2 BaTesaloni 2
2
Anet iraye Ntsi
1Azaton kubɛ́ aTisa yit aYeso Kristi, ni itusung fɛ́ ba bi ki nye yit ne, ábaruneng in ra yit awon ni yin, 2i bi bɛ́ yin ayɛ gak kɛ ayɛt nnyim fok kunom aTisa mi got awo, bakak mi ki nye yin ncɛɛt abes ni itom nɛ afumung naton anɔng yɛ fok a ne ni yit. 3I bi won yin akak ki wɔrɔk yin na kaakyi irèn awo, nek kunom e yɔng bi tsang nye awo ma idorok nhwyɛ tun bɛ́, ma anet ibeseng ntsi ne ninyɛn, iwu fɛ́ ba mi sak ba da wey ni wu. 4Iwu bi tɛnɛng na ceshek ice wu naton ni nkyɔrɔk fɛ́ ba yes ina nfɛ́ Adakunom kɛ nyɔng fɛ́ ba da ku ya mo ntong ayi, a bi tsɛ a sonong nitu iya Adakunom ntong fok iwu wu a yet Adakunom.
5I mi yiring yin awɛ, ni izen fi in kin se ni iyin, in ma ni in ki taas yin nkyɔrɔk nang awɛ? 6Yɔkɔnɔng, iyin rēn yin ikyɛng fi i rēn ku tɛnɛsɛ, kɔn a bi wuruk dang izen wu ni i nye. 7Nek yɔkɔnɔng ba se ni kutomong inɛt ibeseng ntsi; awɛt ayɔng fɛ́ a ku tɛnɛsɛ, da ya kashon ni tɛnɛsɛ wu sak izen fɛ́ ba bi ku serek ni irèn. 8Ama anɔng, anet ibeseng ntsi me bi ne tun ice wu, iwu fɛ́ aTisa yit aYeso fɛt ni nsong fi in bi nes nanu wu, a bi wey ni wu ni mgbey kubɛ́ wu. 9Ba bi rēn kubɛ́ anet iraye ntsi me ni rèn ntomong abes, nkyɔrɔk ayɔɔt mbɔɔs fɛ́ aShetan bi ras, 10ni ntomong anyas fi in bi wɔrɔsɔ bayɔng fɛ́ ba tsin wɛɛs. Ba wɛɛs nek ba raba ishim atsak fɛ́ a da ka ba sheshek. 11Nek anɔng, Adakunom da kaba tom ni iwɔrɔsɔ agap, nɔng ba di ki nɔɔk atsak ni mbɔɔs e, 12nɔng ngma bayɔng fɛ́ ba raba ishan atsak, na ba dun tere anyas, ba bi ka ba ya ni ishɔt.
Nyeseng yin gak
13Ábaruneng, i se gbing-gbing ni in feng yit Adakunom kaakyi izen mok iyin, nek ishim fɛ́ a ki nye yin ne, fɛ́ a ki kasa yin ni imɛsɛng, a ki sheshek yin ayɛt kutomong ikanang fɛ́ Kabik nyes, ni rèn ishan atsak. 14A ki yes yin ni ye ni irèn ishara ifɛ̀ itek fi in ki nye yin ne, nɔng i da bin sɛ yin kanu kafiin ni ízɔk aTisa yit aYeso Kristi. 15Nek anɔng ábaruneng, nyeseng yin gak, bereng yin itees fi in kin ki nabak yin ne, iyɔng fi in kin ki nye yit ne kanu ni ifi ijɛk.
16Won aTisa yit aYeso Kristi ice wu, nɛ Ada Adakunom, fɛ́ a ki tonong yit ishim, ayɛt itek wu, a tɛ ki nɔɔk yit agap iyɛ fɛ́ a bi nkum e awo, ni ite iyɛ itek, 17a ki nɔk yin agap iyɛ, a ki gbinding yin na kaakyi kutomong ni kucɛɛt kutek.
Currently Selected:
2 BaTesaloni 2: IbaasNT
Highlight
Copy
Compare
Share
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
2 BaTesaloni 2
2
Anet iraye Ntsi
1Azaton kubɛ́ aTisa yit aYeso Kristi, ni itusung fɛ́ ba bi ki nye yit ne, ábaruneng in ra yit awon ni yin, 2i bi bɛ́ yin ayɛ gak kɛ ayɛt nnyim fok kunom aTisa mi got awo, bakak mi ki nye yin ncɛɛt abes ni itom nɛ afumung naton anɔng yɛ fok a ne ni yit. 3I bi won yin akak ki wɔrɔk yin na kaakyi irèn awo, nek kunom e yɔng bi tsang nye awo ma idorok nhwyɛ tun bɛ́, ma anet ibeseng ntsi ne ninyɛn, iwu fɛ́ ba mi sak ba da wey ni wu. 4Iwu bi tɛnɛng na ceshek ice wu naton ni nkyɔrɔk fɛ́ ba yes ina nfɛ́ Adakunom kɛ nyɔng fɛ́ ba da ku ya mo ntong ayi, a bi tsɛ a sonong nitu iya Adakunom ntong fok iwu wu a yet Adakunom.
5I mi yiring yin awɛ, ni izen fi in kin se ni iyin, in ma ni in ki taas yin nkyɔrɔk nang awɛ? 6Yɔkɔnɔng, iyin rēn yin ikyɛng fi i rēn ku tɛnɛsɛ, kɔn a bi wuruk dang izen wu ni i nye. 7Nek yɔkɔnɔng ba se ni kutomong inɛt ibeseng ntsi; awɛt ayɔng fɛ́ a ku tɛnɛsɛ, da ya kashon ni tɛnɛsɛ wu sak izen fɛ́ ba bi ku serek ni irèn. 8Ama anɔng, anet ibeseng ntsi me bi ne tun ice wu, iwu fɛ́ aTisa yit aYeso fɛt ni nsong fi in bi nes nanu wu, a bi wey ni wu ni mgbey kubɛ́ wu. 9Ba bi rēn kubɛ́ anet iraye ntsi me ni rèn ntomong abes, nkyɔrɔk ayɔɔt mbɔɔs fɛ́ aShetan bi ras, 10ni ntomong anyas fi in bi wɔrɔsɔ bayɔng fɛ́ ba tsin wɛɛs. Ba wɛɛs nek ba raba ishim atsak fɛ́ a da ka ba sheshek. 11Nek anɔng, Adakunom da kaba tom ni iwɔrɔsɔ agap, nɔng ba di ki nɔɔk atsak ni mbɔɔs e, 12nɔng ngma bayɔng fɛ́ ba raba ishan atsak, na ba dun tere anyas, ba bi ka ba ya ni ishɔt.
Nyeseng yin gak
13Ábaruneng, i se gbing-gbing ni in feng yit Adakunom kaakyi izen mok iyin, nek ishim fɛ́ a ki nye yin ne, fɛ́ a ki kasa yin ni imɛsɛng, a ki sheshek yin ayɛt kutomong ikanang fɛ́ Kabik nyes, ni rèn ishan atsak. 14A ki yes yin ni ye ni irèn ishara ifɛ̀ itek fi in ki nye yin ne, nɔng i da bin sɛ yin kanu kafiin ni ízɔk aTisa yit aYeso Kristi. 15Nek anɔng ábaruneng, nyeseng yin gak, bereng yin itees fi in kin ki nabak yin ne, iyɔng fi in kin ki nye yit ne kanu ni ifi ijɛk.
16Won aTisa yit aYeso Kristi ice wu, nɛ Ada Adakunom, fɛ́ a ki tonong yit ishim, ayɛt itek wu, a tɛ ki nɔɔk yit agap iyɛ fɛ́ a bi nkum e awo, ni ite iyɛ itek, 17a ki nɔk yin agap iyɛ, a ki gbinding yin na kaakyi kutomong ni kucɛɛt kutek.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.