Me Cahyt Xà 13
13
Pê me hũcapi catêjê me Canãn jõ pjê pupu
Me Cahyt Xà 13.1-33
Mã Pahpãm pê Pahhiti te Mojxe mã harkwa mẽn ne cumã:
— Jũmjê xũmre kujate, quê ite me amã Canãn jõ pjê jõr xà ata pupu. Ne ca ha ahpỹanre na me aquêtjê te me amji jakrã te tôxi atajê kam, ajpẽn caxuw mehtàmxwỳ pê me hõ pahhi to caprã ne mehkujate — hajỹr.
Mã cute me to cuprõn, ne me cumã harkwa to:
— Me pra ne me pjê pupu, jũ mã mõrmõ cute. Ne ma curi mehkrĩ catêjê atajê pupu, mõrmõ ajkĩ mehtỳj, nare, ajkĩ mehpeacre, ne mõrmõ ajkĩ me hàhtô, nare, mõrmõ ajkĩ mencrêre. Ne me pjê pupu, mõrmõ ajkĩ impej, kam me pajàpên xà caxuw. Ne me krĩ pupu, mõrmõ intête kwỳc ne ajkĩ hihê, nare, mõrmõ ajkĩ hamãr xà atajê nõ hamreare. Ne me pjê ata pupu, mõrmõ ajkĩ ampeaj kam hõ to hakràj, ne kam pĩ jàhtô. Ca ha amji to mehtỳaj, ne atỳj ajpên me pjê ita jõ pĩxô nõ to me mõ, wa cukrẽ ne ihcajpẽ — hajỹr.
Mã ma me mõ, ne cute me Canãn jõ pjê pupun, ne cute kam ame ipa to me amcro to cwarẽnta. Ne ramã me mõr xàa kam, cute me pĩxô jàhtôa ne me hirên. Ne ma me to amji jaxàr, ne me to cator. Ne cute Mojxe me, Arãw me, Ixaher catêjê mã ampo itajê cunea jarẽn par. Ne cute me cumã pjê jõ pĩxô atajê jõr. Ne me cumã harẽn to:
— Wa Canãn jõ pjê mã me icator, ne ite me hõmpun, mã impeaj to impej. Ne ampeaj kam, kam me cumã me hõ, ne hanea ne kam pen ne kam pryti kà cacô jàhtô, ne kam me pĩxô itajê pupu he.
— Ne ampeaj kam curi mehkrĩ catêjê tỳj, ne ampeaj kam krĩ itajê cati, ne ipu na kwỳcti itajê kàa to ihkà. Wa ite kam mehĩ to cute me krĩ mã hikreti atajê kwỳ pupun, mã ampeaj kam mehkà, ne me catia to me cati — hajỹr.
Mã cute me hũmre kujahêc atajê nõ japrỳ te Carep ata te mehcunea mã Mojxe mã ihhi cuxêc na me ton, me kam mare mã, ne me cumã harkwa to:
— Hacme, ne me pjê ita pytà! Ampo na? Cu ha pahtỳj me tohjê, ne me hirô pê xa, ne me hipej — hajỹr.
Mã mehkwỳ te me cumã, ne ahna me amji ton kam me cumã:
— Wỳr cu apu amji mã me hamã! Ampo na? He me pajirôa pê curi catêjê mehhi tỳj, ne me cati. Ne pjê ata kam ampeaj kam me hàprê catêjê jàhtô, ne cute me hipu tu. Na ri me imãa me ipê xycxycre pyràac, ne hanea ne me cumã me ipê xycxycre pit, ne me cumã me ikryjre — hajỹr.
Currently Selected:
Me Cahyt Xà 13: ram
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Me Cahyt Xà 13
13
Pê me hũcapi catêjê me Canãn jõ pjê pupu
Me Cahyt Xà 13.1-33
Mã Pahpãm pê Pahhiti te Mojxe mã harkwa mẽn ne cumã:
— Jũmjê xũmre kujate, quê ite me amã Canãn jõ pjê jõr xà ata pupu. Ne ca ha ahpỹanre na me aquêtjê te me amji jakrã te tôxi atajê kam, ajpẽn caxuw mehtàmxwỳ pê me hõ pahhi to caprã ne mehkujate — hajỹr.
Mã cute me to cuprõn, ne me cumã harkwa to:
— Me pra ne me pjê pupu, jũ mã mõrmõ cute. Ne ma curi mehkrĩ catêjê atajê pupu, mõrmõ ajkĩ mehtỳj, nare, ajkĩ mehpeacre, ne mõrmõ ajkĩ me hàhtô, nare, mõrmõ ajkĩ mencrêre. Ne me pjê pupu, mõrmõ ajkĩ impej, kam me pajàpên xà caxuw. Ne me krĩ pupu, mõrmõ intête kwỳc ne ajkĩ hihê, nare, mõrmõ ajkĩ hamãr xà atajê nõ hamreare. Ne me pjê ata pupu, mõrmõ ajkĩ ampeaj kam hõ to hakràj, ne kam pĩ jàhtô. Ca ha amji to mehtỳaj, ne atỳj ajpên me pjê ita jõ pĩxô nõ to me mõ, wa cukrẽ ne ihcajpẽ — hajỹr.
Mã ma me mõ, ne cute me Canãn jõ pjê pupun, ne cute kam ame ipa to me amcro to cwarẽnta. Ne ramã me mõr xàa kam, cute me pĩxô jàhtôa ne me hirên. Ne ma me to amji jaxàr, ne me to cator. Ne cute Mojxe me, Arãw me, Ixaher catêjê mã ampo itajê cunea jarẽn par. Ne cute me cumã pjê jõ pĩxô atajê jõr. Ne me cumã harẽn to:
— Wa Canãn jõ pjê mã me icator, ne ite me hõmpun, mã impeaj to impej. Ne ampeaj kam, kam me cumã me hõ, ne hanea ne kam pen ne kam pryti kà cacô jàhtô, ne kam me pĩxô itajê pupu he.
— Ne ampeaj kam curi mehkrĩ catêjê tỳj, ne ampeaj kam krĩ itajê cati, ne ipu na kwỳcti itajê kàa to ihkà. Wa ite kam mehĩ to cute me krĩ mã hikreti atajê kwỳ pupun, mã ampeaj kam mehkà, ne me catia to me cati — hajỹr.
Mã cute me hũmre kujahêc atajê nõ japrỳ te Carep ata te mehcunea mã Mojxe mã ihhi cuxêc na me ton, me kam mare mã, ne me cumã harkwa to:
— Hacme, ne me pjê ita pytà! Ampo na? Cu ha pahtỳj me tohjê, ne me hirô pê xa, ne me hipej — hajỹr.
Mã mehkwỳ te me cumã, ne ahna me amji ton kam me cumã:
— Wỳr cu apu amji mã me hamã! Ampo na? He me pajirôa pê curi catêjê mehhi tỳj, ne me cati. Ne pjê ata kam ampeaj kam me hàprê catêjê jàhtô, ne cute me hipu tu. Na ri me imãa me ipê xycxycre pyràac, ne hanea ne me cumã me ipê xycxycre pit, ne me cumã me ikryjre — hajỹr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.