Kəth Apos 16
16
Timothli Ku Nu Bulus Ka Sila
1Antə Bulus ku mwa ka si ahar Darbe ka Listəra, tə da kəɓa kəga mdər nu laga anda ka thləmari Timothli. Mama'ni an ngkwar mjir Yahudi, tsuwa an mdər nuwa. Amma baba'ni mdər Helleni. 2Shanga mjir nuwa na ahar Listəra ka Ikoniya ana ngkər ni ka ɓɗakkur. 3Bulus akwa bara ka Timothli pwar ni, antə tsa kətə ni ka thlamta alari kaciya, kamnyar shanga mjir Yahudi na akwa vəyayeri ngəni ni ku sənda abbər baba'ni mdər Helleni.
4Sakatə Bulus ka Sila akwa təramta akwa diyayeri ni, antə da dingngga ngkərɓəla ala ɗa suayeri tə aposəlayeri kəga mji na ol'ola thlamta ahar Urushalima abbər ka mdə hara ni. 5Apani antə ikələziyayeri ku wutə duna akwa hamta jiri, ka antə hangkurər mji ku jakjaka tədək viri.
Bulus Ku Wulsu Ahar Trowas
6Antə da sə təra akwa tsəɗiyir Firijiya ka Galatiya, kamnyar Mambəl na Ɓɗakkarkara aɗi hir ka da ngkər ndərər Hyel ni akwa tsəɗi Asiya wa. 7Sakatə da ku mzhitə kəla tsəɗiyir Misiya, antə da bara abbər ka da ləkwa tsəɗiyir Bithliniya, amma Mambələr Yesu aɗi hira ala ɗa wa. 8Apani antə da nu təbwar Misiya, ka ləghəi ahar Trowas. 9Tsu vir nda aviri antə Bulus wulsu. Antə akwa wulsu ni tsa wutə mdər Makidoniya laga athləthlata akwa kiɗə ni abbər, “Asəra aɓəlabwani akwa Makidoniya ka gə dlar yeru.” 10Aghəla wulsu ni təkəma antə yeru ɗəmhədzi kamnyar mwari ahar Makidoniya, kamnyar yeru mbərsa abbər Hyel an kəga yeru ka yeru ra ngkər ala ɗa labar na msəra ni.
Lidiya Ku Hamta Jiri.
11Antə yeru ləkwa shar ahar Trowas, ka mwar dwaɗu ahar Samothlraki. Səɓəla ɗəpari antə yeru mwari ahar Neyapolis. 12Tə yeru thlata anda tsuwa antə yeru mwari ahar Fəlippi, bərni na ola akwa Makidoniya, tsuwa tsa akira kuthlikur ar Rom. Antə yeru ɗarndzi anda mnyar virayeri laga. 13Tə Vir Ghərəmtaghəra si antə yeru ləɓəla akwa nyarfur bərni ni ka mwari ata mnya thlyagha, akwa vəi tə yeru tamata abbər mda ata wutə vəi hara adduwa. Antə yeru ndzəndzi ka gari aka mwanki laga na tsaptədzi anda. 14Antə mwala laga akwa nca ɗa ka thləmari Lidiya, ku psi thləm ala yeru. Tsa thlata ahar Thliyatəra, tsuwa tsa ana ɗəl zhaɓi lipəla. Tsa mwala na ana vəngkər səli aka Hyel. Antə Mthlaku ku kəlar ɗəffari tə tsa vədzə hangkalari aka su tə Bulus akwa pəlari. 15Aghəla tə mdə ku hara alari baptizma kəga mjir kutakəyirni, antə tsa kəga yeru ka pəla, “Ma giri wuta abbər I ku ndzi mdər nu Mthlaku ka jirkur, asər giri ka giri ndzi ahar ngkiya.” Tsa kəɗar kiɗə kəra yeru, antə yeru ku sə kələngkər ka mwari.
Mdə Ku Hambwa Bulus Ka Sila Akwa Pərsəna
16Vir laga sakatə yeru akwa mwari akwa vəi hara adduwa, antə yeru kəɓa ka ngkwa laga mafa, na ka shatanər hakdzi akwa dzari, har tsa ku wutə gəna hang akwa hakdzi ni aka mji na mthlakərni. 17Antə tsa kəɗar nu yeru ka kuraku, yeru ka Bulus, akwa dingngga pəla, “Mji ngəni an mafar Hyel na Amta ta shang. Da akwa ngkər ala giri lakur wutə mbantədzi.” 18Tsa hara su ngəni mnyar virayeri hang, har tə su ni ləkwa fa hangkala Bulus, tə tsa shinardzi ka pəla aka mambəl ni abbər, “I akwa tsawa ala ga akwa thləma Yesu Kristi, ka gə səɓəla akwa dzari.” Antə mambəl ni səɓəla tsu ata saka nda.
19Sakatə mji na mthlakər ngkwa ni wuta abbər lakur wutə kwabar ɗa ku sha ala ɗa, antə da ngkəi Bulus ka Sila, ka ndəkər ɗa har ka mwantə ɗa akwa mnya kasəku akəma mjir kuthlikur. 20Sakatə da səntə ɗa akəma alkaliyayeri na olˈola, antə da pəla, “Mjir Yahudi ngəni akwa ndəndatə hangkala mjir di mburu. 21Da akwa thlipə suayeri na aɗi kəɓa ka surharar mburu wa, natə aɗi kalkal ka mburu dluwa wala nu wa, kamnyar ar mburu mburu mjir Rom.” 22Antə mji ni pungkərdzi aka Bulus ka Sila akwa dlaɓu ɗa. Antə mji na ol'olər hara shariya thləthləhumta ləptayeri ar Bulus ka Sila, ka tsawa abbər ka mji dlaɓu ɗa ka purpu. 23Aghəla tə mji ni ku dlaɓu ɗa ka dəkəi, ka hambwa ɗa akwa pərsəna, antə mthlakər pərsəna ni tsawa abbər ka mdə gadi ɗa ɓɗaku. 24Sakatə mdə ni ku dlu tsawu ngəni antə tsa hambwa akwa mbwa na avivi, ka tsau səla ɗa akwa udzəm.
25Amma sakatə kərathlər viri ku hara, antə Bulus ka Sila ləkwa hara adduwa ka hara hayeri ar hu Hyel, tsuwa mambila mji na akwa pərsəna ni akwa ngga ɗa. 26Təng təkəma kula səndər ɗa di kənggərantədzi ka duna, har tə səla kəi pərsəna ni kənggərantədzi. Təkəma təng shanga nyarmbwayeri mbugərəmtadzi, tə məsəsal na ata shanga mjir pərsəna ni pugəmtadzi. 27Sakatə mthlakər pərsəna ni thlata, ka wutə abbər shanga nyarmbwayeri kəlarkəlarari bwang, antə tsa ntsuɓəla katsakarərni, abbər ka tsa tsi kərni, kamnyar tsa kəta abbər shanga mji na akwa pərsəna ni ku msər ka hwi. 28Amma Bulus haptə kuraku ka duna ka pəla, “Ga aɗiya dəkəi kər ngə wa, kamnyar shanga yeru tsu azi!”
29Antə mdər gadi pərsəna ni pəla ka mdə sənta alari u'u, tə tsa tərmbwa ka huva, ka dzari akwa kədza kamnyar thlivəra, ka ndla akəma Bulus ka Sila. 30Antə tsa ləɓəla ka da, ka pəla, “Mji ol'ola, man su tə kəi hara, kəi wutə mbantədzi ri?”
31Antə da pəla alari, “Hamta jiri aka Mthlaku Yesu, antə ga ata wutə mbantədzi, ga ka mjir kutakəyir nga.” 32Antə da ngkər ndərər Mthlaku alari, ka aka shanga mji na akwa kəyirni. 33Tsu ata saka nda aviri ni antə mdər gadi kəyir pərsəna ni fwaɓəla ɗa, ka kəcimta ala ɗa mbəlka ɗa. Antə mdə ku hara alari baptizma təkəma, ata kəma duku ka shanga mjir kutakəyirni. 34Aghəla nda antə tsa ku mwantə Bulus ka Sila amta akwa kəyirni, ka na ala ɗa susəma. Antə tsa ka mjir kutakəyirni ku hara ka kucali, kamnyar tə shanga ɗa ku hamta jiri aka Hyel.
35Səɓəla ɗəpari antə alkaliyayeri na ol'ola thlentə dakwaliyayeri ka da ra pəla aka mdər gadi kəi pərsəna ni abbər, “Psi giri mji ngəni ka da təra!”
36Antə mdər gadi pərsənayeri ni mwantə gari ni aka Bulus abbər, “Alkaliyayeri ni thlenta abbər ka mdə psi giri ka giri təra. Antə səɓəla giri ka giri təra ka hangkala giri.”
37Amma Bulus pəla aka dakwali tə mdə thlentə ni abbər, “Ai da dlaɓu yeru ata nca mji, kula mdə hara ala yeru shariya, amma da ka səndari abbər yeru kambar Rom na gwangari! Ata kəra ngəni antə da jaktə hambwa yeru akwa pərsəna! Antə kulini da akwa bara ka da psi yeru ɗuwari? Awa! Da amzhi wa! Tar ka da si ka kəra ɗa ka da fwaɓəla yeru!” 38Antə dakwaliyayeri ni ngka ka ndər ni aka alkaliyayeri ni. Sakatə alkaliyayeri ni nggatə abbər Bulus ka Sila kambayeri ar Rom ni, antə da ku ləkwa thlivəra. 39Antə da mwari ka kəra ɗa, ka ra tubi ala ɗa, kambəla da fwaɓəla ɗa, ka kiɗə kəra ɗa abbər ka da təra kazhar di ngəni. 40Apani antə Bulus ka Sila ku ləɓəla akwa pərsəna ni, ka mwari ka wuli Lidiya. Sakatə da ku kəɓa ka mambila mjir nu na anda, ka dunautə ɗa, antə da təra.
Currently Selected:
Kəth Apos 16: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Kəth Apos 16
16
Timothli Ku Nu Bulus Ka Sila
1Antə Bulus ku mwa ka si ahar Darbe ka Listəra, tə da kəɓa kəga mdər nu laga anda ka thləmari Timothli. Mama'ni an ngkwar mjir Yahudi, tsuwa an mdər nuwa. Amma baba'ni mdər Helleni. 2Shanga mjir nuwa na ahar Listəra ka Ikoniya ana ngkər ni ka ɓɗakkur. 3Bulus akwa bara ka Timothli pwar ni, antə tsa kətə ni ka thlamta alari kaciya, kamnyar shanga mjir Yahudi na akwa vəyayeri ngəni ni ku sənda abbər baba'ni mdər Helleni.
4Sakatə Bulus ka Sila akwa təramta akwa diyayeri ni, antə da dingngga ngkərɓəla ala ɗa suayeri tə aposəlayeri kəga mji na ol'ola thlamta ahar Urushalima abbər ka mdə hara ni. 5Apani antə ikələziyayeri ku wutə duna akwa hamta jiri, ka antə hangkurər mji ku jakjaka tədək viri.
Bulus Ku Wulsu Ahar Trowas
6Antə da sə təra akwa tsəɗiyir Firijiya ka Galatiya, kamnyar Mambəl na Ɓɗakkarkara aɗi hir ka da ngkər ndərər Hyel ni akwa tsəɗi Asiya wa. 7Sakatə da ku mzhitə kəla tsəɗiyir Misiya, antə da bara abbər ka da ləkwa tsəɗiyir Bithliniya, amma Mambələr Yesu aɗi hira ala ɗa wa. 8Apani antə da nu təbwar Misiya, ka ləghəi ahar Trowas. 9Tsu vir nda aviri antə Bulus wulsu. Antə akwa wulsu ni tsa wutə mdər Makidoniya laga athləthlata akwa kiɗə ni abbər, “Asəra aɓəlabwani akwa Makidoniya ka gə dlar yeru.” 10Aghəla wulsu ni təkəma antə yeru ɗəmhədzi kamnyar mwari ahar Makidoniya, kamnyar yeru mbərsa abbər Hyel an kəga yeru ka yeru ra ngkər ala ɗa labar na msəra ni.
Lidiya Ku Hamta Jiri.
11Antə yeru ləkwa shar ahar Trowas, ka mwar dwaɗu ahar Samothlraki. Səɓəla ɗəpari antə yeru mwari ahar Neyapolis. 12Tə yeru thlata anda tsuwa antə yeru mwari ahar Fəlippi, bərni na ola akwa Makidoniya, tsuwa tsa akira kuthlikur ar Rom. Antə yeru ɗarndzi anda mnyar virayeri laga. 13Tə Vir Ghərəmtaghəra si antə yeru ləɓəla akwa nyarfur bərni ni ka mwari ata mnya thlyagha, akwa vəi tə yeru tamata abbər mda ata wutə vəi hara adduwa. Antə yeru ndzəndzi ka gari aka mwanki laga na tsaptədzi anda. 14Antə mwala laga akwa nca ɗa ka thləmari Lidiya, ku psi thləm ala yeru. Tsa thlata ahar Thliyatəra, tsuwa tsa ana ɗəl zhaɓi lipəla. Tsa mwala na ana vəngkər səli aka Hyel. Antə Mthlaku ku kəlar ɗəffari tə tsa vədzə hangkalari aka su tə Bulus akwa pəlari. 15Aghəla tə mdə ku hara alari baptizma kəga mjir kutakəyirni, antə tsa kəga yeru ka pəla, “Ma giri wuta abbər I ku ndzi mdər nu Mthlaku ka jirkur, asər giri ka giri ndzi ahar ngkiya.” Tsa kəɗar kiɗə kəra yeru, antə yeru ku sə kələngkər ka mwari.
Mdə Ku Hambwa Bulus Ka Sila Akwa Pərsəna
16Vir laga sakatə yeru akwa mwari akwa vəi hara adduwa, antə yeru kəɓa ka ngkwa laga mafa, na ka shatanər hakdzi akwa dzari, har tsa ku wutə gəna hang akwa hakdzi ni aka mji na mthlakərni. 17Antə tsa kəɗar nu yeru ka kuraku, yeru ka Bulus, akwa dingngga pəla, “Mji ngəni an mafar Hyel na Amta ta shang. Da akwa ngkər ala giri lakur wutə mbantədzi.” 18Tsa hara su ngəni mnyar virayeri hang, har tə su ni ləkwa fa hangkala Bulus, tə tsa shinardzi ka pəla aka mambəl ni abbər, “I akwa tsawa ala ga akwa thləma Yesu Kristi, ka gə səɓəla akwa dzari.” Antə mambəl ni səɓəla tsu ata saka nda.
19Sakatə mji na mthlakər ngkwa ni wuta abbər lakur wutə kwabar ɗa ku sha ala ɗa, antə da ngkəi Bulus ka Sila, ka ndəkər ɗa har ka mwantə ɗa akwa mnya kasəku akəma mjir kuthlikur. 20Sakatə da səntə ɗa akəma alkaliyayeri na olˈola, antə da pəla, “Mjir Yahudi ngəni akwa ndəndatə hangkala mjir di mburu. 21Da akwa thlipə suayeri na aɗi kəɓa ka surharar mburu wa, natə aɗi kalkal ka mburu dluwa wala nu wa, kamnyar ar mburu mburu mjir Rom.” 22Antə mji ni pungkərdzi aka Bulus ka Sila akwa dlaɓu ɗa. Antə mji na ol'olər hara shariya thləthləhumta ləptayeri ar Bulus ka Sila, ka tsawa abbər ka mji dlaɓu ɗa ka purpu. 23Aghəla tə mji ni ku dlaɓu ɗa ka dəkəi, ka hambwa ɗa akwa pərsəna, antə mthlakər pərsəna ni tsawa abbər ka mdə gadi ɗa ɓɗaku. 24Sakatə mdə ni ku dlu tsawu ngəni antə tsa hambwa akwa mbwa na avivi, ka tsau səla ɗa akwa udzəm.
25Amma sakatə kərathlər viri ku hara, antə Bulus ka Sila ləkwa hara adduwa ka hara hayeri ar hu Hyel, tsuwa mambila mji na akwa pərsəna ni akwa ngga ɗa. 26Təng təkəma kula səndər ɗa di kənggərantədzi ka duna, har tə səla kəi pərsəna ni kənggərantədzi. Təkəma təng shanga nyarmbwayeri mbugərəmtadzi, tə məsəsal na ata shanga mjir pərsəna ni pugəmtadzi. 27Sakatə mthlakər pərsəna ni thlata, ka wutə abbər shanga nyarmbwayeri kəlarkəlarari bwang, antə tsa ntsuɓəla katsakarərni, abbər ka tsa tsi kərni, kamnyar tsa kəta abbər shanga mji na akwa pərsəna ni ku msər ka hwi. 28Amma Bulus haptə kuraku ka duna ka pəla, “Ga aɗiya dəkəi kər ngə wa, kamnyar shanga yeru tsu azi!”
29Antə mdər gadi pərsəna ni pəla ka mdə sənta alari u'u, tə tsa tərmbwa ka huva, ka dzari akwa kədza kamnyar thlivəra, ka ndla akəma Bulus ka Sila. 30Antə tsa ləɓəla ka da, ka pəla, “Mji ol'ola, man su tə kəi hara, kəi wutə mbantədzi ri?”
31Antə da pəla alari, “Hamta jiri aka Mthlaku Yesu, antə ga ata wutə mbantədzi, ga ka mjir kutakəyir nga.” 32Antə da ngkər ndərər Mthlaku alari, ka aka shanga mji na akwa kəyirni. 33Tsu ata saka nda aviri ni antə mdər gadi kəyir pərsəna ni fwaɓəla ɗa, ka kəcimta ala ɗa mbəlka ɗa. Antə mdə ku hara alari baptizma təkəma, ata kəma duku ka shanga mjir kutakəyirni. 34Aghəla nda antə tsa ku mwantə Bulus ka Sila amta akwa kəyirni, ka na ala ɗa susəma. Antə tsa ka mjir kutakəyirni ku hara ka kucali, kamnyar tə shanga ɗa ku hamta jiri aka Hyel.
35Səɓəla ɗəpari antə alkaliyayeri na ol'ola thlentə dakwaliyayeri ka da ra pəla aka mdər gadi kəi pərsəna ni abbər, “Psi giri mji ngəni ka da təra!”
36Antə mdər gadi pərsənayeri ni mwantə gari ni aka Bulus abbər, “Alkaliyayeri ni thlenta abbər ka mdə psi giri ka giri təra. Antə səɓəla giri ka giri təra ka hangkala giri.”
37Amma Bulus pəla aka dakwali tə mdə thlentə ni abbər, “Ai da dlaɓu yeru ata nca mji, kula mdə hara ala yeru shariya, amma da ka səndari abbər yeru kambar Rom na gwangari! Ata kəra ngəni antə da jaktə hambwa yeru akwa pərsəna! Antə kulini da akwa bara ka da psi yeru ɗuwari? Awa! Da amzhi wa! Tar ka da si ka kəra ɗa ka da fwaɓəla yeru!” 38Antə dakwaliyayeri ni ngka ka ndər ni aka alkaliyayeri ni. Sakatə alkaliyayeri ni nggatə abbər Bulus ka Sila kambayeri ar Rom ni, antə da ku ləkwa thlivəra. 39Antə da mwari ka kəra ɗa, ka ra tubi ala ɗa, kambəla da fwaɓəla ɗa, ka kiɗə kəra ɗa abbər ka da təra kazhar di ngəni. 40Apani antə Bulus ka Sila ku ləɓəla akwa pərsəna ni, ka mwari ka wuli Lidiya. Sakatə da ku kəɓa ka mambila mjir nu na anda, ka dunautə ɗa, antə da təra.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.