ÚKLƆ́ KÚ ĀCOTƐ̄HƆ̄ 23
23
1Upɔ́lu leyī hɛ́ kwu ójila ohɛ́pɔ̄ ā glīglī anɔ́ɔ ó kahíníī, “Ayínɛ́ um, ɔtū kú um í bɛ́ɛpa lɛyíkwu oyēēyī kú um ɛgiyí Ɔwɔicō ŋ́ jāā kwu ícɛ nyā a.” 2Ananíyāsi otrɛ̄yí kú ācɛ ogwɛ́ɛya ā je ɔda lɛ ācɛ nēe háyi pī ɔ̄ ā kéē lɛ abɔ̄ fíyɛ́ ɔ̄ okónu. 3#Umát 23.27,28Upɔ́lu da ɔ́ kahíníī, “Ɔwɔicō géē gɔ́ uwɔ abɔ̄, awɔ ɔdɔ nēé bī áfū le púla anú! Awɔ cīce ká ā hɛ́pɔ̄ kú um ɛ́gɛ́nɛ̄ íne ā lɛ ā, nááná a le íne bīya abɔ̄ a le ɔ́da je kéē lɛ abɔ̄ fīyɛ̄ um ā!” 4Ācɛ nēe háyi pī ɔ̄ ā kahíníī, “A gē ka atufú lɛ otrɛ̄yí kú ācogwɛ́ɛya kú Ɔwɔicō nɛɛ?” 5#Oyɛb 22.28Upɔ́lu tóohi kahíníī, “Ayínɛ́ um, ń jé kóō wɛ otrɛ̄yí kú ācogwɛ́ɛya ŋ́, ohígbū kéē lɛ ɔ́ tá ipú ɛlɔ̄ɔwɔicō ka, ‘Ā híī ka obɔ̄bí lɛyíkwu ɔ̄cɛ ogbāājɛ kú ācɛ ɔlɛ́ uwɔ ŋ́.’”
6 #
Ācot 26.5; Ufíl 3.5 Amáŋ eko nɛ̄ Upɔ́lu le jé ka āyā éyi ɔ́ɔ wɛ ācɛ Usádusīsi, āyā ɔhá ɔ́ɔ wɛ ācɛ Ufárisīi ā, ó lɛ ɔkɔ cɛyí le ɛgba dɛ̄ nɛ̄hi ɔtāhɛ̄ ójila ohɛ́pɔ̄ ā kahíníī, “Ayínɛ́ um, Ísrɛ̄lu ami abɔ̄yī um wɛ ɔ̄cɛ Ufárisīi, ɔyí nɛ̄ ádā nū mɛ́mla ɛ́nɛ́ nū wɛ ācɛ Ufárisīi. Ohígbū eyī nɛ̄ n le ce ka ohéyī ŋmá ɔlékwū ɔ́ɔ yɔ̄ ā nēé gē kɛpɔ̄ tū um á.” 7Abɔ̄ ó lɛ ɛ̄nyā ka ā, ācɛ Ufárisīi mɛ́mla ācɛ Usádusīi gbɔɔ́ ō táafú mla iyī ūwā. Anɔ́ɔ ójila ā le kɔ̄ ɛpa á. 8#Umát 22.23; Umák 12.18; Ulúk 20.27Ohígbū ka ācɛ Usádusīi ā í cɛ̄ ka ɔ̄cɛ ī héyī ŋmá ɔlékwū ámāŋ ka alelékwū-ōtɛ̄hɔ̄ ámāŋ alelékwū éyi yɔ̄ ŋ́. Amáŋ ācɛ Ufárisīi ā kē cɛ̄ ka odúúdú uwā kē lɛ ā. 9Ācɛ Usádusīi mɛ́mla ācɛ Ufárisīi gbɔɔ́ ō dɛ̄gba ī jɔkɔ gicō nɛ̄ɛ̄nɛ̄hi, anɔ́ɔ aítíca kú íne ōhī kú ɔwá kú ācɛ Ufárisīi cāŋjɛ kē kahíníī, “Alɔ ā í má ɔdōbɔ̄bí dúúmā ɛgiyí ɔ̄cɛ ā ŋ́. Ekōhī alelékwū ámāŋ alelékwū-ōtɛ̄hɔ̄ kē kɛlā lɛ ɔ́ ɔkwɛyi?” 10Abɔ̄ áafú ā le gbɛlá ā, otrɛ̄yí kú aícɔ́ɔja ā, gbɔɔ́ ō yúufi kéē gée je lɛ Upɔ́lu fā ŋiniŋini, anɔ́ɔ ó le ɔ́da je lɛ aícɔ́ɔja kéē le pɛ́ gaajɛ gaá kwú ɔ̄ ú abɔ̄fú ŋmá ɔtāhɛ̄ uwā, kéē lɛ ɔ́ bī wā ɔlɛ́ aícɔ́ɔja.
