ÚKLƆ́ KÚ ĀCOTƐ̄HƆ̄ 19
19
Ācɛ oyɔgwu Ujɔ́ni o yúbatísim ajɛ Ɛ́fēsɔsi
1Abɔ̄ Apólosi yɔ̄ ajɛ kú Ukɔ́rīnti ā, Upɔ́lu le yɛ bū ipú aɔ́lɛ́ nēe bá eyīpú ā gāājɛ kú Ɛ́fēsɔsi abɔ̄yī nū. Abɔ́ɔ nōó má ayíkpó ōhī á. 2Anɔ́ɔ ó da uwá ɔ̄kā kahíníī, “Alelékwū Ihɔ ā wā gaá gbɔɔ́ ō bī aá tá eko nɛ̄ aá cɛ̄ ɛlɔ̄ɔwɔicō āā?” Anɔ́ɔ é kahíníī, “Ehée, alɔ í kōō pó ka ɔdée lé ka Alelékwū Ihɔ jéjée ɛ́ɛ́ ŋ́.” 3Anɔ́ɔ ó da uwá kahíníī, “Ɔdí wɛ ɛyí kú ubatísim nēé yá aá mɛ́ɛ̄ ā?” Anɔ́ɔ é tóohi kahíníī, “Ubatísim nɛ̄ Ujɔ́ni gē yá ācɛ nēe cɛ̄ɛlā nōó ka ā.” 4#Umát 3.11; Umák 1.4,7,8; Ulúk 3.4,16; Ujɔ́n 1.26,27Anɔ́ɔ Upɔ́lu kahíníī, “Ubatísim kú Ujɔ́ni wɛ ákú ācɛ nēe le pīyabɔ̄ ŋmá íne nēé bīya ā. Ó klla da ācɛ kú Ísrɛ̄lu kéē cɛ̄ɛ̄lā ɔ̄cɛ éyi nōo gē wā igbīhi nū, ɔ̄cɛ ɔ́ɔmā lé ka Ujísɔ̄si.” 5Eko nēé lɛ ɛ̄nyā pó ā, é bī iyē kú Óndú Ujísɔ̄si lɛ ubatísim yá uwā. 6Anɔ́ɔ eko nɛ̄ Upɔ́lu lɛ abɔ̄ ce uwá ɛyí ā, Alelékwū Ihɔ gā ipú uwā. Anɔ́ɔ é ka ucē alɛwa, klla tɔ́ɔna kú olɛhɔ̄ kú Ɔwɔicō. 7Odúúdú uwā lɛbɛ̄ɛka igwɛ́ɛpa ā.
Upɔ́lu yɔ̄ ajɛ Ɛ́fēsɔsi
8Upɔ́lu le ɔtū lɛ gē kɛlā pāālā lɛ ācɛ ā, yɔ̄ ī mīya ɛlā mla uwá klla yɔ̄ ī cēyītīkwū kóō lɛ ācɛ ā ɔtū pīya tá ajɔ̄ɔ̄cɛ́ kú Ɔwɔicō. 9Amáŋ ācɛ ōhī kú uwā gbɔɔ́ ō yíkpɛ̄yí olɔfú, anɔ́ɔ é tá kéē cɛ̄ɛ̄lā ā, é kē kɛlā obɔ̄bí kú ɔwɛ kú oyēeyī nɛ̄ Óndú ā mafú ā ipéēyī ójīla ā. Upɔ́lu nyɛ̄ɛ̄ ŋmá ɛgiyí uwā le ācocɛ̄lɔ̄wɔicō ā kpó nyɛ̄ɛ̄. Anɔ́ɔ ó gbɔɔ́ ō tɔ́ɔna kú ɛlɔ̄ɔwɔicō ɛ̄cī dóódu ipú inu nɛ̄hi kú Utáyīrānɔsi. 10Upɔ́lu yá ɛ̄nyā lɛ ā iháyí ɛpa, cɛ́ɛ́ kú odúúdú ācɛ nēe lā ajɛ kú Ésīya ā, ācɛ Ujíyu mɛ́mla aílɔ́wá, kéē lɛ olɛhɔ̄ lɛyíkwu Óndú ā pó.
