1 BaKorinti 10

Ikɔrɔk kuto ni nkyɛng-ashon ashon aIsrela

1Ábaruneng, yɔkɔnɔng, in shim ni irēn yin tsɛngtsɛng nkyɔrɔk yɔng fi in kin te, fɛ́ anɔk kin te gyip badakop yit, ba kin tat izɛk isɛng naton ntong nkoot. 2Izen fɛ́ ba se na anɔk e ni izɛk e, itonong fok, ba ka ba ra abatisma ngma, ba te bafi ikuus aMusa. 3Ngma ba ba kin ya kuyak abik, kuri kuzining e. 4Ba kin tɛ ba sɔ ashi abik, kuri kuzining e. Nek ba sɔ ashi fɛ́ a ne ni Kuta abik, fi ku tseng gung ni iba. Kuta me yɔng yet Anet-Isheshek. 5Ngma ne anɔng, Adakunom fok nta na bakak bá awo, nek anɔng a ka ba fɛɛs natse.

6Nkyɔrɔk nang kin te anɔng, nɔng in da bin sot ikyɛng imɛɛs ni yit, kɔng in bi bɛ̀ yit iyɛ ngash iras nkyɔrɔk imaan e ti iba kin di ra. 7I bi ya yin nabannom ntong awo kyɔn tɛ bakak ba nye. Kyɔn ti i se ni jɛk ye, “Banet e sosok, na ba ya, na ba sɔ, ama me, na ba ras kujang.” 8In bi ra yit kujang awo kyɔn tɛ bakak ba nye, fɛ́ banet agup nsɔk nfaa ina taat ba kus kunom kuzining. 9In bi mara yit aKristi awo kyɔn tɛ bakak ba nye, fi i sak íhwyen kin ka ba fɛɛs mo. 10I bi ngɔɔt yit nanu awo kyɔn tɛ bakak ba nye, fɛ́ atomaza iwɛs banet, ka ba fɛɛs mo.

11Nkyɔrɔk nang kin te anɔng, nɔng in da bin sot ikyɛng imɛɛs, ba kin te ni ijɛk nɔng ba bin di kɔrɔk yit mo kuto, iyit fi in se yit ni nnom igang azatse. 12Nek anɔng, ki ngɔn di fok ngɔn mi nyeseng gak, won ni nye yɛɛt, kɔn i bi kpa! 13Vit imara ikak fi imang ki sɛ yin, fi da imang sɛ banet awo. Adakunom yet afi ishining ifɛ̀ wu, a da won imara ikak ni ki kpa yin fi i da waat agap yin awo. Awɛt izen fi imara me ki bɛ́ yin, a da ki nɔɔk yin agap inyeseng yin gak, na ki tarak yin irèn ihwyet.

14Nek anɔng, iyin bacɛk iyɛ hom, sak yin ace yin yik-yik ni iya nabannom ntong. 15In tsin cɛɛt ni yin tɛ banet fɛ́ ba se tsɛngtsɛng, mara yin kucɛɛt hom ice yin, i da di yin. 16Katsereng izɔɔn katek fi in di tonoso yit ifeng, ayet iwu wu fɛ́ a ki sak yit in sot yit ikyɛng izining ayɛt nasok aKristi awɛ? AKpam fi in bushung yit, ayet iwu wu fɛ́ a ki sak yit in sot yit ikyɛng izining ni irɔm Anet-Isheshek awɛ? 17Nek akpam e yet azining, iyit fi in se yit dot, in yet yit kurɔm kuzining, nek ngma yit in ya yit ayɛt akpam azining e me.

18Yiring yin banet aIsrela. Bayɔng fɛ́ ba yas nayak inabak-akuce me, ba yet bayɔng fɛ́ ba ras kutomong ni kuta ashosh e awɛ? 19Iyin di yin fok nyeng in cɛɛt fok, kuyak nabak-akuce fɛ́ ba nabak nabannom e, ina na na yet ikyi ikak ɛ? Kɛ nabannom e ka ka ka yet ikyi ikak ɛ? 20Awey yo! Ikyɛng fi in cɛɛt yet fok, nnang ashosh fɛ́ bafi nhwyi nasap, ba nasap itséng e, da Adakunom awo. Da imi shim ni imoon yin ifidang ni itséng awo. 21I da kyɛm i sɔ yin na katsereng izɔɔn Adakunom ni ti ni sɔ yin na fi itséng bà awo. I da kyɛm ni ya yin ne atebul Adakunom ni ti ya yin na fi itséng bà awo. 22Kɛ iyit shim in sak yit aTisa na fok ifup ɛ? Kɛ iyit di yit ti in ku wat yit na agap ɛ?

Kuwashak bafi ikuus

23“In bɛ̀ yit irēn ira kaakyi ikyɛng,” awɛt da kaakyi ikyɛng e de fi i se gyat awo. “In bɛ̀ yit irēn ira kaakyi ikyɛng,” awɛt da kaakyi ikyɛng e de fi i bɛ́ ni iya kashon awo. 24Da akak bi daam ni ice wu kyɛk awo, tit na a daam na bakak bà.

25Ya yin kaakyi kuri ikyɛng fɛ́ ba rɛs narɔ ijik inam, vit irisim, kɔng ayɛ yin bi se gak naton de. 26Nek, “Kazatse yet ka fɛ́ aTisa, ni nkyɔrɔk fin in se ayɛt e ngma.”

27Ke afi nhwyi akak ki rini yin iya nayak, ki i shim i tse yin, ya yin ngma kuri ikyɛng fɛ́ ba ki nɔɔk yin vit nrisim, kɔng ayɛ yin bi se gak naton de. 28Awɛt ke akak bɛ́ a ki tak yin fok ye, “Ba mi tsang nabak nayak nang inabak-akuce sak na nabannom,” i bi ya yin ina awo, nek i di sɛ ayɔng fɛ́ a da tak e, nek kuyiring iyɛ, 29nek kuyiring iyɛ wu fi in di cɛɛt da kufɔɔn awo. Ke nyɛng akak da kyem a rip fok, “Akyɛ sak fi kuyiring iyɛ akak da bi ízɔk naton hom ɛ? 30Ki in ya nayak e ni ifeng, akyɛ sak fɛ́ da wey ni mi naton ikyɛng fi in mi di nɔk Adakunom ifeng ɛ?”

31Nek anɔng, ngma ikyɛng fi i se yin ne, kɛ na ayet kuyak, kɛ i sɔ ayi, nye yin ide sak iratek Adakunom. 32I bi sak yin akak na kpa awo, kɛ na yet afɛ́ aYahuda, kɛ afɛ́ aGirik, kɛ afi ikuus Adakunom ayi. 33Nye yin kyɔn ti imi di ras. In nye nyɛk ayɛt akaakyi ikyɛng itɛrɛk banet iyɛ, in tsɛsɛk itek ice hom awo, tit ifɛ́ bakak dot, nɔng ba bin sɛ isheshek.

Currently Selected:

1 BaKorinti 10: IbaasNT

Highlight

Copy