Pristayeri 16
16
Sur Hara Akwa Vir Na Ola Ar Kiɗə Tifəmtar Biku
1MTHLAKU ku pəla aka Musa aghəla mtər maɗashili suɗa ar Haruna sakatə da shahədzi kudzəha akəma MTHLAKU ka mta. 2Tsa pəla, “Kara tsaktə ɓzərma nga Haruna abbər tsa aɗiya ləkəma ka ləkwa Vəi na Ɓɗakkarkara na abwahila lapəli, na akəma sur hartə kəra Akwati Alkawal ni kəlara sakatə tsa hir wa. Ma tsa ku kar ka hara tsa ata mta. Kamnyar tə I ata wutədzi akwa dlamba ata kəra sur hartə mnya Akwati Alkawal na anda ni. 3Tar akwa laku ngəni antə tsa ata mzhi ləkwa Vəi na Ɓɗakkarkara ni: ma sakatə tsa səntə ɓzər gyalər ciɓa kamnyar saɗakar kiɗə tifəmta biku, ka ma tsa səntə gam kamnyar saɗaka mbamba.” 4Akəmata Haruna amwari akwa Vəi na Ɓɗakkarkara ni, tar ka tsa pəra ka tsa hatə kari pristkur na an ləptu ka hwandau ar lilin, sur mbwa kusar, ka sur barkər. 5Mjir Israila ata hamta nciwa suɗa aka Haruna kamnyar saɗakar kiɗə tifəmta biku ka gam pal kamnyar saɗaka mbamba. 6Haruna ata hamta gyal kamnyar saɗakar kəcə bikərni ka bikər mjir kutakəyirni. 7Antə tsa ata səntə nciwayeri na suɗə ni akəma MTHLAKU anyarmbwar tentər tsaptədzi. 8Antə Haruna ata ndzəlsu ka pelayeri ata nciwayeri na suɗa, pal kamnyar MTHLAKU ka na palari kamnyar Azazel. 9Haruna ata səntə nciwu natə mdə carɓəla ali, kamnyar ka mdə hamta saɗakar kiɗə tifəmta biku kəgari. 10Amma nciwu natə mdə ku carɓəla abbər tsa ar Azazel ni mda ata səntə ni ka hamta ni ka mpika ali. Mda ata psi ni ka tsa təra ləkwa mtaku adzə Azazel kamnyar ka tsa kələmta bikər mji. 11Antə Haruna ata hamta gyal ar saɗakar kiɗə tifəmtar biku, ka kiɗə kəi kələmta alari bikərni ka ar kutakəyirni. 12Tsa ata kətə hahəi nghyinghyari ka hakthlir u'u ata bagaɗi saɗaka ka paktə ka tulari ɗuza natə mdə hadli ɓɗaku laga kuta tsiyari suɗa ka tsa ləmbwa kəgari akwa Vəi na Ɓɗakkarkara.
13Tsa ata putə tulari ɗuza ni ata u'u ali, antə ɗer ar tulari ɗuza ni ata hartə sur hartə mnya Akwati Alkawal ni ta tsa awutə ka mta. 14Prist ata kətsə mamshir gyal ni ka kulengari ka pshingkər ata kəra sur hartə mnya Akwati Alkawal ni, antə mamshi na ku mbili tsa ata pshitə bwakəma Akwati Alkawal ni kəgari ka murfa. 15Aghəla nda tsa ata tsi nciwur saɗakar kiɗə tifəmta biku aka mji, ka səntə mamshari akwa Vəi na kudzəha ta shang ka Akwati Alkawal. Tsa ata pshingkər mamshari ni ata kəra sur hartə mnya Akwati Alkawal ni ka abwakəmari. 16Akwa laku ngəni antə tsa ata kəcimta bikər Vəi na Ɓɗakkarkara ni, kamnyar dlimburkur ka bikər mjir Israila. Tsuwa tsa ata hara tsu apani kamnyar kəcimta bikər tentər tsaptədzi na ata kuta di. 17Akwa sakatə Haruna ata ləkwa Vəi na Ɓɗakkarkara ni mda aɗi na ata ndzi akwa tent ni wa tar ma sakatə tsa ku səɓəla. Tsuwa mda aɗi na ata ləmbwa wa, tar ma sakatə tsa ku kuri hamta saɗakar kiɗə tifəmtar bikər kərari, ka mjir kutakəyirni, ka bikər shanga mjir Israila. 18Tsa ata ləɓəla ka mwari adzə bagaɗi saɗaka kamnyar kəcimta bikər bagaɗi ni, ka kələmta bikari. Tsa ata kətsə mamshir gyal ni ka mamshir nciwu ni ka tsa fadza aka shanga təmbəlayeri ar bagaɗi ni. 19Tsa ata nciu kulengari akwa mamshi ni ka pshingkər ata kəra bagaɗi ni ka murfa. Apani antə tsa ata kəcimta dlimburkur mjir Israila ka namtə ni ɓɗakkarkara apa na hwatu.