Ayínɔ̄nyīlɔ kú Usikífa
11Ɔwɔicō le ɔfú nɛ̄hi je lɛ Upɔ́lu kóō yúklɔ́ ō hídáagó ɛyɛ́ɛyɛ́yí. 12É kōō kpó adíkonyeyī mla īlī úklɔ́ nōo lɛ iyē kwu ɔ́ iyē ce ācɛ odōcē ā iyē. Ōcē kú uwā ā kē ī mɛ, aálelékwū obɔ̄bí kē le bɛ̄cɛ ŋmá ipú uwā. 13Anɔ́ɔ ācɛ Ujíyu ōhī nēe gē yɛ ɔlɔ́ɔ́lɛ́ gē nū alelékwū obɔ̄bí tɛ́ɛcɛ ŋmá ipú ācɛ ā, tíne ō bī iyē kú Óndú Ujísɔ̄si ā le yá ɛ́gɔ́ɔmā dúú á. É gē ka lɛ alelékwū obɔ̄bí ā kahíníī, “N je ɔ́da lɛ aá ŋmá iyē kú Ujísɔ̄si nɛ̄ Upɔ́lu gē tɔ́ɔna nū ā.” 14Ayínɔ̄nyīlɔ ahāapa kú otrɛ̄yí kú ācogwɛ́ɛya kú ācɛ Ujíyu éyi, nēé hī ka Usikífa, bá gē je ɔ́da lɛ alelékwū obɔ̄bí kéē le bɛ̄cɛ. 15Amáŋ alelékwū obɔ̄bí ā tá uwā ohi kahíníī, “Ujísɔ̄si ā n jé ɔ̄, Upɔ́lu ā n kē jé ɔ̄ dúú, amáŋ aá ā wɛ ānyɛ nɛ?” 16Anɔ́ɔ ɔ̄cɛ nɛ̄ alelékwū obɔ̄bí yɔ̄ ipú nū ā lɛ ómbli tá kwu uwá, ɔfú kú nū le fíyɛ́ ákú uwā. Ó lɛ uwá yálé, lɛ uwá tóhɛ́ɛwa klla lɛ uwá yágbe, anɔ́ɔ é le inya kwu bɛ̄cɛ ŋmá ipú inu ɔlɛ́ nū á. 17Ɛjɛ̄ɛ̄jī ācɛ Ujíyu mɛ́mla aílɔ́wá nēe bá Ɛ́fēsɔsi ā le ɔdā nōo yá nyā pó, anɔ́ɔ ufi gbɔɔ́ ō yá ɛjɛ̄ɛ̄jī uwā á. Anɔ́ɔ é wóófu iyē kú Óndú Ujísɔ̄si á. 18Ācɛ alɛwa nēe cɛ̄lɔ̄ɔwɔicō ā le pɛ́ wā gaá lɛ ɔdōbɔ̄bí nēe húmáyī ī yá ā kpó ka tɛ́ɛcɛ. 19Ācɛ alɛwa nēe gē yímabɔ̄ ā lɛ ɔkpá kú uwā kpó tɔ̄há, lɛ uwá tɔ̄lá iyɔ̄bū ācɛ dóódu. Eko nēé lɛ ije nēé lá aɔ́kpá ā gbaáluka ā, ó lɛbɛ̄ɛka ɛkpa égō nɛhɛ́ #19.19 Ikpo égō éyi wɛ ije úklɔ́ ɛci kú ācɛ o yúklɔ́ igelī ofɛpa cigwó ā. 20Anɔ́ɔ ācɛ alɛwa gbɔɔ́ ō pó olɛhɔ̄ lɛyíkwu Óndú ā ohígbū ɔdā o yēeyījii nōo yá ā.
