Pristayeri 7
7
Saɗakar Ntə Biku
1“Nayeri ni an tsawayeri na ata kəra saɗakar ntə biku, tsa an ɓɗakkarkara. 2Mda ata tsi mwaɓi ar saɗakar ntə biku tsu akwa vəi natə mda ana tsi mwaɓiyir saɗaka mbamba. Antə mda ata pshingkər mamshir mwaɓi ni ata shanga tenga bagaɗi ni. 3Prist ni ata hamta shanga malər mwaɓi ni na ku paktə ka malər kurari, ka mal na hartə kari kutari ata bagaɗi saɗaka. 4Tsuwa tsa ata hamta kulshayeri na suɗa ka mal na ata kəra ɗa, ka bwa na ɓɗakta shang ar mir. 5Prist ni ata mbamta ɗa purəm ata bagaɗi saɗaka apa sur hamta na atar u'u. Tsa an saɗakar ntə biku. 6Saɗakar shwalatədzi ngəni an ɓɗakkarkara. Antə tar pristayeri an ata səmari, tsuwa tar ka da səma akwa Vəi na Ɓɗakkarkara. 7Saɗakar ntə biku an tsu apa Saɗakar kiɗə tifəmta biku, lakur hara ɗa duku. Prist na hamta saɗaka ni an ata kətə kumari. 8Prist na hamta saɗaka mbamba ar kəlara mda an ata fatə kəsəmər mwaɓi ni aka kərari. 9Kəlara saɗakar mthli natə mdə ku bwa akwa mbwar ɓwa buradi, wala akwa tughum, wala na akwa hahəi sul su, wala ata wayar ptsa kum ata ndzi aka prist na hamta saɗaka ni. 10Amma kəlara saɗakar mpur mthli damwa, wala natə mdə ku hərtə ka mal wala na kula həra, ata ndzi aka pristayeri na akwa nyarmbwar Haruna. Da ata ndəkəyari kalkal akwa daɓwa ɗa.”
Saɗakayeri Damwa Na Ar Shwalatədzi
11“Nayeri ni an tsawayeri ar saɗakar jakə mwardzi natə mda ata hamtari ali, I na MTHLAKU. 12Ma mda ata hamta saɗaka ngəni apa saɗaka ar usar Hyel, antə tar ka tsa paktə ata kəma duku ka kər buradiyeri, ka biskitu, ka kek tə mdə hara ɗa ka mal zaitun amma kula yist. 13Tsuwa tsa ata paktə saɗakar jakə mwardzi kamnyar usar Hyel ni ka kər buradiyeri natə mda ɓwa ka yist ka tsa pudza aka kər buradiyeri na kula yist ni. 14Tsa ata kəɓəla kər pal akwa kəlara jili su tə tsa ɓwatə ni ka hamta ni apa sur cauta ali. Da ata ndzi aka prist na kətə mamshir mwaɓi saɗakar jakə mwardzi ka pshingkər ata bagaɗi saɗaka ni. 15Antə kum na mbiləmta aka mdər hamta saɗakar jakə mwardzi kamnyar usar Hyel ni, tar ka mdə ɓɗəmnya tsu vir tə mdə hamta saɗaka ni. Mda aɗi ata zhar kum ni ka tsa pi wa. 16Amma ma mdə na səntə kumər saɗakar jakə mwardzi arni kamnyar nghyaɓəla alkawal, wala sur hamtar hirər ɗəffu, mda ata mzhi səmari vir nda, na ku mbiləmta mda ata səmari səɓəla ɗəpari. 17Amma ma har kum ni ku hara vir makər antə tar ka mdə mbamta ni. 18Ma mdə ku ɓɗə kum ngəni akwa vir na makərkur antə I na MTHLAKU aɗi ata dlu ni wa. Saɗaka ni ata ndzi kula ampani, tsa ata ndzi sur cika. Antə kəlara mdə na ku ɓɗə kum ni ata wuta asarari. 19Ma kum ngəni ku paktədzi ka kəlara su na dlimbur, mda aɗiya səm wa. Ka mda mbamta ka u'u. Ma kum na aɗi ɓzə wa kəlara mdə na kəcəkəcari ata mzhi səmari. 20Amma kəlara mdə na dlimbur na ku ɓɗə kum ar saɗakar jakə mwardzi ni, mda ata kədləɓəla ni kazhar nca mjirna. 21Tsuwa ma mdə na ku tsəkwar su na dlimbur, wala mda, wala mwaɓi, wala kəlara sur cika, ka ɓɗə kumər saɗakar jakə mwardzi ni, mda ata kədləmta ni kazhar nca mjirna.”
