OŌYƐBƐ̄CƐ 30
30
Ede nēe í tū ɔtulalī ɔlá ɛyí nū.
1Ɔwɔicō da Umósīsi kahíníī, “Áa géē gwó ede ŋmá ɔcí kú akésiya nɛ̄ aá í tū otulalī ɔlá ɛyí nū. 2Ó géē lɛ ɔkíka ɛnɛ, olīkpō kú nū kóō wɛ ekābɔ̄ ofɛpa cɛhɔ̄, olīkpō kú nū kóō wɛ ekābɔ̄ ofɛnɛ cigwó. 3Aá géē ma ugóolu (oje ɔdɔ) klá icō, odúúdú ɔ́kíka ɛnɛ kú nū ā mɛ́mla ajī kú nū. A géē ma ugóolu (oje ɔdɔ) cíla okónōgwū nū biílí. 4Aá géē yá eliká kú ugóolu (oje ɔdɔ) ɛpa kwu áklō kú nū ɛpɛplɛ́ɛpa nēé géē lɛ ogbló ō lɛ bī ɔ̄ wu ɔ̄. 5Lɛ ogbló nēé í lɛ bī ɔ̄ ā yá ŋmá ɔcí kú akésiya, cɛ́ɛ́ a lɛ ugóolu (oje ɔdɔ) ma plá ɔ́ iyē. 6Kwu ede nyā ú háyi eyīyɛ̄cɛ kú ukɔ́tin, nōo playi iyɔ̄bū kú ikpati kú Okónū ōce ā. Abɔ́ɔ ā nɛ̄ n géē jila mla aá á. 7Ɔ̄cɔ̄ɔ̄cī dóódu nɛ̄ Árɔ̄ni gē wā gáā tú agege ā tū ā, ó géē fú ɔtulalī ōkpócu tū ɔlá ɛyí nū. 8Ó klla í yá ɛ́gɔ́ɔmā kpɔ́ eko nɛ̄ó gē lɛ ɔlá kwu agege ɔ̄nɔ̄ɔ̄nɛ̄ ā. É géē yɔ̄ ī gwɛ́ɛya kú ɔtulalī ō fú tū ɔlá nyā nɛ̄ó gáā hɔ́kɔ tēēnyi ŋ́ jāā ga ayááyí gbéeko nɛ̄ó ī mɛ ŋ́. 9Á gáā bī ɔtulalī dóódu, ɛya kú ɛbɛ́, mɛ́mla ɛya kú īkpɔ̄dɛ̄hɔ̄ nɛ̄ ó tīihɔ ŋ́ lɛ gwɛ́ɛya ɛyí ede nyā ŋ́. Ɛ́ɛ́ nāa kōō í pīya ɛya kú ejé klá ɛyí ede nyā ŋ́. 10Árɔ̄ni géē yá uculo kóō le ínyílɔ́lɛ́ gwu ŋmá ɛyí ede, o ŋmá lɛ ō lɛ oyī kú ɛbɛ́ nēé ŋmó kwɛyí íne nēé bīya ā, kwu ajī ɛnɛ kú ede ā. Aá í yá ɛ̄nyā iháyí dóódu gbéeko nɛ̄ó gē mɛ ŋ́ piyóó. A í lɛ ede nyā tīihɔ dúúdú lɛ ami Óndú ā.”