21Eko nɛ̄ ɔdā nēe bá ā le yá kwɛyí ā, Alelékwū Ihɔ ā yá ká Upɔ́lu kóō lɛ ŋmótū ipú ɔtū#19.21 Amáŋ alelékwū bī ɔ tá o miya. kú nū ka anúɔ géē yɛ bū Umasɛdónīya mɛ́mla Akáya ga Ujerúsālɛm. Anɔ́ɔ ó kahíníī, “Eko nɛ̄ n le yɛ ga abɔ́ɔ ɛɛ́, n géē ga Uróm dúú.” 22Ó le Utímōti mɛ́mla Erástɔ̄si, nēe wɛ ācɛ ɛpa kú ācɛ nēe gē tá ɔ̄ abɔ̄ ā tɛ̄hɔ̄ ga Umasɛdónīya, anú abɔ̄yī nū klá Ésīya ɛ̄cī alɛwa kpɔ́.
Unu ēgidi ajɛ kú Ɛ́fēsɔsi
23Ɛpléeko nyā nɛ̄ ikpɛ́lā nɛ̄hi yɔ̄ ipú Ɛ́fēsɔsi ohígbū ɔwɛ nɛ̄ Óndú ā mafú ā á. 24Ohígbū ka ɔ̄cɛ éyi nēé hī ka Udemítrīyɔsi, onɔwa oje nɛ̄hɛ́, ó gē bī oje nɛ̄hɛ́ gē le yá áklɔ̄kpɛ kú Átɛ̄misi. Úklɔ́ kú nū ā gē bī ije nɛ̄hi gé lɛ ācoyúklábɔ̄ ā. 25Anɔ́ɔ ó lɛ ācɛ nēe bá ā kpó tɔ̄há mɛ́mla ācɛ ɔhá nēe gē yá ɛdɔ úklɔ́ ékpó ɔ́ɔmā á. Anɔ́ɔ ó kahíníī, “Aklóbīya, aá jé ka o ŋmá úklɔ́ nyā nɛ̄ alɔ gē lɛ agbénú á. 26Aá abɔ̄ aá le má, klla kē le pó kóō wɛ ajɛ Ɛ́fēsɔsi ōfōōfūnū ŋ́, amáŋ ɔ́ɔmā lé ka ajɛ Ésīya dúúdú nɛ̄ Upɔ́lu yɛ gē pīya ācɛ alɛwa ɔtū klla lɛ uwá kpó gē da uwá ka ɔwɔ nēé bī abɔ̄ yā ā, í wɛ ɔwɔ ŋ́ má. 27Ó kē bɔ̄bí ka ācɛ kéē ka ɛlā obɔ̄bí lɛyíkwu úklɔ́ kú alɔ nyā. Ó wɛ ɔ́ɔmā ōfōōfūnū ŋ́, amáŋ ācɛ géē gbɛlá ka agbla kú ɔwɔ nɛ̄hi kú ɔ̄nyā Átɛ̄misi ā í cɛgbá gɛ ŋ́, ācɛ klla kē í je ɔwɔ nɔ̄nyā nɛ̄hi nɛ̄ odúúdú Ācɛ Ésīya mɛ́mla ɛcɛ dúúdú gē gbā ɔ̄ ɛ̄gbā ā ka ɔdā ɛflɛ́ɛfu, é kē í nyí ɔ̄ ojīlīmā!”
