Pristayeri 2
2
Saɗakar Mthli
1Ma ga ata hamta saɗakar mthli ali, antə tar ka gə hadli ni ɓɗaku kambəla ga pungkər malər Zaitun ka sur shiwura na msəra, 2ka gə mwanta aka pristayeri na akwa nyarmbwar Haruna. Antə pal akwa nca pristayeri ni ata kətsə mpu ni kuta tsi pal ka tsa hərtə ka mal ka sur shiwura na msəra ni, ka mbamta ata bagaɗi. Tsa an saɗaka mbamba swakti ka shiwur na msəra natə I ata dluwari ka kucali. 3Antə mambila mpur saɗaka ni ata ndzi aka pristayeri ni, tsa ata ndzi ɓɗakkarkara kamnyar tə tsa an bwadukwa susəma natə mdə ku hamta ali.
4Ma ga ata hamta saɗaka mbamba ar nga ka buradi, antə tar ka tsa ndzi mpu na liktikti, hərhərari ka malər zaitun, kula yist akwa. Ga ata mzhi ɓwatə ni akwa mbwar ɓwa buradi apa kek, wala apa biskitu tə mdə fəi ka mal zaitun. 5Tsuwa ma ga ata hamta saɗakar nga ka buradi tə ga ɓwa akwa mbwar ɓwa buradi, antə tar ka gə ɓwa ka mpur mthli na liktikti, ka hərtə ka mal zaitun, amma kula yist. 6Ka gə ɓushirəmta ni miɗiɗi kara pungkər mal.
7Ma ga ata hamta saɗakar nga ka buradi tə ga ɓwa ata hahəi sul su antə tar ka gə namtə ni ka mpu na liktikti ka gə paktə ka mal zaitun. 8Kara səntə kəlara saɗakar nga ar mthli natə mdə ku hara ka su nayeri ni aka prist, antə tsa ata hamta ni ata bagaɗi ali. 9Antə prist ni ata kəɓəla bwa laga apa sur seɗa na ata ncanta abbər tsa ku hamta ɗa shang aka MTHLAKU, ka mbamta ata bagaɗi. Tsa an saɗaka mbamba swakti ka shiwur na msəra natə I ata dluwari ka kucali. 10Antə mambila saɗakar mthli ni ata ndzi aka pristayeri. Tsa ku ndzi ɓɗakkarkara kamnyar tə mdə ku kəɓəla akwa su tə mdə ku hamta ali.
11Akwa kəlara saɗaka ar mthli tə giri ata hamtari aka MTHLAKU, giri aɗi ata pu yist wa. Kamnyar mda aɗi ata ɗar mba yist wala cirməma ata bagaɗi ali wa. 12Giri ata mzhi hamta aka MTHLAKU yist ka cirməma apa yarakəmar sur fakəu ata saka laga zum. Amma giri aɗiya mbamta ata bagaɗi apa sur shiwura na msəra wa. 13Ka giri pu una akwa kəlara saɗakar mthli, kamnyar tə una ndzi apa alkawal na akwa daɓwa giri ka iya. Antə tar ka giri pu una akwa shanga saɗakayeri ar giri.
14Ma giri ata hamta saɗakar yarakəmar mthli aka MTHLAKU ka giri hamta sanggam mthli ptsaptsa tə mdə thladləri. 15Ka giri pungkər mal zaitun ka sur shiwur na msəra, kamnyar tsa an saɗaka ar mthli. 16Prist ni ata kəɓəla bwa laga akwa mthli ptsaptsa tə mdə paktə ka mal zaitun, ka sur shiwura na msəra ni, ka mbamta apa saɗaka ali.
Currently Selected:
Pristayeri 2: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Pristayeri 2
2
Saɗakar Mthli
1Ma ga ata hamta saɗakar mthli ali, antə tar ka gə hadli ni ɓɗaku kambəla ga pungkər malər Zaitun ka sur shiwura na msəra, 2ka gə mwanta aka pristayeri na akwa nyarmbwar Haruna. Antə pal akwa nca pristayeri ni ata kətsə mpu ni kuta tsi pal ka tsa hərtə ka mal ka sur shiwura na msəra ni, ka mbamta ata bagaɗi. Tsa an saɗaka mbamba swakti ka shiwur na msəra natə I ata dluwari ka kucali. 3Antə mambila mpur saɗaka ni ata ndzi aka pristayeri ni, tsa ata ndzi ɓɗakkarkara kamnyar tə tsa an bwadukwa susəma natə mdə ku hamta ali.
4Ma ga ata hamta saɗaka mbamba ar nga ka buradi, antə tar ka tsa ndzi mpu na liktikti, hərhərari ka malər zaitun, kula yist akwa. Ga ata mzhi ɓwatə ni akwa mbwar ɓwa buradi apa kek, wala apa biskitu tə mdə fəi ka mal zaitun. 5Tsuwa ma ga ata hamta saɗakar nga ka buradi tə ga ɓwa akwa mbwar ɓwa buradi, antə tar ka gə ɓwa ka mpur mthli na liktikti, ka hərtə ka mal zaitun, amma kula yist. 6Ka gə ɓushirəmta ni miɗiɗi kara pungkər mal.
7Ma ga ata hamta saɗakar nga ka buradi tə ga ɓwa ata hahəi sul su antə tar ka gə namtə ni ka mpu na liktikti ka gə paktə ka mal zaitun. 8Kara səntə kəlara saɗakar nga ar mthli natə mdə ku hara ka su nayeri ni aka prist, antə tsa ata hamta ni ata bagaɗi ali. 9Antə prist ni ata kəɓəla bwa laga apa sur seɗa na ata ncanta abbər tsa ku hamta ɗa shang aka MTHLAKU, ka mbamta ata bagaɗi. Tsa an saɗaka mbamba swakti ka shiwur na msəra natə I ata dluwari ka kucali. 10Antə mambila saɗakar mthli ni ata ndzi aka pristayeri. Tsa ku ndzi ɓɗakkarkara kamnyar tə mdə ku kəɓəla akwa su tə mdə ku hamta ali.
11Akwa kəlara saɗaka ar mthli tə giri ata hamtari aka MTHLAKU, giri aɗi ata pu yist wa. Kamnyar mda aɗi ata ɗar mba yist wala cirməma ata bagaɗi ali wa. 12Giri ata mzhi hamta aka MTHLAKU yist ka cirməma apa yarakəmar sur fakəu ata saka laga zum. Amma giri aɗiya mbamta ata bagaɗi apa sur shiwura na msəra wa. 13Ka giri pu una akwa kəlara saɗakar mthli, kamnyar tə una ndzi apa alkawal na akwa daɓwa giri ka iya. Antə tar ka giri pu una akwa shanga saɗakayeri ar giri.
14Ma giri ata hamta saɗakar yarakəmar mthli aka MTHLAKU ka giri hamta sanggam mthli ptsaptsa tə mdə thladləri. 15Ka giri pungkər mal zaitun ka sur shiwur na msəra, kamnyar tsa an saɗaka ar mthli. 16Prist ni ata kəɓəla bwa laga akwa mthli ptsaptsa tə mdə paktə ka mal zaitun, ka sur shiwura na msəra ni, ka mbamta apa saɗaka ali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.