Ntomong Batom 17
17
Ba aBulus tse ba ta na aTesaloni
1Ama fɛ́ ba mi got ni nwɔp Amfipolis nɛ Apoloniya, ba tse ba nɔ na aTesaloni. Karɔ inyis baYahuda se ni wɔp e yɔng. 2Ti nggɔn aBulus di se, a tse a nɔ narɔ ba ite kataat atuk aSabat, a te nhwyɛ ni iba naton ifɛ̀ Adakunom, 3na ka ba tonoso, ne nye fok i se gbing-gbing Anet-Isheshek me na a sɔ mgbang, na te na dorok ni iku. A fɛ̀ ni iba, “AYeso me yong fi in tsin di shara naton e, iwu wu a yet Anet-Isheshek me.” 4Bakak ayɛt ba shan ifɛ̀ me, ba bun abak ba aBulus nɛ aSilas nɛ banet aGirik dot fɛ́ foos nnyim Adakunom, dot ayɛt banyining yet agbat banet.
5Awɛt baYahuda kpa nye fulul, ba tse ba kok nnon iwung iwɔp e, ba te kudyɛng, ba dorok ni nhwyɛ ni wɔp e, ba tse ba di tik nasa aJasɔn, fok na ba ka ba tun ba aBulus amatse ni kudyɛng banet. 6Awɛt nek ba kyem ba ka ba sɛ awo, ba kpa kɔk aJasɔn ni nshɛrɛp bafi ikuus e sak ashon bafi igwɔm iwɔp e, na ba tang nkun, ye, “Banet yɔng fɛ́ ba tiri kazatse cirirang mi bɛ́ ba ta azeng bà, 7awɛt aJasɔn ka ba shan tɛ batsen wu, ngma ba ba raba inye ntsi ada mben aKaisar, na ba nye fok agwɔm akak di se fɛ́ ba ku yes aYeso.” 8Izen fɛ́ banet iwɔp e nɛ bafi igwɔm e fok anɔng, nhwyɛ ba dorok. 9Ama fɛ́ ba mi shan itsɔm ishan kubɔk na aJasɔn ni nshɛrɛp e, ba da ne ba ka ba won ba tseng.
Ba aBulus tse ba ta na aBeriya
10Bafi ikuus e wat ba tun ba aBulus nɛ aSilas natuk, ba ka ba te ni irèn sak na aBeriya, ni izen fɛ́ ba tse ba ta azɔng, ba tse ba nɔ narɔ inyis baYahuda. 11Banet iwɔp aBeriya bi nggɔn ntek aza bafɛ́ aTesaloni. Iba shan ifɛ̀ me ni ngash iyɛ makiyi, ba woso itsɛɛm kufumung Adakunom kaakyi izen, nɔng ba di ki di ke ikyɛng e se anɔng e. 12Nek anɔng, banet dot di nɔɔk atsak ayɛt ba, pet ne ágbát banet banyining nɛ báték bafi icɛn aGirik. 13Awɛt izen fɛ́ baYahuda fɛ́ ba se na aTesaloni fok fok aBulus se ni ishara ifɛ̀ na aBeriya bà, ba di kuus sak azɔng bà, ba di tes nadɔm na bafidang, na ba doro nhwyɛ kudyɛng banet e. 14Bafi ikuus e wat ba te aBulus e ni irèn sak ni izen, awɛt aSilas nɛ aTimoti di wey azɔng. 15Bayɔng fɛ́ ba te aBulus ni irèn, ku tsa sak na Atena, ama fɛ́ ba shan itom ye ba aSilas nɛ aTimoti na ba tse ba ku se ziri ziri, ba won azɔng ziri.
ABulus na Atena
16Ne aBulus tsin rēn ka ba tot azɔng na Atena, ikyɛng e kudaam fɛ́ a di fi kuwɔp e shining ne nabannom. 17Nek anɔng, a woso tse na tɔ ne baYahuda, nɛ bafi nnyim Adakunom ayɛt arɔ inyis baYahuda, nɛ narɔ ijik. Na ma tɔ na bayɔng fɛ́ a ka ba sɛs azɔng kaakyi izen. 18Bafi irēn bakak fɛ́ ba ka ba yes ba aEpikuriyan nɛ ba aSitokir, ba kpa cɛɛt ni iwu. Bakak ayɛt ba nye, “Akyɛ de fɛ́ agwɔm itsot anu yong shim a fɛ̀ yɛ?” Bakak ayɛt ba fɛ́, “In di yit tɛ a da yet anet ishara ifɛ̀ azaton nabannom nakak fɛ́ na yet natsɛn ni yit,” nek a kin se ni ishara ifɛ̀ naton idorok ifaben aYeso.
19Ba ma tseng gung ni wu sak na azumung bá, fɛ́ ba yes iwu Ariyopagus, ba fɛ̀ ni iwu, “Iyit shim in rēn yit, akyɛ kuri itees ifas yɔng ngɔn tsin tees banet e yɛ? 20Nek itees ngɔn yɔng yet ifas na ato yit. Iyit shim ni ibang ki nɔɔk yit awɛshɛk ni de.” 21(Nek ikyɛng fɛ́ banet Atena nɛ batsen fɛ́ ba se azɔng waat ishim yet, na ba fɛɛs izen naton ifoos itees ifas, nɔng iba bin di sɛ ikyɛng icɛɛt.)
22Wat aBulus dorok tsik nate banet azumung Ariyopagus e, a fɛ̀ ni iba, “Banet Atena, i mi di iyin yet yin banet fɛ́ ba nesek nabannom yin iratek gyet awo. 23Nek izen fi in tsin gosok, in tsin yɛrɛ narɔ ntsi zizɛɛt-zizɛɛt, in di karɔ ntsi kakak fi i di jɛk yin, ‘Sak na Adakunom akak fi da iyit rēn yit awo.’ Adakunom e yɔng fi iyin ku ya yin ntong, da i ni ku rēn yin awo, iwu fi in tsin cɛɛt naton wu.
24“Adakunom fɛ́ a nye kazatse nɛ kaakye fi i se ayɛt e, iwu fɛ́ a yet aTisa azanɛn nɛ kazatse, iwu sosok na atu iya ntong fɛ́ ba noos ni mbɔk awo. 25Ke a tsɛsɛk banet awe ku sɛ mo ikikak awo, vit ikyɛng fɛ́ a tsɛt, nek iwu fɛ́ a nesek banet awe kutset, ni nsong, nɛ kaakye. 26Na anet azining, a di nye ndiri-ndiri banet, nɔng ba bin shining kazatse, ama fi iwu mi sak akaangan izen, ni nkum ace narɔ isosok bá, 27nɔng ba bin tsɛt Adakunom nyɛn ba wat ba ku bamang, na ba ku sɛ. Atsak e yet Adakunom se yik-yik ne akak yit awo. 28Nek, ‘Iyit se yit ayɛt wu, in di nye nyamang yit, in di sɛs yit kutset.’
Kpaf tɛ bafi ijɛk yin bakak kin di jɛk ye,
‘Iyit yet yit nnon wu.’
29“Nek anɔng, ti nnon Adakunom, in se gyat ni in yiring yit tɛ Adakunom se tɛ ata asɛng, kɛ ata akan, kɛ ata awo, in bi di yit tɛ a se ti ikyɛng fɛ́ ba nye ni mbɔk nok, ke kuyiring anet awe awo. 30Ni izen idun, Adakunom nes akabɔk, awɛt yɔkɔnɔng a mi fɛ̀ banet ngma kusum na ba wosong anɛn bá, ba tirik sak na Adakunom. 31Nek a mi sak kunom fɛ́ a bi di ra kazatse ishɔt ifɛ́ atsak fɛ́ a bi ra ni bɔk anet fi iwu mi myak; ne ane fɛ́ a mi di barang banet ngma agap iyɛ, ni idorok fɛ́ a kudorok ni iku.”
32Ni izen fɛ́ ba fok ifi idoro bafaben, bakak ba ku mas. Awɛt bakak fɛ̀ ni wu, “In bi bang da fok yit naton ifɛ̀ dɔng.” 33Nek anɔng wu, aBulus ka ba won mo. 34Bakak ayɛt banet e ku kuus mo, ba sot bafi ikuus aYeso. Ayɛt ba yet: aDayonisus ayɔng fɛ́ a se na azumung Ariyopagus, nɛ abining akak fɛ́ ba ku yes aDamaris, nɛ bakak.
