Pristayeri 13
13
Tsawayeri Ata Kəra Shilkər Kəsəm Na Ana Pəl Mda
1MTHLAKU ku pəla aka Musa ka Haruna, 2“Kəlara mdə na ka kəthla, wala kuɗu, wala huhwala na ku baɗitə dlarhə dzari, ka mdə səntə ni aka Haruna wala aka pal akwa nca pristayeri na akwa nyarmbwar Haruna. 3Antə prist ni ata wulhə vəi na ka shilku na ata kəsəm dzari ni. Ma shishi na akwa shilkə ni ku ndzi mwapu ka ma shilkə ni ku ləghəi zurang, shilkə ni ata ndzi shilkər kəsəm na ɗimi na ana pəl mda, antə prist ni ata pəla alari abbər ‘Ga aɗi kəcəkəcari wa.’ 4Amma ma huhwala ni mwapu daci, tə zurangkurari aɗi ləghəi ta kəsəm dzari wa, ka tsuwa shishi na akwa vəi huhwala ni aɗi shina ka ndzi mwapu wa, prist ni ata ɗuwar ni ambwa mnyar vir murfa. 5Akwa vir na murfəkur antə prist ni ata jaktə wul ni ka damwa. Ma tsa wuta abbər shilkə ni aɗi titiləmtadzi akwa kəsəm dzari wa, prist ni ata jaktə zhar ni shini ambwa ar vir murfa. 6Akwa vir na murfəkur, prist ni ata jaktə wul ni. Antə ma shilkə ni ku baɗitə kura, tə tsa aɗi titilardzi wa, antə prist ata pəla alari abbər, ‘Gə kəcəkəcari, təng dza gə ka kuɗu daci ni.’ Antə mdə ni ata kəcimta kari hata arni ka ndzi kəcəkəcari. 7Amma ma kuɗu ni ku titiltədzi aghəla tə prist ku wul ni ka salamtə ni, antə tar ka tsa jaktə ngka akəma prist ka damwa. 8Antə prist ni ata jaktə wul ni ka damwa. Ma kuɗu ni ku jaktə titiltədzi, prist ni ata pəla alari abbər tsa ka shilkər kəsəm na ana pəl mda. 9Kəlara mdə na ka shilkər kəsəm dza na ana pəl mda, antə tar ka mdə səntə ni aka prist 10na ata wul ni. Ma prist ni wuta abbər shishi laga ku ngka mwapu kamnyar kəthla ni ku thla lu, tsuwa kəthla ni ku ndəla, 11tsa ata ndzi shilkər mta ar kəsəm na ana pəl mda, na ku fəi akwa dzari. Antə prist ni ata pəla alari abbər, ‘Gə ka shilku na ɗimi ni!’ Antə Prist ni aɗi ata vəi ni ka wul ni kəra wa kamnyar tə mdə ni aɗi kəcəkəcari wa. 12Amma ma shilkə ni ku titiləmtadzi ka ndlətə shanga dzari baɗita ata kərari ka mwanta adzə səlari, 13antə prist ni ata jaktə wulhə ni. Ma tsa wuta abbər shilkə ni ku kurtə hartə shanga dzari, tsa ata pəlaɓəla alari abbər, ‘Gə kəcəkəcari, kamnyar tə shilkə ni ku pali nga tə ga ku ndzi mwapu.’ 14Amma ma mbəlku ni ku kəlar mnyari, tsa ata ndzi dlimbur. 15Prist ata pəlaɓəla shilkə ni alari təkəma tə tsa nggaɓəla abbər mbəlku ni ku kəlar mnyari, kamnyar mbəlku na ku kəlar mnyari an shilku na ɗimi na ana pəl mdə ni. Antə tsa dlimbur. 16Amma ma mbəlku ni ku kuri ka ngka mwapu, antə tsa ata ngka adzə prist. 17Antə ma prist ni ku jaktə wulhə ni ka wuta abbər mbəlku ni ku ngka mwapu jiri, tsa ata pəla alari abbər, ‘Gə kəcəkəcari.’ 18Kəlara mdə natə kuɗu ku səɓəla ata dzari ka kura, 19amma ma huhwal laga mwapu wala mamza ku mbili akwa vəi kuɗu ni, antə tar ka tsa mwari adzə prist. 