Nciwur Kələmta Ɗimikur
20Sakatə tsa ku kuri kəcimta Vəi na Ɓɗakkarkara, ka tentər tsaptədzi, ka bagaɗi, antə tsa ata səntə nciwu na ka mpikə ni akəma tent ni. 21Antə Haruna ata pungkər tsiyari japu ata kəra nciwu na ka mpikə ni, ka pəlaɓəla shanga bikər mjir Israila ata kəra nciwu ni, ka shanga bikayeri tə da ku hara. Tsa ata putə shanga bikayeri ni ata kəra nciwu ni. Antə tsa ata hamta nciwu ni akwa tsiya mdə natə mdə ku ɗəmhə ka tsa kədlu ni akwa mtaku. 22Apani antə mwaɓi ni ata fatə ka təra ka shanga bikər mji ni ka ləkwa dəli mtakər masali, vəi tə mda aɗi ata wa. 23Aghəla nda antə Haruna ata ləkwa tentər tsaptədzi, ka tsa ntsui ləptər pristkur ni, ka zhar ɗa anda. 24Tsa ata pəra akwa Vəi na Ɓɗakkarkara, ka hatə kariyirni. Aghəla nda tsa ata ləɓəla ka hamta saɗaka mbamba kamnyar kəcimta bikərni ka bikər mji. 25Tsa ata mbamta malkum ar mwaɓiyir saɗakar kiɗə tifəmta bikərni ata bagaɗi. 26Mdə na kədlu nciwa akwa mtakər masali aka Azazel ni, tar ka tsa kəcimta kari hatərni ka pəra, kambəla tsa mzhi ngka akwa kuta di. 27Mambila gyal ka nciwu natə mdə ku hamta kamnyar saɗakar biku, natə mda səntə mamshir ɗa akwa Vəi na Ɓɗakkarkara kamnyar kəcə bikər mjir Israila ni, mda ata fwaɓəla ɗa kazhar kuta di. Antə mda ata mbamta kəsəmər ɗa, kumər ɗa ka kari kuta ɗa. 28Mdə na mbamta ɗa ni, tar ka tsa kəcimta kari hatərni, ka pəra, kambəla tsa mzhi ngka akwa kuta di. 29Antə ka giri ɓəlatə tsawayeri ngəni har ba saka madi. Akwa vira thliya kuma ar thliya na murfəkur, mjir Israila ka mətəpiyayeri na aɗi akwa nca ɗa ata zhar səm susəma, ka zhar hara shanga kəthlər. 30Kamnyar akwa vir ngəni antə mda ata kəcimta ala giri bikər giri, antə giri ata ndzi kəcəkəcari. 31Vir ngəni ata ndzi Vir Ghərəmtaghəra swakti, antə giri ata zhar səm susəma. Giri ata ɓəla tsawu ngəni ba saka madi. 32Prist natə mdə ku pungkər alari mal ka vəi ni prist na ola ata vəya baba'ni, an ata hatə kari ar pristkur ka hamta saɗakar kiɗə tifəmta biku. 33Tsa ata kiɗə tifəmtar biku kamnyar Vəi na Ɓɗakkarkara, kamnyar tentər tsaptədzi, bagaɗi, ka kamnyar pristayeri, ka kamnyar shanga mji. 34Antə ka giri ɓəlatə tsawayeri ngəni har ba saka madi. Mda ata hamta kiɗər tifəmtar biku kamnyar mjir Israila ka duku akwa məva pal. Antə Musa ku hara tsu apatə MTHLAKU ku tsawa alari.
