Ntomong Batom 12
12
Ba fɛt aYakubu ne ba te kpaf aBitrus ni inyang
1Ni izen e yɔng wu, agbat agwɔm aHiridus yisik bakak ayɛt bafi ikuus aYeso, a ka ba nesek izot. 2A te na ba fɛt aYakubu arunyining aYohana na awal. 3Fɛ́ aHiridus di fok ikyɛng fɛ́ a nye itɛrɛk baYahuda iyɛ, a sak ba ku tekap aBitrus. Ikyɛng e deng kin te ni izen Amok Akpam Vit aYiis. 4Ama fɛ́ ba ku tekap, a ku te kpaf ari inyang, a ku sak ni bɔk batsom baninaas, baninaas, asa anaas na ba kuyɛrɛ. Kuyiring aHiridus kin yet fok a bi ne a tun aBitrus ni bang na a ku tsɛɛt ishɔt ama amok e. 5Awɛt na aBitrus resek mo ari inyang e, bafi ikuus ra awon makiyi nek iwu.
Ba nye aBitrus isheshek ayɔɔt ari inyang
6Natuk akatson fɛ́ aHiridus bi tsɛɛt aBitrus ishɔt, a se ni nda, ba mi ku rosom na anyang afaa nate batsom bafaa. Na batsom e bakak se ni itot katisi kari inyang e. 7Ni izen izining, kari inyang e wat ka ron gbey, atomaza bɛ́ a nyeseng ashon aBitrus. Atomaza me ku bamang mok na a shemeng, a fɛ̀ ni iwu, “Dorok, ziri ziri!” Anyang e wat a tik jerek ni mbɔk wu. 8Wat atomaza me fɛ̀ ni wu, “Te ares ngɔn, te akpatak ngɔn” Ama fɛ́ a nye anɔng, atomaza me fɛ̀ ni wu, “Te kukpin amatse ngɔn, di kuus mo.”
9ABitrus dorok a di rosok atomaza me ba won kari inyang e. Iwu yes gyan a tsin rasak nabos. A kyem a rēn fok ikyɛng fi i tsin te yet atsak awo. 10Ba bɛ́ ba got bafi itosok imɛsɛng e, ne bafɛ́ afaa me, izen fɛ́ ba bɛ́ ba ta na katisi ari inyang kafi igang e sak ayɛt iwɔp fɛ́ ba nye ika na atsom, katisi me wat ka tarak ikyɛng ka. Nek anɔng ba di tatɔk, ba kpa tseng na agbat irèn iwɔp e. Izen fɛ́ ba se na anɔng, wat aBitrus fɛ́ di atomaza me mi te bit, a ku won aziwu.
11Ni izen e yɔng wu aBitrus bun ni nhwyɛ wu, a fɛ̀, “Ikyɛng e yet atsak, aTisa tom atomaza wu, na a di sheshek ni bɔk aHiridus, na a di tun ni ikyɛng fɛ́ baYahuda tsɛt na ba nye ni imi!”
12Ama fɛ́ a di anɔng, a yit irèn sak ari aMarya, nggɔ aYohana fɛ́ ba ku yes aMarkus, karɔ fɛ́ banet mi kana tusung dot ba se na awon. 13Ni izen nɔng fɛ́ aBitrus rus katitu amatse, kanamang yɔng fɛ́ ka ra kutomong ari me fɛ́ ba ka ka yes aRuda, ka tse nɔng ka da ku tarak e. 14Nkum fɛ́ ka fok kutɔ aBitrus, nek kudot ifeng, ka wat ka won itarak katitu me, ka tɛ bun sak ayɛt e, ka tse ka tak banet ngma kusum ye, “ABitrus yɔng ni nyeseng atitu!”
15Ba fɛ̀ ni ika, “Ice ngɔn yet izining awo!” Fɛ́ kago me di ban, ba fɛ̀, “A da yet atomaza wu wu!”
16Ni izen e yɔng, aBitrus woso tsot katitu me. Ama fɛ́ ba ne ba tarak katitu me, ba ku di, ikyɛng e ka ba te kpɔrɔk. 17A ka ba tonong ni itsambɔk fok na ba te yuu, a ma ka ba tak irèn fɛ́ Adakunom ku tun mo ari inyang. A fɛ̀ ni iba, “Tak yin aYakubu ni nshɛrɛp baruneng ikyɛng fi ite.” Ama anɔng, a yit irèn sak narɔ kakak.
18Fɛ́ kadiding nye, kudaam hwyɛ awo nɔ nate batsom e, naton ikyɛng fi ite na aBitrus. 19Agbat agwɔm aHiridus sak na ba tse ba ku bɛ́ na aBitrus. Fɛ́ ba ku bit, aHiridus risim batsom e, a nɔɔk ifɛ̀ na ba fɛɛs iba. Ama anɔng, aHiridus won mben aJudiya, a tseng sak na aKaisariya a tse sonong azɔng nfi ki izen.
Iku aHiridus
20Ni izen e yɔng, aHiridus beseng iyɛ ne banet aTiya nɛ aSidon. Nek anɔng, ba tun banet fɛ́ ba da tsɛt inosong-ashi ni wu, nek banet mben e tes iyɛ naton mben aHiridus nek isɛs kuyak iya. Banet fɛ́ ba tun e, ba sɛ irun ama aBilastus agbat asam fɛ́ a ra kutomong inyes igwɔm kameneng, 21ba ka ba te izen inyim na aHiridus. Atuk fi kunom inyim e nye, aHiridus nɔ ayɛt ares igwɔm wu, a sonong ni kuta igwɔm wu, a kpa cɛɛt ni iba. 22Fɛ́ a se ni kucɛɛt, banet e tang nkun, na ba ku tere ye, “Kutɔ kang yet kufɛ́ kaba adakunom, da kufɛ́ anet awe awo!” 23Ni izen izining, nek aHiridus rawu dang nɔɔk Adakunom iratek, atomaza aTisa wat a ku tɛmɛng sak aben, itsusuk ku ya, a ku.
24Ngma na anɔng, ifɛ̀ Adakunom ya kashon ni i di barasa ni ifush.
25Ni izen fɛ́ ba aBarnabas nɛ aShawulu gang ikyɛng fi i tse ni iba, ba tɛ ba won aRushelima, ba sok aYohana, fɛ́ ba ku yes aMarkus gung ni iba.
Currently Selected:
Ntomong Batom 12: IbaasNT
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
Ntomong Batom 12
12
Ba fɛt aYakubu ne ba te kpaf aBitrus ni inyang
1Ni izen e yɔng wu, agbat agwɔm aHiridus yisik bakak ayɛt bafi ikuus aYeso, a ka ba nesek izot. 2A te na ba fɛt aYakubu arunyining aYohana na awal. 3Fɛ́ aHiridus di fok ikyɛng fɛ́ a nye itɛrɛk baYahuda iyɛ, a sak ba ku tekap aBitrus. Ikyɛng e deng kin te ni izen Amok Akpam Vit aYiis. 4Ama fɛ́ ba ku tekap, a ku te kpaf ari inyang, a ku sak ni bɔk batsom baninaas, baninaas, asa anaas na ba kuyɛrɛ. Kuyiring aHiridus kin yet fok a bi ne a tun aBitrus ni bang na a ku tsɛɛt ishɔt ama amok e. 5Awɛt na aBitrus resek mo ari inyang e, bafi ikuus ra awon makiyi nek iwu.
Ba nye aBitrus isheshek ayɔɔt ari inyang
6Natuk akatson fɛ́ aHiridus bi tsɛɛt aBitrus ishɔt, a se ni nda, ba mi ku rosom na anyang afaa nate batsom bafaa. Na batsom e bakak se ni itot katisi kari inyang e. 7Ni izen izining, kari inyang e wat ka ron gbey, atomaza bɛ́ a nyeseng ashon aBitrus. Atomaza me ku bamang mok na a shemeng, a fɛ̀ ni iwu, “Dorok, ziri ziri!” Anyang e wat a tik jerek ni mbɔk wu. 8Wat atomaza me fɛ̀ ni wu, “Te ares ngɔn, te akpatak ngɔn” Ama fɛ́ a nye anɔng, atomaza me fɛ̀ ni wu, “Te kukpin amatse ngɔn, di kuus mo.”
9ABitrus dorok a di rosok atomaza me ba won kari inyang e. Iwu yes gyan a tsin rasak nabos. A kyem a rēn fok ikyɛng fi i tsin te yet atsak awo. 10Ba bɛ́ ba got bafi itosok imɛsɛng e, ne bafɛ́ afaa me, izen fɛ́ ba bɛ́ ba ta na katisi ari inyang kafi igang e sak ayɛt iwɔp fɛ́ ba nye ika na atsom, katisi me wat ka tarak ikyɛng ka. Nek anɔng ba di tatɔk, ba kpa tseng na agbat irèn iwɔp e. Izen fɛ́ ba se na anɔng, wat aBitrus fɛ́ di atomaza me mi te bit, a ku won aziwu.
11Ni izen e yɔng wu aBitrus bun ni nhwyɛ wu, a fɛ̀, “Ikyɛng e yet atsak, aTisa tom atomaza wu, na a di sheshek ni bɔk aHiridus, na a di tun ni ikyɛng fɛ́ baYahuda tsɛt na ba nye ni imi!”
12Ama fɛ́ a di anɔng, a yit irèn sak ari aMarya, nggɔ aYohana fɛ́ ba ku yes aMarkus, karɔ fɛ́ banet mi kana tusung dot ba se na awon. 13Ni izen nɔng fɛ́ aBitrus rus katitu amatse, kanamang yɔng fɛ́ ka ra kutomong ari me fɛ́ ba ka ka yes aRuda, ka tse nɔng ka da ku tarak e. 14Nkum fɛ́ ka fok kutɔ aBitrus, nek kudot ifeng, ka wat ka won itarak katitu me, ka tɛ bun sak ayɛt e, ka tse ka tak banet ngma kusum ye, “ABitrus yɔng ni nyeseng atitu!”
15Ba fɛ̀ ni ika, “Ice ngɔn yet izining awo!” Fɛ́ kago me di ban, ba fɛ̀, “A da yet atomaza wu wu!”
16Ni izen e yɔng, aBitrus woso tsot katitu me. Ama fɛ́ ba ne ba tarak katitu me, ba ku di, ikyɛng e ka ba te kpɔrɔk. 17A ka ba tonong ni itsambɔk fok na ba te yuu, a ma ka ba tak irèn fɛ́ Adakunom ku tun mo ari inyang. A fɛ̀ ni iba, “Tak yin aYakubu ni nshɛrɛp baruneng ikyɛng fi ite.” Ama anɔng, a yit irèn sak narɔ kakak.
18Fɛ́ kadiding nye, kudaam hwyɛ awo nɔ nate batsom e, naton ikyɛng fi ite na aBitrus. 19Agbat agwɔm aHiridus sak na ba tse ba ku bɛ́ na aBitrus. Fɛ́ ba ku bit, aHiridus risim batsom e, a nɔɔk ifɛ̀ na ba fɛɛs iba. Ama anɔng, aHiridus won mben aJudiya, a tseng sak na aKaisariya a tse sonong azɔng nfi ki izen.
Iku aHiridus
20Ni izen e yɔng, aHiridus beseng iyɛ ne banet aTiya nɛ aSidon. Nek anɔng, ba tun banet fɛ́ ba da tsɛt inosong-ashi ni wu, nek banet mben e tes iyɛ naton mben aHiridus nek isɛs kuyak iya. Banet fɛ́ ba tun e, ba sɛ irun ama aBilastus agbat asam fɛ́ a ra kutomong inyes igwɔm kameneng, 21ba ka ba te izen inyim na aHiridus. Atuk fi kunom inyim e nye, aHiridus nɔ ayɛt ares igwɔm wu, a sonong ni kuta igwɔm wu, a kpa cɛɛt ni iba. 22Fɛ́ a se ni kucɛɛt, banet e tang nkun, na ba ku tere ye, “Kutɔ kang yet kufɛ́ kaba adakunom, da kufɛ́ anet awe awo!” 23Ni izen izining, nek aHiridus rawu dang nɔɔk Adakunom iratek, atomaza aTisa wat a ku tɛmɛng sak aben, itsusuk ku ya, a ku.
24Ngma na anɔng, ifɛ̀ Adakunom ya kashon ni i di barasa ni ifush.
25Ni izen fɛ́ ba aBarnabas nɛ aShawulu gang ikyɛng fi i tse ni iba, ba tɛ ba won aRushelima, ba sok aYohana, fɛ́ ba ku yes aMarkus gung ni iba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.