Ams'i oç̌ala 8
8
Çirağxo laxsuni yön
1 Q'ončuğon Moiseya pine: 2«Aarona metər upa: "Pisosi vǔğ çirağa t'etər laxa ki, iz běšq'at'un işiğ saki"».
3Aaronenal Q'ončuğon Moiseya əmirbi k'inək' bine: çirağxo pisosi loxol t'etəre laxi ki, şot'oğon běšt'un işiğbsay. 4Pisos isə dirist' q'ızılaxune t'ap'eśi düzbakey, iz turaxun burqi iz loxol bakala varde t'up'ulxol śirik'. Şot'o Q'ončuğon Moiseya ak'est'i k'inək't'un düzbey. #8:1-4 C'eys. 25:31-40; 37:17-24
Leviğo içoğoy əşlə burqseynak' pakbsun
5 Q'ončuğon Moiseya pine: 6«İsrailluğoy aranexun leviğo cöybi şot'oğo pakba. 7Şot'oğoy pak bakseynak' metər bsune lazım: pakbala xena içoğoy loxol çiləyinşa, barta içoğoy bel q'a loxol bakala popal xampi, içoğoy paltaral os'k'eq'at'un. Mot'oxun oşa şorox pak hesabbakalt'un. 8Mot'oxun oşa barta c'əyin lapi arumi xarinaxun bakala taxıli paya q'a şot'oxun sagala q'urban eçala arak'aq'at'un ext'i, hun isə günaxxo os'kseynak' šameğala arak'a ext'a. 9Leviğo ı̌vel çadıri běš eçeri, bütüm israilluğoval girba. 10Leviğo miya eçerit'uxun oşa israilluğon içoğoy kulmoğo şot'oğoy loxol laxalat'un, #8:10 - Me hərəkəten leviğoy bütüm israilluğoy süft'in nanaxun baki ğarmoğoy gala Q'ončuğo tadesunane ak'est'a. 11Aaronenal şot'oğo israilluğoxun bakala c'ək'eśi sa pay k'inək' Q'ončuğo həsrbalane ki, Şot'o q'ulluğbes bakat'un.
12Leviğon içoğoy kulmoğo arak'xoy loxol laxit'uxun oşa me arak'xoy soğo bok'ospsuni q'urban, t'e soğo isə günaxxo os'kseynak' bakala q'urban k'inək' içoğoy s'iyen Q'ončuğoynak' šameğalane. Me q'urbanxo eşt'unenal Q'ončuğo q'ulluğbseynak' c'ək'eśi leviyox pakbaki bakalt'un. 13Barta leviyox Aaroni q'a iz ğarmoğoy běš çurpi c'ək'eśi sa pay k'inək' Q'ončuğoq'at'un həsrbaki. 14Metər, hun şot'oğo bütüm israilluğoxun c'ək'p'i Bezi balnu.
15Hun leviğo c'ək'eśi sa pay k'inək' Q'ončuğoynak' eçeri şot'oğo pakbit'uxun oşa şot'oğon ı̌vel çadıra q'ulluğbes bat'unkon. 16Şorox israilluğoy boşt'an Zaynak' c'ək'eśiyoroxe. Zu şot'oğo israilluğoy boş tapanexun c'eri k'ə süft'in ğar əyel nəəl süft'in ərkəy bala bunesa, şot'oğoy galaz ext'e. 17İsrailluğoy bito süft'in ğar əyluxal, içoğoy heyvanxoy süft'in ərkəy baloxal Bezine. Zu şot'oğo Misirə bito süft'in nanaxun baki ğarmoğo əfçibala ğine Zaynak' c'ək'p'i Beziz bi. #8:17 C'eys. 13:2 18İsəəl, bito israilluğoy süft'in ğar əyloğoy gala leviğoz Zaynak' exst'a. 19Şot'oğo israilluğoy boşt'an c'ək'p'i Aarona q'a iz ğarmoğoz tadi ki, ı̌vel çadıra bito israilluğoy gala q'ulluğbi şot'oğoy günaxxo os'k'es bakat'un. Şot'oğoy ı̌vel gala q'ulluğbsunal t'iya ı̌šalayinşakala israillun bel bələ nu eysuni toy bakale».
20Metərluğen, Moiseyen, Aaronen saal israilluğon Q'ončuğon Moiseya leviğoy barada pi əmirbit'oğo bitova bit'un. 21Leviyox içoğo təmizbi paltaral os'ksunen pakt'unbaki, Aaronenal şot'oğo c'ək'eśi sa pay k'inək' Q'ončuğone həsrbi. Leviğoy pak bakseynak' Q'ončuğoynak' q'ulluğbsuni toya ödəyinşala q'urbanxoval šameśi. 22Mot'oxun oşa leviyox Aaroni q'a iz ğarmoğoy kiin oq'a ı̌vel çadıri əşurxost'a köməybsat'un burqi. Q'ončuğon Moiseya leviğoy barada əmirbi piyoroxal bito baneki.
23 Q'ončuğon Moiseya metəre pi: 24«Mone, leviğon me q'aydina əməlbalat'un: hər saq'o qo yəşə p'ap'ala levilu ı̌vel çadıri əşurxost'a köməybi q'ulluğbsa burqalane, 25əlli yəşə p'ap'at'anal iz q'ulluğa efi ene t'iya nu köməybalane. 26Şot'in t'iya içoğoy q'ulluği vədə nu çark'i t'iyə̌mi viçimoğo köməybes banekon, ama için ene nu q'ulluğbalane. Mo ı̌vel çadıra bakala əşurxost'a leviğoy q'ulluğbsuni q'aydane».
Currently Selected:
Ams'i oç̌ala 8: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
Ams'i oç̌ala 8
8
Çirağxo laxsuni yön
1 Q'ončuğon Moiseya pine: 2«Aarona metər upa: "Pisosi vǔğ çirağa t'etər laxa ki, iz běšq'at'un işiğ saki"».
3Aaronenal Q'ončuğon Moiseya əmirbi k'inək' bine: çirağxo pisosi loxol t'etəre laxi ki, şot'oğon běšt'un işiğbsay. 4Pisos isə dirist' q'ızılaxune t'ap'eśi düzbakey, iz turaxun burqi iz loxol bakala varde t'up'ulxol śirik'. Şot'o Q'ončuğon Moiseya ak'est'i k'inək't'un düzbey. #8:1-4 C'eys. 25:31-40; 37:17-24
Leviğo içoğoy əşlə burqseynak' pakbsun
5 Q'ončuğon Moiseya pine: 6«İsrailluğoy aranexun leviğo cöybi şot'oğo pakba. 7Şot'oğoy pak bakseynak' metər bsune lazım: pakbala xena içoğoy loxol çiləyinşa, barta içoğoy bel q'a loxol bakala popal xampi, içoğoy paltaral os'k'eq'at'un. Mot'oxun oşa şorox pak hesabbakalt'un. 8Mot'oxun oşa barta c'əyin lapi arumi xarinaxun bakala taxıli paya q'a şot'oxun sagala q'urban eçala arak'aq'at'un ext'i, hun isə günaxxo os'kseynak' šameğala arak'a ext'a. 9Leviğo ı̌vel çadıri běš eçeri, bütüm israilluğoval girba. 10Leviğo miya eçerit'uxun oşa israilluğon içoğoy kulmoğo şot'oğoy loxol laxalat'un, #8:10 - Me hərəkəten leviğoy bütüm israilluğoy süft'in nanaxun baki ğarmoğoy gala Q'ončuğo tadesunane ak'est'a. 11Aaronenal şot'oğo israilluğoxun bakala c'ək'eśi sa pay k'inək' Q'ončuğo həsrbalane ki, Şot'o q'ulluğbes bakat'un.
12Leviğon içoğoy kulmoğo arak'xoy loxol laxit'uxun oşa me arak'xoy soğo bok'ospsuni q'urban, t'e soğo isə günaxxo os'kseynak' bakala q'urban k'inək' içoğoy s'iyen Q'ončuğoynak' šameğalane. Me q'urbanxo eşt'unenal Q'ončuğo q'ulluğbseynak' c'ək'eśi leviyox pakbaki bakalt'un. 13Barta leviyox Aaroni q'a iz ğarmoğoy běš çurpi c'ək'eśi sa pay k'inək' Q'ončuğoq'at'un həsrbaki. 14Metər, hun şot'oğo bütüm israilluğoxun c'ək'p'i Bezi balnu.
15Hun leviğo c'ək'eśi sa pay k'inək' Q'ončuğoynak' eçeri şot'oğo pakbit'uxun oşa şot'oğon ı̌vel çadıra q'ulluğbes bat'unkon. 16Şorox israilluğoy boşt'an Zaynak' c'ək'eśiyoroxe. Zu şot'oğo israilluğoy boş tapanexun c'eri k'ə süft'in ğar əyel nəəl süft'in ərkəy bala bunesa, şot'oğoy galaz ext'e. 17İsrailluğoy bito süft'in ğar əyluxal, içoğoy heyvanxoy süft'in ərkəy baloxal Bezine. Zu şot'oğo Misirə bito süft'in nanaxun baki ğarmoğo əfçibala ğine Zaynak' c'ək'p'i Beziz bi. #8:17 C'eys. 13:2 18İsəəl, bito israilluğoy süft'in ğar əyloğoy gala leviğoz Zaynak' exst'a. 19Şot'oğo israilluğoy boşt'an c'ək'p'i Aarona q'a iz ğarmoğoz tadi ki, ı̌vel çadıra bito israilluğoy gala q'ulluğbi şot'oğoy günaxxo os'k'es bakat'un. Şot'oğoy ı̌vel gala q'ulluğbsunal t'iya ı̌šalayinşakala israillun bel bələ nu eysuni toy bakale».
20Metərluğen, Moiseyen, Aaronen saal israilluğon Q'ončuğon Moiseya leviğoy barada pi əmirbit'oğo bitova bit'un. 21Leviyox içoğo təmizbi paltaral os'ksunen pakt'unbaki, Aaronenal şot'oğo c'ək'eśi sa pay k'inək' Q'ončuğone həsrbi. Leviğoy pak bakseynak' Q'ončuğoynak' q'ulluğbsuni toya ödəyinşala q'urbanxoval šameśi. 22Mot'oxun oşa leviyox Aaroni q'a iz ğarmoğoy kiin oq'a ı̌vel çadıri əşurxost'a köməybsat'un burqi. Q'ončuğon Moiseya leviğoy barada əmirbi piyoroxal bito baneki.
23 Q'ončuğon Moiseya metəre pi: 24«Mone, leviğon me q'aydina əməlbalat'un: hər saq'o qo yəşə p'ap'ala levilu ı̌vel çadıri əşurxost'a köməybi q'ulluğbsa burqalane, 25əlli yəşə p'ap'at'anal iz q'ulluğa efi ene t'iya nu köməybalane. 26Şot'in t'iya içoğoy q'ulluği vədə nu çark'i t'iyə̌mi viçimoğo köməybes banekon, ama için ene nu q'ulluğbalane. Mo ı̌vel çadıra bakala əşurxost'a leviğoy q'ulluğbsuni q'aydane».
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.