Currently Selected:
Pristayeri 16: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Pristayeri 16
16
Sur Hara Akwa Vir Na Ola Ar Kiɗə Tifəmtar Biku
1MTHLAKU ku pəla aka Musa aghəla mtər maɗashili suɗa ar Haruna sakatə da shahədzi kudzəha akəma MTHLAKU ka mta. 2Tsa pəla, “Kara tsaktə ɓzərma nga Haruna abbər tsa aɗiya ləkəma ka ləkwa Vəi na Ɓɗakkarkara na abwahila lapəli, na akəma sur hartə kəra Akwati Alkawal ni kəlara sakatə tsa hir wa. Ma tsa ku kar ka hara tsa ata mta. Kamnyar tə I ata wutədzi akwa dlamba ata kəra sur hartə mnya Akwati Alkawal na anda ni. 3Tar akwa laku ngəni antə tsa ata mzhi ləkwa Vəi na Ɓɗakkarkara ni: ma sakatə tsa səntə ɓzər gyalər ciɓa kamnyar saɗakar kiɗə tifəmta biku, ka ma tsa səntə gam kamnyar saɗaka mbamba.” 4Akəmata Haruna amwari akwa Vəi na Ɓɗakkarkara ni, tar ka tsa pəra ka tsa hatə kari pristkur na an ləptu ka hwandau ar lilin, sur mbwa kusar, ka sur barkər. 5Mjir Israila ata hamta nciwa suɗa aka Haruna kamnyar saɗakar kiɗə tifəmta biku ka gam pal kamnyar saɗaka mbamba. 6Haruna ata hamta gyal kamnyar saɗakar kəcə bikərni ka bikər mjir kutakəyirni. 7Antə tsa ata səntə nciwayeri na suɗə ni akəma MTHLAKU anyarmbwar tentər tsaptədzi. 8Antə Haruna ata ndzəlsu ka pelayeri ata nciwayeri na suɗa, pal kamnyar MTHLAKU ka na palari kamnyar Azazel. 9Haruna ata səntə nciwu natə mdə carɓəla ali, kamnyar ka mdə hamta saɗakar kiɗə tifəmta biku kəgari. 10Amma nciwu natə mdə ku carɓəla abbər tsa ar Azazel ni mda ata səntə ni ka hamta ni ka mpika ali. Mda ata psi ni ka tsa təra ləkwa mtaku adzə Azazel kamnyar ka tsa kələmta bikər mji. 11Antə Haruna ata hamta gyal ar saɗakar kiɗə tifəmtar biku, ka kiɗə kəi kələmta alari bikərni ka ar kutakəyirni. 12Tsa ata kətə hahəi nghyinghyari ka hakthlir u'u ata bagaɗi saɗaka ka paktə ka tulari ɗuza natə mdə hadli ɓɗaku laga kuta tsiyari suɗa ka tsa ləmbwa kəgari akwa Vəi na Ɓɗakkarkara.
13Tsa ata putə tulari ɗuza ni ata u'u ali, antə ɗer ar tulari ɗuza ni ata hartə sur hartə mnya Akwati Alkawal ni ta tsa awutə ka mta. 14Prist ata kətsə mamshir gyal ni ka kulengari ka pshingkər ata kəra sur hartə mnya Akwati Alkawal ni, antə mamshi na ku mbili tsa ata pshitə bwakəma Akwati Alkawal ni kəgari ka murfa. 15Aghəla nda tsa ata tsi nciwur saɗakar kiɗə tifəmta biku aka mji, ka səntə mamshari akwa Vəi na kudzəha ta shang ka Akwati Alkawal. Tsa ata pshingkər mamshari ni ata kəra sur hartə mnya Akwati Alkawal ni ka abwakəmari. 16Akwa laku ngəni antə tsa ata kəcimta bikər Vəi na Ɓɗakkarkara ni, kamnyar dlimburkur ka bikər mjir Israila. Tsuwa tsa ata hara tsu apani kamnyar kəcimta bikər tentər tsaptədzi na ata kuta di. 17Akwa sakatə Haruna ata ləkwa Vəi na Ɓɗakkarkara ni mda aɗi na ata ndzi akwa tent ni wa tar ma sakatə tsa ku səɓəla. Tsuwa mda aɗi na ata ləmbwa wa, tar ma sakatə tsa ku kuri hamta saɗakar kiɗə tifəmtar bikər kərari, ka mjir kutakəyirni, ka bikər shanga mjir Israila. 18Tsa ata ləɓəla ka mwari adzə bagaɗi saɗaka kamnyar kəcimta bikər bagaɗi ni, ka kələmta bikari. Tsa ata kətsə mamshir gyal ni ka mamshir nciwu ni ka tsa fadza aka shanga təmbəlayeri ar bagaɗi ni. 19Tsa ata nciu kulengari akwa mamshi ni ka pshingkər ata kəra bagaɗi ni ka murfa. Apani antə tsa ata kəcimta dlimburkur mjir Israila ka namtə ni ɓɗakkarkara apa na hwatu.
