C'eysun 23

Buxačuğoy q'aydoox bitot'aynak' sa baksun

1Əfçi əyit taramadanan. Əfçidən şahidluğbi haq'suz amdara köməymabanan. #23:1 C'eys. 20:16; Lev. 19:11-12; K'an. 5:20 2Şər əş biq'ala amdarxoy bač'anexun ma takinan. Məhk'əminə gelet'oğoy tay baki düzə k'oribi əfçi şahidluğmabanan. 3Sa amdari saycə iz kəsib baksuna görə məhk'əminə şot'ay tərəf şahidluğmabanan. #23:3 Lev. 19:15

4Efi düşməni azmişaki arak'a nəəl elema irəst'eğayin, şot'o iz q'ončuğo qaydanan. 5Və̌x nifrətbala amdari elema yüke oq'a biti ak'ayvax, şot'o ketər ma efanan. Şot'o köməybanan ki, t'e yüke oq'axun c'ereq'an. #23:4-5 K'an. 22:1-4

6Məhk'əminə efi azuk'axun bakala kəsib amdari əşlə běğat'an düzgün divanbanan. 7Amdara məhk'əminə əfçidən taxsırkər c'evksunaxun ə̌xil bakanan. Taxsırsuzt'oğoynak' q'a düzgün amdarxoynak' şot'oğo besp'est'uni q'ərar ma c'evk'anan. Axıri pis amdara cazasuz tez bark'al.

8Rüşvət ma haq'anan, şot'aynak' ki, rüşvəten ak'alt'oğo k'ač'i, düz əyitk'alt'oğoval əfçiduğale bon. #23:6-8 Lev. 19:15; K'an. 16:19

9Q'əribə zülüm ma tadanan. Axıri və̌nal Misirə q'ərib bakat'an, q'əribluğin k'ə baksuna hisbenan. #23:9 C'eys. 22:21; Lev. 19:33-34; K'an. 24:17-18; 27:19

Dincəyinşakseynak' bakala ği q'a usen

(C'eys. 34:18-26; K'an. 16:1-17)

10Ǔq usen ef oç̌ala bit'anan iz baral girbanan. 11Vǔğǔmci usenast'a isə şot'o kul ma duğanan. T'e vədə ef azuk'axun bakala kəsibxon t'et'iin ukest'un bakon, avuz mandalt'u isə çölin heyvanxonq'an kəyi. Ef t'ulluğxo q'a zeytunluğxoval metər banan. #23:10-11 Lev. 25:1-7

12Ǔq ği ef əşurxo banan, vǔğǔmci ğine isə ma əşbanan ki, ef kəlurxo q'a elemxo dincəyinşəkeq'at'un, ef k'oya bakala nökərxo q'a q'əribxoval içoğol hareq'at'un. #23:12 C'eys. 20:9-11; 31:15; 34:21; 35:2; Lev. 23:3; K'an. 5:13-14

13Bezi və̌x pi hər şeya əməlbanan. Q'erəz buxačuxxoy s'iya ma duğanan, şot'oğoy s'iyurxo ef muzelal ma eçanan.

Hər usen c'ovakest'ala xib axsibay

14Bez s'iyal usena xib axsibay c'ovakest'anan.

15 Ə̌yinsuz Šume axsibay #23:15 C'eys. 12:14-20; Lev. 23:6-8; Ams'i oç̌. 28:17-25 c'ovakest'anan: Zu və̌x əmirbi k'inək' aviv #23:15 Aviv - əbrani tumargirəst'a samci xaş. Aviv xaş xibna xaşe qı̌t'uxun c'ovaki nəəl ki bip'na xaşe samci ğimxoy təzə xaş ak'eğat'ane burqesa. xaşast'a və̌ynak' təyinbaki vədine vǔğ ği ə̌yinsuz šum ukanan. Şot'aynak' ki, Misirəxun t'e xaşast'anan c'ere. Şuk'k'al kul ams'i Za bul k'os'bsa maq'an hari.

16Çöle bakala əkini süft'in exaxun Exe axsibay c'ovakest'anan.

