मत्ति 24
24
कुनुप्मा ये़न्निल्ले़न् मिक्सेःन्हाॽ
(मर्कु १३:१-२; लुका २१:५-६)
1ये़सुन् माङ्हिम्मोलाम् पेर पत्छे़ल्ले़ कुहुॽसाम्बाहाॽरे़ माङ्हिम्मिल्ले़न् नुःब्नुबा हिम्हाॽ खुने़ॽ ओसेःन्धाक्मा फाॽआङ् कुबेसाङ् मे़द्ये़॥ 2ये़सुरे़ खे़ङ्हाॽ मे़त्तुसि, “कन् के़निसुम्बा हिम्हाॽरे़ कुयाःम्बेओ से़क्खा पान् मे़त्निङ्, थिक् लुङ्सम्दाङ् वेॽ लुङ्धिक्काङ् मे़न्ने़ए थारिक् कङ्हाॽ के़रे़क् मे़य मे़बेःक्लो॥”
3याङ्सि ये़सुन् जैतुन कोःक्माओ वये़ल्ले़ कुहुॽसाम्बाहाॽ मे़द्ये़आङ् स्वाःत्ताङ् सेःन्मे़दोसु, “दाङ्बे, कन् पाःन्हाॽ आप्फाल्ले़ पोङ्बाबे? खे़ने़ॽ के़युमा ये़म्मिन् नु कन् इक्सादिङ् खाम्बेःक्मोबा ये़म्मिल्ले़ कुनुप्मा मिक्सेःन्निन् आमे़त्ते़ॽओ॥”
4ये़सुरे़ खे़ङ्हाॽ नोगप् पिरुसि, “सिङ्सिङ् लॽरे़म्मे़ॽओ, आत्तिल्ले़आङ् खिनिॽ इङ्गे़न्ले़क्तिन्लरो, 5थेआङ्भे़ल्ले़ यरिक् मनाहाॽ निङ्वाॽफुमाङ्ङिल्ले़ सेःन्दुबा ख्रिस्ते़न् इङ्गाॽएरो लॽरिक् मे़बाःत्तुर इङ्गाॽ आमिङ्ङो मे़दारो, हे़क्क्याङ् यरिक् मनाहाॽ इङ्मे़ले़क्तुसिॽरो॥ 6खिनिॽग थङ् नु थङ्हाॽरे़न् हयङ् किल्लिङ्हाॽ के़घे़प्सुम्, कर खिनिॽ निङ्वाॽ मे़मये़म्मिन्ने़ॽओ॥ कङ्हाॽग पोङ्माए पोङ्, कर बा खे़न् ये़म्मोएग इक्सादिङ् खाम्बेःक्माल्ले़ कुनुप्मान् मे़दाने़न्लो॥ 7मे़न्छाम् सुवाङ्हाॽ नु लाजेॽहाॽ लुम्मो थङ् पोङ्, यरिक् ते़न्नो यम्बा साक् पोक् हे़क्क्याङ् लुप्लि थाङ्लो॥ 8कङ्ग के़दाबार के़बप्पा किप्मा के़घुबा तुक्खेहाॽरे़ कुहेःक्सिङ्मारक्लो॥
9“हे़क्क्याङ् खिनिॽग मनाहाॽरे़ के़म्दे़म्सिआङ् तुक्खे के़म्जाःत्तिॽ, हे़क्क्याङ् के़म्से़रिॽरो॥ खिनिॽ याप्मि नसान् के़जोगिबाल्ले़ चोगुल्ले़ के़रे़क् मे़न्छाम् सुवाङ्हाॽरे़ के़म्जिःत्तिॽरो॥ 10खे़न् ये़म्मो यरिक् मनाहाॽ नसाःन्लाम् मे़नुःङ्ङाङ् इङ्मे़ले़क्सिङ्ङाङ् मे़जिःत्छिङ्लो॥ 11हे़क्केलॽरिक् इङ्ले़क्पा माङ्निङ्वाॽपान् के़बाःप्पाहाॽ मे़लन् मे़दाआङ् यरिक् मनाहाॽ इङ्मे़ले़क्तुसिॽरो॥ 12ताप्फे़ःम्बा पाःन्हाॽ पोर पेःक्पाल्ले़ चोगुल्ले़ यरिक् मनाहाॽरे़ से़क्खा निङ्वाॽओनु लुङ्माॽ तुक्सिङ्मा मे़ले़रुरो॥ 13कर आत्तिल्ले़ कुनुप्मो थारिक् थरुॽ, खे़ल्ले़ए से़न्लप् खोसुॽरो॥ 14हे़क्क्याङ् निङ्वाॽफुहाङ्जुम्ले़न् कन् सुनाइङ्ङिन् इक्सादिङ् खाम्बेःक्को खाराक् के़रे़क् मे़न्छाम् सुवाङ्हाॽरे़ लागि तोःन्दि हे़क्के इङ्भोरो, हे़क्क्याङ् कुनुप्मान् तारो॥
किप्मा के़घुबा ये़म्
(मर्कु १३:१४-२३; लुका २१:२०-२४)
15“माङ्निङ्वाॽपान् के़बाःप्पा दानिए़लरे़ पाःत्तुबा सिक्के़ले़ःङ्बान् माङ्हिम्मोबा सेसेदे़न्नो ये़प्पा के़निसुम्लो॥”#दानि ९:२७, ११:३१, १२:११ (के़निःप्पाहाॽरे़ कन् पाःन्निन् कुसिङ् मे़निःत्तुररो!) 16“खे़न् ये़म्मो यहुदियाबा मनाहाॽ कोःक्मा फाङ्जङ् हे़ङ्घात्ति मे़घे़त्छिङ् मे़बेःक्लरो॥ 17खे़न् ये़म्मो हिम् सम्दाङ् के़वाॽबा मनान् चिगक्वा लासे़ हिम्सिगाङ् मे़लाःत्ने़न्ल॥ 18प्याङ्सिगे़न् इक्ताप्पो के़वाॽबान् कुसुङ्घेःक्वा लासे़ कुहिम्मो मे़नुःङ्ने़न् मे़बेःक्ने़न्लरो॥ 19कन् ये़म्मिङ्ग मे़न्छुक्मा नु सावामाहाॽरे़ लागि आक्खे़न् किप्मा के़घुबा पोङ्ङि! 20चुङ्वाःम्मा ये़म्मो नु नाःम्सिङ् ये़न्नो खिनिॽ खे़त्छिङ्मा मे़बोङ्ने़न्ल फाॽआङ् तुवा चोगे़म्मे़ॽओ॥#२४:२० खे़न् लाजेॽओ चुङ्वाःम्माओ यरिक् वाहित् के़धाःबा नु चुङ्गे़जिक्पा ये़म् पोङ्बाल्ले़ चोगुल्ले़ लाम्दिक् चोःक्मा साक्लो॥ हे़क्क्याङ् यहुदि साम्योथिम्मो नाःम्सिङ् ये़न्नो किलोमितरधिक् थारिक्लक् लाङ्घेःक्मा सुक्के़दे़प्पा थिम् वये़॥ 21थेआङ्भे़ल्ले़ खे़न् ये़म्मो अक्तङ्बा किप्मा के़घुबा तुक्खेन् ताःरो॥ अक्तङ्बा तुक्खेःङ्ग इक्सादिङ् खाम्बेःक्मान् नावागे़न् चइःत् ने़स्से़आङ्धो आल्लो थारिक् मे़म्बोङ्ङे वाॽ, हे़क्क्याङ् ताःन्दि याम्मो आप्फाल्ले़आङ् मे़बोङ्ने़ल्लो॥ 22निङ्वाॽफुमाङ्ङिल्ले़ खे़न् ये़न्हाॽ ताङ्सा मे़जोगुन्निल्ले़ग आत्तिन् मनाहाॽआङ् हिङ्मा मे़न्छुक्ते़न्बारो॥ कर खुने़ॽ सेगुसिबाहाॽ मे़हिङ्ल फाॽआङ् खे़न् ये़न्हाॽ ताङ्सा पोःक्खे़बारो॥
23“हे़क्क्याङ् खे़न् ये़म्मो मनाहाॽरे़ ‘ओमे़त्ते़म्मे़ॽ, निङ्वाॽफुमाङ्ङिल्ले़ सेःन्दुबा ख्रिस्ते़न् कप्मो वाॽ’ इग्र ‘खुने़ॽ खे़प्मो वाॽ’ लॽरिक् मे़बाःत्तुर मे़दाःल्ले़ नसान् मे़जोगे़म्सिम्मिन्ने़ॽओ॥ 24थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपान् के़बाःप्पाहाॽ मे़लन् मे़दाआङ् पयम् यम्बा मिक्सेन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥ 25ओमे़त्ते़म्मे़ॽ, कन् पाःन्हाॽ पोङ्मानुःल्ले़ तगिए खिनिॽ मे़त्निङ्ङाङ् वाॽआरो॥
26“खे़ल्ले़चोगुल्ले़ मनाहाॽरे़ ‘ओमे़त्ते़म्मे़ॽ, ख्रिस्ते़ङ्ग ये़ःङ्घादे़न्नो वाॽ’ के़म्मे़त्तिग्र, ओमे़त्छे़ खे़प्मो मे़बेगे़म्मिन्ने़ॽओ, इग्र ‘ओमे़त्ते़म्मे़ॽ, खुने़ॽ कप्मो सिगाङ्बा याक्फाङ्ङो वाॽ’ के़म्मे़त्तिसाङ् खे़ङ्हाॽरे़ खुनिॽ पाःन्निन् नसान् मे़जोगे़म्मिन्ने़ॽओ॥ 27थेआङ्भे़ल्ले़ मे़न्छाम्साःल्ले़ कुयुमाङ्ग साःम्भे ले़क्किल्ले़ के़रे़क् ताङ्साक्पे़न् थोॽरुबा कुइसिःक्के पोङ्लो॥ 28आत्तो सागिःक्के़न् ने़ॽ, खे़प्मोए किदाबाहाॽआङ् मे़जुम्लो॥”#२४:२८ खे़न् फाॽइन् के़रे़क् मनाहाॽरे़ मे़न्छाम्साःल्ले़ कुयुःमान् कुसिङ् मे़निःत्तुॽ॥
मे़न्छाम्साःल्ले़ कुयुःमान्
(मर्कु १३:२४-२७; लुका २१:२५-२८)
29“खे़न् किप्मा के़घुबा तुक्खेन् एगाङ् खिमो
“‘नाम्मिन् खामाक्लो,
लाबाल्ले़ ओःत्ति मे़बिरुन्लो,
ताङ्साक्पोबा खेःम्सिक्पाहाॽ मक्मे़धारो,
हे़क्क्याङ् ताङ्साक्पोबा मुक्साम्हाॽ मे़यङ्लो॥’#यसै १३:१०, ३४:४; योए २:१०
30हे़क्क्याङ् खे़न् ये़म्मो ताङ्साक्पो मे़न्छाम्साःल्ले़ कुयुमाल्ले़न् मिक्सेःन्निन् थाःप्पाङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ मे़रिङ् मे़धक्लो॥ खे़ङ्हाॽरे़ मे़न्छाम्सान् ताङ्साक्पो मुक्साम् हे़क्क्याङ् पयम् मिमिदिङ्ङिन्नु खाप्मिःत्तो युःर पप्पा मे़निसुॽरो॥#दानि ७:१३ 31हे़क्क्याङ् खुने़ॽ सेगुसिबा मनाहाॽ सुम्से़ के़रे़क् पिसाङ्लाम् ताङ्साक्पाल्ले़ खोःप्तुबा नु इक्सादिङ् खाम्बेःक्माल्ले़ ताःक्तुबाओ थुत्तुरिःप्पाल्ले़न् पयम् इक्लानु कुमाङ्लाइङ्बाहाॽ इक्सादिङ् खाम्बेःक्मो पाङ्घु युसुसिॽरो॥
पःत्छेॽबुङ्माल्ले़ कुबि
(मर्कु १३:२८-३१; लुका २१:२९-३३)
32“आल्ल पःत्छेॽबुङ्मोलाम् कन् पाःन्निन् कुसिङ् निःत्ते़म्मे़ॽओ, खे़ल्ले़ कुबोराक्हाॽलाम्बा कुसङ् कुनःक्हाॽ लःम्मा हेःक्किल्ले़ हाङ्वाःम्मा ये़म्मिन् निःत्ताङ् त्ये़रो फाॽआङ् कुसिङ् के़निःत्तुम्॥ 33हे़क्केलॽरिक्के इङ्गाॽ पाःत्तुङ्बा कन् के़रे़क् पाःन्हाॽ के़त्ल पेःक्पा के़निसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ् के़निःत्तुम्लो॥ 34इङ्गाॽ से़क्खाए मे़त्निङ्, कन् के़रे़क् पाःन्हाॽ मे़म्बोङ्ङे थारिक् कन् मे़न्छाम् थाःक्हाॽ मे़न्छिने़न्॥ 35ताङ्साक्पे़न् नु खाम्बेःक्मान् ले़क्काङ् पेक्, कर इङ्गाॽ आबाःन्जाक्हाॽ आप्फाल्ले़आङ् मे़ले़क्ने़न् मे़बेःक्ने़न्लो॥
ये़सुरे़ कुयुमाओ यारिप् वाॽमान्
(मर्कु १३:३२-३७; लुका १७:२६-३०)
36“आल्ल खे़न् ये़म् नु ये़न्हाॽ आप्फाल्ले़ पोङ् फाॽआङ् आत्तिल्ले़आङ् मे़निसुन्॥ साङ्ग्राम्पेदाङ्बा माङ्लाइङ्बा नु निङ्वाॽफुसाःल्ले़आङ् मे़निसुन्लो, कर पानुदिङ् पा निङ्वाॽफुमाङ्ङिल्ले़रक् निसुॽरो॥
37“हे़क्क्याङ् मे़न्छाम्सान् नुःङ् युःल्ले़ नुहारे़ कुये़म् हे़क्केए पोङ्लो॥ 38नुहन् वालाधाओ लासे़बा ये़म्मो थारिक्के मनाहाॽ मे़जर मे़धुङुर हे़क्क्याङ् मेःक्खिम् मे़जोगुर मे़वये़॥ 39हे़क्क्याङ् वादोःक्मा थाङे़आङ् निःम्मा सिमानुःल्ले़ तगि थे पोङ् के़लॽबान् खे़ङ्हाॽरे़ थेआङ् निङ्वाॽ मे़ङ्गत्तुन्लो॥ बा हे़क्केलॽरिक्के मे़न्छाम्साःल्ले़ कुयुमान्नाङ् पोङ्लो॥ 40खे़न् ये़म्मो ने़प्फु मनाहाॽ प्याङ्सिगे़न् इक्ताप्पो याःम्बक् चोःक्सुर याक्सिल्ले़ थिक्किन् तेॽ, वेॽसमा वाॽ लाःत्लो॥ 41हे़क्क्याङ् ने़प्फु मे़न्छुमाहाॽ लुङ्सुम्मो याॽयुःत्नु युङ्सिल्ले़ थिक्किन् तेॽ, वेॽसमा युङ् लाःत्लो॥ 42खे़ल्ले़चोगुल्ले़ खिनिॽआङ् आप्फाल्ले़साङ् यारिप् पोःक्खे़म्मे़ॽओ, थेआङ्भे़ल्ले़ खिनिॽ दाङ्बान् आप्फाल्ले़ युबे के़लॽबान् खिनिॽ निङ्वाॽ के़ङ्गत्तुम्मिन्लो॥ 43हिम्दाङ्बाल्ले़ खुःन्द्रिक्पे़न् आत्तिन् ये़म्मो ता के़लॽबान् निङ्वाॽ खोसुने़ फाॽग्र खे़ल्ले़ मे़न्इम्मे हिम्मिन् कोसुआङ् खे़न् खुःन्द्रिक्पे़न् खुःप्मा मे़बाङ्घुन् के़लॽबा पाःन्निन् कुसिङ् निःत्ते़म्मे़ॽओ॥ 44खे़ल्ले़चोगुल्ले़ खिनिॽआङ् आप्फाल्ले़साङ् यारिप् वये़म्मे़ॽओ, थेआङ्भे़ल्ले़ मे़न्छाम्सान् यु फाॽआङ् मे़न्इःत्ते के़वयिल्ले़ खुने़ॽ युरो॥
नसाःन्साबा नु ताप्फे़ःम्बा से़वारोबाहाॽ
(लुका १२:४१-४८)
45“आत्तिन् से़वारोबान् नसाःन्साबा नु सिक्कुम्साबा चोक्, खे़न्निन् हिम्दाङ्बाल्ले़ कुहिम्धाःङ्हाॽ ओमे़प्मा युक् पिरुआङ् खे़ल्ले़ वेॽ से़वारोबाहाॽ ये़म्ये़म्मो चामा थुङ्मा पिरुसिॽरो॥ 46खे़न् हिम्दाङ्बान् नुःङ् ताःल्ले़ खे़न् से़वारोबाल्ले़ बा हे़क्केए चोगुर वाॽबा तुमुने़ फाॽग्र खे़न् थुम्घो पिरुॽरो॥ 47इङ्गाॽ से़क्खाए मे़त्निङ्, खे़न् हिम्दाङ्बाल्ले़ खे़न् से़वारोबान् के़रे़क् कुयाङ्साकुन्धे सम्दाङ् युक् पिरुॽरो॥ 48कर खे़न् ताक्के़भे़ॽबा से़वारोबाल्ले़ कुनिङ्वाॽबो आन्दाङ्बान् ‘हारा मे़दाने़न्’ लॽ, 49हे़क्क्याङ् कुन्जुम् से़वारोबाहाॽ हिप्तुसिआङ् थिःमसाङ्हाॽनु चामा थुङ्मा हेःक्तुॽने़ फाॽग्र 50खे़ल्ले़ कुन्दाङ्बान् ता लॽरिक् निङ्वाॽ मे़इःत्तुन्बा ये़म्मो कुन्दाङ्बान् ताःरो॥ 51हे़क्क्याङ् कुन्दाङ्बाल्ले़ खे़न् साॽरिक् ते़ःम्भुक् याक्तुआङ् कुनिङ्वाॽ के़जिःप्पाहाॽनु सोरिक् खुम्दिङ् पिरुॽरो॥ खे़प्मोग हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोङ्लो॥”
Currently Selected:
मत्ति 24: LIF
Highlight
Share
Compare
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
मत्ति 24
24
कुनुप्मा ये़न्निल्ले़न् मिक्सेःन्हाॽ
(मर्कु १३:१-२; लुका २१:५-६)
1ये़सुन् माङ्हिम्मोलाम् पेर पत्छे़ल्ले़ कुहुॽसाम्बाहाॽरे़ माङ्हिम्मिल्ले़न् नुःब्नुबा हिम्हाॽ खुने़ॽ ओसेःन्धाक्मा फाॽआङ् कुबेसाङ् मे़द्ये़॥ 2ये़सुरे़ खे़ङ्हाॽ मे़त्तुसि, “कन् के़निसुम्बा हिम्हाॽरे़ कुयाःम्बेओ से़क्खा पान् मे़त्निङ्, थिक् लुङ्सम्दाङ् वेॽ लुङ्धिक्काङ् मे़न्ने़ए थारिक् कङ्हाॽ के़रे़क् मे़य मे़बेःक्लो॥”
3याङ्सि ये़सुन् जैतुन कोःक्माओ वये़ल्ले़ कुहुॽसाम्बाहाॽ मे़द्ये़आङ् स्वाःत्ताङ् सेःन्मे़दोसु, “दाङ्बे, कन् पाःन्हाॽ आप्फाल्ले़ पोङ्बाबे? खे़ने़ॽ के़युमा ये़म्मिन् नु कन् इक्सादिङ् खाम्बेःक्मोबा ये़म्मिल्ले़ कुनुप्मा मिक्सेःन्निन् आमे़त्ते़ॽओ॥”
4ये़सुरे़ खे़ङ्हाॽ नोगप् पिरुसि, “सिङ्सिङ् लॽरे़म्मे़ॽओ, आत्तिल्ले़आङ् खिनिॽ इङ्गे़न्ले़क्तिन्लरो, 5थेआङ्भे़ल्ले़ यरिक् मनाहाॽ निङ्वाॽफुमाङ्ङिल्ले़ सेःन्दुबा ख्रिस्ते़न् इङ्गाॽएरो लॽरिक् मे़बाःत्तुर इङ्गाॽ आमिङ्ङो मे़दारो, हे़क्क्याङ् यरिक् मनाहाॽ इङ्मे़ले़क्तुसिॽरो॥ 6खिनिॽग थङ् नु थङ्हाॽरे़न् हयङ् किल्लिङ्हाॽ के़घे़प्सुम्, कर खिनिॽ निङ्वाॽ मे़मये़म्मिन्ने़ॽओ॥ कङ्हाॽग पोङ्माए पोङ्, कर बा खे़न् ये़म्मोएग इक्सादिङ् खाम्बेःक्माल्ले़ कुनुप्मान् मे़दाने़न्लो॥ 7मे़न्छाम् सुवाङ्हाॽ नु लाजेॽहाॽ लुम्मो थङ् पोङ्, यरिक् ते़न्नो यम्बा साक् पोक् हे़क्क्याङ् लुप्लि थाङ्लो॥ 8कङ्ग के़दाबार के़बप्पा किप्मा के़घुबा तुक्खेहाॽरे़ कुहेःक्सिङ्मारक्लो॥
9“हे़क्क्याङ् खिनिॽग मनाहाॽरे़ के़म्दे़म्सिआङ् तुक्खे के़म्जाःत्तिॽ, हे़क्क्याङ् के़म्से़रिॽरो॥ खिनिॽ याप्मि नसान् के़जोगिबाल्ले़ चोगुल्ले़ के़रे़क् मे़न्छाम् सुवाङ्हाॽरे़ के़म्जिःत्तिॽरो॥ 10खे़न् ये़म्मो यरिक् मनाहाॽ नसाःन्लाम् मे़नुःङ्ङाङ् इङ्मे़ले़क्सिङ्ङाङ् मे़जिःत्छिङ्लो॥ 11हे़क्केलॽरिक् इङ्ले़क्पा माङ्निङ्वाॽपान् के़बाःप्पाहाॽ मे़लन् मे़दाआङ् यरिक् मनाहाॽ इङ्मे़ले़क्तुसिॽरो॥ 12ताप्फे़ःम्बा पाःन्हाॽ पोर पेःक्पाल्ले़ चोगुल्ले़ यरिक् मनाहाॽरे़ से़क्खा निङ्वाॽओनु लुङ्माॽ तुक्सिङ्मा मे़ले़रुरो॥ 13कर आत्तिल्ले़ कुनुप्मो थारिक् थरुॽ, खे़ल्ले़ए से़न्लप् खोसुॽरो॥ 14हे़क्क्याङ् निङ्वाॽफुहाङ्जुम्ले़न् कन् सुनाइङ्ङिन् इक्सादिङ् खाम्बेःक्को खाराक् के़रे़क् मे़न्छाम् सुवाङ्हाॽरे़ लागि तोःन्दि हे़क्के इङ्भोरो, हे़क्क्याङ् कुनुप्मान् तारो॥
किप्मा के़घुबा ये़म्
(मर्कु १३:१४-२३; लुका २१:२०-२४)
15“माङ्निङ्वाॽपान् के़बाःप्पा दानिए़लरे़ पाःत्तुबा सिक्के़ले़ःङ्बान् माङ्हिम्मोबा सेसेदे़न्नो ये़प्पा के़निसुम्लो॥”#दानि ९:२७, ११:३१, १२:११ (के़निःप्पाहाॽरे़ कन् पाःन्निन् कुसिङ् मे़निःत्तुररो!) 16“खे़न् ये़म्मो यहुदियाबा मनाहाॽ कोःक्मा फाङ्जङ् हे़ङ्घात्ति मे़घे़त्छिङ् मे़बेःक्लरो॥ 17खे़न् ये़म्मो हिम् सम्दाङ् के़वाॽबा मनान् चिगक्वा लासे़ हिम्सिगाङ् मे़लाःत्ने़न्ल॥ 18प्याङ्सिगे़न् इक्ताप्पो के़वाॽबान् कुसुङ्घेःक्वा लासे़ कुहिम्मो मे़नुःङ्ने़न् मे़बेःक्ने़न्लरो॥ 19कन् ये़म्मिङ्ग मे़न्छुक्मा नु सावामाहाॽरे़ लागि आक्खे़न् किप्मा के़घुबा पोङ्ङि! 20चुङ्वाःम्मा ये़म्मो नु नाःम्सिङ् ये़न्नो खिनिॽ खे़त्छिङ्मा मे़बोङ्ने़न्ल फाॽआङ् तुवा चोगे़म्मे़ॽओ॥#२४:२० खे़न् लाजेॽओ चुङ्वाःम्माओ यरिक् वाहित् के़धाःबा नु चुङ्गे़जिक्पा ये़म् पोङ्बाल्ले़ चोगुल्ले़ लाम्दिक् चोःक्मा साक्लो॥ हे़क्क्याङ् यहुदि साम्योथिम्मो नाःम्सिङ् ये़न्नो किलोमितरधिक् थारिक्लक् लाङ्घेःक्मा सुक्के़दे़प्पा थिम् वये़॥ 21थेआङ्भे़ल्ले़ खे़न् ये़म्मो अक्तङ्बा किप्मा के़घुबा तुक्खेन् ताःरो॥ अक्तङ्बा तुक्खेःङ्ग इक्सादिङ् खाम्बेःक्मान् नावागे़न् चइःत् ने़स्से़आङ्धो आल्लो थारिक् मे़म्बोङ्ङे वाॽ, हे़क्क्याङ् ताःन्दि याम्मो आप्फाल्ले़आङ् मे़बोङ्ने़ल्लो॥ 22निङ्वाॽफुमाङ्ङिल्ले़ खे़न् ये़न्हाॽ ताङ्सा मे़जोगुन्निल्ले़ग आत्तिन् मनाहाॽआङ् हिङ्मा मे़न्छुक्ते़न्बारो॥ कर खुने़ॽ सेगुसिबाहाॽ मे़हिङ्ल फाॽआङ् खे़न् ये़न्हाॽ ताङ्सा पोःक्खे़बारो॥
23“हे़क्क्याङ् खे़न् ये़म्मो मनाहाॽरे़ ‘ओमे़त्ते़म्मे़ॽ, निङ्वाॽफुमाङ्ङिल्ले़ सेःन्दुबा ख्रिस्ते़न् कप्मो वाॽ’ इग्र ‘खुने़ॽ खे़प्मो वाॽ’ लॽरिक् मे़बाःत्तुर मे़दाःल्ले़ नसान् मे़जोगे़म्सिम्मिन्ने़ॽओ॥ 24थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपान् के़बाःप्पाहाॽ मे़लन् मे़दाआङ् पयम् यम्बा मिक्सेन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥ 25ओमे़त्ते़म्मे़ॽ, कन् पाःन्हाॽ पोङ्मानुःल्ले़ तगिए खिनिॽ मे़त्निङ्ङाङ् वाॽआरो॥
26“खे़ल्ले़चोगुल्ले़ मनाहाॽरे़ ‘ओमे़त्ते़म्मे़ॽ, ख्रिस्ते़ङ्ग ये़ःङ्घादे़न्नो वाॽ’ के़म्मे़त्तिग्र, ओमे़त्छे़ खे़प्मो मे़बेगे़म्मिन्ने़ॽओ, इग्र ‘ओमे़त्ते़म्मे़ॽ, खुने़ॽ कप्मो सिगाङ्बा याक्फाङ्ङो वाॽ’ के़म्मे़त्तिसाङ् खे़ङ्हाॽरे़ खुनिॽ पाःन्निन् नसान् मे़जोगे़म्मिन्ने़ॽओ॥ 27थेआङ्भे़ल्ले़ मे़न्छाम्साःल्ले़ कुयुमाङ्ग साःम्भे ले़क्किल्ले़ के़रे़क् ताङ्साक्पे़न् थोॽरुबा कुइसिःक्के पोङ्लो॥ 28आत्तो सागिःक्के़न् ने़ॽ, खे़प्मोए किदाबाहाॽआङ् मे़जुम्लो॥”#२४:२८ खे़न् फाॽइन् के़रे़क् मनाहाॽरे़ मे़न्छाम्साःल्ले़ कुयुःमान् कुसिङ् मे़निःत्तुॽ॥
मे़न्छाम्साःल्ले़ कुयुःमान्
(मर्कु १३:२४-२७; लुका २१:२५-२८)
29“खे़न् किप्मा के़घुबा तुक्खेन् एगाङ् खिमो
“‘नाम्मिन् खामाक्लो,
लाबाल्ले़ ओःत्ति मे़बिरुन्लो,
ताङ्साक्पोबा खेःम्सिक्पाहाॽ मक्मे़धारो,
हे़क्क्याङ् ताङ्साक्पोबा मुक्साम्हाॽ मे़यङ्लो॥’#यसै १३:१०, ३४:४; योए २:१०
30हे़क्क्याङ् खे़न् ये़म्मो ताङ्साक्पो मे़न्छाम्साःल्ले़ कुयुमाल्ले़न् मिक्सेःन्निन् थाःप्पाङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ मे़रिङ् मे़धक्लो॥ खे़ङ्हाॽरे़ मे़न्छाम्सान् ताङ्साक्पो मुक्साम् हे़क्क्याङ् पयम् मिमिदिङ्ङिन्नु खाप्मिःत्तो युःर पप्पा मे़निसुॽरो॥#दानि ७:१३ 31हे़क्क्याङ् खुने़ॽ सेगुसिबा मनाहाॽ सुम्से़ के़रे़क् पिसाङ्लाम् ताङ्साक्पाल्ले़ खोःप्तुबा नु इक्सादिङ् खाम्बेःक्माल्ले़ ताःक्तुबाओ थुत्तुरिःप्पाल्ले़न् पयम् इक्लानु कुमाङ्लाइङ्बाहाॽ इक्सादिङ् खाम्बेःक्मो पाङ्घु युसुसिॽरो॥
पःत्छेॽबुङ्माल्ले़ कुबि
(मर्कु १३:२८-३१; लुका २१:२९-३३)
32“आल्ल पःत्छेॽबुङ्मोलाम् कन् पाःन्निन् कुसिङ् निःत्ते़म्मे़ॽओ, खे़ल्ले़ कुबोराक्हाॽलाम्बा कुसङ् कुनःक्हाॽ लःम्मा हेःक्किल्ले़ हाङ्वाःम्मा ये़म्मिन् निःत्ताङ् त्ये़रो फाॽआङ् कुसिङ् के़निःत्तुम्॥ 33हे़क्केलॽरिक्के इङ्गाॽ पाःत्तुङ्बा कन् के़रे़क् पाःन्हाॽ के़त्ल पेःक्पा के़निसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ् के़निःत्तुम्लो॥ 34इङ्गाॽ से़क्खाए मे़त्निङ्, कन् के़रे़क् पाःन्हाॽ मे़म्बोङ्ङे थारिक् कन् मे़न्छाम् थाःक्हाॽ मे़न्छिने़न्॥ 35ताङ्साक्पे़न् नु खाम्बेःक्मान् ले़क्काङ् पेक्, कर इङ्गाॽ आबाःन्जाक्हाॽ आप्फाल्ले़आङ् मे़ले़क्ने़न् मे़बेःक्ने़न्लो॥
ये़सुरे़ कुयुमाओ यारिप् वाॽमान्
(मर्कु १३:३२-३७; लुका १७:२६-३०)
36“आल्ल खे़न् ये़म् नु ये़न्हाॽ आप्फाल्ले़ पोङ् फाॽआङ् आत्तिल्ले़आङ् मे़निसुन्॥ साङ्ग्राम्पेदाङ्बा माङ्लाइङ्बा नु निङ्वाॽफुसाःल्ले़आङ् मे़निसुन्लो, कर पानुदिङ् पा निङ्वाॽफुमाङ्ङिल्ले़रक् निसुॽरो॥
37“हे़क्क्याङ् मे़न्छाम्सान् नुःङ् युःल्ले़ नुहारे़ कुये़म् हे़क्केए पोङ्लो॥ 38नुहन् वालाधाओ लासे़बा ये़म्मो थारिक्के मनाहाॽ मे़जर मे़धुङुर हे़क्क्याङ् मेःक्खिम् मे़जोगुर मे़वये़॥ 39हे़क्क्याङ् वादोःक्मा थाङे़आङ् निःम्मा सिमानुःल्ले़ तगि थे पोङ् के़लॽबान् खे़ङ्हाॽरे़ थेआङ् निङ्वाॽ मे़ङ्गत्तुन्लो॥ बा हे़क्केलॽरिक्के मे़न्छाम्साःल्ले़ कुयुमान्नाङ् पोङ्लो॥ 40खे़न् ये़म्मो ने़प्फु मनाहाॽ प्याङ्सिगे़न् इक्ताप्पो याःम्बक् चोःक्सुर याक्सिल्ले़ थिक्किन् तेॽ, वेॽसमा वाॽ लाःत्लो॥ 41हे़क्क्याङ् ने़प्फु मे़न्छुमाहाॽ लुङ्सुम्मो याॽयुःत्नु युङ्सिल्ले़ थिक्किन् तेॽ, वेॽसमा युङ् लाःत्लो॥ 42खे़ल्ले़चोगुल्ले़ खिनिॽआङ् आप्फाल्ले़साङ् यारिप् पोःक्खे़म्मे़ॽओ, थेआङ्भे़ल्ले़ खिनिॽ दाङ्बान् आप्फाल्ले़ युबे के़लॽबान् खिनिॽ निङ्वाॽ के़ङ्गत्तुम्मिन्लो॥ 43हिम्दाङ्बाल्ले़ खुःन्द्रिक्पे़न् आत्तिन् ये़म्मो ता के़लॽबान् निङ्वाॽ खोसुने़ फाॽग्र खे़ल्ले़ मे़न्इम्मे हिम्मिन् कोसुआङ् खे़न् खुःन्द्रिक्पे़न् खुःप्मा मे़बाङ्घुन् के़लॽबा पाःन्निन् कुसिङ् निःत्ते़म्मे़ॽओ॥ 44खे़ल्ले़चोगुल्ले़ खिनिॽआङ् आप्फाल्ले़साङ् यारिप् वये़म्मे़ॽओ, थेआङ्भे़ल्ले़ मे़न्छाम्सान् यु फाॽआङ् मे़न्इःत्ते के़वयिल्ले़ खुने़ॽ युरो॥
नसाःन्साबा नु ताप्फे़ःम्बा से़वारोबाहाॽ
(लुका १२:४१-४८)
45“आत्तिन् से़वारोबान् नसाःन्साबा नु सिक्कुम्साबा चोक्, खे़न्निन् हिम्दाङ्बाल्ले़ कुहिम्धाःङ्हाॽ ओमे़प्मा युक् पिरुआङ् खे़ल्ले़ वेॽ से़वारोबाहाॽ ये़म्ये़म्मो चामा थुङ्मा पिरुसिॽरो॥ 46खे़न् हिम्दाङ्बान् नुःङ् ताःल्ले़ खे़न् से़वारोबाल्ले़ बा हे़क्केए चोगुर वाॽबा तुमुने़ फाॽग्र खे़न् थुम्घो पिरुॽरो॥ 47इङ्गाॽ से़क्खाए मे़त्निङ्, खे़न् हिम्दाङ्बाल्ले़ खे़न् से़वारोबान् के़रे़क् कुयाङ्साकुन्धे सम्दाङ् युक् पिरुॽरो॥ 48कर खे़न् ताक्के़भे़ॽबा से़वारोबाल्ले़ कुनिङ्वाॽबो आन्दाङ्बान् ‘हारा मे़दाने़न्’ लॽ, 49हे़क्क्याङ् कुन्जुम् से़वारोबाहाॽ हिप्तुसिआङ् थिःमसाङ्हाॽनु चामा थुङ्मा हेःक्तुॽने़ फाॽग्र 50खे़ल्ले़ कुन्दाङ्बान् ता लॽरिक् निङ्वाॽ मे़इःत्तुन्बा ये़म्मो कुन्दाङ्बान् ताःरो॥ 51हे़क्क्याङ् कुन्दाङ्बाल्ले़ खे़न् साॽरिक् ते़ःम्भुक् याक्तुआङ् कुनिङ्वाॽ के़जिःप्पाहाॽनु सोरिक् खुम्दिङ् पिरुॽरो॥ खे़प्मोग हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोङ्लो॥”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.