Nciwur Kələmta Ɗimikur
20Sakatə tsa ku kuri kəcimta Vəi na Ɓɗakkarkara, ka tentər tsaptədzi, ka bagaɗi, antə tsa ata səntə nciwu na ka mpikə ni akəma tent ni. 21Antə Haruna ata pungkər tsiyari japu ata kəra nciwu na ka mpikə ni, ka pəlaɓəla shanga bikər mjir Israila ata kəra nciwu ni, ka shanga bikayeri tə da ku hara. Tsa ata putə shanga bikayeri ni ata kəra nciwu ni. Antə tsa ata hamta nciwu ni akwa tsiya mdə natə mdə ku ɗəmhə ka tsa kədlu ni akwa mtaku. 22Apani antə mwaɓi ni ata fatə ka təra ka shanga bikər mji ni ka ləkwa dəli mtakər masali, vəi tə mda aɗi ata wa. 23Aghəla nda antə Haruna ata ləkwa tentər tsaptədzi, ka tsa ntsui ləptər pristkur ni, ka zhar ɗa anda. 24Tsa ata pəra akwa Vəi na Ɓɗakkarkara, ka hatə kariyirni. Aghəla nda tsa ata ləɓəla ka hamta saɗaka mbamba kamnyar kəcimta bikərni ka bikər mji. 25Tsa ata mbamta malkum ar mwaɓiyir saɗakar kiɗə tifəmta bikərni ata bagaɗi. 26Mdə na kədlu nciwa akwa mtakər masali aka Azazel ni, tar ka tsa kəcimta kari hatərni ka pəra, kambəla tsa mzhi ngka akwa kuta di. 27Mambila gyal ka nciwu natə mdə ku hamta kamnyar saɗakar biku, natə mda səntə mamshir ɗa akwa Vəi na Ɓɗakkarkara kamnyar kəcə bikər mjir Israila ni, mda ata fwaɓəla ɗa kazhar kuta di. Antə mda ata mbamta kəsəmər ɗa, kumər ɗa ka kari kuta ɗa. 28Mdə na mbamta ɗa ni, tar ka tsa kəcimta kari hatərni, ka pəra, kambəla tsa mzhi ngka akwa kuta di. 29Antə ka giri ɓəlatə tsawayeri ngəni har ba saka madi. Akwa vira thliya kuma ar thliya na murfəkur, mjir Israila ka mətəpiyayeri na aɗi akwa nca ɗa ata zhar səm susəma, ka zhar hara shanga kəthlər. 30Kamnyar akwa vir ngəni antə mda ata kəcimta ala giri bikər giri, antə giri ata ndzi kəcəkəcari. 31Vir ngəni ata ndzi Vir Ghərəmtaghəra swakti, antə giri ata zhar səm susəma. Giri ata ɓəla tsawu ngəni ba saka madi. 32Prist natə mdə ku pungkər alari mal ka vəi ni prist na ola ata vəya baba'ni, an ata hatə kari ar pristkur ka hamta saɗakar kiɗə tifəmta biku. 33Tsa ata kiɗə tifəmtar biku kamnyar Vəi na Ɓɗakkarkara, kamnyar tentər tsaptədzi, bagaɗi, ka kamnyar pristayeri, ka kamnyar shanga mji. 34Antə ka giri ɓəlatə tsawayeri ngəni har ba saka madi. Mda ata hamta kiɗər tifəmtar biku kamnyar mjir Israila ka duku akwa məva pal. Antə Musa ku hara tsu apatə MTHLAKU ku tsawa alari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.