Ɛ̄gbā kú Áklɔ̄kpīihɔ ā
11Óndú ā klla da Umósīsi kahíníī, 12“Eko nāa le ācɛ kú Ísrɛ̄lu gbaáluka, ɔnyɔɔnyɛ géē je odée kwɛyí īkpɛ̄yí iyīnū. Cɛ́ɛ́ ká ɔdōbɔ̄bí dóódu kóō híī yá ɔ̄ eko nēé yɔ̄ ī gba ācɛ áluka ā ŋ́. 13#Oyɛb 38.25,26; Umát 17.24Ɔ̄cɛ dóódu nēé le ɔ́ ka, géē gbā āyā éyi kú usɛ́kɛlu, ɛ́gɛ́nɛ̄ é gē miya ije kú usɛ́kɛlu kú Áklɔ̄kpīihɔ lɛ ā. Ɔnyɔɔnyɛ géē gbā ije nyā kóō lɛbɛ̄ɛka ɛya nɛ̄ó gwó gā um ā. 14Ɔ̄cɛ dóódu nēé le ɔ́ gbaáluka ɛ́ɛ́, nɛ̄ó wɛ iháyí ofu gɔbu ā géē gbā ɛ́gí ije nyā lɛ Óndú ā. 15Eko nēé gē gbā ije nyā kwɛyí oyēeyī kú uwā ā, ɔ̄cɛ o gbagbénú í gáā gbā fíyɛ́ ŋ́ mā a, ɛ́ɛ́ nɛ̄ ogbɛhá kē gáā gbā nyɛ́ fíyɛ́ ŋ́. 16Mīyɛ ije nyā ŋmá ɛgiyí ācɛ kú Ísrɛ̄lu, ká ā ŋmó ɔ̄ tū úklɔ́ kú Áklɔ̄kpīihɔ ɛga nɛ̄ n yɔ̄ ā. Ɛ̄gbā nyā géē kwɛyí ulé kú oyēeyī kú uwā. Cɛ́ɛ́ n géē bla ka n̄ gbō uwā ɛyí.”
Ɔgbanjɛ̄ kú oje udɔ
17Óndú ā da Umósīsi ka, 18#Oyɛb 38.8“Lɛ ɔgbanjɛ kú oje udɔ yá nɛ̄ ɔkwu kú nū í wɛ oje udɔ. Kwú ɔ̄ ú háyi ɔtāhɛ̄ kú Áklɔ̄kpīihɔ mla ede ā, cɛ́ɛ́ aá lɛ éŋkpɔ̄ hɛ́ tū ɔ̄. 19Árɔ̄ni mla ayínɔ̄nyīlɔ kú nū géē bī éŋkpɔ̄ ɔ́ɔmā lɛ na abɔ̄ mɛ́mla ikpó. 20É géē bī éŋkpɔ̄ nyā le na abɔ̄ mɛ́mla ikpó gbɔbū ɛ́ɛ́ kéē ga ipú Áklɔ̄kpīihɔ ā, ámāŋ eko nēé túblá ede, kéē gwɛ́ɛya kú ɔdōlé lɛ Óndú ā, é géē kwú. 21É géē na abɔ̄ mɛ́mla ikpó kú uwā piíí ohígbū nēé géē kwú. Ɛ̄nya wɛ íne nɛ̄ uwá mɛ́mla aípɔ́ɔma kú uwā géē le tū piyóó ipú ɛcɛ nyā.”
Anɔ̄ ōtɛ̄yí
22 #
Oyɛb 37.29
Óndú ā da Umósīsi kahíníī, 23“Kwú anɔ̄ ō kpócu nɛ̄hi ú. Lɛ aɔ́dā nēe bá ā mīya kléklé: éŋkpɔ̄ kú Umaar, umu okpócu nɛ̄hi nēé hī ka ucínāmɔn, mɛ́mla ɔnjī nōo gē kpócu nɛ̄hi ā, 24mɛ́mla ukássiya. É miya ɛjɛ̄ɛ̄jī nū ɛ́gɛ́nɛ̄ é gē miya odée ipú Áklɔ̄kpīihɔ lɛ ā. Lɛ ɛlɛm ofu ce ɛnɛ kú anɔ̄ kú ɔcí nēé hī ólīfu ā tū ɔ̄. 