22MTHLAKU ku pəla aka Musa, 23“Pəla aka mjir Israila abbər ‘Giri aɗiya səm malkum ar thla, wala təma wala kwi wa. 24Mal kumər mwaɓi na mti dlipa wala natə kum mtaku an tsi ni, mda ata mzhi hara kəthlər kəgari akwa laku damwa, amma mda aɗiya səm wa. 25Kamnyar kəlara mdə na ku səm malkumər mwaɓi natə mdə ku hamta saɗaka mbamba ali kəgari, mda ata kədləɓəla ni kazhar nca mjirna Israila. 26Kəlara vəi madi tə giri ata ndzəndzi akwa, giri aɗiya səm mamshir ɗika wala mwaɓi wa. 27Kəlara mdə na ku səm mamshi, mda ata kədləɓəla ni kazhar nca mjirna Israila.’ ”
Bwar Saɗaka Natə Mda Ɗəmha Aka Pristayeri
28Antə MTHLAKU pəla aka Musa, 29“Pəla aka mjir Israila abbər, ‘Ma giri ata səntə saɗakar jakə mwardzi ar giri ali, antə tar ka giri səntə saɗakar jakə mwardzi ni aka prist. 30Antə ma giri ata bara hamta saɗakar susəm ni ali, tar ka giri səntə ka tsiya giri. Ka giri sənta malkumari ka kərathla mwaɓi ni, ka giri hamta kərathlə ni apa sur cauta na ɓɗakkarkara ali. 31Antə prist ata mbamta mal ni ata bagaɗi saɗaka, amma kərathlə ni ata ndzi aka pristayeri. 32Ga ata kətə kiɗari na abwa mazəm ka hamta aka prist 33na akwa nyarmbwar Haruna na ata hamta mamshi ka malkum ar saɗakar jakə mwardzi ni. 34Kamnyar I ku ɗəmha abbər ka mjir Israila hamta kərathlu ka kiɗə mwaɓi na abwa mazəm ar saɗakar jakə mwardzi ni aka prist. Da ata ləkəma ka hamta su nayeri ni aka prist. 35Ngəni an bwa natə mdə ku kəɓəla akwa susəma natə mdə ku hamta ali ka hamta aka Haruna kəga maɗa'ni vir tə mdə pwi ɗa pristayeri. 36Ngəni an tsawu natə I na MTHLAKU ku hamta aka shanga mjir Israila. Antə da ata hamta su nayeri ni aka prist baɗitə tsu akwa vir tə mdə pwi ɗa ka da ndzi prist har ka ləkəma.’ ” 37Nayeri ni an tsawayeri na ata kəra saɗaka mbamba, saɗakar mthli, saɗakar kiɗə tifəmta biku, saɗakar ntə biku, hamta kəthlər pristkur aka mda, ka saɗakar jakə mwardzi. 38MTHLAKU ku hamta tsawayeri ngəni aka Musa ata kəra Gar Sinai, vir tə tsa pəla aka mjir Israila ka da baɗitə səntə saɗakayeri arɗa.
Currently Selected:
Pristayeri 7: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Pristayeri 7
7
Saɗakar Ntə Biku
1“Nayeri ni an tsawayeri na ata kəra saɗakar ntə biku, tsa an ɓɗakkarkara. 2Mda ata tsi mwaɓi ar saɗakar ntə biku tsu akwa vəi natə mda ana tsi mwaɓiyir saɗaka mbamba. Antə mda ata pshingkər mamshir mwaɓi ni ata shanga tenga bagaɗi ni. 3Prist ni ata hamta shanga malər mwaɓi ni na ku paktə ka malər kurari, ka mal na hartə kari kutari ata bagaɗi saɗaka. 4Tsuwa tsa ata hamta kulshayeri na suɗa ka mal na ata kəra ɗa, ka bwa na ɓɗakta shang ar mir. 5Prist ni ata mbamta ɗa purəm ata bagaɗi saɗaka apa sur hamta na atar u'u. Tsa an saɗakar ntə biku. 6Saɗakar shwalatədzi ngəni an ɓɗakkarkara. Antə tar pristayeri an ata səmari, tsuwa tar ka da səma akwa Vəi na Ɓɗakkarkara. 7Saɗakar ntə biku an tsu apa Saɗakar kiɗə tifəmta biku, lakur hara ɗa duku. Prist na hamta saɗaka ni an ata kətə kumari. 8Prist na hamta saɗaka mbamba ar kəlara mda an ata fatə kəsəmər mwaɓi ni aka kərari. 9Kəlara saɗakar mthli natə mdə ku bwa akwa mbwar ɓwa buradi, wala akwa tughum, wala na akwa hahəi sul su, wala ata wayar ptsa kum ata ndzi aka prist na hamta saɗaka ni. 10Amma kəlara saɗakar mpur mthli damwa, wala natə mdə ku hərtə ka mal wala na kula həra, ata ndzi aka pristayeri na akwa nyarmbwar Haruna. Da ata ndəkəyari kalkal akwa daɓwa ɗa.”
Saɗakayeri Damwa Na Ar Shwalatədzi
11“Nayeri ni an tsawayeri ar saɗakar jakə mwardzi natə mda ata hamtari ali, I na MTHLAKU. 12Ma mda ata hamta saɗaka ngəni apa saɗaka ar usar Hyel, antə tar ka tsa paktə ata kəma duku ka kər buradiyeri, ka biskitu, ka kek tə mdə hara ɗa ka mal zaitun amma kula yist. 13Tsuwa tsa ata paktə saɗakar jakə mwardzi kamnyar usar Hyel ni ka kər buradiyeri natə mda ɓwa ka yist ka tsa pudza aka kər buradiyeri na kula yist ni. 14Tsa ata kəɓəla kər pal akwa kəlara jili su tə tsa ɓwatə ni ka hamta ni apa sur cauta ali. Da ata ndzi aka prist na kətə mamshir mwaɓi saɗakar jakə mwardzi ka pshingkər ata bagaɗi saɗaka ni. 15Antə kum na mbiləmta aka mdər hamta saɗakar jakə mwardzi kamnyar usar Hyel ni, tar ka mdə ɓɗəmnya tsu vir tə mdə hamta saɗaka ni. Mda aɗi ata zhar kum ni ka tsa pi wa. 16Amma ma mdə na səntə kumər saɗakar jakə mwardzi arni kamnyar nghyaɓəla alkawal, wala sur hamtar hirər ɗəffu, mda ata mzhi səmari vir nda, na ku mbiləmta mda ata səmari səɓəla ɗəpari. 17Amma ma har kum ni ku hara vir makər antə tar ka mdə mbamta ni. 18Ma mdə ku ɓɗə kum ngəni akwa vir na makərkur antə I na MTHLAKU aɗi ata dlu ni wa. Saɗaka ni ata ndzi kula ampani, tsa ata ndzi sur cika. Antə kəlara mdə na ku ɓɗə kum ni ata wuta asarari. 19Ma kum ngəni ku paktədzi ka kəlara su na dlimbur, mda aɗiya səm wa. Ka mda mbamta ka u'u. Ma kum na aɗi ɓzə wa kəlara mdə na kəcəkəcari ata mzhi səmari. 20Amma kəlara mdə na dlimbur na ku ɓɗə kum ar saɗakar jakə mwardzi ni, mda ata kədləɓəla ni kazhar nca mjirna. 21Tsuwa ma mdə na ku tsəkwar su na dlimbur, wala mda, wala mwaɓi, wala kəlara sur cika, ka ɓɗə kumər saɗakar jakə mwardzi ni, mda ata kədləmta ni kazhar nca mjirna.”
22MTHLAKU ku pəla aka Musa, 23“Pəla aka mjir Israila abbər ‘Giri aɗiya səm malkum ar thla, wala təma wala kwi wa. 24Mal kumər mwaɓi na mti dlipa wala natə kum mtaku an tsi ni, mda ata mzhi hara kəthlər kəgari akwa laku damwa, amma mda aɗiya səm wa. 25Kamnyar kəlara mdə na ku səm malkumər mwaɓi natə mdə ku hamta saɗaka mbamba ali kəgari, mda ata kədləɓəla ni kazhar nca mjirna Israila. 26Kəlara vəi madi tə giri ata ndzəndzi akwa, giri aɗiya səm mamshir ɗika wala mwaɓi wa. 27Kəlara mdə na ku səm mamshi, mda ata kədləɓəla ni kazhar nca mjirna Israila.’ ”
Bwar Saɗaka Natə Mda Ɗəmha Aka Pristayeri
28Antə MTHLAKU pəla aka Musa, 29“Pəla aka mjir Israila abbər, ‘Ma giri ata səntə saɗakar jakə mwardzi ar giri ali, antə tar ka giri səntə saɗakar jakə mwardzi ni aka prist. 30Antə ma giri ata bara hamta saɗakar susəm ni ali, tar ka giri səntə ka tsiya giri. Ka giri sənta malkumari ka kərathla mwaɓi ni, ka giri hamta kərathlə ni apa sur cauta na ɓɗakkarkara ali. 31Antə prist ata mbamta mal ni ata bagaɗi saɗaka, amma kərathlə ni ata ndzi aka pristayeri. 32Ga ata kətə kiɗari na abwa mazəm ka hamta aka prist 33na akwa nyarmbwar Haruna na ata hamta mamshi ka malkum ar saɗakar jakə mwardzi ni. 34Kamnyar I ku ɗəmha abbər ka mjir Israila hamta kərathlu ka kiɗə mwaɓi na abwa mazəm ar saɗakar jakə mwardzi ni aka prist. Da ata ləkəma ka hamta su nayeri ni aka prist. 35Ngəni an bwa natə mdə ku kəɓəla akwa susəma natə mdə ku hamta ali ka hamta aka Haruna kəga maɗa'ni vir tə mdə pwi ɗa pristayeri. 36Ngəni an tsawu natə I na MTHLAKU ku hamta aka shanga mjir Israila. Antə da ata hamta su nayeri ni aka prist baɗitə tsu akwa vir tə mdə pwi ɗa ka da ndzi prist har ka ləkəma.’ ” 37Nayeri ni an tsawayeri na ata kəra saɗaka mbamba, saɗakar mthli, saɗakar kiɗə tifəmta biku, saɗakar ntə biku, hamta kəthlər pristkur aka mda, ka saɗakar jakə mwardzi. 38MTHLAKU ku hamta tsawayeri ngəni aka Musa ata kəra Gar Sinai, vir tə tsa pəla aka mjir Israila ka da baɗitə səntə saɗakayeri arɗa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.