20Ma prist ku wuli ni ka wuta abbər vəi ni ku hara zurang ta kəsəm dzari ka tsuwa shishi na akwa ku ngka mwapu, antə prist ata pəla alari abbər, ‘Gə dlimbur.’ Ngəni an shilku na ɗimi na ana pəl mdə na ku səɓəla akwa kuɗu. 21Amma ma prist ni wuta abbər shishi na akwa vəi ni aɗi hara mwapu wa, tsuwa mbəlku ni aɗi zurang wa, amma mbəlku ni akwa kura, antə prist ni ata kəsi ni ambwa ar vir murfa. 22Amma aghəla nda ma mbəlku ni ku vərvəra ka titiltədzi, antə prist ata pəlaɓəla alari abbər, ‘Gə dlimbur, ku ndzi gə ka shilku ni.’ 23Amma ma mbəlku ni aɗi kəlardzi wala titiləmtadzi wa, tə manjivar an mbil daci. Antə prist ni ata pəlaɓəla alari abbər, ‘Gə kəcəkəcari.’ 24Ma u'u ku mba mda, tə mbəlkari ku ndzi mwapu wala mamza mwappa, 25antə prist ata wulhə mbəlku ni. Ma shishi na akwa mbəlku ni ku ngka mwapu, ka tsuwa ma mbəlku ni ku hara zurang, tsa ata ndzi shilku na ɗimi na ku baɗita akwa vəi mbar u'u. Antə prist ata pəlaɓəla alari abbər, ‘Gə dlimbur.’ 26Amma ma prist wuta abbər shishi na akwa mbəlku ni aɗi hara mwapu wa, ka mbəlku ni aɗi zurang ta kəsəm dzari wa, amma tsa ku baɗitə kura, antə prist ata kəsi ni ambwa ar vir murfa. 27Akwa vir na murfəkur antə prist ata jaktə wulhə ni ka damwa. Antə ma mbəlku ni akwa ndlətə dzari, tsa ata pəlaɓəla alari abbər, ‘Gə dlimbur. Ngəni an shilku na ɗimi.’ 28Amma ma mbəlku ni aɗi kəlardzi wala titiləmta dzi wa, tə tsa ku baɗitə kura ka ndzi manjivar, tsa ata ndzi huhwalər mba. Tsa aɗi shilku na ɗimi ni wa. Antə prist ata pəla alari abbər, ‘Gə kəcəkəcari. Kamnyar ngəni an manjivar mbar u'u daci.’ 29Kəlara mda, sal wala mwala, na ka shilku ata kərari wala kirkumiyari, 30ka tsa mwantə ka prist wulha. Ma mbəlku ni zurang ta kəsəm dzari, tsuwa ma shishi na akwa mbəlku ni ku ndzi yiɗauwa hubaka hubaka, antə tsa ka shilkər ɓəɓa na ɗimi. Antə prist ata pəlaɓəla alari abbər, ‘Gə dlimbur.’ 31Ma prist ku wulhə ni ka wuta abbər shilkər ɓəɓa ni aɗi zurang ta kəsəm dzari wa, tsuwa shishi na akwa ni aɗi mənggəl wa, tsa ata kəsi ni ambwa ar vir murfa. 32Prist ata jaktə wulhə shilkə ni akwa vir na murfəkur. Antə ma ɓəɓa ni aɗi jaktə kəlardzi ta na hwatu wa, wala zurang ta kəsəm dzari wa, ka ma shishi na akwa aɗi hubaka hubaka wa, 33antə mda ata shimta alari kərari, kula tsəkwar vəi na ka ɓəɓa ni. Antə prist ata jaktə kəsi ni ambwa ar vir murfa damwa. 34Akwa vir na murfəkur prist ata jaktə wulhə mbəlku ni. Antə ma mbəlku ni aɗi titiləmta wa, ka tsuwa tsa aɗi hara zurang ta kəsəm dzari wa, prist ata pəlaɓəla alari abbər tsa kəcəkəcari. Antə aghəla tə tsa kəcimta kari hata arni, tsa ata ndzi kəcəkəcari. 35Amma ma ɓəɓa ni ku titiləmtadzi aghəla tə mdə ku pəlaɓəla abbər tsa kəcəkəcari ni, 36prist ata jaktə wulhə ni ka damwa. Antə ma ɓəɓa ni ku titiləmtadzi, tsa aɗi ata jaktə shamta sakarni akwa wul shishi wa, kamnyar tə mdə ni dlimbur. 37Amma ma prist ni wuta abbər ɓəɓa ni aɗi jakə wa, har ma shishi na mənggəl ku ptsi akwa vəi ni, ɓəɓa ku kuri. Antə prist ata pəlaɓəla alari abbər mdə ni kəcəkəcari. 38Kəlara mda, sal wala mwala, na ka huhwalayeri laga mwapmwapu ata dzari, 39tar ka prist wulha ɗa. Antə ma nca mbəlku ni aɗi mwapu ka duna wa, ata ndzi huhwala ndzang an səɓəla, antə tsa kəcəkəcari. 40Ma shishir kəra mdə sal ku tsuhumtadzi tə tsa ku ndzi ka tsuhurpathla, mdə ni kəcəkəcari. 41Wala ma shishir kəra mdə sal na abwakəma an tsuhumtadzi, tə tsa ku ndzi ka tsuhurpathlar bwakəma, mdə ni tsu kəcəkəcari. 42Amma ma mbəlku laga mamza mwappa ku səɓəla ata vəi na tsuhtsuhwari ni, ata ndzi shilku na ɗimi an akwa səɓəla akwa kərari ni. 43Prist ata wulha mdə ni, antə ma tsa ku wutə kəthla ata mnya mbəlku na mamza mwappa ata tsuhurpathlarni, na ku dludzi ka shilku na ɗimi ni, 44prist ni ata pəlaɓəla alari abbər tsa ka shilku na ɗimi ata kərari. Antə tsa dlimbur. 45Mdə na ka shilkər kəsəm na ɗimi ni ata hatə kari na kwahəkwahari, ka zhar kərari kula thlara, ka hartə bwar kəmari na aghəi, ka haptə kuraku akwa pəla, ‘Wul giri ra I dlimbur! Wul giri ra I dlimbur!’ 46Ka shilku ngəni tsa ata ndzi dlimbur ba saka madi, antə tsa ata ndzi shini aɓəla ata hildi. 47Ma pururu aɗi ata ləptər ulu wala lilin, 48wala ata zhaɓi tə mdə tsa ka puwa ar lilin, wala ka ulu, wala ka kəlara su tə mdə namtə ka kəsəm. 49Ma vəi natə pururu ni ku tsəkwari ata zhaɓi wala kəsəm ni, akwa ngka hakcirhakciri wala mamza, ata ndzi abbər pururu ni ku tamti, antə tar ka mdə ncanta aka prist. 50Aghəla tə prist ni ku wulha su ni, antə tsa ata vəi su na ka pururu ata ni akwa vəi laga ar vir murfa. 51Akwa vir na murfəkur tsa ata jaktə wulhə su ni, antə ma vəi tə pururu tamtə ni ku jakəi, tsa ata pəla ‘Ngəni an shilku na ɗimi na akwa yatədzi, antə suni dlimbur.’ 52Antə prist ata mbamta ləptu ni wala kəsəm ni, kamnyar tə pururu ni akwa yatədzi. 53Amma ma prist ku wulha zhaɓi wala kəsəm ni ka wuta abbər pururu ni aɗi jaka ata wa, 54tsa ata vu ka mdə kəcimta ni ka vəi ni ka tsa hara vir murfa ka damwa. 55Prist ni ata jaktə wulhə su na ka pururu ni aghəla tə mdə ku kəcimta. Antə ma pururu ni tsu hakcirhakciri wala mamza, wala ma tsa aɗi ka jakə baukurərni wa, tsu tsa ata ndzi dlimbur. Antə tar ka mdə mbamta suari ka u'u, wala pururu ni an ata bwakəmari wala ata bwahilari. 56Amma ma sakatə prist ku wulha su ni ka wuta abbər pururu ni akwa kura, tsa ata thlaɓəla vəyari. 57Amma ma pururu ni jaktə səɓəla ka damwa, ata ndzi abbər pururu ni akwa yatədzi. Antə tar ka mthlakari mbamta ni. 58Wala ma tsa kəcimta su na ka pururu ata ni har tə vəyari ku sha, tar ka tsa jaktə kəcimta ni ka damwa kambəla tsa ndzi kəcəkəcari.”
59“Nayeri ni an tsawayeri na ata kəra pururu na kalkal ka mdə nuwa, wala ata zhaɓi tə mdə tsa ka ulu wala lilin, wala kəsəm, kamnyar ka mdə səndəɓəla wala tsa kəcəkəcari, wala aɗi kəcəkəcari wa.”
Currently Selected:
Pristayeri 13: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Pristayeri 13
13
Tsawayeri Ata Kəra Shilkər Kəsəm Na Ana Pəl Mda
1MTHLAKU ku pəla aka Musa ka Haruna, 2“Kəlara mdə na ka kəthla, wala kuɗu, wala huhwala na ku baɗitə dlarhə dzari, ka mdə səntə ni aka Haruna wala aka pal akwa nca pristayeri na akwa nyarmbwar Haruna. 3Antə prist ni ata wulhə vəi na ka shilku na ata kəsəm dzari ni. Ma shishi na akwa shilkə ni ku ndzi mwapu ka ma shilkə ni ku ləghəi zurang, shilkə ni ata ndzi shilkər kəsəm na ɗimi na ana pəl mda, antə prist ni ata pəla alari abbər ‘Ga aɗi kəcəkəcari wa.’ 4Amma ma huhwala ni mwapu daci, tə zurangkurari aɗi ləghəi ta kəsəm dzari wa, ka tsuwa shishi na akwa vəi huhwala ni aɗi shina ka ndzi mwapu wa, prist ni ata ɗuwar ni ambwa mnyar vir murfa. 5Akwa vir na murfəkur antə prist ni ata jaktə wul ni ka damwa. Ma tsa wuta abbər shilkə ni aɗi titiləmtadzi akwa kəsəm dzari wa, prist ni ata jaktə zhar ni shini ambwa ar vir murfa. 6Akwa vir na murfəkur, prist ni ata jaktə wul ni. Antə ma shilkə ni ku baɗitə kura, tə tsa aɗi titilardzi wa, antə prist ata pəla alari abbər, ‘Gə kəcəkəcari, təng dza gə ka kuɗu daci ni.’ Antə mdə ni ata kəcimta kari hata arni ka ndzi kəcəkəcari. 7Amma ma kuɗu ni ku titiltədzi aghəla tə prist ku wul ni ka salamtə ni, antə tar ka tsa jaktə ngka akəma prist ka damwa. 8Antə prist ni ata jaktə wul ni ka damwa. Ma kuɗu ni ku jaktə titiltədzi, prist ni ata pəla alari abbər tsa ka shilkər kəsəm na ana pəl mda. 9Kəlara mdə na ka shilkər kəsəm dza na ana pəl mda, antə tar ka mdə səntə ni aka prist 10na ata wul ni. Ma prist ni wuta abbər shishi laga ku ngka mwapu kamnyar kəthla ni ku thla lu, tsuwa kəthla ni ku ndəla, 11tsa ata ndzi shilkər mta ar kəsəm na ana pəl mda, na ku fəi akwa dzari. Antə prist ni ata pəla alari abbər, ‘Gə ka shilku na ɗimi ni!’ Antə Prist ni aɗi ata vəi ni ka wul ni kəra wa kamnyar tə mdə ni aɗi kəcəkəcari wa. 12Amma ma shilkə ni ku titiləmtadzi ka ndlətə shanga dzari baɗita ata kərari ka mwanta adzə səlari, 13antə prist ni ata jaktə wulhə ni. Ma tsa wuta abbər shilkə ni ku kurtə hartə shanga dzari, tsa ata pəlaɓəla alari abbər, ‘Gə kəcəkəcari, kamnyar tə shilkə ni ku pali nga tə ga ku ndzi mwapu.’ 14Amma ma mbəlku ni ku kəlar mnyari, tsa ata ndzi dlimbur. 15Prist ata pəlaɓəla shilkə ni alari təkəma tə tsa nggaɓəla abbər mbəlku ni ku kəlar mnyari, kamnyar mbəlku na ku kəlar mnyari an shilku na ɗimi na ana pəl mdə ni. Antə tsa dlimbur. 16Amma ma mbəlku ni ku kuri ka ngka mwapu, antə tsa ata ngka adzə prist. 17Antə ma prist ni ku jaktə wulhə ni ka wuta abbər mbəlku ni ku ngka mwapu jiri, tsa ata pəla alari abbər, ‘Gə kəcəkəcari.’ 18Kəlara mdə natə kuɗu ku səɓəla ata dzari ka kura, 19amma ma huhwal laga mwapu wala mamza ku mbili akwa vəi kuɗu ni, antə tar ka tsa mwari adzə prist. 20Ma prist ku wuli ni ka wuta abbər vəi ni ku hara zurang ta kəsəm dzari ka tsuwa shishi na akwa ku ngka mwapu, antə prist ata pəla alari abbər, ‘Gə dlimbur.’ Ngəni an shilku na ɗimi na ana pəl mdə na ku səɓəla akwa kuɗu. 21Amma ma prist ni wuta abbər shishi na akwa vəi ni aɗi hara mwapu wa, tsuwa mbəlku ni aɗi zurang wa, amma mbəlku ni akwa kura, antə prist ni ata kəsi ni ambwa ar vir murfa. 22Amma aghəla nda ma mbəlku ni ku vərvəra ka titiltədzi, antə prist ata pəlaɓəla alari abbər, ‘Gə dlimbur, ku ndzi gə ka shilku ni.’ 23Amma ma mbəlku ni aɗi kəlardzi wala titiləmtadzi wa, tə manjivar an mbil daci. Antə prist ni ata pəlaɓəla alari abbər, ‘Gə kəcəkəcari.’ 24Ma u'u ku mba mda, tə mbəlkari ku ndzi mwapu wala mamza mwappa, 25antə prist ata wulhə mbəlku ni. Ma shishi na akwa mbəlku ni ku ngka mwapu, ka tsuwa ma mbəlku ni ku hara zurang, tsa ata ndzi shilku na ɗimi na ku baɗita akwa vəi mbar u'u. Antə prist ata pəlaɓəla alari abbər, ‘Gə dlimbur.’ 26Amma ma prist wuta abbər shishi na akwa mbəlku ni aɗi hara mwapu wa, ka mbəlku ni aɗi zurang ta kəsəm dzari wa, amma tsa ku baɗitə kura, antə prist ata kəsi ni ambwa ar vir murfa. 27Akwa vir na murfəkur antə prist ata jaktə wulhə ni ka damwa. Antə ma mbəlku ni akwa ndlətə dzari, tsa ata pəlaɓəla alari abbər, ‘Gə dlimbur. Ngəni an shilku na ɗimi.’ 28Amma ma mbəlku ni aɗi kəlardzi wala titiləmta dzi wa, tə tsa ku baɗitə kura ka ndzi manjivar, tsa ata ndzi huhwalər mba. Tsa aɗi shilku na ɗimi ni wa. Antə prist ata pəla alari abbər, ‘Gə kəcəkəcari. Kamnyar ngəni an manjivar mbar u'u daci.’ 29Kəlara mda, sal wala mwala, na ka shilku ata kərari wala kirkumiyari, 30ka tsa mwantə ka prist wulha. Ma mbəlku ni zurang ta kəsəm dzari, tsuwa ma shishi na akwa mbəlku ni ku ndzi yiɗauwa hubaka hubaka, antə tsa ka shilkər ɓəɓa na ɗimi. Antə prist ata pəlaɓəla alari abbər, ‘Gə dlimbur.’ 31Ma prist ku wulhə ni ka wuta abbər shilkər ɓəɓa ni aɗi zurang ta kəsəm dzari wa, tsuwa shishi na akwa ni aɗi mənggəl wa, tsa ata kəsi ni ambwa ar vir murfa. 32Prist ata jaktə wulhə shilkə ni akwa vir na murfəkur. Antə ma ɓəɓa ni aɗi jaktə kəlardzi ta na hwatu wa, wala zurang ta kəsəm dzari wa, ka ma shishi na akwa aɗi hubaka hubaka wa, 33antə mda ata shimta alari kərari, kula tsəkwar vəi na ka ɓəɓa ni. Antə prist ata jaktə kəsi ni ambwa ar vir murfa damwa. 34Akwa vir na murfəkur prist ata jaktə wulhə mbəlku ni. Antə ma mbəlku ni aɗi titiləmta wa, ka tsuwa tsa aɗi hara zurang ta kəsəm dzari wa, prist ata pəlaɓəla alari abbər tsa kəcəkəcari. Antə aghəla tə tsa kəcimta kari hata arni, tsa ata ndzi kəcəkəcari. 35Amma ma ɓəɓa ni ku titiləmtadzi aghəla tə mdə ku pəlaɓəla abbər tsa kəcəkəcari ni, 36prist ata jaktə wulhə ni ka damwa. Antə ma ɓəɓa ni ku titiləmtadzi, tsa aɗi ata jaktə shamta sakarni akwa wul shishi wa, kamnyar tə mdə ni dlimbur. 37Amma ma prist ni wuta abbər ɓəɓa ni aɗi jakə wa, har ma shishi na mənggəl ku ptsi akwa vəi ni, ɓəɓa ku kuri. Antə prist ata pəlaɓəla alari abbər mdə ni kəcəkəcari. 38Kəlara mda, sal wala mwala, na ka huhwalayeri laga mwapmwapu ata dzari, 39tar ka prist wulha ɗa. Antə ma nca mbəlku ni aɗi mwapu ka duna wa, ata ndzi huhwala ndzang an səɓəla, antə tsa kəcəkəcari. 40Ma shishir kəra mdə sal ku tsuhumtadzi tə tsa ku ndzi ka tsuhurpathla, mdə ni kəcəkəcari. 41Wala ma shishir kəra mdə sal na abwakəma an tsuhumtadzi, tə tsa ku ndzi ka tsuhurpathlar bwakəma, mdə ni tsu kəcəkəcari. 42Amma ma mbəlku laga mamza mwappa ku səɓəla ata vəi na tsuhtsuhwari ni, ata ndzi shilku na ɗimi an akwa səɓəla akwa kərari ni. 43Prist ata wulha mdə ni, antə ma tsa ku wutə kəthla ata mnya mbəlku na mamza mwappa ata tsuhurpathlarni, na ku dludzi ka shilku na ɗimi ni, 44prist ni ata pəlaɓəla alari abbər tsa ka shilku na ɗimi ata kərari. Antə tsa dlimbur. 45Mdə na ka shilkər kəsəm na ɗimi ni ata hatə kari na kwahəkwahari, ka zhar kərari kula thlara, ka hartə bwar kəmari na aghəi, ka haptə kuraku akwa pəla, ‘Wul giri ra I dlimbur! Wul giri ra I dlimbur!’ 46Ka shilku ngəni tsa ata ndzi dlimbur ba saka madi, antə tsa ata ndzi shini aɓəla ata hildi. 47Ma pururu aɗi ata ləptər ulu wala lilin, 48wala ata zhaɓi tə mdə tsa ka puwa ar lilin, wala ka ulu, wala ka kəlara su tə mdə namtə ka kəsəm. 49Ma vəi natə pururu ni ku tsəkwari ata zhaɓi wala kəsəm ni, akwa ngka hakcirhakciri wala mamza, ata ndzi abbər pururu ni ku tamti, antə tar ka mdə ncanta aka prist. 50Aghəla tə prist ni ku wulha su ni, antə tsa ata vəi su na ka pururu ata ni akwa vəi laga ar vir murfa. 51Akwa vir na murfəkur tsa ata jaktə wulhə su ni, antə ma vəi tə pururu tamtə ni ku jakəi, tsa ata pəla ‘Ngəni an shilku na ɗimi na akwa yatədzi, antə suni dlimbur.’ 52Antə prist ata mbamta ləptu ni wala kəsəm ni, kamnyar tə pururu ni akwa yatədzi. 53Amma ma prist ku wulha zhaɓi wala kəsəm ni ka wuta abbər pururu ni aɗi jaka ata wa, 54tsa ata vu ka mdə kəcimta ni ka vəi ni ka tsa hara vir murfa ka damwa. 55Prist ni ata jaktə wulhə su na ka pururu ni aghəla tə mdə ku kəcimta. Antə ma pururu ni tsu hakcirhakciri wala mamza, wala ma tsa aɗi ka jakə baukurərni wa, tsu tsa ata ndzi dlimbur. Antə tar ka mdə mbamta suari ka u'u, wala pururu ni an ata bwakəmari wala ata bwahilari. 56Amma ma sakatə prist ku wulha su ni ka wuta abbər pururu ni akwa kura, tsa ata thlaɓəla vəyari. 57Amma ma pururu ni jaktə səɓəla ka damwa, ata ndzi abbər pururu ni akwa yatədzi. Antə tar ka mthlakari mbamta ni. 58Wala ma tsa kəcimta su na ka pururu ata ni har tə vəyari ku sha, tar ka tsa jaktə kəcimta ni ka damwa kambəla tsa ndzi kəcəkəcari.”
59“Nayeri ni an tsawayeri na ata kəra pururu na kalkal ka mdə nuwa, wala ata zhaɓi tə mdə tsa ka ulu wala lilin, wala kəsəm, kamnyar ka mdə səndəɓəla wala tsa kəcəkəcari, wala aɗi kəcəkəcari wa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.