28Eko nɛ̄ ɛwa ā le ɛ̄nyā pó ā, ɔtū le wú uwā nɛ̄hi, anɔ́ɔ é gbɔɔ́ ō dɛ̄gba kahíníī, “Átɛ̄misi kú ācɛ Ɛ́fēsɔsi nwunééné á!” 29Eko kpií, ācɛ le hútú gbɔɔ́ ō dɛ̄gba ɛga dóódu kú igelī ā. Egidi ā nyɔ̄ gaá le Ugayíyɔsi mɛ́mla Arístākɔsi ācɛ Umasɛdónīya ɛpa nēe bá yɔ̄ ī yɛ mla Upɔ́lu ā kpó kwú, anɔ́ɔ é le uwá kpó pi abɔ̄fú fíya ga ɛga ōjīla kú ācɛ kú igelī nɛ̄hi ā. 30Upɔ́lu tíne kóō ga ipú ɛwa ā, amáŋ ācocɛ̄lɔ̄wɔicō ā í kē cɛ̄ lɛ ɔ́ nyɔ̄ ŋ́. 31Ācɛ ōhī kú ācɛ ojīlīmā kú ajɛ Ésīya nēe wɛ aóklóbīya nū ā, lɛ ɛhɔ̄ tū fu ɔ́ gē ba ɔ́ kóō jámá nyɔ̄ í kɛlā le ójila ā ŋ́. 32Ācɛ ōhī ipú ɛwa ā dɛ̄gba je ɔkɔ gicō, ācɛ ɔhá dɛ̄gba je ɔkɔ wā ajɛ. Ohígbū ka útú nɛ̄hi le hɛ́ ipú ójila ā, alɛwa kú uwā í kōō je ɔdā nōo yá nēé jīla tɔ̄há ā ŋ́. 33Ācɛ ōhī kú ɛwa ā le ŋmótu ipú ɔtū kú uwā ka Alesáŋda nɛ̄ ācɛ Ujíyu fu ā, ɔ́ɔ jé odée lɛyíkwu ɔdā nōo yá ā, abɔ̄ é cē ɔ̄ gbɔɔ́ gbɔɔ́ ga iyɔbū ā. Anɔ́ɔ Alesáŋda yá uwā abɔ̄ pɛɛ, abɔ̄ ó tíne kóō kɛlā lɛ uwá ohígbū ācɛ ā. 34Amáŋ abɔ̄ é le jé ka ɔ́ɔ wɛ ɔ̄cɛ Ujíyu ā, é gbɔɔ́ ō dɛ̄gba kpó anɔ́ɔ áwa ɛpa nááná é bá ī dɛ̄gba yɔ̄ ī kɛlā ékpó ā kahíníī, “Átɛ̄misi kú ācɛ Ɛ́fēsɔsi nwunééné á!” 35Igbīhāajɛ ɔmálɛ kú igelī nɛ̄hi ā le ɛwa ā tllá, anɔ́ɔ ó kahíníī, “Ācɛ kú Ɛ́fēsɔsi! ɛjɛ̄ɛ̄jī ācɛ jé ka igelī nɛ̄hi kú Ɛ́fēsɔsi wɛ ɛga nēé gē leyīkwu agbla kú Átɛ̄misi nɛ̄hi mɛ́mla ɛcɔ̄ elihɔ nōo míya wāajɛ ŋmá ɔkpáncō nɛ̄ ācɛ gē gbā ɔ̄ ɛ̄gbā ā. 36Ɛ́gɛ́nɛ̄ ɔdā nēe bá ā í tōō híhó uwā ŋ́ má, ó cíkā ka aá bá cíí, ká aá yá ɔdā icííci dúúmā nɛ̄ unu egidi kú ācɛ gē nu ŋ́. 37Aá lɛ ācɛ nēe bá ā kpó wā amānyā, nááná nēé kpó ɔdā dúú uwī ŋmá ipú agbla ŋ́ mā, é klla kē kɛlā obɔ̄bí lɛyíkwu ɔwɔ nɔ̄nyā kú alɔ ŋ́. 38Ɔ́dāŋ́ ka Udemitríyɔ̄si mɛ́mla ācɛ nēe gē yúklɔ́ mla anú ā lɛ odée nēé bī lɛyíkwu ɔ̄cɛ dúúmā, inɛ̄pɔ̄ le nwūla bá abɔ́ɔ á, aɔ́cɛ́ ō hɛ́pɔ̄ ā lɔfú mīyɛ ɛpɔ̄ ā bōōbū glá. É lɔfú kpó ɛlā ce uwá abɔ́ɔ. 39Amáŋ ɔ́dāŋ ka ɔdɔ̄há yɔ̄, nɛ̄ aá ī dɔɔ̄kā, é géē ka ɔ́ gwó ipú ójīla ɔlamu. 40Ufi ī yá um ohígbū kóō í bɔ̄bí lɛ alɔ kéē le ɛlā kpó ce alɔ ka alɔ ī dɔɔ̄kā ō cīlɛ̄fú, alɔ í kē gáā má ɔkɔ olɔhi ka nóó n.” 41Eko nōó lɛ ɛ̄nyā ka kwɛyí ā, ó da ójila ā kéē lɛ kābɔ̄.
Currently Selected:
ÚKLƆ́ KÚ ĀCOTƐ̄HƆ̄ 19: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÚKLƆ́ KÚ ĀCOTƐ̄HƆ̄ 19
19
Ācɛ oyɔgwu Ujɔ́ni o yúbatísim ajɛ Ɛ́fēsɔsi
1Abɔ̄ Apólosi yɔ̄ ajɛ kú Ukɔ́rīnti ā, Upɔ́lu le yɛ bū ipú aɔ́lɛ́ nēe bá eyīpú ā gāājɛ kú Ɛ́fēsɔsi abɔ̄yī nū. Abɔ́ɔ nōó má ayíkpó ōhī á. 2Anɔ́ɔ ó da uwá ɔ̄kā kahíníī, “Alelékwū Ihɔ ā wā gaá gbɔɔ́ ō bī aá tá eko nɛ̄ aá cɛ̄ ɛlɔ̄ɔwɔicō āā?” Anɔ́ɔ é kahíníī, “Ehée, alɔ í kōō pó ka ɔdée lé ka Alelékwū Ihɔ jéjée ɛ́ɛ́ ŋ́.” 3Anɔ́ɔ ó da uwá kahíníī, “Ɔdí wɛ ɛyí kú ubatísim nēé yá aá mɛ́ɛ̄ ā?” Anɔ́ɔ é tóohi kahíníī, “Ubatísim nɛ̄ Ujɔ́ni gē yá ācɛ nēe cɛ̄ɛlā nōó ka ā.” 4#Umát 3.11; Umák 1.4,7,8; Ulúk 3.4,16; Ujɔ́n 1.26,27Anɔ́ɔ Upɔ́lu kahíníī, “Ubatísim kú Ujɔ́ni wɛ ákú ācɛ nēe le pīyabɔ̄ ŋmá íne nēé bīya ā. Ó klla da ācɛ kú Ísrɛ̄lu kéē cɛ̄ɛ̄lā ɔ̄cɛ éyi nōo gē wā igbīhi nū, ɔ̄cɛ ɔ́ɔmā lé ka Ujísɔ̄si.” 5Eko nēé lɛ ɛ̄nyā pó ā, é bī iyē kú Óndú Ujísɔ̄si lɛ ubatísim yá uwā. 6Anɔ́ɔ eko nɛ̄ Upɔ́lu lɛ abɔ̄ ce uwá ɛyí ā, Alelékwū Ihɔ gā ipú uwā. Anɔ́ɔ é ka ucē alɛwa, klla tɔ́ɔna kú olɛhɔ̄ kú Ɔwɔicō. 7Odúúdú uwā lɛbɛ̄ɛka igwɛ́ɛpa ā.
Upɔ́lu yɔ̄ ajɛ Ɛ́fēsɔsi
8Upɔ́lu le ɔtū lɛ gē kɛlā pāālā lɛ ācɛ ā, yɔ̄ ī mīya ɛlā mla uwá klla yɔ̄ ī cēyītīkwū kóō lɛ ācɛ ā ɔtū pīya tá ajɔ̄ɔ̄cɛ́ kú Ɔwɔicō. 9Amáŋ ācɛ ōhī kú uwā gbɔɔ́ ō yíkpɛ̄yí olɔfú, anɔ́ɔ é tá kéē cɛ̄ɛ̄lā ā, é kē kɛlā obɔ̄bí kú ɔwɛ kú oyēeyī nɛ̄ Óndú ā mafú ā ipéēyī ójīla ā. Upɔ́lu nyɛ̄ɛ̄ ŋmá ɛgiyí uwā le ācocɛ̄lɔ̄wɔicō ā kpó nyɛ̄ɛ̄. Anɔ́ɔ ó gbɔɔ́ ō tɔ́ɔna kú ɛlɔ̄ɔwɔicō ɛ̄cī dóódu ipú inu nɛ̄hi kú Utáyīrānɔsi. 10Upɔ́lu yá ɛ̄nyā lɛ ā iháyí ɛpa, cɛ́ɛ́ kú odúúdú ācɛ nēe lā ajɛ kú Ésīya ā, ācɛ Ujíyu mɛ́mla aílɔ́wá, kéē lɛ olɛhɔ̄ lɛyíkwu Óndú ā pó.