25Cɛ́ɛ́ ká ā lɛ anɔ̄ otīīhɔ yá ŋmá aɔ́dā mbá a, anɔ̄ nēé wīya tɔ̄há bɛ̄ɛka ɔtulalī ā. Ó géē wɛ anɔ̄ ōtīihɔ ɔkwɔ̄ɔ̄kwɛ̄yi. 26Lɛ anɔ̄ ā mī klá Áklɔ̄kpīihɔ ɛga nɛ̄ n yɔ̄ ā, lɛ anɔ̄ ā mī klá ikpati okónu ōce ā. 27Lɛ anɔ̄ mī klá utébulu ā mla odúúdú iyo kú nū, ɔdā ō le agege ce ɔ́ mɛ́mla iyó kú nū. A klla í mī ɔ̄ klá ede o yi ɔtulalī ɔlá mɛ́mla iyó kú nū. 28Lɛ anɔ̄ ā mī klá ede kú ɛya kú ɔdā ō pá ɔlá dúúdú mla odúúdú iyó kú nū, ɔgbanjɛ̄ ō bī na abɔ̄ mɛ́mla ɛga ō háyi kú nū. 29Lɛ anɔ̄ ā mī klá uwá ká ā lɛ uwá yá tīihɔ dúúdú, cɛ́ɛ́ ká ɔ̄cɛ ámāŋ ká ɔdā dúúmā nōo í lɛ iyē kwu ɔ̄ ā, é í je ɔdā ɔ́ɔmā ka ɔdā ō tīihɔ. #30.29 ɔfú kú o yá tīihɔ kú nū ā í yá ɔ̄ odée. má 29.37 30A géē lɛ anɔ̄ ā tū Árɔ̄ni mɛ́mla ayí nū ɛyí. Kwú abɔ̄ ú ce uwa ɛyí kéē kwú pīya ācogwɛ́ɛya kú um. 31A í ka lɛ ācɛ kú Ísrɛ̄lu ā kahíníī, ‘Ɛ̄nyā wɛ anɔ̄ otīihɔ nɛ̄ aá géē bī lɛ yúklɔ́ gā um piyóó á. 32A gáā lɛ ɔ́ tū ācɛ ɔlamu ɛyí ŋ́. Á kē gáā bī ɔwɛ éékpónú nāa le wīya ɔ̄ tɔ̄há ā lɛ yá ɛ́gbla kú nū ŋ́. Ó tīihɔ, aá kē í je ɔ́ kóō tīihɔ. 33Ɔ̄cɛ dóódu nōo lɛ ɛ́gbla kú nū yá, mɛ́mla ɔ̄cɛ dóódu nōo kwú anɔ̄ ā ú tū ɔ̄cɛ nɛ̄ ó wɛ ɔ̄cogwɛ́ɛya ŋ́ ɛyí, é gáā je ɔ̄cɛ ɛ́gɔ́ɔmā kóō wɛ ɔ̄cɛ ɔlɛ́ um gɛ ŋ́.’”
Ɔtulalī ā
34Óndú ā da Umósīsi kahíníī, “Lɛ aɔ́dā nɛ̄ n gáā hī nyā miya kléklé jōōjīlɛ̄, ustákte o kpócu lɔɔlɔhi, ónīka, ugábānɔm mɛ́mla ufránkīnsɛnsi. 35Bī aɔ́dā nēe bá nyā ká ā lɛ ɔtulalī umuumu o fú tū ɔlá, okpóocu lɔɔlɔhi bɛ̄ɛka ɔtulalī ā yá. Lɛ ɔmā tū ɔ̄ kóō lɛ ɔ́ yá yēŋēē kóō klla lɛ ɔ́ yá tīīhɔ. 36Lɛ ōhī kú nū wú umuumu, cɛ́ɛ́ a kwú ɔ̄ ú ga Áklɔ̄kpīihɔ nɛ̄ n yɔ̄ ā, cɛ́ɛ́ a lɛ ɔ́ mī klá iyɔ̄bū kú ā. A í je ɔtulalí ō fú tū ɔlá bɛ̄ɛka ɔdā ō tīihɔ ā. 37Ā híī bī ɔwɛ éékpónú nāa lɛ yá ɔtulalī nyā lɛ yá ɛ́gbla kú nū lɛ iyī uwɔ ŋ́. Je ɔ́ bɛ̄ɛka ɔdā ō tīihɔ nēé je gā um ā. 38Ɔ̄cɛ dóódu nōo lɛ ɛdɔ nū yá lɛ iyí nū. Ń gáā je ɔ́ bɛ̄ɛka ɔ̄cɛ éyi kú ācɛ ɔlɛ́ um gɛ ŋ́.”
