīla ɛjī ajɛ kú aá gɔbɔ̄ɔ̄bū. Ɔ̄cɛ dóódu í gáā mīya ajɛ kú aá ɛpléeko kú ucɛ ɛtɛ́trɛ́tá ā ŋ́.
25 #
Oyɛb 12.10
Aá híī je igbō nēé le ɔdōnīgbō tū ɔ̄ gā um eko nɛ̄ aá gē lɛ ɛbɛ́ gwɛ́ɛya gā um ŋ́. Ā híī lɛ ɛbɛ́ kú ucɛ kú onyatá kú um ā tū gbɔ́ɔ̄ci ŋ́. 26#Obla 26.2; Obla 14.21Aá géē bī īkpɔ̄dā aflɛ́yí kú ɛhɔ̄ kú aá, nɛ̄ aá géē ce ŋmá ajɛ ā wā inū kú Óndú ā, Ɔwɔicō kú aá. Aá híī he ɔyí álá, ámāŋ ɔyí ɛwu dóódu ipú enyi amɛ̄ kú ɛ́nɛ́ nū ŋ́.”
27Óndú ā klla da Umósīsi kahíníī, “Lɛ ɛlā nyā tá tāajɛ, ohígbū ka o ŋmá ɛlā nēe bá nyā nɛ̄ n yɔ̄ ī gbɛka lɛ awɔ mɛ́mla ācɛ kú Ísrɛ̄lu á.” 28Umósīsi klá abɔ́ɔ mɛ́mla Óndú ā ɛ̄cī ofɛpa, mɛ́mla otú ofɛpa. Ó lé ɔdā dúúmā, ɛ́ɛ́ nɛ̄ ó kōō ī gwá ɔdā dúúmā ŋ́. Anɔ́ɔ ó le ɛlā kú íne igwó ā tá tū usiléti kú ɛcɔ̄ ā á.
Umósīsi pīyɛyi ŋmá ɛyí ɛfu kú Usáyínāyi
29 #
2 Ukɔ́r 3.7-16
Eko nɛ̄ Umósīsi gā ajɛ ŋmá ɛyí ɛfu kú Usáyínāyi ā mla usiléti kú ɛcɔ̄ ɛpa nɛ̄ íne igwó yɔ̄ anú ā, eyī kú nū yɔ̄ ī fíyajɛ gē ceyī, ohígbū ka ó húmáyī kɛlā mla Óndú ā, anú abɔ̄yī nū í jé ɔ́ ŋ́. 30Eko nɛ̄ Árɔ̄ni mɛ́mla odúúdú ācɛ ā lɛ ɔ́ má, abɔ̄ eyī kú nū yɔ̄ ī fíyajɛ gē ceyī ā, é gbɔɔ́ ō yúufi ō túbla Umósīsi. 31Amáŋ, Umósīsi lɛ uwa hīgwú. Anɔ́ɔ Árɔ̄ni mɛ́mla anyākwɔ́cɛ kú ācɛ ā le pɛ́ wā ɛgiyí nū, anɔ́ɔ Umósīsi le ɛlā ka mla uwá. 32Igbīhi ɛ̄nyā, odúúdú ācɛ kú Ísrɛ̄lu le pɛ́ wā ɛgiyí nū. Anɔ́ɔ Umósīsi le odúúdú íne nɛ̄ Óndú ā kpó lɛ ɔ́, ɛyí ɛfu kú Usáyínāyi ā kpó ka lɛ uwáá. 33Eko nɛ̄ Umósīsi lɛ ɛlā ka mla ācɛ ā kwɛyí ā, ó kwú īlī ú klá eyī. 34Amáŋ eko dóódu nɛ̄ Umósīsi le tá Áklɔ̄kpīihɔ ɛga nɛ̄ Óndú ā yɔ̄ ā, ó gē kpó īlī ā ŋmá eyī, jāā gbéeko nɛ̄ó gā ɛcɛ. Eko nɛ̄ó gā ɛcɛ, ó gē da ācɛ kú Ísrɛ̄lu ɛjɛ̄ɛ̄jī ɔdā nɛ̄ Ɔwɔicō ka lɛ ɔ́ kóō ka ā. 35Anɔ́ɔ é gē má ka eyī kú nū yɔ̄ ī fiyajɛ gē ceyī. Cɛ́ɛ́ ó kwú īlī ú klá eyī jāā gbéeko ɔhá nɛ̄ó le yɛ nyɔ̄ kóō kɛlā mla Óndú ā.
Currently Selected:
OŌYƐBƐ̄CƐ 34: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaOŌYƐBƐ̄CƐ 34
34
Usiléti ɔ́mpa nɛ̄ íne yɔ̄ anú ā
1Óndú ā da Umósīsi kahíníī, “Lɛ usiléti kú ɛcɔ̄ ɛpa gbā bɛ̄ɛka á kú aflɛ́yí ā, cɛ́ɛ́ n lɛ ɛlā nɛ̄ n tá tū ákú aflɛ́yí nāa ca ā tá tū ɔ̄ kpɔ́. 2Lɛ tútū ɔ̄cɔ̄ɔ̄cī óócí cɛ́ɛ́ ká ā gā ɛyí ɛfu kú Usáyínāyi ā gaá jīla mla um ɛyí nū. 3Ɔ̄cɛ dúúmā kóō ō wā mla uwɔ ŋ́. Ká n̄ híī má ɔ̄cɛ dóódu, ɛgiyí ābɔ̄ dóódu kú ɛfu ā ŋ́. Álá ámāŋ́ ka ɛna kéē híi lé ácí ɔkwu ɛfu ā ŋ́.”
4Anɔ́ɔ Umósīsi le usiléti kú ɛcɔ̄ ɛpa gbā, bɛ̄ɛka ákú aflɛ́yí ā. Anɔ́ɔ ó cāŋjɛ ɔ̄cɔ̄ɔ̄cī kú oŋmɔ́ɔ̄cī nū ā, ó le uwá kpó le tá ɛyí ɛfu kú Usáyínāyi, ɛ́gɛ́nɛ̄ Óndú ā je ɔdā lɛ ɔ́ ā. 5Óndú ā gā ajɛ ipú ojuja, anɔ́ɔ ó gáā háyi pī Umósīsi abɔ́ɔ ɛyí ɛfu ā, anɔ́ɔ ó le iyē otīihɔ kú nū ā hī ka Óndú ā. 6#Oyɛb 20.5,6; Áluk 14.18; Obla 5.9,10; 7.9,10Óndú ā gaá le yɛ iyɔ̄bū nū, anɔ́ɔ ó ka tɛ́ɛcɛ kahíníī, “Ami Óndú ā, wɛ Ɔwɔicō nɛ̄ gbonɛnɛ nɛ̄hi, n kē ī méyīnyi, ń kē ī cɔ̄nū fíya ŋ́. N klla gē ma ihɔtū nɛ̄hi fú lɛ ācɛ ɔlɛ́ um, cɛ́ɛ́ kéē lɛɔtūce um. 7N gē lɛ okónu nɛ̄ n ce lɛ ayááyí úlúúlā ā tū. N kē ī je ɔdōbɔ̄bí mɛ́mla ínoōbīya yɛ́ɛhi, amáŋ n gē yá ayí mɛ́mla ayááyí ga ipɔ́ɔma ɔ́mɛtá mɛ́mla ɔ́mɛɛnɛ italā ohígbū íne kú um nɛ̄ aádā uwā bīya ā.”
8Umósīsi páápá túkpɛɛ́, le ɛ̄gbā gbā Ɔwɔicō. 9O da Óndú ā kahíníī, “Ɔ́dāŋ́ ka, ɛlā mɛ́mla ucē kú um he uwɔ ɔtū ɔkwɛ̄yi, Óndú, n géē gbɔ̄kɔ gā uwɔ ká ā nyɔ̄ mla alɔ. Ācɛ nēe bá nyā likpɛ̄yí olɔfú íbí, amáŋ kwú ɔ́bíipú mɛ́mla íneōbīya kú alɔ í yá alɔ ɛhi, cɛ́ɛ́ ká ā mīya alɔ bɛ̄ɛka ācɛ kú abɔ̄yī uwɔ ā.”
Óndú ā cokónu ɔhá mla ācɛ Ísrɛ̄lu
10Óndú ā da Umósīsi kahíníī, “N géē cokónu lɛ ācɛ kú Ísrɛ̄lu o ŋmá abālɔbányā. N géē yá ɔdā nɛ̄hi ɛdɛ̄ nɛ̄ ɛ́dɔ kú nū í yá jééjéē ɛga dúúmā kú ipú ɛcɛ ipéyī éwo dúúmā ɛ́ɛ́ ŋ́. Aá mɛ́mla odúúdú aéwo nēe lɛ aá yɛjīlatá géē yúufi, cɛ́ɛ́ é géē jé ka ami ɔ́ɔ yá aɔ́dā ōhídáagó nyā á. 11Aá lɛ lɛyítajɛ táajɛ lɛ aíne, nɛ̄ n yɔ̄ gē je Uprisi ícɛ nyā. N kē í nū ācɛ Ámɔn, Ukénan, ācɛ Uhɛ́ti, Uprisi, ācɛ Uhám, mɛ́mla ācɛ Ujébūsi ŋmá ajɛ ā hī lɛ ā, abɔ̄ aá gē yɛ gɔbū ā. 12Aá cokónū kú aá lé tɔ̄há mla ācɛ kú ipú ɔlɛ́ nɛ̄ aá yɔ̄ gē nyɔ̄ ā ŋ́, ohígbū ka ɔ́ɔmā lɔfú lɛ pīya ukpa kú ikwu lɛ aá glá. 13#Obla 16.21 Ikɔkɔ nɛ̄ aá í yá lɛ ā, aá lɛ ede kú uwā ca tāajɛ, lɛ ɔ́kpa otīihɔ kú uwā yíífi ŋmáajɛ, cɛ́ɛ́ aá klla lɛ ojibó kú anjɛnū kú uwā nēé hī Ássɛ̄ra ā hɛ́ tónū. 14Aá híī gbā ɔwɔ ɔhá dúúmā ɛ̄gbā gwū um tá ŋ́, ohígbū ka ami nōo wɛ Óndú ā gē yɔ́bɔ̄nyā bɛ̄ɛka ɔ̄cɛ ɔlamu ā, abɔ̄ iyē kú um kē lé ka Oyɔ́bɔ́nyā ā. 15Aá cokónu dóódu mla ācɛ ā ŋ́. Ohígbū ka eko nēé gē pā ɛcí kú uwā gē ŋmó odée lɛ ɔ́, é géē hī aá igwú kú aá lé mla uwá, unwū kú ɛbɛ́ lɔfú já aá má, cɛ́ɛ́ kú aá lé ɔdōlé nēé yá lé ɛcí ā glá. 16Ayínɔ̄nyīlɔ kú aá lɔfú lɛ anyā ŋmá éwɔhá glá, nēe lɔfú yá kéē cɛ̄ɛ̄lā kú um gɛ ŋ́ cɛ́ɛ́ kéē nyɔ̄ í gbɔɔ́ ō pɛ̄ɛ̄cí kú uwā.
17 #
Oyɛb 20.4; Ulīf 19.4; Obla 5.8; 27.15 Aá gáā yá íkpékwīija kú aɔ́wɔ dóódu lɛ iyí aá ŋ́.
18 #
Oyɛb 12.14-20; Ulīf 23.6-8; Áluk 28.16-25 Aa géē lɛ ucɛ kú igbō nɛ̄ó gē nū ŋ́ mā tū. Ɛ́gɛ́nɛ̄ n je ɔ́da lɛ aá ā. Aá lé igbō nɛ̄ó gē nū ŋ́ mā ɛ̄cī ahāapa ipú ɔyā kú Abíbu, ohígbū ka ipú ɔyā ɔ́ɔmā nɛ̄ aá nyɛ̄ɛ̄ ŋmá ajɛ kú Íjīpiti á. 19#Oyɛb 13.2Ɔyí aflɛ́yí nɔ̄nyīlɔ dóódu kú aá mla ákú ɛna mla álá kú aá wɛ ákú um. 20#Oyɛb 13.13Amáŋ aá géē fūla ɔyí aflɛ́yí kú ijakī kú aá mla omlede kú aá. Ɔ́dāŋ́ ka aá í gáā hīla ɔ́ ŋ́. Aá lɛ ɔ́ ɔkɔ cē. Aá géē fūla ɔ́kplá kú aá dóódu. Ɔ̄cɛ dúúmā kú aá í gáā wā iyɔ̄bū um abɔ̄ áncā ŋ́.
21 #
Oyɛb 20.9,10; 23.12; 31.15; 35.2; Ulīf 23.3; Obla 5.13,14 Ɛ̄cī ɛhīlī nɛ̄ aá géē yúklɔ́ á, amáŋ aá yúklɔ́ ɛ̄cī ɔ́mahāapa ā ŋ́, ó kōō wɛ eko nēé gē hɛ́ɛhɔ̄ ámāŋ eko nēé gē cē ɔdɛ̄hɔ̄. 22#Ulīf 23.15-21; Áluk 28.26-31; Ulīf 23.39-43Aá géē lɛ ucɛ kú ɔdɛ̄hɔ̄ ō cē tū eko nɛ̄ aá gbɔɔ́ ō cē ɔdɛ̄hɔ̄ kú īkpɔ̄dā kú aá. Aá klla í lɛ ucɛ kú áklɔ̄kpɛ tū eko nɛ̄ aá gē tú īkpɔ̄cí kú aá bá. 23Ācɛnyīlɔ kú aá géē wā iyɔ̄bū um gáā gbā ami Óndú ā, Ɔwɔicō kú Ísrɛ̄lu, ɛ̄gbā igbɛtá ipú iháyí piíí. 24Ohígbū ka n géē nū aéwo bɛ̄cɛ ŋmá iyɔ̄bū aá. N géē nyīla ɛjī ajɛ kú aá gɔbɔ̄ɔ̄bū. Ɔ̄cɛ dóódu í gáā mīya ajɛ kú aá ɛpléeko kú ucɛ ɛtɛ́trɛ́tá ā ŋ́.
25 #
Oyɛb 12.10
Aá híī je igbō nēé le ɔdōnīgbō tū ɔ̄ gā um eko nɛ̄ aá gē lɛ ɛbɛ́ gwɛ́ɛya gā um ŋ́. Ā híī lɛ ɛbɛ́ kú ucɛ kú onyatá kú um ā tū gbɔ́ɔ̄ci ŋ́. 26#Obla 26.2; Obla 14.21Aá géē bī īkpɔ̄dā aflɛ́yí kú ɛhɔ̄ kú aá, nɛ̄ aá géē ce ŋmá ajɛ ā wā inū kú Óndú ā, Ɔwɔicō kú aá. Aá híī he ɔyí álá, ámāŋ ɔyí ɛwu dóódu ipú enyi amɛ̄ kú ɛ́nɛ́ nū ŋ́.”
27Óndú ā klla da Umósīsi kahíníī, “Lɛ ɛlā nyā tá tāajɛ, ohígbū ka o ŋmá ɛlā nēe bá nyā nɛ̄ n yɔ̄ ī gbɛka lɛ awɔ mɛ́mla ācɛ kú Ísrɛ̄lu á.” 28Umósīsi klá abɔ́ɔ mɛ́mla Óndú ā ɛ̄cī ofɛpa, mɛ́mla otú ofɛpa. Ó lé ɔdā dúúmā, ɛ́ɛ́ nɛ̄ ó kōō ī gwá ɔdā dúúmā ŋ́. Anɔ́ɔ ó le ɛlā kú íne igwó ā tá tū usiléti kú ɛcɔ̄ ā á.
Umósīsi pīyɛyi ŋmá ɛyí ɛfu kú Usáyínāyi
29 #
2 Ukɔ́r 3.7-16
Eko nɛ̄ Umósīsi gā ajɛ ŋmá ɛyí ɛfu kú Usáyínāyi ā mla usiléti kú ɛcɔ̄ ɛpa nɛ̄ íne igwó yɔ̄ anú ā, eyī kú nū yɔ̄ ī fíyajɛ gē ceyī, ohígbū ka ó húmáyī kɛlā mla Óndú ā, anú abɔ̄yī nū í jé ɔ́ ŋ́. 30Eko nɛ̄ Árɔ̄ni mɛ́mla odúúdú ācɛ ā lɛ ɔ́ má, abɔ̄ eyī kú nū yɔ̄ ī fíyajɛ gē ceyī ā, é gbɔɔ́ ō yúufi ō túbla Umósīsi. 31Amáŋ, Umósīsi lɛ uwa hīgwú. Anɔ́ɔ Árɔ̄ni mɛ́mla anyākwɔ́cɛ kú ācɛ ā le pɛ́ wā ɛgiyí nū, anɔ́ɔ Umósīsi le ɛlā ka mla uwá. 32Igbīhi ɛ̄nyā, odúúdú ācɛ kú Ísrɛ̄lu le pɛ́ wā ɛgiyí nū. Anɔ́ɔ Umósīsi le odúúdú íne nɛ̄ Óndú ā kpó lɛ ɔ́, ɛyí ɛfu kú Usáyínāyi ā kpó ka lɛ uwáá. 33Eko nɛ̄ Umósīsi lɛ ɛlā ka mla ācɛ ā kwɛyí ā, ó kwú īlī ú klá eyī. 34Amáŋ eko dóódu nɛ̄ Umósīsi le tá Áklɔ̄kpīihɔ ɛga nɛ̄ Óndú ā yɔ̄ ā, ó gē kpó īlī ā ŋmá eyī, jāā gbéeko nɛ̄ó gā ɛcɛ. Eko nɛ̄ó gā ɛcɛ, ó gē da ācɛ kú Ísrɛ̄lu ɛjɛ̄ɛ̄jī ɔdā nɛ̄ Ɔwɔicō ka lɛ ɔ́ kóō ka ā. 35Anɔ́ɔ é gē má ka eyī kú nū yɔ̄ ī fiyajɛ gē ceyī. Cɛ́ɛ́ ó kwú īlī ú klá eyī jāā gbéeko ɔhá nɛ̄ó le yɛ nyɔ̄ kóō kɛlā mla Óndú ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma