यसैया 2
2
यहवे दाङ्बे़ल्ले़ नुॽमादामा तारुॽ
(मिका ४:१-३)
1आमोजरे़ कुस्सा यसैयाःल्ले़ यहुदा नु यरुसले़म ये़क्यक्किल्ले़ कुयाःम्बेओ निसुबा सुफोरे़ पाःन्जाःक्किन् हाबा कन्लो—
2के़दाबा ये़म्मो यहवे दाङ्बे़ल्ले़
कुहिम् युङ्सिङ्बा यरुसले़म ये़क्यक्किन्
इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥
इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ्
थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो,
हे़क्क्याङ् के़रे़क् मे़न्छाम् याप्मिहाॽ खे़ॽयो
माङ्से़वा चोःक्से़ मे़जुम् मे़दारो॥
3यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो,
“त्ये़म्मे़ॽओ, आनिॽ के़रे़क् यहवे दाङ्बे़ल्ले़
कुगोःक्माओ थाःङ् लिङुम्माङ् #तोलिङ् ३५:१० याकुबरे़
कुनिङ्वाॽफुमाङ्ङिल्ले़ कुहिम्मो पेगिरो॥
खुने़ॽ आबाङे कुलाम्मिन् आनिॽ ओसेःन् आधाक्लो,
हे़क्केलॽरिक् कुलाम्मो आनिॽ लाङ्घेःक्मा आसुक्लो॥”
थेआङ्भे़ल्ले़ साम्योथिम्मिन् सियोनलाम् नु
यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
4खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ खासे़न् चोगुसिरो,
हे़क्क्याङ् खुने़ॽ यरिक् मे़न्छाम् सुवाङ्हाॽरे़ खुन्छिॽ खे़माॽइन् तङ्घु पिरुसिरो॥
खे़न् मे़न्छाम् सुवाङ्हाॽरे़ खुन्छिॽ ताभेहाॽ मे़योःन्दुरो
हे़क्क्याङ् के़क्चु थोःङ्मा चुगे़ङ् मे़धगुरो
खे़म्ब्याङ् खुन्छिॽ ये़न्-लाःक्हाॽ मे़भे़ःत्छुरो
हे़क्क्याङ् चा हे़क्मा कात्च्या मे़धगुरो॥
इक्सादिङ् खाम्बेःक्मोबा मे़न्छाम् सुवाङ्हाॽरे़
थङ् चोःक्मारे़ लागि ताभेन् मे़म्भिःक्खुन्लो,
हे़क्क्याङ् आल्लआङ्धो खे़ङ्हाॽ याम्मो
ते़न्धङ् चोःक्मा फाॽआङ् मे़न्हुॽसिङ्ने़न्लो॥
5याकुबरे़ कुमुॽइदाङ्सासे, त्ये़म्मे़ॽओ,
यहवे दाङ्बे़ल्ले़ कुओःत्तिओ आनिॽ लाङ्घेगिरो॥
यम्बा के़हे़न्छिङ्बाहाॽ मे़मे़क्
6आदाङ्बारे़ आबाङे के़योभोबा के़मना याकुबरे़
कुमुॽइदाङ्साहाॽ लाप्के़भुसुसिआङ् के़वाॽरो,
थेआङ्भे़ल्ले़ खे़ङ्हाॽ तइनाङ्गे़न् पिसाङ्बा
ताप्फे़ःम्बा साक्थिम्मिल्ले़ कुधिम् मे़बोःक्खे़आङ् मे़वाॽरो॥
खे़ङ्हाॽ पलिस्तिबा मनाहाॽ कुइसिक् खागे़लोःम्बा मे़बोःक्खे़आङ् मे़वाॽरो
खे़ङ्हाॽ निङ्वाॽफुमाङ् नसान् मे़न्जोःक्मनाबा सुवाङ्हाॽनु मे़दङ्सिङ्ङाङ् मे़वाॽरो॥
7खे़ङ्हाॽरे़ खुन्छिॽ लाजेन् साम्म्याङ् नु
युप्पाःल्ले़ सधे़क् तिम्से़आङ् ने़रो,
हे़क्क्याङ् खे़ङ्हाॽरे़ खुन्छिॽ याङ्सा कुन्धेहाॽरे़ङ्ग खानिःत्ते होप्लो॥
खे़ङ्हाॽरे़ खुन्छिॽ लाजेःङ्ग अन्हाॽरे़ मे़धिम्सुआङ् मे़वाॽरो,
हे़क्क्याङ् खे़ङ्हाॽरे़ खुन्छिॽ अन्लाधाहाॽग निःप्माए सुक्मे़दे़त्ने़न्लो॥
8खे़ङ्हाॽरे़ खुन्छिॽ लाजेन् नावाइत्लाहाॽरे़ तिम्से़आङ् ने़रो,
हे़क्क्याङ् आबाङे हुक्किल्ले़ मे़जोगुसिबा
चिगक्वाहाॽ खे़ङ्हाॽरे़ से़वा मे़मे़त्तुसिरो॥
खे़न् चिगक्वाःल्ले़ चइःत्तिन् आक्तङ्बा चोक्
खे़न् आबाङे खुन्छिॽ हुक्किल्ले़ मे़जोगुबारो॥
9खे़ल्ले़चोगुल्ले़ मनाहाॽ नःम्नःम्बा मे़जोगुसिरो
हे़क्क्याङ् योयोक् मे़धासुसिरो
खे़ङ्हाॽ ले़प्मि मे़म्बिसे़ॽओ॥
10यहवे दाङ्बे़ल्ले़ कुगिप्माघुमान् नु मिमिदिङ्गे़न् कुओःप्मान्
तामानुःल्ले़ तगि याक्पेॽओबा लुङ्फुक्कोओ लासाम्मे़ॽओ
खे़ब्याङ् खाम् सिगाङ् चिङ्ङासिम्मे़ॽओ!
11मनाहाॽरे़ खुन्छिॽ आङ्दिङ् लॽमा नारान्
यो मुप्मे़धासु मे़बिरुसिरो,
हे़क्क्याङ् खुन्छिॽ आङ्गाॽएःक् लॽमे़न्
नःम्नःम्बा मे़जोगु मे़बिरुसिरो,
खे़न् ये़न्नो यहवे दाङ्बाल्लक् थाःङ्धाःङ् पोङ्लो॥
12थेआङ्भे़ल्ले़ के़रे़क् यम्बा के़ले़ङ्सिङ्बाहाॽ नु सिक्के़गुबाहाॽ
हे़क्क्याङ् के़रे़क् “आङ्गाॽएःक्” के़लॽबाहाॽ सम्धाङ्
मुक्साम्दाङ्बा यहवे दाङ्बे़ल्ले़ अक्तङ्बा कुये़न्धिक् इदारो
खे़ब्याङ् खे़ङ्हाॽ चुङ्जिगे़न् नःम्नःम्बा मे़जोगुसिरो,
13खुने़ॽ लेबनान लाजेॽओबा के़रे़क् केःम्ब केःम्बा साम्माङ्सिङ्हाॽ,
बसानबा के़रे़क् यहिबा सिङ्बुङ्हाॽ मुरे़क् खारे़ःक् चोगुरो॥
14के़रे़क् केःम्ब केःम्बा कोःक्मा फाङ्जङ्हाॽ नु
के़रे़क् थे़गु माङ्वाहाॽ ने़ने़बा चोगुरो॥
15खुने़ॽ के़रे़क् केःम्ब केःम्बा चङ्हिम्हाॽ,
हे़क्क्याङ् काक् चाङ्जाङ्बा से़ःप्सिङ्मादे़न् लुङ्धाक्हाॽ थुप्सुरो॥
16तर्सिस वागप्खेःङ्ङोबा के़रे़क् यम्बा चिगक्वा के़गुबा वालाधाहाॽ नु
नुबा वालाधाहाॽ वरःङ्ङो हुम्सु केःत्तुसिरो॥
17मनाहाॽरे़ खुन्छिॽ आङ्दिङ् लॽमे़न् यो मक्मे़धासु मे़बिरुसिरो,
हे़क्क्याङ् खुन्छिॽ आङ्गाॽएःक् लॽमे़न् नःम्नःम्बा मे़जोगु मे़बिरुसिरो,
खे़न् ये़न्नो यहवे दाङ्बाल्लक् थाःङ्धाःङ् पोङ्लो,
18हे़क्क्याङ् नावाइत्लाहाॽग थिक्काङ् मेःन्ने मे़मा मे़घे़त्लो॥
19इक्सादिङ् खाम्बेःक्मान् किप्मा के़घुबा चोःक्मारे़ लागि
यहवे दाङ्बान् पोःक्किल्ले़ खुने़ॽ कुगिप्माघुमो नु
मिमिदिङ्गे़न् कुओःप्माल्ले़ चोगुल्ले़ मनाहाॽ मे़घे़त्छिङ्लो
हे़क्क्याङ् सियाक्पे-थे़याक्पे़ओ के़ने़बा लुङ्फुक्कोहाॽओ नु
खाम्बाङ्ङो के़ने़बा हङ्गारिङ्बा सिगाङ् मे़लाःत्लो॥
20मनाहाॽरे़ आबाङे लागि से़वा मे़प्मासि फाॽआङ्
मे़जोगुसि मे़धगुसिबा साम्म्याङ् युप्पा नावाइत्लाहाॽ मे़नाॽरुसिरो,
हे़क्क्याङ् खे़न् ये़न् अजिक्युमा नु ने़क्वा मे़वाराप् तगि लाप्मे़भुसुसिरो॥
21इक्सादिङ् खाम्बेःक्मान् किप्मा के़घुबा चोःक्मारे़ लागि
यहवे दाङ्बान् पोःक्किल्ले़ खुने़ॽ कुगिप्माघुमे़न् नु
कुमिमिदिङ् कुओःप्माल्ले़ चोगुल्ले़ खे़ङ्हाॽ मे़घे़त्छिङ्लो
हे़क्क्याङ् सियाक्पेॽ थे़याक्पेॽहाॽरे़ कुहङ्हाॽओ नु
याक्पेॽहाॽरे़ कुभिःप्माहाॽओ मे़बेःक्काङ् मे़जिङ्सिङ्लो॥
22कुसक्मा के़याक्पा मे़न्छाम् याप्मिओ निङ्वाॽ मे़युक्खाम्मिन्ने़ॽओ,
थेआङ्भे़ल्ले़ खे़ल्ले़ कुमे़ल्लुङ् थे वाॽआङ्बे?
Currently Selected:
यसैया 2: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.