Ǐvel mə̌ğurxo 144
144
144-ci Ǐvel mə̌ğ
Davidi Ǐvel mə̌ğ.
1Alxışq'an baki Q'ončuğo,
Bezi bač'an tarades bakala sa q'ayane Şo,
Şone bezi ə̌mə zorba bi,
Kulmoğo davineynak' həzirbalo.
2İzi nu badalbakala çuresuna zaxun nu kambalone Buxačux,
Şo zaynak' sa q'aya, alloy q'ala, çark'est'ale bezi Şo!
Buxačux bezi bač'an, umudi ga,
Za bez azuk'i loxol kalo laxiyone Şo.
3Ay Q'ončux, insan şuva ki?
Ama Hun p'urumal şot'o eyexun ten c'evksa!
Amdar hik'ə ki? Ama Hun p'urumal şot'ay fikirən zap'e! #144:3 İov. 7:17-18; Ǐvel mə̌ğ. 8:4
4Sa muş k'inək'e hari c'ovaksa insani ömür, şo həgigiyal hik'k'ale,
Xoji c'ovaki tağala k'inək'e taysa şot'aynak' śameśi ğimxo.
5Göyurxo t'ağayba śiki, ay Q'ončux,, #144:5 Ǐvel mə̌ğ. 18:9
Vi kula buruxmoğo duği küünəxba şot'oğo.
6Vi s'ə̌q'ə duğa, barta bez düşmənxo irapeq'at'un,
Barta Vi tərbi oxurxo ak'i t'it'ereq'at'un. #144:6 Ǐvel mə̌ğ. 18:14
7Za kul boxoda alaxun,
Bə̌ğə̌loyluğxoxun zapa c'evk'a za,
Çark'est'a me buxačuxsuzt'oğoy kiyexun. #144:7 Ǐvel mə̌ğ. 18:16-17
8Əfçiduğalxone şorox,
Lap içoğoy elaspsunal əfçine şot'oğoy.
9Me təzə mə̌ğə̌ mə̌ğk'oz Vaynak', ay Buxačux,
Vis' simlə arfa farpi Va tərifləyinşoz.
10Hunnu padçağxoy běš içoğoy düşmənxo çökt'est'alo,
Vi k'ul Davida iz loxol ěqeśi q'ılıncaxun çark'est'alo Hunnu.
11Çark'est'a za me buxačuxsuzt'oğoy kiyexun,
Əfçiduğalxone şorox,
Lap içoğoy elaspsunal əfçine şot'oğoy.
12Barta beşi cəyil ğarmux veçələyinşala göyün xod k'inək' vərkərq'at'un baki,
Barta beşi xuyərmoğoy boy-buxuna ak'alt'oğoy ǰomo ə̌mq'an mandi,
Padçaği saraya bakala gözəl sütünxo ak'alt'oğoy ǰomo ə̌m mandala k'inək'.
13Barta beşi ambarxo həmişə buyq'an baki,
Taxıl kammaq'anbaki t'et'iin,
Barta beşi örüşxo hazarxon, vis' hazarxon heyvan tərbi otarişen.
14Barta beşi efala öküzxo běšq'at'un hari,
Barta śareśi-barst'un, aç̌i-batksun maq'an baki,
Barta beşi küçəmoğoxun şivani səs maq'an c'eri.
15Bəxt'əvəre metər azuk',
Bəxt'əvəre izi Buxačux Q'ončux bakala azuk'!
Currently Selected:
Ǐvel mə̌ğurxo 144: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