Currently Selected:
OŌYƐBƐ̄CƐ 30: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaOŌYƐBƐ̄CƐ 30
30
Ede nēe í tū ɔtulalī ɔlá ɛyí nū.
1Ɔwɔicō da Umósīsi kahíníī, “Áa géē gwó ede ŋmá ɔcí kú akésiya nɛ̄ aá í tū otulalī ɔlá ɛyí nū. 2Ó géē lɛ ɔkíka ɛnɛ, olīkpō kú nū kóō wɛ ekābɔ̄ ofɛpa cɛhɔ̄, olīkpō kú nū kóō wɛ ekābɔ̄ ofɛnɛ cigwó. 3Aá géē ma ugóolu (oje ɔdɔ) klá icō, odúúdú ɔ́kíka ɛnɛ kú nū ā mɛ́mla ajī kú nū. A géē ma ugóolu (oje ɔdɔ) cíla okónōgwū nū biílí. 4Aá géē yá eliká kú ugóolu (oje ɔdɔ) ɛpa kwu áklō kú nū ɛpɛplɛ́ɛpa nēé géē lɛ ogbló ō lɛ bī ɔ̄ wu ɔ̄. 5Lɛ ogbló nēé í lɛ bī ɔ̄ ā yá ŋmá ɔcí kú akésiya, cɛ́ɛ́ a lɛ ugóolu (oje ɔdɔ) ma plá ɔ́ iyē. 6Kwu ede nyā ú háyi eyīyɛ̄cɛ kú ukɔ́tin, nōo playi iyɔ̄bū kú ikpati kú Okónū ōce ā. Abɔ́ɔ ā nɛ̄ n géē jila mla aá á. 7Ɔ̄cɔ̄ɔ̄cī dóódu nɛ̄ Árɔ̄ni gē wā gáā tú agege ā tū ā, ó géē fú ɔtulalī ōkpócu tū ɔlá ɛyí nū. 8Ó klla í yá ɛ́gɔ́ɔmā kpɔ́ eko nɛ̄ó gē lɛ ɔlá kwu agege ɔ̄nɔ̄ɔ̄nɛ̄ ā. É géē yɔ̄ ī gwɛ́ɛya kú ɔtulalī ō fú tū ɔlá nyā nɛ̄ó gáā hɔ́kɔ tēēnyi ŋ́ jāā ga ayááyí gbéeko nɛ̄ó ī mɛ ŋ́. 9Á gáā bī ɔtulalī dóódu, ɛya kú ɛbɛ́, mɛ́mla ɛya kú īkpɔ̄dɛ̄hɔ̄ nɛ̄ ó tīihɔ ŋ́ lɛ gwɛ́ɛya ɛyí ede nyā ŋ́. Ɛ́ɛ́ nāa kōō í pīya ɛya kú ejé klá ɛyí ede nyā ŋ́. 10Árɔ̄ni géē yá uculo kóō le ínyílɔ́lɛ́ gwu ŋmá ɛyí ede, o ŋmá lɛ ō lɛ oyī kú ɛbɛ́ nēé ŋmó kwɛyí íne nēé bīya ā, kwu ajī ɛnɛ kú ede ā. Aá í yá ɛ̄nyā iháyí dóódu gbéeko nɛ̄ó gē mɛ ŋ́ piyóó. A í lɛ ede nyā tīihɔ dúúdú lɛ ami Óndú ā.”
Ɛ̄gbā kú Áklɔ̄kpīihɔ ā
11Óndú ā klla da Umósīsi kahíníī, 12“Eko nāa le ācɛ kú Ísrɛ̄lu gbaáluka, ɔnyɔɔnyɛ géē je odée kwɛyí īkpɛ̄yí iyīnū. Cɛ́ɛ́ ká ɔdōbɔ̄bí dóódu kóō híī yá ɔ̄ eko nēé yɔ̄ ī gba ācɛ áluka ā ŋ́. 13#Oyɛb 38.25,26; Umát 17.24Ɔ̄cɛ dóódu nēé le ɔ́ ka, géē gbā āyā éyi kú usɛ́kɛlu, ɛ́gɛ́nɛ̄ é gē miya ije kú usɛ́kɛlu kú Áklɔ̄kpīihɔ lɛ ā. Ɔnyɔɔnyɛ géē gbā ije nyā kóō lɛbɛ̄ɛka ɛya nɛ̄ó gwó gā um ā. 14Ɔ̄cɛ dóódu nēé le ɔ́ gbaáluka ɛ́ɛ́, nɛ̄ó wɛ iháyí ofu gɔbu ā géē gbā ɛ́gí ije nyā lɛ Óndú ā. 15Eko nēé gē gbā ije nyā kwɛyí oyēeyī kú uwā ā, ɔ̄cɛ o gbagbénú í gáā gbā fíyɛ́ ŋ́ mā a, ɛ́ɛ́ nɛ̄ ogbɛhá kē gáā gbā nyɛ́ fíyɛ́ ŋ́. 16Mīyɛ ije nyā ŋmá ɛgiyí ācɛ kú Ísrɛ̄lu, ká ā ŋmó ɔ̄ tū úklɔ́ kú Áklɔ̄kpīihɔ ɛga nɛ̄ n yɔ̄ ā. Ɛ̄gbā nyā géē kwɛyí ulé kú oyēeyī kú uwā. Cɛ́ɛ́ n géē bla ka n̄ gbō uwā ɛyí.”
Ɔgbanjɛ̄ kú oje udɔ
17Óndú ā da Umósīsi ka, 18#Oyɛb 38.8“Lɛ ɔgbanjɛ kú oje udɔ yá nɛ̄ ɔkwu kú nū í wɛ oje udɔ. Kwú ɔ̄ ú háyi ɔtāhɛ̄ kú Áklɔ̄kpīihɔ mla ede ā, cɛ́ɛ́ aá lɛ éŋkpɔ̄ hɛ́ tū ɔ̄. 19Árɔ̄ni mla ayínɔ̄nyīlɔ kú nū géē bī éŋkpɔ̄ ɔ́ɔmā lɛ na abɔ̄ mɛ́mla ikpó. 20É géē bī éŋkpɔ̄ nyā le na abɔ̄ mɛ́mla ikpó gbɔbū ɛ́ɛ́ kéē ga ipú Áklɔ̄kpīihɔ ā, ámāŋ eko nēé túblá ede, kéē gwɛ́ɛya kú ɔdōlé lɛ Óndú ā, é géē kwú. 21É géē na abɔ̄ mɛ́mla ikpó kú uwā piíí ohígbū nēé géē kwú. Ɛ̄nya wɛ íne nɛ̄ uwá mɛ́mla aípɔ́ɔma kú uwā géē le tū piyóó ipú ɛcɛ nyā.”
Anɔ̄ ōtɛ̄yí
22 #
Oyɛb 37.29
Óndú ā da Umósīsi kahíníī, 23“Kwú anɔ̄ ō kpócu nɛ̄hi ú. Lɛ aɔ́dā nēe bá ā mīya kléklé: éŋkpɔ̄ kú Umaar, umu okpócu nɛ̄hi nēé hī ka ucínāmɔn, mɛ́mla ɔnjī nōo gē kpócu nɛ̄hi ā, 24mɛ́mla ukássiya. É miya ɛjɛ̄ɛ̄jī nū ɛ́gɛ́nɛ̄ é gē miya odée ipú Áklɔ̄kpīihɔ lɛ ā. Lɛ ɛlɛm ofu ce ɛnɛ kú anɔ̄ kú ɔcí nēé hī ólīfu ā tū ɔ̄. 25Cɛ́ɛ́ ká ā lɛ anɔ̄ otīīhɔ yá ŋmá aɔ́dā mbá a, anɔ̄ nēé wīya tɔ̄há bɛ̄ɛka ɔtulalī ā. Ó géē wɛ anɔ̄ ōtīihɔ ɔkwɔ̄ɔ̄kwɛ̄yi. 26Lɛ anɔ̄ ā mī klá Áklɔ̄kpīihɔ ɛga nɛ̄ n yɔ̄ ā, lɛ anɔ̄ ā mī klá ikpati okónu ōce ā. 27Lɛ anɔ̄ mī klá utébulu ā mla odúúdú iyo kú nū, ɔdā ō le agege ce ɔ́ mɛ́mla iyó kú nū. A klla í mī ɔ̄ klá ede o yi ɔtulalī ɔlá mɛ́mla iyó kú nū. 28Lɛ anɔ̄ ā mī klá ede kú ɛya kú ɔdā ō pá ɔlá dúúdú mla odúúdú iyó kú nū, ɔgbanjɛ̄ ō bī na abɔ̄ mɛ́mla ɛga ō háyi kú nū. 29Lɛ anɔ̄ ā mī klá uwá ká ā lɛ uwá yá tīihɔ dúúdú, cɛ́ɛ́ ká ɔ̄cɛ ámāŋ ká ɔdā dúúmā nōo í lɛ iyē kwu ɔ̄ ā, é í je ɔdā ɔ́ɔmā ka ɔdā ō tīihɔ. #30.29 ɔfú kú o yá tīihɔ kú nū ā í yá ɔ̄ odée. má 29.37 30A géē lɛ anɔ̄ ā tū Árɔ̄ni mɛ́mla ayí nū ɛyí. Kwú abɔ̄ ú ce uwa ɛyí kéē kwú pīya ācogwɛ́ɛya kú um. 31A í ka lɛ ācɛ kú Ísrɛ̄lu ā kahíníī, ‘Ɛ̄nyā wɛ anɔ̄ otīihɔ nɛ̄ aá géē bī lɛ yúklɔ́ gā um piyóó á. 32A gáā lɛ ɔ́ tū ācɛ ɔlamu ɛyí ŋ́. Á kē gáā bī ɔwɛ éékpónú nāa le wīya ɔ̄ tɔ̄há ā lɛ yá ɛ́gbla kú nū ŋ́. Ó tīihɔ, aá kē í je ɔ́ kóō tīihɔ. 33Ɔ̄cɛ dóódu nōo lɛ ɛ́gbla kú nū yá, mɛ́mla ɔ̄cɛ dóódu nōo kwú anɔ̄ ā ú tū ɔ̄cɛ nɛ̄ ó wɛ ɔ̄cogwɛ́ɛya ŋ́ ɛyí, é gáā je ɔ̄cɛ ɛ́gɔ́ɔmā kóō wɛ ɔ̄cɛ ɔlɛ́ um gɛ ŋ́.’”
Ɔtulalī ā
34Óndú ā da Umósīsi kahíníī, “Lɛ aɔ́dā nɛ̄ n gáā hī nyā miya kléklé jōōjīlɛ̄, ustákte o kpócu lɔɔlɔhi, ónīka, ugábānɔm mɛ́mla ufránkīnsɛnsi. 35Bī aɔ́dā nēe bá nyā ká ā lɛ ɔtulalī umuumu o fú tū ɔlá, okpóocu lɔɔlɔhi bɛ̄ɛka ɔtulalī ā yá. Lɛ ɔmā tū ɔ̄ kóō lɛ ɔ́ yá yēŋēē kóō klla lɛ ɔ́ yá tīīhɔ. 36Lɛ ōhī kú nū wú umuumu, cɛ́ɛ́ a kwú ɔ̄ ú ga Áklɔ̄kpīihɔ nɛ̄ n yɔ̄ ā, cɛ́ɛ́ a lɛ ɔ́ mī klá iyɔ̄bū kú ā. A í je ɔtulalí ō fú tū ɔlá bɛ̄ɛka ɔdā ō tīihɔ ā. 37Ā híī bī ɔwɛ éékpónú nāa lɛ yá ɔtulalī nyā lɛ yá ɛ́gbla kú nū lɛ iyī uwɔ ŋ́. Je ɔ́ bɛ̄ɛka ɔdā ō tīihɔ nēé je gā um ā. 38Ɔ̄cɛ dóódu nōo lɛ ɛdɔ nū yá lɛ iyí nū. Ń gáā je ɔ́ bɛ̄ɛka ɔ̄cɛ éyi kú ācɛ ɔlɛ́ um gɛ ŋ́.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma