1 BaKorinti 3
3
Ikaba nate bafi Ikuus
1Ábaruneng, in da kyɛm in cɛɛt ni yin tɛ bafɛ́ abik awo, tit bafɛ́ azatse, naban nnon ni kuus Anet-Isheshek. 2In ki nɔk yin nabasang, da nayak agap awo, nek i kin tsang kyɛm yin iya me awo, katsak e, sak atut ana, i mi kyem yin iya me awo. 3Iyin ren resek yin mo bafɛ́ azatse, nek ifup ni ifà se nate yin, nggɔn azatse yɔng itonoso yin nɔng awɛ? Iyin nye yin tɛ banet azatse yɔng awɛ? 4Nek ke akak fɛ̀, “Imi kuus aBulus”, na akak fɛ̀, “Imi kuus Apolos”, idɔng tonong fok, i tsin nye yin nggɔn banet awe yɔng awɛ?
5Akyɛ me yet Apolos ɛ? Akyɛ yet aBulus ɛ? In nye ba yet basam kyɛk awɛ, ni ntomong bà wu fi iyin sɛ yin i di nɔk yin atsak, kaangan ba bɛ́ kutomong fɛ́ aTisa ku nɔk ira me. 6Imi tuus ica me, Apolos di tes ashi, awɛt Adakunom wu a sak ide i rasak. 7Nek anɔng, da anet ituus e kɛ anet ites ashi me fɛ́ ba yet ikyikak awo, tit Adakunom fɛ́ a sas nkyɔrɔk rasak. 8Anet fɛ́ a tuus nɛ ayɔng fɛ́ a di tes ashi, ite iyɛ bá yet izining, kaangan ba bi shan izang wu kpaf ni kutomong wu. 9Nek iyit yet yit bafi ifiri ni tomong nɛ Adakunom, iyin yet yin ikɔ Adakunom, ni inok Adakunom.
10Ni itek fɛ́ Adakunom mi di nɔk, in ta itis e tɛ agwɔm inok, akak tsin di nok naton e. Awɛt kaangan na nye yɛɛt kuri inok fɛ́ a se ne. 11Nek vit ayɔng fɛ́ a da tɛ a ta itis ikak zɛɛt ni idɔng fɛ ba mi tsang ta, fi i yet aYeso Kristi. 12Ke akak di nok ni itis e deng ne ata asɛng kɛ ata akan kɛ ata itsɔm kɛ ne akon, kɛ ne agam kɛ ne atangyɔt ayi, 13ba bi di kutomong wu akaangan, nek atuk e yɔng bi tonong iko wɛshɛk. Nek ba bi tonong kutomong akaangan ni kurong, kurong e bi mara agap kutomong akaangan. 14Ki ikyɛng fɛ́ a nok di nak de, a da shan izang wu. 15Ki kurong ya ide, a sot kawɛy ku sɛ; awɛt iwu ice wu ba bi ku sheshek, tit isheshek e bi se tɛ ayɔng fɛ́ a hwyet ayɛt abelem árong.
16Iyin rēn yin fok, iyin ice yin yet yin karɔ iya Adakunom ntong awɛ? I rēn yin fok Kabik Adakunom sosok ayɛt yin awɛ? 17Ngma ayɔng fɛ́ a beseng karɔ iya Adakunom ntong, Adakunom da ku beseng; nek karɔ iya Adakunom ntong se jɛrɛ, iyin ba i yet yin karɔ iya Adakunom ntong e.
18I bi wɔrɔk yin ice yin awo. Ke akak ayɛt yin di fok, iwu yet atsitsɛng iyɛrɛ ifɛ́ azatse kang, won na a sot ishɔp nɔng a bin sot atsitsɛng. 19Nek kutsitsɛng azatse kang yet ishɔp nanu ashon Adakunom. Kyɔn ti fi di se ni jɛk ye: “Adakunom yisik batsitsɛng ne agunung kutsitsɛng bá,” 20i ti se ni jɛk ye, “ATisa rēn fok, kuyiring batsitsɛng yet abap.” 21Nek anɔng, itsot kugwɔm ne banet mi gang! Nek kaakyɛ yet ifiin, 22Ke na yet aBulus a, kɛ Apolos, kɛ aKefas, kɛ kazatse, kɛ kutset, kɛ iku, kɛ yɔkɔnɔng kɛ sak ashon ayi, ngma in yet ifiin, 23ni iyin yet yin bafɛ́ Anet-Isheshek, Anet-Isheshek yet afɛ́ Adakunom.
Currently Selected:
1 BaKorinti 3: IbaasNT
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
1 BaKorinti 3
3
Ikaba nate bafi Ikuus
1Ábaruneng, in da kyɛm in cɛɛt ni yin tɛ bafɛ́ abik awo, tit bafɛ́ azatse, naban nnon ni kuus Anet-Isheshek. 2In ki nɔk yin nabasang, da nayak agap awo, nek i kin tsang kyɛm yin iya me awo, katsak e, sak atut ana, i mi kyem yin iya me awo. 3Iyin ren resek yin mo bafɛ́ azatse, nek ifup ni ifà se nate yin, nggɔn azatse yɔng itonoso yin nɔng awɛ? Iyin nye yin tɛ banet azatse yɔng awɛ? 4Nek ke akak fɛ̀, “Imi kuus aBulus”, na akak fɛ̀, “Imi kuus Apolos”, idɔng tonong fok, i tsin nye yin nggɔn banet awe yɔng awɛ?
5Akyɛ me yet Apolos ɛ? Akyɛ yet aBulus ɛ? In nye ba yet basam kyɛk awɛ, ni ntomong bà wu fi iyin sɛ yin i di nɔk yin atsak, kaangan ba bɛ́ kutomong fɛ́ aTisa ku nɔk ira me. 6Imi tuus ica me, Apolos di tes ashi, awɛt Adakunom wu a sak ide i rasak. 7Nek anɔng, da anet ituus e kɛ anet ites ashi me fɛ́ ba yet ikyikak awo, tit Adakunom fɛ́ a sas nkyɔrɔk rasak. 8Anet fɛ́ a tuus nɛ ayɔng fɛ́ a di tes ashi, ite iyɛ bá yet izining, kaangan ba bi shan izang wu kpaf ni kutomong wu. 9Nek iyit yet yit bafi ifiri ni tomong nɛ Adakunom, iyin yet yin ikɔ Adakunom, ni inok Adakunom.
10Ni itek fɛ́ Adakunom mi di nɔk, in ta itis e tɛ agwɔm inok, akak tsin di nok naton e. Awɛt kaangan na nye yɛɛt kuri inok fɛ́ a se ne. 11Nek vit ayɔng fɛ́ a da tɛ a ta itis ikak zɛɛt ni idɔng fɛ ba mi tsang ta, fi i yet aYeso Kristi. 12Ke akak di nok ni itis e deng ne ata asɛng kɛ ata akan kɛ ata itsɔm kɛ ne akon, kɛ ne agam kɛ ne atangyɔt ayi, 13ba bi di kutomong wu akaangan, nek atuk e yɔng bi tonong iko wɛshɛk. Nek ba bi tonong kutomong akaangan ni kurong, kurong e bi mara agap kutomong akaangan. 14Ki ikyɛng fɛ́ a nok di nak de, a da shan izang wu. 15Ki kurong ya ide, a sot kawɛy ku sɛ; awɛt iwu ice wu ba bi ku sheshek, tit isheshek e bi se tɛ ayɔng fɛ́ a hwyet ayɛt abelem árong.
16Iyin rēn yin fok, iyin ice yin yet yin karɔ iya Adakunom ntong awɛ? I rēn yin fok Kabik Adakunom sosok ayɛt yin awɛ? 17Ngma ayɔng fɛ́ a beseng karɔ iya Adakunom ntong, Adakunom da ku beseng; nek karɔ iya Adakunom ntong se jɛrɛ, iyin ba i yet yin karɔ iya Adakunom ntong e.
18I bi wɔrɔk yin ice yin awo. Ke akak ayɛt yin di fok, iwu yet atsitsɛng iyɛrɛ ifɛ́ azatse kang, won na a sot ishɔp nɔng a bin sot atsitsɛng. 19Nek kutsitsɛng azatse kang yet ishɔp nanu ashon Adakunom. Kyɔn ti fi di se ni jɛk ye: “Adakunom yisik batsitsɛng ne agunung kutsitsɛng bá,” 20i ti se ni jɛk ye, “ATisa rēn fok, kuyiring batsitsɛng yet abap.” 21Nek anɔng, itsot kugwɔm ne banet mi gang! Nek kaakyɛ yet ifiin, 22Ke na yet aBulus a, kɛ Apolos, kɛ aKefas, kɛ kazatse, kɛ kutset, kɛ iku, kɛ yɔkɔnɔng kɛ sak ashon ayi, ngma in yet ifiin, 23ni iyin yet yin bafɛ́ Anet-Isheshek, Anet-Isheshek yet afɛ́ Adakunom.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.