TITA 3
3
Thil ṭha tih zêl
1-2Lalte leh thuneitute laka intulût tûr te, thu âwih tûr te, thil ṭha tinrêng tiha inpeih tûr te, tu mah sawi chhe lo tûr te, kawhmawh bâwl lo tûr te, mi zawng zawng laka thuhnuairawlhna tinrêng tilanga nunnêm tûr tein anmahni hriat chhuahtîr leh rawh.
3Keini pawh hmânah khân â tak te, thu âwih lo te, buma awm te, châkna leh lâwmna tinrêng rawng bâwl te, sual leh îtsîk hmanga awm te, tenawm te, inhaw tawn te kan ni si a. 4Nimahsela, Pathian min Chhandamtu ngilneihzia leh, mihring chunga a hmangaihzia chu a lo lan lai khân, 5thil fel taka tih, keimahni ngeia tihte chu, chumi vâng ni lovin, siam tharna silna leh Thlarau Thianghlim siam ṭhat lehna chuanin, a khawngaihna ang zêl zâwkin min chhandam ta. 6Chu Thlarau Thianghlim chu, Isua Krista min Chhandamtu zârah chuan nasa taka kan chunga a leih kha. 7Chutichuan, a khawngaihnaa thiam chantîra lo awmin, chatuana nun beiseina ang zêla roluahtu tûra siamin kan awm thei ang.
8“Pathian ring tawhte chuan thil ṭha ti zêl tûrin ngaihtuah rawh se,” tih thu hi a rinawm a ni, chûng thu chanchin chu huai taka i hrilh tlat ka duh a ni. Chûng thu chu mihringte tân a ṭhain a sâwt a ni; 9nimahsela, zawhna âtthlâk te, thlahtute thu chhuina te, inhnialna te, Dân thûa insualna te chu hawisan zêl rawh; chûng chu thil sâwt lo leh eng mah lo a ni si a.
10Rin hran nei mi chu vawi hnih khat zilh hnu chuan zilh duh tawh suh; 11chutiang mi chu a kal pêngin a sual a ni tih in hria e, amah leh amah thiam loh inchantîr a ni si a.
Thuchah hnuhnûng
12Artema emaw, Tukika emaw i hnêna ka rawn tirh hunah chuan, Nikopoli khuaah ka hnênah lo kal hrâm hrâm ang che; chutah chuan thlasika awm ka tum si a. #Tirh 20.4; Eph 6.21-22; Kol 4.7-8; 2 Tim 4.12 13Zîna, dân hre mi leh, Apollova chuan eng mah an tlâkchham loh nân, an zinnaah chuan ṭhahnemngai takin puibâwm ang che. #Tirh 18.24; 1 Kor 16.12 14Kan mite chu tlâkchham an neih ngai loh nân hna ṭangkai thawka inhmang reng tûrin fuih la, an awm mai mai tûr a ni lo.
15Ka hnêna awm zawng zawngte hian chibai an bûk a che. Rinnaa min hmangaihtute kha chibai min bûksak ang che. In zaa hnênah khawngaihna awm rawh se.
Currently Selected:
TITA 3: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
TITA 3
3
Thil ṭha tih zêl
1-2Lalte leh thuneitute laka intulût tûr te, thu âwih tûr te, thil ṭha tinrêng tiha inpeih tûr te, tu mah sawi chhe lo tûr te, kawhmawh bâwl lo tûr te, mi zawng zawng laka thuhnuairawlhna tinrêng tilanga nunnêm tûr tein anmahni hriat chhuahtîr leh rawh.
3Keini pawh hmânah khân â tak te, thu âwih lo te, buma awm te, châkna leh lâwmna tinrêng rawng bâwl te, sual leh îtsîk hmanga awm te, tenawm te, inhaw tawn te kan ni si a. 4Nimahsela, Pathian min Chhandamtu ngilneihzia leh, mihring chunga a hmangaihzia chu a lo lan lai khân, 5thil fel taka tih, keimahni ngeia tihte chu, chumi vâng ni lovin, siam tharna silna leh Thlarau Thianghlim siam ṭhat lehna chuanin, a khawngaihna ang zêl zâwkin min chhandam ta. 6Chu Thlarau Thianghlim chu, Isua Krista min Chhandamtu zârah chuan nasa taka kan chunga a leih kha. 7Chutichuan, a khawngaihnaa thiam chantîra lo awmin, chatuana nun beiseina ang zêla roluahtu tûra siamin kan awm thei ang.
8“Pathian ring tawhte chuan thil ṭha ti zêl tûrin ngaihtuah rawh se,” tih thu hi a rinawm a ni, chûng thu chanchin chu huai taka i hrilh tlat ka duh a ni. Chûng thu chu mihringte tân a ṭhain a sâwt a ni; 9nimahsela, zawhna âtthlâk te, thlahtute thu chhuina te, inhnialna te, Dân thûa insualna te chu hawisan zêl rawh; chûng chu thil sâwt lo leh eng mah lo a ni si a.
10Rin hran nei mi chu vawi hnih khat zilh hnu chuan zilh duh tawh suh; 11chutiang mi chu a kal pêngin a sual a ni tih in hria e, amah leh amah thiam loh inchantîr a ni si a.
Thuchah hnuhnûng
12Artema emaw, Tukika emaw i hnêna ka rawn tirh hunah chuan, Nikopoli khuaah ka hnênah lo kal hrâm hrâm ang che; chutah chuan thlasika awm ka tum si a. #Tirh 20.4; Eph 6.21-22; Kol 4.7-8; 2 Tim 4.12 13Zîna, dân hre mi leh, Apollova chuan eng mah an tlâkchham loh nân, an zinnaah chuan ṭhahnemngai takin puibâwm ang che. #Tirh 18.24; 1 Kor 16.12 14Kan mite chu tlâkchham an neih ngai loh nân hna ṭangkai thawka inhmang reng tûrin fuih la, an awm mai mai tûr a ni lo.
15Ka hnêna awm zawng zawngte hian chibai an bûk a che. Rinnaa min hmangaihtute kha chibai min bûksak ang che. In zaa hnênah khawngaihna awm rawh se.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.