Kəth Apos 14
14
Bulus Ka Barnabas Ahar Ikoniya
1Tsuwa ahar Ikoniya Bulus ka Barnabas ləkwa mbwar vəngkər səli, ka gari har tə mji dlama dlama ku hamta jiri, mjir Yahudi japu ka mjir Helleni. 2Amma mjir Yahudi na nggəlar ta hamta jiri, ku mbwantə ɗəffa mji na dur gapani, ka ɓzamtə daɓwa ɗa kəga mji na ku hamta jiri ni. 3Antə Bulus ka Barnabas ku fəi anda, akwa gari kula thlivəra ata kəra Mthlaku, ka ngkərɓəla ɓɗakkur tə Hyel hara atar Yesu. Tsuwa Hyel akwa hara seɗayeri kəga surndatayeri atar ɗa. 4Amma mjir bərni ni ku ndəkəidzi ka bwa suɗa, mji laga abwahila mjir Yahudi, mji laga tsuwa abwahila aposəlayeri ni.
5Antə durayeri damwa, ka mjir Yahudi laga, kəga mjir ɗa na ol'ola shang, ku bara hara bwani aka aposəlayeri ni, ka ndzəndzəhtə ɗa ka pela. 6Amma aposəlayeri ni ku nggatə su ata kər, ka hwi mwari akwa bərniyayeri ar Listəra ka Darbe na akwa Likoniya, ka kauyayeri na kalaktə ɗa. 7Antə da ku ngkər labar na msəra ni anda.
Bulus Ka Barnabas Ahar Listəra Ka Darbe
8Ahar Listəra mdə laga aɗi na nggurdəkəi, təng tsu akwa sakatə mdə yaɓəla ni, tsa aɗi ɗar mwa wa. 9Tsa ku psi thləmari aka gariyir Bulus ni. Sakatə Bulus wul ni njingnga, ka wuta abbər tsa ka hamta jiri na ata amzhi mbantə ni, 10antə tsa haptə kuraku ka pəla, “Thlatə dwaɗu ata səla ga!” Antə mdə ni thlatə ka baɗitə mwa. 11Sakatə dlama ni wutə su tə Bulus hara ni, antə da baɗitə hara kuraku akwa mnyar mjir Likoniya abbər, “Azha har hyelayeri ku səghəi ka ndzi akwa nca mburu akwa dludzər mji!” 12Antə da ku vətə thləm aka Barnabas abbər Zeyus, ka vəta aka Bulus abbər Harmes, kamnyar tsa an akwa gari na hangari. 13Antə prist ar hyel na ka thləmari Zeyus ni, na ka mbwar haptərni ata hildi təkəma ni, səntə gyalayeri ka pukdlayeri akwa nyarfayeri ni, akwa bara ka da hamta saɗaka aka aposəlayeri ni kəgari. 14Amma sakatə aposəlayeri ni, watau Barnabas ka Bulus, nggatə gari ni, antə da thləthləhumta ləptayeri arɗa, ka hwi ləɓəla ka mwari akwa nca dlamar mji ni, akwa haptə kuraku abbər, 15“Maɗara, kamnyar mi tə giri akwa hara su ngəni ri? Ai yeru an mji ka dza tsu apa giri! Antə yeru akwa ngkər ala giri labar na msəra, abbər ka giri zhar suayeri ngəni gapangapani ni, ka nu Hyel na ka mpika, na namtə vəi na amtazi ka duniya, ka manda, ka shanga suayeri na akwa kuta ɗa. 16Akwa zamanayeri na waci, tsa ku zhar shanga mji ka da mwa akwa laku tə da hira. 17Wala apani tsa aɗi ɗar zhar kərni kula seɗayeri ar ɓɗakkur wa. Kamnyar tsa ana hara ɓɗakkur atar hamta ala giri yimər hyel, ka sakar vəya na ana ya su, kamnyar ka tsa ndlantə giri ka susəma, ka ɗəffa giri ndzi msəra ala giri.” 18Wala aghəla ndərayeri ngəni, ka bwani antə da mzhi ngkatə dlamar mji ni ahamta saɗaka ni ala ɗa.
19Amma mjir Yahudi laga aɗi na ku thlata ahar Antakiya ka Ikoniya, na ku ndəkərtə hangkala mji ni, har tə da ndzəndzəh Bulus ka pela, ka ndəkərɓəla ni kazhar kuta di, akwa tamata abbər tsa ku mti. 20Amma sakatə mjir nuwa ku tsaptədzi adzə ni, antə tsa thlatə ka jaktə ngka akwa kuta di. Səɓəla ɗəpari, antə tsa təra ləhar Darbe, da ka Barnabas.
Bulus Ka Barnabas Ku Ngka Ahar Antakiya Akwa Siriya
21Aghəla tə Bulus ka Barnabas ku ngkər labar na msəra ahar Darbe ni ka wutə mji hang, antə da ngka ahar Listəra ka Ikoniya akwa Pisidiya. 22Antə da ku dunautə mjir nuwa, akwa na ɗa sauri abbər ka da ləkəma akwa hamta jiri ngəni, akwa pəla ala, “Tar atar ɗar bwaniyayeri antə mburu ata ləkwa kuthlikurər Hyel.” 23Aghəla tə da carɓəla mji na ata ndzi ol'ola akwa kəlara ikələziya, antə da hara adduwa ka asham, ka hamta ɗa akwa tsiya Mthlaku natə da mbərsa ka tsa ni.
24Antə da dlarhə shanga tsəɗiyir Pisidiya, ka si ahar Pamfiliya. 25Sakatə da ku ngkər ndər ni akwa Perga, antə da ləghəi ahar Attaliya. 26Thlatər ɗa anda tsuwa antə da ku ləkwa shar ka ngka ahar Antakiya, akwa vəi tə mji kiɗa abbər ka Hyel pwar ɗa akwa kəthlər tə da haɗa kuriyari ni.
27Sakatə da ku mzhitə ahar Antakiya, antə da tsaptə mjir ikələziya ata kəma duku, ka ngkərɓəla ala ɗa shanga su tə Hyel hara atar ɗa, ka apatə tsa ku kəlar nyarmbwar hamta jiri ni aka durayeri damwa. 28Antə da ku ndzəndzi anda ka fəi kəga mjir nuwa.
Currently Selected:
Kəth Apos 14: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Kəth Apos 14
14
Bulus Ka Barnabas Ahar Ikoniya
1Tsuwa ahar Ikoniya Bulus ka Barnabas ləkwa mbwar vəngkər səli, ka gari har tə mji dlama dlama ku hamta jiri, mjir Yahudi japu ka mjir Helleni. 2Amma mjir Yahudi na nggəlar ta hamta jiri, ku mbwantə ɗəffa mji na dur gapani, ka ɓzamtə daɓwa ɗa kəga mji na ku hamta jiri ni. 3Antə Bulus ka Barnabas ku fəi anda, akwa gari kula thlivəra ata kəra Mthlaku, ka ngkərɓəla ɓɗakkur tə Hyel hara atar Yesu. Tsuwa Hyel akwa hara seɗayeri kəga surndatayeri atar ɗa. 4Amma mjir bərni ni ku ndəkəidzi ka bwa suɗa, mji laga abwahila mjir Yahudi, mji laga tsuwa abwahila aposəlayeri ni.
5Antə durayeri damwa, ka mjir Yahudi laga, kəga mjir ɗa na ol'ola shang, ku bara hara bwani aka aposəlayeri ni, ka ndzəndzəhtə ɗa ka pela. 6Amma aposəlayeri ni ku nggatə su ata kər, ka hwi mwari akwa bərniyayeri ar Listəra ka Darbe na akwa Likoniya, ka kauyayeri na kalaktə ɗa. 7Antə da ku ngkər labar na msəra ni anda.
Bulus Ka Barnabas Ahar Listəra Ka Darbe
8Ahar Listəra mdə laga aɗi na nggurdəkəi, təng tsu akwa sakatə mdə yaɓəla ni, tsa aɗi ɗar mwa wa. 9Tsa ku psi thləmari aka gariyir Bulus ni. Sakatə Bulus wul ni njingnga, ka wuta abbər tsa ka hamta jiri na ata amzhi mbantə ni, 10antə tsa haptə kuraku ka pəla, “Thlatə dwaɗu ata səla ga!” Antə mdə ni thlatə ka baɗitə mwa. 11Sakatə dlama ni wutə su tə Bulus hara ni, antə da baɗitə hara kuraku akwa mnyar mjir Likoniya abbər, “Azha har hyelayeri ku səghəi ka ndzi akwa nca mburu akwa dludzər mji!” 12Antə da ku vətə thləm aka Barnabas abbər Zeyus, ka vəta aka Bulus abbər Harmes, kamnyar tsa an akwa gari na hangari. 13Antə prist ar hyel na ka thləmari Zeyus ni, na ka mbwar haptərni ata hildi təkəma ni, səntə gyalayeri ka pukdlayeri akwa nyarfayeri ni, akwa bara ka da hamta saɗaka aka aposəlayeri ni kəgari. 14Amma sakatə aposəlayeri ni, watau Barnabas ka Bulus, nggatə gari ni, antə da thləthləhumta ləptayeri arɗa, ka hwi ləɓəla ka mwari akwa nca dlamar mji ni, akwa haptə kuraku abbər, 15“Maɗara, kamnyar mi tə giri akwa hara su ngəni ri? Ai yeru an mji ka dza tsu apa giri! Antə yeru akwa ngkər ala giri labar na msəra, abbər ka giri zhar suayeri ngəni gapangapani ni, ka nu Hyel na ka mpika, na namtə vəi na amtazi ka duniya, ka manda, ka shanga suayeri na akwa kuta ɗa. 16Akwa zamanayeri na waci, tsa ku zhar shanga mji ka da mwa akwa laku tə da hira. 17Wala apani tsa aɗi ɗar zhar kərni kula seɗayeri ar ɓɗakkur wa. Kamnyar tsa ana hara ɓɗakkur atar hamta ala giri yimər hyel, ka sakar vəya na ana ya su, kamnyar ka tsa ndlantə giri ka susəma, ka ɗəffa giri ndzi msəra ala giri.” 18Wala aghəla ndərayeri ngəni, ka bwani antə da mzhi ngkatə dlamar mji ni ahamta saɗaka ni ala ɗa.
19Amma mjir Yahudi laga aɗi na ku thlata ahar Antakiya ka Ikoniya, na ku ndəkərtə hangkala mji ni, har tə da ndzəndzəh Bulus ka pela, ka ndəkərɓəla ni kazhar kuta di, akwa tamata abbər tsa ku mti. 20Amma sakatə mjir nuwa ku tsaptədzi adzə ni, antə tsa thlatə ka jaktə ngka akwa kuta di. Səɓəla ɗəpari, antə tsa təra ləhar Darbe, da ka Barnabas.
Bulus Ka Barnabas Ku Ngka Ahar Antakiya Akwa Siriya
21Aghəla tə Bulus ka Barnabas ku ngkər labar na msəra ahar Darbe ni ka wutə mji hang, antə da ngka ahar Listəra ka Ikoniya akwa Pisidiya. 22Antə da ku dunautə mjir nuwa, akwa na ɗa sauri abbər ka da ləkəma akwa hamta jiri ngəni, akwa pəla ala, “Tar atar ɗar bwaniyayeri antə mburu ata ləkwa kuthlikurər Hyel.” 23Aghəla tə da carɓəla mji na ata ndzi ol'ola akwa kəlara ikələziya, antə da hara adduwa ka asham, ka hamta ɗa akwa tsiya Mthlaku natə da mbərsa ka tsa ni.
24Antə da dlarhə shanga tsəɗiyir Pisidiya, ka si ahar Pamfiliya. 25Sakatə da ku ngkər ndər ni akwa Perga, antə da ləghəi ahar Attaliya. 26Thlatər ɗa anda tsuwa antə da ku ləkwa shar ka ngka ahar Antakiya, akwa vəi tə mji kiɗa abbər ka Hyel pwar ɗa akwa kəthlər tə da haɗa kuriyari ni.
27Sakatə da ku mzhitə ahar Antakiya, antə da tsaptə mjir ikələziya ata kəma duku, ka ngkərɓəla ala ɗa shanga su tə Hyel hara atar ɗa, ka apatə tsa ku kəlar nyarmbwar hamta jiri ni aka durayeri damwa. 28Antə da ku ndzəndzi anda ka fəi kəga mjir nuwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.