Currently Selected:
Ntomong Batom 17: IbaasNT
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
Ntomong Batom 17
17
Ba aBulus tse ba ta na aTesaloni
1Ama fɛ́ ba mi got ni nwɔp Amfipolis nɛ Apoloniya, ba tse ba nɔ na aTesaloni. Karɔ inyis baYahuda se ni wɔp e yɔng. 2Ti nggɔn aBulus di se, a tse a nɔ narɔ ba ite kataat atuk aSabat, a te nhwyɛ ni iba naton ifɛ̀ Adakunom, 3na ka ba tonoso, ne nye fok i se gbing-gbing Anet-Isheshek me na a sɔ mgbang, na te na dorok ni iku. A fɛ̀ ni iba, “AYeso me yong fi in tsin di shara naton e, iwu wu a yet Anet-Isheshek me.” 4Bakak ayɛt ba shan ifɛ̀ me, ba bun abak ba aBulus nɛ aSilas nɛ banet aGirik dot fɛ́ foos nnyim Adakunom, dot ayɛt banyining yet agbat banet.
5Awɛt baYahuda kpa nye fulul, ba tse ba kok nnon iwung iwɔp e, ba te kudyɛng, ba dorok ni nhwyɛ ni wɔp e, ba tse ba di tik nasa aJasɔn, fok na ba ka ba tun ba aBulus amatse ni kudyɛng banet. 6Awɛt nek ba kyem ba ka ba sɛ awo, ba kpa kɔk aJasɔn ni nshɛrɛp bafi ikuus e sak ashon bafi igwɔm iwɔp e, na ba tang nkun, ye, “Banet yɔng fɛ́ ba tiri kazatse cirirang mi bɛ́ ba ta azeng bà, 7awɛt aJasɔn ka ba shan tɛ batsen wu, ngma ba ba raba inye ntsi ada mben aKaisar, na ba nye fok agwɔm akak di se fɛ́ ba ku yes aYeso.” 8Izen fɛ́ banet iwɔp e nɛ bafi igwɔm e fok anɔng, nhwyɛ ba dorok. 9Ama fɛ́ ba mi shan itsɔm ishan kubɔk na aJasɔn ni nshɛrɛp e, ba da ne ba ka ba won ba tseng.
Ba aBulus tse ba ta na aBeriya
10Bafi ikuus e wat ba tun ba aBulus nɛ aSilas natuk, ba ka ba te ni irèn sak na aBeriya, ni izen fɛ́ ba tse ba ta azɔng, ba tse ba nɔ narɔ inyis baYahuda. 11Banet iwɔp aBeriya bi nggɔn ntek aza bafɛ́ aTesaloni. Iba shan ifɛ̀ me ni ngash iyɛ makiyi, ba woso itsɛɛm kufumung Adakunom kaakyi izen, nɔng ba di ki di ke ikyɛng e se anɔng e. 12Nek anɔng, banet dot di nɔɔk atsak ayɛt ba, pet ne ágbát banet banyining nɛ báték bafi icɛn aGirik. 13Awɛt izen fɛ́ baYahuda fɛ́ ba se na aTesaloni fok fok aBulus se ni ishara ifɛ̀ na aBeriya bà, ba di kuus sak azɔng bà, ba di tes nadɔm na bafidang, na ba doro nhwyɛ kudyɛng banet e. 14Bafi ikuus e wat ba te aBulus e ni irèn sak ni izen, awɛt aSilas nɛ aTimoti di wey azɔng. 15Bayɔng fɛ́ ba te aBulus ni irèn, ku tsa sak na Atena, ama fɛ́ ba shan itom ye ba aSilas nɛ aTimoti na ba tse ba ku se ziri ziri, ba won azɔng ziri.
ABulus na Atena
16Ne aBulus tsin rēn ka ba tot azɔng na Atena, ikyɛng e kudaam fɛ́ a di fi kuwɔp e shining ne nabannom. 17Nek anɔng, a woso tse na tɔ ne baYahuda, nɛ bafi nnyim Adakunom ayɛt arɔ inyis baYahuda, nɛ narɔ ijik. Na ma tɔ na bayɔng fɛ́ a ka ba sɛs azɔng kaakyi izen. 18Bafi irēn bakak fɛ́ ba ka ba yes ba aEpikuriyan nɛ ba aSitokir, ba kpa cɛɛt ni iwu. Bakak ayɛt ba nye, “Akyɛ de fɛ́ agwɔm itsot anu yong shim a fɛ̀ yɛ?” Bakak ayɛt ba fɛ́, “In di yit tɛ a da yet anet ishara ifɛ̀ azaton nabannom nakak fɛ́ na yet natsɛn ni yit,” nek a kin se ni ishara ifɛ̀ naton idorok ifaben aYeso.
19Ba ma tseng gung ni wu sak na azumung bá, fɛ́ ba yes iwu Ariyopagus, ba fɛ̀ ni iwu, “Iyit shim in rēn yit, akyɛ kuri itees ifas yɔng ngɔn tsin tees banet e yɛ? 20Nek itees ngɔn yɔng yet ifas na ato yit. Iyit shim ni ibang ki nɔɔk yit awɛshɛk ni de.” 21(Nek ikyɛng fɛ́ banet Atena nɛ batsen fɛ́ ba se azɔng waat ishim yet, na ba fɛɛs izen naton ifoos itees ifas, nɔng iba bin di sɛ ikyɛng icɛɛt.)
22Wat aBulus dorok tsik nate banet azumung Ariyopagus e, a fɛ̀ ni iba, “Banet Atena, i mi di iyin yet yin banet fɛ́ ba nesek nabannom yin iratek gyet awo. 23Nek izen fi in tsin gosok, in tsin yɛrɛ narɔ ntsi zizɛɛt-zizɛɛt, in di karɔ ntsi kakak fi i di jɛk yin, ‘Sak na Adakunom akak fi da iyit rēn yit awo.’ Adakunom e yɔng fi iyin ku ya yin ntong, da i ni ku rēn yin awo, iwu fi in tsin cɛɛt naton wu.
24“Adakunom fɛ́ a nye kazatse nɛ kaakye fi i se ayɛt e, iwu fɛ́ a yet aTisa azanɛn nɛ kazatse, iwu sosok na atu iya ntong fɛ́ ba noos ni mbɔk awo. 25Ke a tsɛsɛk banet awe ku sɛ mo ikikak awo, vit ikyɛng fɛ́ a tsɛt, nek iwu fɛ́ a nesek banet awe kutset, ni nsong, nɛ kaakye. 26Na anet azining, a di nye ndiri-ndiri banet, nɔng ba bin shining kazatse, ama fi iwu mi sak akaangan izen, ni nkum ace narɔ isosok bá, 27nɔng ba bin tsɛt Adakunom nyɛn ba wat ba ku bamang, na ba ku sɛ. Atsak e yet Adakunom se yik-yik ne akak yit awo. 28Nek, ‘Iyit se yit ayɛt wu, in di nye nyamang yit, in di sɛs yit kutset.’
Kpaf tɛ bafi ijɛk yin bakak kin di jɛk ye,
‘Iyit yet yit nnon wu.’
29“Nek anɔng, ti nnon Adakunom, in se gyat ni in yiring yit tɛ Adakunom se tɛ ata asɛng, kɛ ata akan, kɛ ata awo, in bi di yit tɛ a se ti ikyɛng fɛ́ ba nye ni mbɔk nok, ke kuyiring anet awe awo. 30Ni izen idun, Adakunom nes akabɔk, awɛt yɔkɔnɔng a mi fɛ̀ banet ngma kusum na ba wosong anɛn bá, ba tirik sak na Adakunom. 31Nek a mi sak kunom fɛ́ a bi di ra kazatse ishɔt ifɛ́ atsak fɛ́ a bi ra ni bɔk anet fi iwu mi myak; ne ane fɛ́ a mi di barang banet ngma agap iyɛ, ni idorok fɛ́ a kudorok ni iku.”
32Ni izen fɛ́ ba fok ifi idoro bafaben, bakak ba ku mas. Awɛt bakak fɛ̀ ni wu, “In bi bang da fok yit naton ifɛ̀ dɔng.” 33Nek anɔng wu, aBulus ka ba won mo. 34Bakak ayɛt banet e ku kuus mo, ba sot bafi ikuus aYeso. Ayɛt ba yet: aDayonisus ayɔng fɛ́ a se na azumung Ariyopagus, nɛ abining akak fɛ́ ba ku yes aDamaris, nɛ bakak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.