Ayínɔ̄nyīlɔ kú Usikífa
11Ɔwɔicō le ɔfú nɛ̄hi je lɛ Upɔ́lu kóō yúklɔ́ ō hídáagó ɛyɛ́ɛyɛ́yí. 12É kōō kpó adíkonyeyī mla īlī úklɔ́ nōo lɛ iyē kwu ɔ́ iyē ce ācɛ odōcē ā iyē. Ōcē kú uwā ā kē ī mɛ, aálelékwū obɔ̄bí kē le bɛ̄cɛ ŋmá ipú uwā. 13Anɔ́ɔ ācɛ Ujíyu ōhī nēe gē yɛ ɔlɔ́ɔ́lɛ́ gē nū alelékwū obɔ̄bí tɛ́ɛcɛ ŋmá ipú ācɛ ā, tíne ō bī iyē kú Óndú Ujísɔ̄si ā le yá ɛ́gɔ́ɔmā dúú á. É gē ka lɛ alelékwū obɔ̄bí ā kahíníī, “N je ɔ́da lɛ aá ŋmá iyē kú Ujísɔ̄si nɛ̄ Upɔ́lu gē tɔ́ɔna nū ā.” 14Ayínɔ̄nyīlɔ ahāapa kú otrɛ̄yí kú ācogwɛ́ɛya kú ācɛ Ujíyu éyi, nēé hī ka Usikífa, bá gē je ɔ́da lɛ alelékwū obɔ̄bí kéē le bɛ̄cɛ. 15Amáŋ alelékwū obɔ̄bí ā tá uwā ohi kahíníī, “Ujísɔ̄si ā n jé ɔ̄, Upɔ́lu ā n kē jé ɔ̄ dúú, amáŋ aá ā wɛ ānyɛ nɛ?” 16Anɔ́ɔ ɔ̄cɛ nɛ̄ alelékwū obɔ̄bí yɔ̄ ipú nū ā lɛ ómbli tá kwu uwá, ɔfú kú nū le fíyɛ́ ákú uwā. Ó lɛ uwá yálé, lɛ uwá tóhɛ́ɛwa klla lɛ uwá yágbe, anɔ́ɔ é le inya kwu bɛ̄cɛ ŋmá ipú inu ɔlɛ́ nū á. 17Ɛjɛ̄ɛ̄jī ācɛ Ujíyu mɛ́mla aílɔ́wá nēe bá Ɛ́fēsɔsi ā le ɔdā nōo yá nyā pó, anɔ́ɔ ufi gbɔɔ́ ō yá ɛjɛ̄ɛ̄jī uwā á. Anɔ́ɔ é wóófu iyē kú Óndú Ujísɔ̄si á. 18Ācɛ alɛwa nēe cɛ̄lɔ̄ɔwɔicō ā le pɛ́ wā gaá lɛ ɔdōbɔ̄bí nēe húmáyī ī yá ā kpó ka tɛ́ɛcɛ. 19Ācɛ alɛwa nēe gē yímabɔ̄ ā lɛ ɔkpá kú uwā kpó tɔ̄há, lɛ uwá tɔ̄lá iyɔ̄bū ācɛ dóódu. Eko nēé lɛ ije nēé lá aɔ́kpá ā gbaáluka ā, ó lɛbɛ̄ɛka ɛkpa égō nɛhɛ́ #19.19 Ikpo égō éyi wɛ ije úklɔ́ ɛci kú ācɛ o yúklɔ́ igelī ofɛpa cigwó ā. 20Anɔ́ɔ ācɛ alɛwa gbɔɔ́ ō pó olɛhɔ̄ lɛyíkwu Óndú ā ohígbū ɔdā o yēeyījii nōo yá ā.