11Otú ɛ̄cī ɔ́ɔmā, Óndú ā māháyi pī Upɔ́lu anɔ́ɔ ó da ɔ́ kahíníī, “Lɛ ɔtūlé, ɛ́gɛ́nɛ̄ ā cɛ̄ ijáalí kú um ajɛ Ujerúsālɛm ā, ɛ́gɔ́ɔmā nāa géē cɛ̄ ijáalí ajɛ Uróm dúú á.”
Ācɛ Ujíyu le ujɔ̄ tū tū Upɔ́lu
12Eko nɛ̄ eyī le nyā ā, ācɛ Ujíyu ā lɛ ujɔ̄ tū lɛ iyī uwā gbō tɔ̄há ŋmá ɛka nɛ̄ uwá gwá ka aá gáā lé ámāŋ o kōō gwá ɔdā dúúmā ŋ́ jāā gbéeko nɛ̄ aá lɛ Upɔ́lu ŋmó. 13Ācɛ nēe tū ujɔ̄ nyā ā fíyɛ́ ācɛ ofɛpa. 14Anɔ́ɔ é le pɛ́ ga ɛgiyí aótrɛ̄yí kú ācogwɛ́ɛya mɛ́mla anyākwɔ́cɛ. Anɔ́ɔ é kahíníī, “Alɔ lɛ iyī alɔ gbō lɔfú ŋmá le ɛka nɛ̄ alɔ gwá ka alɔ í gáā lɛ ígblɛ́nyī tū ɔdōlé dúúmā ŋ́ jāā gbéeko nɛ̄ alɔ lɛ Upɔ́lu ŋmó. 15Ohígbū ɔ́ɔmā, aá mɛ́mla ójila ohɛ́pɔ̄ kéē lɛ ɛhɔ̄ tū fu otrɛ̄yí kú aícɔ́ɔja ā kóō lɛ Upɔ́lu bī hīlatá gé lɛ aá bɛ̄ɛka ɔdā nɛ̄ aá gáā téeyī tū ɛpɔ̄ kú nū lɔhi fíyɛ́ gɔbū ā. Alɔ géē tútū ká ālɔ̄ lɛ ɔ́ ŋmó gbɔbū ɛ́ɛ́ kóō wāajɛ amānyā.”
16Amáŋ ɔyí ɔyínɛ́ Upɔ́lu nɔ̄nyā lɛ ujɔ nēé tū ā pó. Anɔ́ɔ ó le yɛ le bēhé tá ɔlɛ́ aícɔ́ɔja gaá le da Upɔ́lu. 17Anɔ́ɔ Upɔ́lu le éyi kú aótrɛ̄yí kú aícɔ́ɔja kú ígwu ofɛhɔ̄ ā hīgwú, anɔ́ɔ ó da ɔ́ kahíníī, “Lɛ ɔyípōklóbīya nyā bī gé lɛ otrɛ̄yí, ohígbū kóō lɛ ɔdée nōó gáā da ɔ́.” 18Anɔ́ɔ ó kwú ɔ̄ ú lɛ ɔ́ bī wā gé lɛ otrɛ̄yí kú aícɔ́ɔja ā, anɔ́ɔ ó da ɔ́ kahíníī, “Upɔ́lu, nōo wɛ olagbá ā hī um igwú bā um kā n̄ lɛ ɔyípóklóbīya nyā bī gé lɛ uwɔ ohígbū kóō lɛ ɔdā nɛ̄ ó gáā da uwɔ.” 19Anɔ́ɔ otrɛ̄yi kú aícɔ́ɔja ā kwú abɔ̄ ú tū ɔyí ā abɔ̄, abɔ̄ é le tá ɛkwūbá ā, ó da ɔ́ ɔ̄kā kahíníī, “Ɔdí nāa lɛ gáā ka ga um ā?” 20Ɔyí ɔ́yínɛ́ Upɔ́lu ā ka, ‘Ācɛ Ujíyu ā le miya ka aá géē ba awɔ ká ā lɛ Upɔ́lu bī hīlatá ga ɛgiyí ójila ohɛ́pɔ̄ ā óócí, bɛ̄ɛka ɔdā nēé gáā bɔkwɛ̄lā ŋmá ɛgiyí nū ā. 21Amáŋ ā híī cɛ̄ lɛ uwá ŋ́, ohígbū ka ācɛ nēe fíyɛ́ ofɛpa ipú uwā bá ipácí gē gbōgɛɛ kéē géē lɛ Upɔ́lu ŋmó. É kē lɛ iyī uwā gbō tɔ̄há ŋmá lɛ ɔkpá nēé gwá ka aá gáā lé ámāŋ o gwá ɔdā dúúmā ŋ́ jāā gbéeko nɛ̄ aá lɛ ɔ́ ŋmó. Abālɔbányā é kē le tútū ɛɛ́ gē gbēyī uwɔ ká ā le okónu nwúla lɛ uwá.” 22Anɔ́ɔ otrɛ̄yí kú aícɔ́ɔja ā lɛ ɔyípɛ̄ oklóbīya ā tū kwúcē le abɔ̄ pí ɔ́ ahɔ̄ kahíníī, “Ā híī da ɔ̄cɛ dúúmā ka a lɛ ɛlā nyā ka gā um ɛ́ɛ́ ŋ́.”
É le Upɔ́lu tū nyɔ̄ Usísarīya
23Anɔ́ɔ ó lɛ ācɛ ɛpa ipú aótrɛ̄yí kú aícɔ́ɔja ofɛhɔ̄ hīgwú, anɔ́ɔ ó da uwá kahíníī, “Aá lɛ aícɔ́ɔja ofigwó mɛ́mla ācokpɛ́fɔ́nya ofɛtá cigwó mɛ́mla aícɔ́ɔja o bī ɔ́kpa ofigwó tútū, cɛ́ɛ́ ká aá le tútū ō gbɔɔ́ oje ahāanɛ kú otú mā ga ajɛ kú Usísarīya. 24Aá kē lɛ ɔnya nɛ̄ Upɔ́lu géē ce ā tútū kú aá lɛ ɔ́ bī nyɔ̄ ɛbɛ́ɛ́bɔ́ gé lɛ Ufélīsi igbómína ā.” 25Otrɛ́yí kú aícɔ́ɔja ā le ɔkpá tá kahíníī,
26“Uklɔdíyɔ̄si Ulisíyasi tá ɔkpá gé lɛ ɔcɛ́ o lɛ ojīlīmā Ufélīsi, Igbómína. N hokónu tū uwɔ. 27Ɛ̄nyā wɛ ɔ̄cɛ nɛ̄ ācɛ Ujíyu kwú. Abɔ̄ é gáā ŋmó ɔ̄ ā, ami mɛ́mla aícɔ́ɔja le pɛ́ nyɔ̄ ɛgiyí uwā gaá lɛ ɔ́ hɛ́tá, abɔ̄ n le jé ka ó wɛ ɔyí ajɛ kú Uróm ā. 28Abɔ̄ n tíne ká n̄ jé ɛlā nēé kpóce ɔ́ ā, n lɛ ɔ́ bī wā iyɔ̄bū ójila ohɛ́pɔ̄ kú uwā. 29N má kéē kpɛ́lā ce ɔ́ ohígbū íne kú uwā, amáŋ ó wɛ ɔdā nēé cíkā ō hɛ́ ō ukpa ámāŋ ka o tū ɔ̄ agbá ŋ́. Ɛlā nēé kpó ce ɔ́ ā yɛ lɛyíkwu íne kú uwā. 30Anɔ́ɔ eko nēé le da um kéē le ujɔ̄ tū tū ɔ̄ ā, n le miya ka n̄ kwú ɔ̄ ú tɛ̄hɔ̄ fu uwɔ bōōbū. N kē le da ācɛ nēe kpɛ́lā ce ɔ́ ā, kéē wā í lɛ ɛlā kpó ce ɔ́ iyɔ̄bū uwɔ.”
31Aícɔ́ɔja ā le ɔ́da nēé je lɛ uwá ā yá gaajɛ. É kwú Upɔ́lu ú le ɔ́ bī jāā ga Antipátrīsi otú. 32Oŋmɔ́ɔ̄cī nū é kwúcē igbīhi nyɔ̄ ɔlɛ́ Aícɔ́ɔja habɔ̄ ācokpɛ́fɔ́nya ā kéē nyɔ̄ mla anú. 33Eko nēé gāājɛ Usísarīya ā, é kwú ɔkpá ā ú lɛ Igbómína ā, anɔ́ɔ é kē kwú Upɔ́lu ú tū ɔ̄ abɔ̄ á. 34Igbómína ā le ɔkpá ā jé kwɛyí, anɔ́ɔ ó le ɔ̄kā da Upɔlu ɛga nōó ŋmá āa. Eko nɛ̄ ó le jé ka ó ŋmá Usilísiya ā. 35Ó kahíníī, “N géē pó ɔkɔ kú uwɔ eko nɛ̄ ācɛ nēe kpɛ́lā ce uwɔ ā gā.” Anɔ́ɔ Igbómína ā le ɔ́da je lɛ uwá kéē bēē gbō ɔ̄ ipɔ́ɔnū kú Uhérɔ̄du.
Currently Selected:
ÚKLƆ́ KÚ ĀCOTƐ̄HƆ̄ 23: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÚKLƆ́ KÚ ĀCOTƐ̄HƆ̄ 23
23
1Upɔ́lu leyī hɛ́ kwu ójila ohɛ́pɔ̄ ā glīglī anɔ́ɔ ó kahíníī, “Ayínɛ́ um, ɔtū kú um í bɛ́ɛpa lɛyíkwu oyēēyī kú um ɛgiyí Ɔwɔicō ŋ́ jāā kwu ícɛ nyā a.” 2Ananíyāsi otrɛ̄yí kú ācɛ ogwɛ́ɛya ā je ɔda lɛ ācɛ nēe háyi pī ɔ̄ ā kéē lɛ abɔ̄ fíyɛ́ ɔ̄ okónu. 3#Umát 23.27,28Upɔ́lu da ɔ́ kahíníī, “Ɔwɔicō géē gɔ́ uwɔ abɔ̄, awɔ ɔdɔ nēé bī áfū le púla anú! Awɔ cīce ká ā hɛ́pɔ̄ kú um ɛ́gɛ́nɛ̄ íne ā lɛ ā, nááná a le íne bīya abɔ̄ a le ɔ́da je kéē lɛ abɔ̄ fīyɛ̄ um ā!” 4Ācɛ nēe háyi pī ɔ̄ ā kahíníī, “A gē ka atufú lɛ otrɛ̄yí kú ācogwɛ́ɛya kú Ɔwɔicō nɛɛ?” 5#Oyɛb 22.28Upɔ́lu tóohi kahíníī, “Ayínɛ́ um, ń jé kóō wɛ otrɛ̄yí kú ācogwɛ́ɛya ŋ́, ohígbū kéē lɛ ɔ́ tá ipú ɛlɔ̄ɔwɔicō ka, ‘Ā híī ka obɔ̄bí lɛyíkwu ɔ̄cɛ ogbāājɛ kú ācɛ ɔlɛ́ uwɔ ŋ́.’”
6 #
Ācot 26.5; Ufíl 3.5 Amáŋ eko nɛ̄ Upɔ́lu le jé ka āyā éyi ɔ́ɔ wɛ ācɛ Usádusīsi, āyā ɔhá ɔ́ɔ wɛ ācɛ Ufárisīi ā, ó lɛ ɔkɔ cɛyí le ɛgba dɛ̄ nɛ̄hi ɔtāhɛ̄ ójila ohɛ́pɔ̄ ā kahíníī, “Ayínɛ́ um, Ísrɛ̄lu ami abɔ̄yī um wɛ ɔ̄cɛ Ufárisīi, ɔyí nɛ̄ ádā nū mɛ́mla ɛ́nɛ́ nū wɛ ācɛ Ufárisīi. Ohígbū eyī nɛ̄ n le ce ka ohéyī ŋmá ɔlékwū ɔ́ɔ yɔ̄ ā nēé gē kɛpɔ̄ tū um á.” 7Abɔ̄ ó lɛ ɛ̄nyā ka ā, ācɛ Ufárisīi mɛ́mla ācɛ Usádusīi gbɔɔ́ ō táafú mla iyī ūwā. Anɔ́ɔ ójila ā le kɔ̄ ɛpa á. 8#Umát 22.23; Umák 12.18; Ulúk 20.27Ohígbū ka ācɛ Usádusīi ā í cɛ̄ ka ɔ̄cɛ ī héyī ŋmá ɔlékwū ámāŋ ka alelékwū-ōtɛ̄hɔ̄ ámāŋ alelékwū éyi yɔ̄ ŋ́. Amáŋ ācɛ Ufárisīi ā kē cɛ̄ ka odúúdú uwā kē lɛ ā. 9Ācɛ Usádusīi mɛ́mla ācɛ Ufárisīi gbɔɔ́ ō dɛ̄gba ī jɔkɔ gicō nɛ̄ɛ̄nɛ̄hi, anɔ́ɔ aítíca kú íne ōhī kú ɔwá kú ācɛ Ufárisīi cāŋjɛ kē kahíníī, “Alɔ ā í má ɔdōbɔ̄bí dúúmā ɛgiyí ɔ̄cɛ ā ŋ́. Ekōhī alelékwū ámāŋ alelékwū-ōtɛ̄hɔ̄ kē kɛlā lɛ ɔ́ ɔkwɛyi?” 10Abɔ̄ áafú ā le gbɛlá ā, otrɛ̄yí kú aícɔ́ɔja ā, gbɔɔ́ ō yúufi kéē gée je lɛ Upɔ́lu fā ŋiniŋini, anɔ́ɔ ó le ɔ́da je lɛ aícɔ́ɔja kéē le pɛ́ gaajɛ gaá kwú ɔ̄ ú abɔ̄fú ŋmá ɔtāhɛ̄ uwā, kéē lɛ ɔ́ bī wā ɔlɛ́ aícɔ́ɔja.
11Otú ɛ̄cī ɔ́ɔmā, Óndú ā māháyi pī Upɔ́lu anɔ́ɔ ó da ɔ́ kahíníī, “Lɛ ɔtūlé, ɛ́gɛ́nɛ̄ ā cɛ̄ ijáalí kú um ajɛ Ujerúsālɛm ā, ɛ́gɔ́ɔmā nāa géē cɛ̄ ijáalí ajɛ Uróm dúú á.”
Ācɛ Ujíyu le ujɔ̄ tū tū Upɔ́lu
12Eko nɛ̄ eyī le nyā ā, ācɛ Ujíyu ā lɛ ujɔ̄ tū lɛ iyī uwā gbō tɔ̄há ŋmá ɛka nɛ̄ uwá gwá ka aá gáā lé ámāŋ o kōō gwá ɔdā dúúmā ŋ́ jāā gbéeko nɛ̄ aá lɛ Upɔ́lu ŋmó. 13Ācɛ nēe tū ujɔ̄ nyā ā fíyɛ́ ācɛ ofɛpa. 14Anɔ́ɔ é le pɛ́ ga ɛgiyí aótrɛ̄yí kú ācogwɛ́ɛya mɛ́mla anyākwɔ́cɛ. Anɔ́ɔ é kahíníī, “Alɔ lɛ iyī alɔ gbō lɔfú ŋmá le ɛka nɛ̄ alɔ gwá ka alɔ í gáā lɛ ígblɛ́nyī tū ɔdōlé dúúmā ŋ́ jāā gbéeko nɛ̄ alɔ lɛ Upɔ́lu ŋmó. 15Ohígbū ɔ́ɔmā, aá mɛ́mla ójila ohɛ́pɔ̄ kéē lɛ ɛhɔ̄ tū fu otrɛ̄yí kú aícɔ́ɔja ā kóō lɛ Upɔ́lu bī hīlatá gé lɛ aá bɛ̄ɛka ɔdā nɛ̄ aá gáā téeyī tū ɛpɔ̄ kú nū lɔhi fíyɛ́ gɔbū ā. Alɔ géē tútū ká ālɔ̄ lɛ ɔ́ ŋmó gbɔbū ɛ́ɛ́ kóō wāajɛ amānyā.”
16Amáŋ ɔyí ɔyínɛ́ Upɔ́lu nɔ̄nyā lɛ ujɔ nēé tū ā pó. Anɔ́ɔ ó le yɛ le bēhé tá ɔlɛ́ aícɔ́ɔja gaá le da Upɔ́lu. 17Anɔ́ɔ Upɔ́lu le éyi kú aótrɛ̄yí kú aícɔ́ɔja kú ígwu ofɛhɔ̄ ā hīgwú, anɔ́ɔ ó da ɔ́ kahíníī, “Lɛ ɔyípōklóbīya nyā bī gé lɛ otrɛ̄yí, ohígbū kóō lɛ ɔdée nōó gáā da ɔ́.” 18Anɔ́ɔ ó kwú ɔ̄ ú lɛ ɔ́ bī wā gé lɛ otrɛ̄yí kú aícɔ́ɔja ā, anɔ́ɔ ó da ɔ́ kahíníī, “Upɔ́lu, nōo wɛ olagbá ā hī um igwú bā um kā n̄ lɛ ɔyípóklóbīya nyā bī gé lɛ uwɔ ohígbū kóō lɛ ɔdā nɛ̄ ó gáā da uwɔ.” 19Anɔ́ɔ otrɛ̄yi kú aícɔ́ɔja ā kwú abɔ̄ ú tū ɔyí ā abɔ̄, abɔ̄ é le tá ɛkwūbá ā, ó da ɔ́ ɔ̄kā kahíníī, “Ɔdí nāa lɛ gáā ka ga um ā?” 20Ɔyí ɔ́yínɛ́ Upɔ́lu ā ka, ‘Ācɛ Ujíyu ā le miya ka aá géē ba awɔ ká ā lɛ Upɔ́lu bī hīlatá ga ɛgiyí ójila ohɛ́pɔ̄ ā óócí, bɛ̄ɛka ɔdā nēé gáā bɔkwɛ̄lā ŋmá ɛgiyí nū ā. 21Amáŋ ā híī cɛ̄ lɛ uwá ŋ́, ohígbū ka ācɛ nēe fíyɛ́ ofɛpa ipú uwā bá ipácí gē gbōgɛɛ kéē géē lɛ Upɔ́lu ŋmó. É kē lɛ iyī uwā gbō tɔ̄há ŋmá lɛ ɔkpá nēé gwá ka aá gáā lé ámāŋ o gwá ɔdā dúúmā ŋ́ jāā gbéeko nɛ̄ aá lɛ ɔ́ ŋmó. Abālɔbányā é kē le tútū ɛɛ́ gē gbēyī uwɔ ká ā le okónu nwúla lɛ uwá.” 22Anɔ́ɔ otrɛ̄yí kú aícɔ́ɔja ā lɛ ɔyípɛ̄ oklóbīya ā tū kwúcē le abɔ̄ pí ɔ́ ahɔ̄ kahíníī, “Ā híī da ɔ̄cɛ dúúmā ka a lɛ ɛlā nyā ka gā um ɛ́ɛ́ ŋ́.”
É le Upɔ́lu tū nyɔ̄ Usísarīya
23Anɔ́ɔ ó lɛ ācɛ ɛpa ipú aótrɛ̄yí kú aícɔ́ɔja ofɛhɔ̄ hīgwú, anɔ́ɔ ó da uwá kahíníī, “Aá lɛ aícɔ́ɔja ofigwó mɛ́mla ācokpɛ́fɔ́nya ofɛtá cigwó mɛ́mla aícɔ́ɔja o bī ɔ́kpa ofigwó tútū, cɛ́ɛ́ ká aá le tútū ō gbɔɔ́ oje ahāanɛ kú otú mā ga ajɛ kú Usísarīya. 24Aá kē lɛ ɔnya nɛ̄ Upɔ́lu géē ce ā tútū kú aá lɛ ɔ́ bī nyɔ̄ ɛbɛ́ɛ́bɔ́ gé lɛ Ufélīsi igbómína ā.” 25Otrɛ́yí kú aícɔ́ɔja ā le ɔkpá tá kahíníī,
26“Uklɔdíyɔ̄si Ulisíyasi tá ɔkpá gé lɛ ɔcɛ́ o lɛ ojīlīmā Ufélīsi, Igbómína. N hokónu tū uwɔ. 27Ɛ̄nyā wɛ ɔ̄cɛ nɛ̄ ācɛ Ujíyu kwú. Abɔ̄ é gáā ŋmó ɔ̄ ā, ami mɛ́mla aícɔ́ɔja le pɛ́ nyɔ̄ ɛgiyí uwā gaá lɛ ɔ́ hɛ́tá, abɔ̄ n le jé ka ó wɛ ɔyí ajɛ kú Uróm ā. 28Abɔ̄ n tíne ká n̄ jé ɛlā nēé kpóce ɔ́ ā, n lɛ ɔ́ bī wā iyɔ̄bū ójila ohɛ́pɔ̄ kú uwā. 29N má kéē kpɛ́lā ce ɔ́ ohígbū íne kú uwā, amáŋ ó wɛ ɔdā nēé cíkā ō hɛ́ ō ukpa ámāŋ ka o tū ɔ̄ agbá ŋ́. Ɛlā nēé kpó ce ɔ́ ā yɛ lɛyíkwu íne kú uwā. 30Anɔ́ɔ eko nēé le da um kéē le ujɔ̄ tū tū ɔ̄ ā, n le miya ka n̄ kwú ɔ̄ ú tɛ̄hɔ̄ fu uwɔ bōōbū. N kē le da ācɛ nēe kpɛ́lā ce ɔ́ ā, kéē wā í lɛ ɛlā kpó ce ɔ́ iyɔ̄bū uwɔ.”
31Aícɔ́ɔja ā le ɔ́da nēé je lɛ uwá ā yá gaajɛ. É kwú Upɔ́lu ú le ɔ́ bī jāā ga Antipátrīsi otú. 32Oŋmɔ́ɔ̄cī nū é kwúcē igbīhi nyɔ̄ ɔlɛ́ Aícɔ́ɔja habɔ̄ ācokpɛ́fɔ́nya ā kéē nyɔ̄ mla anú. 33Eko nēé gāājɛ Usísarīya ā, é kwú ɔkpá ā ú lɛ Igbómína ā, anɔ́ɔ é kē kwú Upɔ́lu ú tū ɔ̄ abɔ̄ á. 34Igbómína ā le ɔkpá ā jé kwɛyí, anɔ́ɔ ó le ɔ̄kā da Upɔlu ɛga nōó ŋmá āa. Eko nɛ̄ ó le jé ka ó ŋmá Usilísiya ā. 35Ó kahíníī, “N géē pó ɔkɔ kú uwɔ eko nɛ̄ ācɛ nēe kpɛ́lā ce uwɔ ā gā.” Anɔ́ɔ Igbómína ā le ɔ́da je lɛ uwá kéē bēē gbō ɔ̄ ipɔ́ɔnū kú Uhérɔ̄du.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma