OŌYƐBƐ̄CƐ 26
26
Áklɔ̄kpīihɔ nɛ̄ Óndú ā géē yɔ̄ ā
(Oyɛb 36.8)
1Óndú ā da Umósīsi kahíníī, “Aá bī ukɔ́tin ɛgɔ́ igwó kú aá le yá eyīpú kú Áklɔ̄kpīihɔ kú um ā ifa. Aá géē bī owú nēé hī ka ulínin ā mɛ́mla owú oblú, owú ublúcéelé, owú odufā, owú ɔgalúlā mɛ́mla owú nɔ̄wá lɛ wu ukɔ́tin ā. É géē bī abɔ̄ ɔka hiijā kú ifotó kú ɔdā ō lɛ acá nēé hī ucérūbim ā tū ɔ̄ lɔɔlɔhi. 2Aá le yá ka ukɔ́tin dóódu ā kéē jóonjīlɛ̄. Olīkpō kú nū kóō wɛ ekābɔ̄ igwɛ́ɛpa, ō lɔwá kú nū kóō wɛ ekābɔ̄ ɛpa. 3Aá í gɔ́ ɛgɔ̄ ɛhɔ̄ kú ukɔ́tin ā kwɔhá kóō le pīya ígwu éyi, a klla í yá ɔdā ékpónú ɔ́ɔmā mla aɛ́hɔ̄ o hile ā. 4Aá lɛ īlī odufā tíígbíngbli tū okónógwu kú iyɛ̄ɛcɛ kú ígwíígwu kú ukɔ́tin ā dúú. 5Lɛ íkōtō ofɛpa ce igwó flá tū ígwu kú ukɔ́tin aflɛ́yí ā. A klla í flá íkōtō ofɛpa ce igwó tū ɛgɔ́ kú ígwu ɔ́mpa kú ukɔ́tin ā, cɛ́ɛ́ kéē le jōōnjīlɛ mla ígwu kú aflɛ́yí ā. 6Aá lɛ uwɔ ofɛpa ce igwó kú ugóolu (oje ɔdɔ) yá, nōo géē kwú ɛgɔ́ ō gɔ́kwɔhá kú ukɔ́tin éyi mla o gɔ́kwɔhá kú ɔhá bɔ́há. 7Aá lɛ īlī ō lɛ klá Áklɔ̄kpīihɔ ā ɛgɔ́ igwóléyi tá ŋmá ɔnwū kú ɛwū. 8Aá lɛ odúúdú uwā yá jōōnjīlɛ̄. Olīkpō kú nū kóō wɛ ekābɔ̄ igwɛ́ɛtá, ōlɔwá kú nū kóō wɛ ekābɔ̄ ɛpa. 9Aá lɛ ɛgɔ́ ɛhɔ̄ kú nū gɔ́ kwɔhá ékpónú, aá klla lɛ ɛgɔ́ ɛhīlī kú nū ā gɔ̄ kwɔhá ékpónú. A klla í cē ɔ́mɛɛhīlī ā bá ɛpa ce iyɔ̄bū kú Áklɔ̄kpīihɔ ā. 10Lɛ íkōtō kú īlī odufā ofɛpa ce igwó tá kéē bá okónōgwu kú ígwu kú ɛgɔ́ kú ukɔ́tin éyi, íkōtō ofɛpa ce igwó o hile ā í bá ígwu kú ɛgɔ́ ukɔ́tin ɔhá ā. 11Aá lɛ uwɔ ofɛpa ce igwó yá ŋmá ugóolu (oje udɔ) cɛ́ɛ́ a kwú ɔ̄ ú wu íkōtō ā kóō má kwɔhá mla īlī ō klá odée o hile ā. 12Kwú ohɛ́pa o hile kú īlī ā ú playi igbīhi kú Áklɔ̄kpīihɔ ā. 13A géē je ekabɔ̄ ofɛpa ce igwó o hile kú olīkpō kú ābɔ̄ éyééye kú īlī ā playi áklō kú Áklɔ̄kpīihɔ ā kóō má klá anú.
14A géē tá īlī ō klá odée ɛpa ɔhá kpɔ́, éyi kú nū kóō wɛ ɔkpá kú omlede ō kpó bá ɔlɛ́ɛnɔ o tɛ̄ɛ̄tū nɔ̄wá mla ɔkpɛ́bɛ́ olɔhi nɛ̄hi ɔhá, nōo géē klá iyɛ̄cɛ kú nū.
15Aá lɛ ogbló okpaakpa kú Áklɔ̄kpīihɔ ā gbā ŋmá ɔcí kú akésiya. 16Olīkpō kú ogbló éyééye ā, géē wɛ ekābɔ̄ ɛnɛ. Olɔwá kú nū kóō wɛ ekābɔ̄ ofɛtá ce ɛhīlī. 17A géē pi ogbló ā ɔkɔ́ okónu ɛpa o yá kóō wu ɔ́mpa nū gílá. Ɛ́gɔ́ɔmā nāa géē yá mla odúúdú aógbló o hile á. 18Lɛ ogbló ofu gbā, kú ābɔ̄ kú ɛháajɛ kú Áklɔ̄kpīihɔ ā. 19A géē bī oje nɛ̄hɛ́ lɛ yá ígbóoje-otáajɛ, kóō tá ɛháajɛ ogbló ā, kóō bī uwā kwɔhá. 20A géē gbā ogbló ofu kóō kwu ābɔ̄ ɛhíícō kú Áklɔ̄kpīihɔ ā. 21A í bī oje nɛ̄hɛ́ le yá ígbóoje-otáajɛ#26.21 ígbóoje-otáajɛ ígbóoje-otáajɛ nēé bī oje udɔ ámāŋ oje nɛ̄hɛ́ yá, é le ōgō ɛpa bu tū ɔ̄ nɛ̄ ɛga opílópíló ɛpa kú ákanaba ā ī wu ipú nū, cɛ́ɛ́ kóō bī ákanaba ā kwajɛ ofɛpa, ɛpɛɛpa géē yɔ̄ ɛháajɛ ogbló éyééye. 22Lɛ ákanaba ɛhīlī yá kú igbīhi, ābɔ̄ ɛnɔ̄ɔ̄nɛ̄ kú Áklɔ̄kpīihɔ ā. 23A klla í yá ogbló ɛpa kú ɔ́kíkā kú Áklɔ̄kpīihɔ ā. 24A géē kpó ogbló kú ɔ́kīkā ā kwu ɔhá ŋmá ɛháajɛ jāā ga icō. A géē gbā ogbló ɛpa nēe í je pīya ɔ́kíkā ā, ɔwɛ ékpónú nyā dúú. 25Cɛ́ɛ́ kú odúúdú ogbló ā géē wɛ ahātá mla ígbóoje-otáajɛ kú oje nɛ̄hɛ́ igwɛ́ɛhīlī kú uwā. Ígbóoje-otáajɛ ɛpɛɛpa bá ɛháajɛ éyééye.
26Aá géē gbā ɔcí ogblógbló igwó ɛhɔ̄ ŋmá ɔcí kú akésiya, ɛhɔ̄ kú nū wɛ ogbló kú ābɔ̄ éyi kú Áklɔ̄kpīihɔ ā. 27Ɛhɔ̄ ɔhá ā wɛ ákú ābɔ̄ ɔhá, ɛhɔ̄ ɔhá wɛ ákú ābɔ̄ kú ɛnɔ̄ɔ̄nɛ̄ kú Áklɔ̄kpīihɔ ā. 28Ɔcí ogblógbló ɔhá kú ɔtāhɛ̄ ā, nōo tū gicō kwu ɔtāhɛ̄ kú ogbló ā cíkā ō yɛ ŋmá okónōgwu éyi ga okónōgwu ɔhá.
29Lɛ ugóolu (oje ɔdɔ) ma plá ogbló ā. Kú ā lɛ eliká kú ugóolu (oje ɔdɔ) yá tū ɔ̄, nōo géē bī ogbló ā. A í ma ugóolu (oje ɔdɔ) plá ogbló ā dúú. 30Lɛ Áklɔ̄kpīihɔ ā gwó ɛ́gɛ́nɛ̄ n mafú gā uwɔ ɛyí ɛfu nyā a.
31Lɛ ukɔ́tin yá mla owú odufā, owú ɔgalúlā mɛ́mla owú nɔwá. Kú ā lɛ ijā he tū ɔ̄ mla ifotó kú Ucérūbim o lɛ acá. 32Kwú ɔ̄ ú playi ɔkpá kú akésiya nēé lɛ ugóolu (oje ɔdɔ) ma plá anú, nēé kpó uwɔ playi anú ā. É le uwá kpó kwu ígbóoje-otáajɛ kú oje nɛ̄hɛ́. 33#Uhíb 6.19; 9.3-5Kwú ukɔ́tin ā ú playi ɛháajɛ kú ɛga nɛ̄ uwɔ ā hɔ́gba ɛyí agbalú kú Áklɔ̄kpīihɔ ā. Kwú ikpati kú Okónu ō ce nɛ̄ isiléti kú ɛcɔ̄ nēé tá íne tū ɔ̄ ā ú háyi igbīhi ukɔ́tin ā. Ukɔ́tin ā géē kɔ̄ ɛga nōo tíihɔ fíyɛ́ dúú ā ŋmá ɛga o tīihɔ ɔlamu ā. 34Kwú ɔ̄wū ā ú klá ikpati kú Okónu ō ce ā. 35Kwú utéblu ā ú háyi eyɛ̄ɛ̄cɛ kú ɛga o tīīhɔ fíyɛ́ dúú ā, cɛ́ɛ́ kóō hayi ābɔ̄ ɛhíícō kú Áklɔ̄kpīihɔ ā. Cɛ́ɛ́ a kwú ɔdā ō lɛ agege ce ɔ́ ā ú hayi ābɔ̄ ɛháajɛ ā.
36A géē yá ukɔ́tin kú okómpinu kú Áklɔ̄kpīihɔ ā ŋmá owú olɔɔlɔhi, owú odufā, owú ogalúlā mɛ́mla owú nɔwā. A géē hijā tū ɔ̄ lɔɔlɔhi.
37A géē gbā ogbló ɛhɔ̄ kú ɔcí kú akésiya nēé lɛ ugóolu (oje ɔdɔ) ma plá anú, nēé klla lɛ uwɔ kú ugóolu (oje ɔdɔ) yá playi anú. A klla í yá ígbóoje-otáajɛ kú oje nɛ̄hɛ́ lɛ ogbló ā.
Currently Selected:
OŌYƐBƐ̄CƐ 26: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaOŌYƐBƐ̄CƐ 26
26
Áklɔ̄kpīihɔ nɛ̄ Óndú ā géē yɔ̄ ā
(Oyɛb 36.8)
1Óndú ā da Umósīsi kahíníī, “Aá bī ukɔ́tin ɛgɔ́ igwó kú aá le yá eyīpú kú Áklɔ̄kpīihɔ kú um ā ifa. Aá géē bī owú nēé hī ka ulínin ā mɛ́mla owú oblú, owú ublúcéelé, owú odufā, owú ɔgalúlā mɛ́mla owú nɔ̄wá lɛ wu ukɔ́tin ā. É géē bī abɔ̄ ɔka hiijā kú ifotó kú ɔdā ō lɛ acá nēé hī ucérūbim ā tū ɔ̄ lɔɔlɔhi. 2Aá le yá ka ukɔ́tin dóódu ā kéē jóonjīlɛ̄. Olīkpō kú nū kóō wɛ ekābɔ̄ igwɛ́ɛpa, ō lɔwá kú nū kóō wɛ ekābɔ̄ ɛpa. 3Aá í gɔ́ ɛgɔ̄ ɛhɔ̄ kú ukɔ́tin ā kwɔhá kóō le pīya ígwu éyi, a klla í yá ɔdā ékpónú ɔ́ɔmā mla aɛ́hɔ̄ o hile ā. 4Aá lɛ īlī odufā tíígbíngbli tū okónógwu kú iyɛ̄ɛcɛ kú ígwíígwu kú ukɔ́tin ā dúú. 5Lɛ íkōtō ofɛpa ce igwó flá tū ígwu kú ukɔ́tin aflɛ́yí ā. A klla í flá íkōtō ofɛpa ce igwó tū ɛgɔ́ kú ígwu ɔ́mpa kú ukɔ́tin ā, cɛ́ɛ́ kéē le jōōnjīlɛ mla ígwu kú aflɛ́yí ā. 6Aá lɛ uwɔ ofɛpa ce igwó kú ugóolu (oje ɔdɔ) yá, nōo géē kwú ɛgɔ́ ō gɔ́kwɔhá kú ukɔ́tin éyi mla o gɔ́kwɔhá kú ɔhá bɔ́há. 7Aá lɛ īlī ō lɛ klá Áklɔ̄kpīihɔ ā ɛgɔ́ igwóléyi tá ŋmá ɔnwū kú ɛwū. 8Aá lɛ odúúdú uwā yá jōōnjīlɛ̄. Olīkpō kú nū kóō wɛ ekābɔ̄ igwɛ́ɛtá, ōlɔwá kú nū kóō wɛ ekābɔ̄ ɛpa. 9Aá lɛ ɛgɔ́ ɛhɔ̄ kú nū gɔ́ kwɔhá ékpónú, aá klla lɛ ɛgɔ́ ɛhīlī kú nū ā gɔ̄ kwɔhá ékpónú. A klla í cē ɔ́mɛɛhīlī ā bá ɛpa ce iyɔ̄bū kú Áklɔ̄kpīihɔ ā. 10Lɛ íkōtō kú īlī odufā ofɛpa ce igwó tá kéē bá okónōgwu kú ígwu kú ɛgɔ́ kú ukɔ́tin éyi, íkōtō ofɛpa ce igwó o hile ā í bá ígwu kú ɛgɔ́ ukɔ́tin ɔhá ā. 11Aá lɛ uwɔ ofɛpa ce igwó yá ŋmá ugóolu (oje udɔ) cɛ́ɛ́ a kwú ɔ̄ ú wu íkōtō ā kóō má kwɔhá mla īlī ō klá odée o hile ā. 12Kwú ohɛ́pa o hile kú īlī ā ú playi igbīhi kú Áklɔ̄kpīihɔ ā. 13A géē je ekabɔ̄ ofɛpa ce igwó o hile kú olīkpō kú ābɔ̄ éyééye kú īlī ā playi áklō kú Áklɔ̄kpīihɔ ā kóō má klá anú.
14A géē tá īlī ō klá odée ɛpa ɔhá kpɔ́, éyi kú nū kóō wɛ ɔkpá kú omlede ō kpó bá ɔlɛ́ɛnɔ o tɛ̄ɛ̄tū nɔ̄wá mla ɔkpɛ́bɛ́ olɔhi nɛ̄hi ɔhá, nōo géē klá iyɛ̄cɛ kú nū.
15Aá lɛ ogbló okpaakpa kú Áklɔ̄kpīihɔ ā gbā ŋmá ɔcí kú akésiya. 16Olīkpō kú ogbló éyééye ā, géē wɛ ekābɔ̄ ɛnɛ. Olɔwá kú nū kóō wɛ ekābɔ̄ ofɛtá ce ɛhīlī. 17A géē pi ogbló ā ɔkɔ́ okónu ɛpa o yá kóō wu ɔ́mpa nū gílá. Ɛ́gɔ́ɔmā nāa géē yá mla odúúdú aógbló o hile á. 18Lɛ ogbló ofu gbā, kú ābɔ̄ kú ɛháajɛ kú Áklɔ̄kpīihɔ ā. 19A géē bī oje nɛ̄hɛ́ lɛ yá ígbóoje-otáajɛ, kóō tá ɛháajɛ ogbló ā, kóō bī uwā kwɔhá. 20A géē gbā ogbló ofu kóō kwu ābɔ̄ ɛhíícō kú Áklɔ̄kpīihɔ ā. 21A í bī oje nɛ̄hɛ́ le yá ígbóoje-otáajɛ#26.21 ígbóoje-otáajɛ ígbóoje-otáajɛ nēé bī oje udɔ ámāŋ oje nɛ̄hɛ́ yá, é le ōgō ɛpa bu tū ɔ̄ nɛ̄ ɛga opílópíló ɛpa kú ákanaba ā ī wu ipú nū, cɛ́ɛ́ kóō bī ákanaba ā kwajɛ ofɛpa, ɛpɛɛpa géē yɔ̄ ɛháajɛ ogbló éyééye. 22Lɛ ákanaba ɛhīlī yá kú igbīhi, ābɔ̄ ɛnɔ̄ɔ̄nɛ̄ kú Áklɔ̄kpīihɔ ā. 23A klla í yá ogbló ɛpa kú ɔ́kíkā kú Áklɔ̄kpīihɔ ā. 24A géē kpó ogbló kú ɔ́kīkā ā kwu ɔhá ŋmá ɛháajɛ jāā ga icō. A géē gbā ogbló ɛpa nēe í je pīya ɔ́kíkā ā, ɔwɛ ékpónú nyā dúú. 25Cɛ́ɛ́ kú odúúdú ogbló ā géē wɛ ahātá mla ígbóoje-otáajɛ kú oje nɛ̄hɛ́ igwɛ́ɛhīlī kú uwā. Ígbóoje-otáajɛ ɛpɛɛpa bá ɛháajɛ éyééye.
26Aá géē gbā ɔcí ogblógbló igwó ɛhɔ̄ ŋmá ɔcí kú akésiya, ɛhɔ̄ kú nū wɛ ogbló kú ābɔ̄ éyi kú Áklɔ̄kpīihɔ ā. 27Ɛhɔ̄ ɔhá ā wɛ ákú ābɔ̄ ɔhá, ɛhɔ̄ ɔhá wɛ ákú ābɔ̄ kú ɛnɔ̄ɔ̄nɛ̄ kú Áklɔ̄kpīihɔ ā. 28Ɔcí ogblógbló ɔhá kú ɔtāhɛ̄ ā, nōo tū gicō kwu ɔtāhɛ̄ kú ogbló ā cíkā ō yɛ ŋmá okónōgwu éyi ga okónōgwu ɔhá.
29Lɛ ugóolu (oje ɔdɔ) ma plá ogbló ā. Kú ā lɛ eliká kú ugóolu (oje ɔdɔ) yá tū ɔ̄, nōo géē bī ogbló ā. A í ma ugóolu (oje ɔdɔ) plá ogbló ā dúú. 30Lɛ Áklɔ̄kpīihɔ ā gwó ɛ́gɛ́nɛ̄ n mafú gā uwɔ ɛyí ɛfu nyā a.
31Lɛ ukɔ́tin yá mla owú odufā, owú ɔgalúlā mɛ́mla owú nɔwá. Kú ā lɛ ijā he tū ɔ̄ mla ifotó kú Ucérūbim o lɛ acá. 32Kwú ɔ̄ ú playi ɔkpá kú akésiya nēé lɛ ugóolu (oje ɔdɔ) ma plá anú, nēé kpó uwɔ playi anú ā. É le uwá kpó kwu ígbóoje-otáajɛ kú oje nɛ̄hɛ́. 33#Uhíb 6.19; 9.3-5Kwú ukɔ́tin ā ú playi ɛháajɛ kú ɛga nɛ̄ uwɔ ā hɔ́gba ɛyí agbalú kú Áklɔ̄kpīihɔ ā. Kwú ikpati kú Okónu ō ce nɛ̄ isiléti kú ɛcɔ̄ nēé tá íne tū ɔ̄ ā ú háyi igbīhi ukɔ́tin ā. Ukɔ́tin ā géē kɔ̄ ɛga nōo tíihɔ fíyɛ́ dúú ā ŋmá ɛga o tīihɔ ɔlamu ā. 34Kwú ɔ̄wū ā ú klá ikpati kú Okónu ō ce ā. 35Kwú utéblu ā ú háyi eyɛ̄ɛ̄cɛ kú ɛga o tīīhɔ fíyɛ́ dúú ā, cɛ́ɛ́ kóō hayi ābɔ̄ ɛhíícō kú Áklɔ̄kpīihɔ ā. Cɛ́ɛ́ a kwú ɔdā ō lɛ agege ce ɔ́ ā ú hayi ābɔ̄ ɛháajɛ ā.
36A géē yá ukɔ́tin kú okómpinu kú Áklɔ̄kpīihɔ ā ŋmá owú olɔɔlɔhi, owú odufā, owú ogalúlā mɛ́mla owú nɔwā. A géē hijā tū ɔ̄ lɔɔlɔhi.
37A géē gbā ogbló ɛhɔ̄ kú ɔcí kú akésiya nēé lɛ ugóolu (oje ɔdɔ) ma plá anú, nēé klla lɛ uwɔ kú ugóolu (oje ɔdɔ) yá playi anú. A klla í yá ígbóoje-otáajɛ kú oje nɛ̄hɛ́ lɛ ogbló ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma