मर्कुस 6:41-43

ये़सुरे़ खे़न् ङासि (५) खरे़ःङ् नु ने़त्‍छि (२) ङाहाॽ याङ्‌सिङ्‌ङाङ् साङ्‌ग्राम्‍पेदाङ् ले़प्‍माङ् ओमे़त्तुर निङ्‌वाॽफुमाङ्‌ङिन् नोगे़न् पिरुर खरे़ःङ्‌हाॽ खे़ःक्‍खु॥ हे़क्‍क्‍याङ् खे़न् मनाहाॽ मे़हाःत्तुसिर फाॽआङ् कुहुॽसाम्‍बाहाॽ पिरुसि॥ खे़न् ने़त्‍छि ङाहाॽआङ् खे़ःक्‍खुआङ् मनाहाॽ मे़हाःत्तुसिर फाॽआङ् कुहुॽसाम्‍बाहाॽ पिरुसिरो॥ खे़ङ्‌हाॽरे़ खाघा मे़जरो॥ हे़क्‍क्‍याङ् कुहुॽसाम्‍बाहाॽरे़ खे़न् खरे़ःङ् नु ङाहाॽरे़ कुजि के़नम्‍बाहाॽ मे़सुप्‍सुल्‍ले़ थिक्-ने़त् (१२) नइमा योरे़रो॥