21Eko nɛ̄ ɔdā nēe bá ā le yá kwɛyí ā, Alelékwū Ihɔ ā yá ká Upɔ́lu kóō lɛ ŋmótū ipú ɔtū#19.21 Amáŋ alelékwū bī ɔ tá o miya. kú nū ka anúɔ géē yɛ bū Umasɛdónīya mɛ́mla Akáya ga Ujerúsālɛm. Anɔ́ɔ ó kahíníī, “Eko nɛ̄ n le yɛ ga abɔ́ɔ ɛɛ́, n géē ga Uróm dúú.” 22Ó le Utímōti mɛ́mla Erástɔ̄si, nēe wɛ ācɛ ɛpa kú ācɛ nēe gē tá ɔ̄ abɔ̄ ā tɛ̄hɔ̄ ga Umasɛdónīya, anú abɔ̄yī nū klá Ésīya ɛ̄cī alɛwa kpɔ́.
Unu ēgidi ajɛ kú Ɛ́fēsɔsi
23Ɛpléeko nyā nɛ̄ ikpɛ́lā nɛ̄hi yɔ̄ ipú Ɛ́fēsɔsi ohígbū ɔwɛ nɛ̄ Óndú ā mafú ā á. 24Ohígbū ka ɔ̄cɛ éyi nēé hī ka Udemítrīyɔsi, onɔwa oje nɛ̄hɛ́, ó gē bī oje nɛ̄hɛ́ gē le yá áklɔ̄kpɛ kú Átɛ̄misi. Úklɔ́ kú nū ā gē bī ije nɛ̄hi gé lɛ ācoyúklábɔ̄ ā. 25Anɔ́ɔ ó lɛ ācɛ nēe bá ā kpó tɔ̄há mɛ́mla ācɛ ɔhá nēe gē yá ɛdɔ úklɔ́ ékpó ɔ́ɔmā á. Anɔ́ɔ ó kahíníī, “Aklóbīya, aá jé ka o ŋmá úklɔ́ nyā nɛ̄ alɔ gē lɛ agbénú á. 26Aá abɔ̄ aá le má, klla kē le pó kóō wɛ ajɛ Ɛ́fēsɔsi ōfōōfūnū ŋ́, amáŋ ɔ́ɔmā lé ka ajɛ Ésīya dúúdú nɛ̄ Upɔ́lu yɛ gē pīya ācɛ alɛwa ɔtū klla lɛ uwá kpó gē da uwá ka ɔwɔ nēé bī abɔ̄ yā ā, í wɛ ɔwɔ ŋ́ má. 27Ó kē bɔ̄bí ka ācɛ kéē ka ɛlā obɔ̄bí lɛyíkwu úklɔ́ kú alɔ nyā. Ó wɛ ɔ́ɔmā ōfōōfūnū ŋ́, amáŋ ācɛ géē gbɛlá ka agbla kú ɔwɔ nɛ̄hi kú ɔ̄nyā Átɛ̄misi ā í cɛgbá gɛ ŋ́, ācɛ klla kē í je ɔwɔ nɔ̄nyā nɛ̄hi nɛ̄ odúúdú Ācɛ Ésīya mɛ́mla ɛcɛ dúúdú gē gbā ɔ̄ ɛ̄gbā ā ka ɔdā ɛflɛ́ɛfu, é kē í nyí ɔ̄ ojīlīmā!”
28Eko nɛ̄ ɛwa ā le ɛ̄nyā pó ā, ɔtū le wú uwā nɛ̄hi, anɔ́ɔ é gbɔɔ́ ō dɛ̄gba kahíníī, “Átɛ̄misi kú ācɛ Ɛ́fēsɔsi nwunééné á!” 29Eko kpií, ācɛ le hútú gbɔɔ́ ō dɛ̄gba ɛga dóódu kú igelī ā. Egidi ā nyɔ̄ gaá le Ugayíyɔsi mɛ́mla Arístākɔsi ācɛ Umasɛdónīya ɛpa nēe bá yɔ̄ ī yɛ mla Upɔ́lu ā kpó kwú, anɔ́ɔ é le uwá kpó pi abɔ̄fú fíya ga ɛga ōjīla kú ācɛ kú igelī nɛ̄hi ā. 30Upɔ́lu tíne kóō ga ipú ɛwa ā, amáŋ ācocɛ̄lɔ̄wɔicō ā í kē cɛ̄ lɛ ɔ́ nyɔ̄ ŋ́. 31Ācɛ ōhī kú ācɛ ojīlīmā kú ajɛ Ésīya nēe wɛ aóklóbīya nū ā, lɛ ɛhɔ̄ tū fu ɔ́ gē ba ɔ́ kóō jámá nyɔ̄ í kɛlā le ójila ā ŋ́. 32Ācɛ ōhī ipú ɛwa ā dɛ̄gba je ɔkɔ gicō, ācɛ ɔhá dɛ̄gba je ɔkɔ wā ajɛ. Ohígbū ka útú nɛ̄hi le hɛ́ ipú ójila ā, alɛwa kú uwā í kōō je ɔdā nōo yá nēé jīla tɔ̄há ā ŋ́. 33Ācɛ ōhī kú ɛwa ā le ŋmótu ipú ɔtū kú uwā ka Alesáŋda nɛ̄ ācɛ Ujíyu fu ā, ɔ́ɔ jé odée lɛyíkwu ɔdā nōo yá ā, abɔ̄ é cē ɔ̄ gbɔɔ́ gbɔɔ́ ga iyɔbū ā. Anɔ́ɔ Alesáŋda yá uwā abɔ̄ pɛɛ, abɔ̄ ó tíne kóō kɛlā lɛ uwá ohígbū ācɛ ā. 34Amáŋ abɔ̄ é le jé ka ɔ́ɔ wɛ ɔ̄cɛ Ujíyu ā, é gbɔɔ́ ō dɛ̄gba kpó anɔ́ɔ áwa ɛpa nááná é bá ī dɛ̄gba yɔ̄ ī kɛlā ékpó ā kahíníī, “Átɛ̄misi kú ācɛ Ɛ́fēsɔsi nwunééné á!” 35Igbīhāajɛ ɔmálɛ kú igelī nɛ̄hi ā le ɛwa ā tllá, anɔ́ɔ ó kahíníī, “Ācɛ kú Ɛ́fēsɔsi! ɛjɛ̄ɛ̄jī ācɛ jé ka igelī nɛ̄hi kú Ɛ́fēsɔsi wɛ ɛga nēé gē leyīkwu agbla kú Átɛ̄misi nɛ̄hi mɛ́mla ɛcɔ̄ elihɔ nōo míya wāajɛ ŋmá ɔkpáncō nɛ̄ ācɛ gē gbā ɔ̄ ɛ̄gbā ā. 36Ɛ́gɛ́nɛ̄ ɔdā nēe bá ā í tōō híhó uwā ŋ́ má, ó cíkā ka aá bá cíí, ká aá yá ɔdā icííci dúúmā nɛ̄ unu egidi kú ācɛ gē nu ŋ́. 37Aá lɛ ācɛ nēe bá ā kpó wā amānyā, nááná nēé kpó ɔdā dúú uwī ŋmá ipú agbla ŋ́ mā, é klla kē kɛlā obɔ̄bí lɛyíkwu ɔwɔ nɔ̄nyā kú alɔ ŋ́. 38Ɔ́dāŋ́ ka Udemitríyɔ̄si mɛ́mla ācɛ nēe gē yúklɔ́ mla anú ā lɛ odée nēé bī lɛyíkwu ɔ̄cɛ dúúmā, inɛ̄pɔ̄ le nwūla bá abɔ́ɔ á, aɔ́cɛ́ ō hɛ́pɔ̄ ā lɔfú mīyɛ ɛpɔ̄ ā bōōbū glá. É lɔfú kpó ɛlā ce uwá abɔ́ɔ. 39Amáŋ ɔ́dāŋ ka ɔdɔ̄há yɔ̄, nɛ̄ aá ī dɔɔ̄kā, é géē ka ɔ́ gwó ipú ójīla ɔlamu. 40Ufi ī yá um ohígbū kóō í bɔ̄bí lɛ alɔ kéē le ɛlā kpó ce alɔ ka alɔ ī dɔɔ̄kā ō cīlɛ̄fú, alɔ í kē gáā má ɔkɔ olɔhi ka nóó n.” 41Eko nōó lɛ ɛ̄nyā ka kwɛyí ā, ó da ójila ā kéē lɛ kābɔ̄.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma