३ युहुन्ना 1
1
युहुन्नाःल्ले़ गायसे़न् से़वा हाक्तुॽ
1से़क्खाए लुङ्माॽ तुक्ने़बा आमिःम् आन्जुम् गायसे, इङ्गाॽ सेसेहुप्लक्कोबा तुम्लाम्लोबालाम् कन् सक्इङ्घङ्ङिन् हाक्ने़ॽरो॥
2आमिःम् आन्जुम्मे, खे़ने़ॽ के़याम्साम्मो के़नुॽ के़दाबा हे़क्केए खे़ने़ॽ नासिङ्गे़न् के़धक्को हे़क्क्याङ् काक् पाःन्नो के़नुॽ के़दार फाॽआङ् तुवा चोःक्कारो॥ 3कुभा नसानिबा फुॽनुसाॽहाॽ इङ्गाॽओ मे़द्ये़आङ् खे़ने़ॽ से़क्खाओ नसाःन्साबा के़वाॽबा नु सदादिङ् से़क्खाओ लाङ्घेःक्नु के़वाॽबा पाःन्निन् मे़जे़क्ताङ्ङिल्ले़ इङ्गाॽ साॽरिक् सःत्ताङ्॥ 4इङ्गाॽ आमिःम् आस्साहाॽ से़क्खाबा नसाःन्नो लाङ्घेःक्नु मे़वाॽबा पान् खे़प्सुङ्ङिल्ले़ सःत्ताबा पाःन्नाङ्धो वेॽ थेआङ् यम्बा पान् होप्लो॥
माङ्से़वा के़जोःक्पाहाॽ कम्ब्राङ् मे़प्मासि
5आमिःम् आन्जुम्मे, खे़ने़ॽग लाम्दिक् के़जोःक्पा नसानिबा फुॽनुसाॽहाॽ कुसिङ् के़न्निःत्तुन्छिन्छाङ् कुभाॽ के़बिरुसिल्ले़ नुबा याःम्बक् के़जोगुॽरो॥ 6खे़ने़ॽ लुङ्माॽ के़दुक्तुसिबाल्ले़ कुयाःम्बेओ खे़ङ्हाॽरे़ कप्मोबा सेसेहुप्लक्किन् मे़जे़क्तुरो॥ खे़ङ्हाॽरे़ खुनिॽ लाम्दिःक्को निङ्वाॽफुमाङ्ङिल्ले़ कुनिङ्वाॽ तार कुभाॽ के़बिरुसिल्ले़ नुबा के़जोगुॽरो॥ 7थेआङ्भे़ल्ले़ खे़ङ्हाॽग ख्रिस्तरे़ कुमाङ्सेवा चोःक्से़ लाम्दिःक्को मे़धासिङ्ङाङ् मे़वाॽ, हे़क्क्याङ् नसान् मे़न्जोःक्मनाहाॽरोलाम्ग थेआङ् कुभाॽ मे़न्दाःक्के मे़वाॽरो॥ 8हे़क्तङ्बा मनाहाॽ आनिॽ नसानिबाहाॽरे़ कुभाॽ पिमासिए पोङ्लो॥ अक्खेलॽरिक् फाॽमासिल्ले़ से़क्खाःल्ले़ लागि खुनिॽ याःम्बक्को लक्चुम् आबोङ्लो॥
9इङ्गाॽ सेसेहुप्लक्को सक्इङ्घङ् साप्तुङ्ङाङ् वये़, कर लाम्लोबा पोङ्मा कुसिराॽ के़धाङ्बा दियोत्रिफसरे़ इङ्गाॽ पाःत्तुङ्बा पाःन्निन् मे़घे़प्सुन्लो॥ 10इङ्गाॽ खे़प्मो ताआल्ले़ खे़ल्ले़ चोगुबा ताप्फे़ःम्बा याःम्बक् हे़क्क्याङ् आनिगे तक्ले़ङ्वाओ पाःत्तुबा ताप्फे़ःम्बा के़रे़क् पाःन्हाॽ ताॽजे़ङ्ङो लःत्तुङ्ङेरो॥ खे़ल्ले़ खे़म्म्याक्लक् मेःन्, कर खे़प्मो लाम्दिक् चोःक्कि के़दाबा खे़न् नसानिबाहाॽआङ् लाम्दाःक्मा मे़बिरुन्छिन्लो॥ हे़क्क्याङ् खुनिॽ लाम्दाःक्मा निङ्वाॽ के़जोःक्पाहाॽआङ् हे़क्के चोःक्मा मे़बाङ्घुन्छिन् हे़क्क्याङ् खे़ङ्हाॽ सेसेहुप्लक्कोलाम् लःत्तुदेःसुसिॽरो॥
11आमिःम् आन्जुम्मे, ताप्फे़ःम्बा याःम्बक्हाॽरे़न् मेःन्, कर नुबा याःम्बक्हाॽरे़न् चोःङ् के़इःप्पा पोःक्खे़ॽओ॥ हाःत्ले़ नुबा याःम्बक्हाॽ चोगुॽ खे़न् निङ्वाॽफुमाङ्ङिल्ले़ कुस्सारो॥ हाःत्ले़ ताप्फे़ःम्बा याःम्बक्हाॽ चोगुॽ खे़ल्ले़ निङ्वाॽफुमाङ्ङिन् मे़न्निए वाॽरो॥ 12दे़मे़त्रियसरे़ कुयाःम्बेओ के़रे़क्ले़ नुबा मे़बाःत्तुॽरो॥ हे़क्क्याङ् कुहिङ्मन् निङ्वाॽफुमाङ्ङिल्ले़ कुसे़क्खा पाःन्निन्नु तङ्लो॥ आनिगे़आङ् खुने़ॽ कुयाःम्बेओ नुबा पाःन्ने पाःत्तुम्बे़ हे़क्क्याङ् आनिगे तोःन्दिन् से़क्खा फाॽआङ् के़निसुएरो॥
कुनुप्मा से़वा
13खे़ने़ॽनु इङ्गाॽ यरिक् पाःन्हाॽ पाःप्मा कत्तुङ् कर सक्इङ्घङ्ङो मेःन्, 14कर इङ्गाॽ खे़ने़ॽनु हाराए तुम्मा निङ्साङ् चोगुङ्ङाङ् वाॽआरो॥ हे़क्क्याङ् आन्छिॽ आदुम्सिॽआङ् सोरिक् ताॽआजे़ङ्सिॽरो॥
15निङ्वाॽफुमाङ्ङिल्ले़ कुसनारुङ्ङिन् खे़ने़ॽनु वाॽररो॥ हे़क्क्याङ् कप्मोबा आनिॽ तेःङ्जुम्हाॽरे़ से़वा के़म्हाक्ते़आङ् वाॽरो॥ खे़प्मोबा के़रे़क् आनिॽ तेःङ्जुम्हाॽओआङ् इङ्गाॽ आसेवान् तोःन्दाङ् पिराङ्ङे़ॽओ॥
Currently Selected:
३ युहुन्ना 1: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.