MATAYO 5
5
1OBUYABOINE ebitebe yatemba orusozi: obuyamazire okuika’ra hansi, abegeswabe baija namberali; 2yayasama akanwake nabegesanagamba ati.
3Banyina omugisa abasege omu mwoyo: baitu abo obukama obwomuiguru bwabu.
4Banyina omugisa abaganya: baitu abo balihumuzibwa.
5Banyina omugisa abaculezi: baitu abo baligwetwa ensi.
6Banyina omugisa abarumwa enjara nibakwarwa iroho obwokuhiki’ra: baitu abo baliiguta.
7Banyina omugisa abembabazi: baitu abo baligirirwa mbabazi.
8Banyina omugisa abasemire omu mutima: baitu abo balirora Ruhanga.
9Banyina omugisa abateraniza abantu omu businge: baitu abo balyetwa abana ba Ruhanga.
10Banyina omugisa abahigwa obwokuhiki’ra: baitu abo obukama obwomu iguru bwabu. 11Inywe muyina omugisa obubarabajumaga, obubarabahigaga, obubarabahangi’raga ebigambo ebibi byona okubatanga nyowe. 12Musemererwe, mukyanganuke muno: baitu empera yanyu nyingi omu iguru: baitu nukwo bahigaga bati banabi ababandize inywe.
13Inywe muli kisura kyensi: baitu ekisura obukiraba kihoirwemu okunura kwakyo, balitamu ekisura ki? Tkikikyaseme’ra na kake, rundi okunagwa aheru, abantu bakiribate. 14Inywe muli musana ogwensi. Orubuga orurangairwe ha rusozi tirusobora kuserekwa. 15Kunu tibakwatiriza tabaza okugijumikira ekigega, baitu okugiteka ha kati kayo, kandi eyakira bona abali omunju. 16Omusana gwaanyu nukwo gwakege guti omu maiso gabantu, barole engeso zanyu ezisemire, nukwo bakugize Isinywe ali omu iguru.
17Mutatekereza ngu nkaija okuihaho ebiragiro nobubyakuba ebyabanabi; naije kuihaho, baitu okuhikiriza. 18Baitu mananukwo nimbagambira nti iguru nensi okkuhikya obubirikahwaho, enyugutaemu nobukakuba akaragalika kamau akomu biragiro tikalihwaho, okuhikya byona obubirihiki’ra. 19Nukwo omuntu wena alisisa ekimu ekyomubiragiro binu ebike, nayegesa ati abantu, alyetwa muke mali omu bukama obwomu iguru: kandi wena alibikwata nabyegesa, ogu alyetwa mukuru omu bukama obwomu iguru.. 20Baitu nimbagambira nti okuhiki’ra kwanyu obukutalikira okuhiki’ra okwabahandiki Nabafalisayo, timulitaha na kake omu bukama obwomu iguru.
21Mukahu’ra kikagambirwa abaira ngu Otaliita, baitu omuntu obwaliita aligwe’rwa omusango; 22baitu nyowe nimbagagambira nti Omuntu wena anyakubihi’rwa mwene wabu, aligwe’rwa omusango; nauwe anyakugambira mwene wabu ati Mugwagwa, buli amalize kunagwa omu Gehena eyomu’ro. 23Baitu obwaba alesere ekihongwa kkyawe ha Kyoto, noijukiraho mwene wanyu ayina ekigambo haliwe, 24osigeyo ekihongwa kyawe omu maiso gekyoto, ogarukeyo, obanze omale okuteraana na mwene wanyu, ogaruke ohonge ekihongwa kyawe. 25Terana bwango nogu anyakukutonganiza, okiri nauwe omu muhanda, anyakukutonganiza aleke kukutwara hali katikiro, na katikiro atakuhayo hali omuduma, naiwe otatebwa omunju yenkomo. 26Mananukwo ninkugambira nti toliruga omu, okuhikya obwolirihira kimu na senti eyahampero. 27Mukakhu’ra okukyagambirwe ngu Otalisihana: 28baitu nyowe nimbagambira nti omuntu wena anyakurora ha mukazi namwegomba, buli amazire kumusuhanaho omu mutimagwe.
29Rundi eriso lyawe eryobulyo liraba nirikutabaijura, olihemu, okinage hara, baitu nikyo kurukukira oburungi ekicweka kyawe ekimu okubura, omubiri gwawe gwona gutanagwa omu Gehena. 30Kandi omukono gwawe ogwobulyo guraba nigukutabaijura, ogutemaho, ogunage hara, baitu nikyo kirukukira oburungi, ekicweka kyawe ekimu okubura, omubiri gwawe gwona gutagenda omu Gehena. 31Kandi kikagambwa ngu Omuntu obwabinga mukaziwe, amuhe ebaruha eyokumubinga; 32baitu nyowe nimbagambira nti omuntu wena anyakubinga omukaziwe, rundi obwokusihana, buli amusihanize: nogu anyakumuswera abingirwe, buli asihaine.
33Kandi mukahu’ra okukyagambirwe abaira ngu Otalitahi’e BUA, Biru olihikiliza hali Mukama ebyorahira; 34kandi nyowe nimbagambira nti otalirahira na kake, nobulyakuba iguru, baitu nikyo kitebe ekya 35Ruhanga, nobwekuba ensi, baitu niko katebe akebigerebye, nobwekuba Yerusalemu, baitu nurwo rubuta orwomukama omukuru. 36Baitu otalirahira mutwe gwawe, baitu torukkusobora kuhindura akasoke kamu konka rundi okwera rundi okwiragura. 37Baitu ebigambo byanyu biikalege biti Ego, ego; nangwa, nangwa, baitu ebikira ebi nibyo biruga hali omubi.
38Mukahu’ra okukyagambirwe ngu Eriso lirihwa eriso, erino lirihwa erino: 39baitu nyowe nimbagambira nti Mutalitanga omubi, baitu wena anyakukutera orusaya orwobulyo, omuhimdu’re norwemoso. 40Omuntu obwaraba nagonza okutongana naiwe, okutwara ekyesomeko kyawe, omusigire nomwegereko gwawe. 41Kandi wena alikugendesa namani emairo emu, 42ogende nauwe neyakabiri. Anyakusaba, omuhe: omuntu anyakwenda okukwohoza otalimutera mabega.
43Mukahu’ra okukyagambirwe ngu Ogonzege mutahi wawe, onobege omunyanzigwa wawe: 44baitu nyowe nimbagambira nti Mugonzege abanyanzigwa banyu, musabirege abanyakubahiga, 45nukwo mube abana aba Isenywe ali omu iguru, baitu izobalye alijweseza ababihire nabasemire, anagira enjura abahikirire babatahikirire. 46Baitu obumuraba nimugonza abo abanyakubagonza, muyina empera ki? Nabazinisa tinukwo bakora bati? 47Kandi obumuraba nimuramukya bene banyu bonka, mulikira muta abandi?Nabamahanga tinukwo bakora bati? 48Nukwo inywe mulihiki’ra nka Isenywe ali omu iguru okwahikirire.
Currently Selected:
MATAYO 5: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.