Ǐvel mə̌ğurxo 16
16
16-ci Ǐvel mə̌ğ
Davidi mikt'am #16:0 mikt'am - Me əyit həysə əştenesa, şot'o görəl şot'ay k'ə upsuna lap alimxonal avatet'un. Bakes banekon mo fare nəəl me xoyinša k'alpsuni sa yöne.
1Za q'orişi efa, ay Buxačux,
Axıri zu Vaz bač'an tarade!
2Zu Q'ončuğo pizu: «Hun bez Q'ončuxnu,
Hun tenusa, mandi bito əfçine!»
3Va çalxalorox isə me dünyəne kala s'iye q'ončuxe,
Bezi mǔqbakala ga bunesa, şoroxe.
4Ama q'erəz buxačuxxoy qoşt'an t'it'alt'oğoy
Dərde loxol dərd eğale!
Śipseynak' bakala p'iye q'urbanxo etezçon t'e buxačuxxoynak' zu,
Şot'oğoy s'iyal dutezğon!
5Ay Q'ončux, bez paynu koft'i,
Bez k'odoğo śameśi neymət Hunnu!
Vi kiyene bezi q'ısmat.
6Zaynak' śameśit'oğoxun irəzizu,
Za koft'i payaxun şaat'o butene.
7Za nəsyət tadala Q'ončuğoy s'iya alaboz,
Bask'i galal Şot'ay əyitmux bez ǔmǔğone.
8 Q'ončuğoy həmişə bez t'ǒğǒl baksuna avazu,
Za tək nu barst'una görəl bələ zaxun ə̌xile tarak'on.
9Mone, bez ük' mǔq, ç̌oyenal axšumene,
Bez ük'ə buz k'inək'ez efe, q'ı̌ butene zaynak'.
10Axıri Hun bezi p'uri oç̌alin oq'a taysuna,
Vaxun ç̌o nu taradalt'ay bašaybaki əfçibaksuna imkan ten tadon.
11Za yəşəyinş tadala yaq'en ak'est'i Hun,
Va aksunen mǔqt'ale za.
Vi t'ǒğǒl baksune zaynak' həmişəluğ bakala mǔqluğ!
Currently Selected:
Ǐvel mə̌ğurxo 16: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