Oç̌alen tadi bara bitova girbit'uxun oşa useni axırast'a Bare axsibayal c'ovakest'anan. #23:16 Lev. 23:15-21,39-43; Ams'i oç̌. 28:26-31

17Metər, usena xib kərəm ef bütüm işq'arxo içoğoy Q'ončux Buxačuğo bul k'os'bala gala eğalt'un.

18Zaynak' eçala q'urbani p'iya ə̌yinen šareśi hik'k'al laft'imaq'an.

Zaynak' eçala axsibayi q'urbanluği piyal savaxeynak' emafanan.

19Vi oç̌alaxun girbi nübərin ən şaat't'u ef Buxačux bakala Q'ončuğo bul k'os'bala gala eçanan.

Q'uzina iz nanay muč'anaq'i boş ma ap'esp'anan. #23:19 K'an. 14:21; 26:2; C'eys. 34:26

Buxačuğoy angeli yaq' həzirbsun

20Mone, Zu ef běš tayseynak' Bez angelaz yaq'absa ki, şot'in və̌x yaq'a q'orişi Bezi və̌ynak' həzirbi gala taşane. 21Şot'o fikir tadanan, iz əyitəl běğanan. Şot'ay əyitəxun ma c'ekinan - şot'in tene bağışlayinşal, şot'aynak' ki, k'ə bsanesa Bez s'iyene bsa. 22Əgər şot'o ǔmǔxlaxi, Bezi uk'alt'uğoval əməlbaynan, Zu ef düşmənxoynak' düşmən bakoz, və̌x nu çureğalt'oğo Zuval tez çureğal.

23Bezi angel ef běš taśi və̌x emorluğoy, xet'luğoy, p'erizluğoy, kənanluğoy, xivluğoy saal yevusluğoy oç̌ala eçale. Zuval şot'oğo əfçiboz. 24Şot'oğoy buxačuxxo bul ma k'os'banan, şot'oğo q'ulluğbiyal içoğoy ədəten ma takinan. T'e buxačuxxo śarpi əfçibanan, şot'oğoy ı̌vel hesabbakala ǰěne sütünxo k'ot'or-k'ot'or banan. 25Və̌n ef Buxačux Q'ončuğo q'ulluğbanan, Zuval ef šuma saal xena xeyir-bərəkət tadoz, azarxoval və̌xun ə̌xilboz. 26Ef ölkinə nə əyel sakala, nəəl ərəmik' çuux #23:26 ərəmik' çuux- əyel eçes nu bakala çuux tene bakal. Ef ömürəl boxoyboz.

27Ef loxol eğala bütüm azuk'xo q'ı̌yen q'a vəlvəlinen haq'ale. Zuval şot'oğoy arane gərgürçiluğ sakoz. Bütüm ef düşmənxoval ef běšt'an t'it'alt'un. 28Zu ef běš elemi t'at'e sürüğo yaq'aboz ki, xivluğo, kənanluğo saal xet'luğo ef běšt'an şəp'eğat'un. 29Ama şot'oğo sa usenen tez şəp'eğal, tene ölkə ams'ine mandon, ə̌qnə heyvanxoval avuzbaki və̌x hücumt'unbon. 30Zu şot'oğo və̌n avuzbaki ölkin q'ončux bakes bakala vədinəl śirik' yavaş-yavaş ef běšt'an şəp'eğoz. 31Ef zahmana Č'oč'a dənizəxun Filist' #23:31 Filist' dəniz - Araluğ dəniz dənizəl śirik', ams'i oç̌alaxun Yevfrat oqal śirik' zap'k'oz. T'e ölkinə yəşəyinşalt'oğo ef kiyel tadoz, və̌nal şot'oğo ef t'ǒǒxun şəp'eğalnan. 32Nə şot'oğoxun, nəəl şot'oğoy buxačuxxoxun irəziluğ ma ğaç̌ekinan. 33Şot'oğo ef ölkinə yəşəyinşbsuna icaza ma tadanan, şot'aynak' ki, şot'oğon və̌x Bezi əyitəxun c'eysuna q'a içoğoy buxačuxxo bul k'os'bsuna zap'k'alt'un. Moval və̌ynak' tələ bakale».

Currently Selected:

C'eysun 23: udi

Highlight

Copy

Compare