ᕈᒪᓇ 11
11
ᒋᓴᒪᓂᑐᐤ ᐊ ᒋᓴᐛᑐᑐᐛᑦ ᐅᑦ ᐃᔨᒪ ᐃᔅᕋᐃᓪ
Romans 11.1-2a, 29-32 (Proper-15 Year A)
1ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮ 2ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ᐃᔅᒋᔄᐤ,
3ᐅᑎᐸᔨᒋᒐᐤ, ᒋ ᓂᐸᐊᐅᒡ ᒋᒋᔅᒋᐛᐃᒐᓯᒪ ᐅᒡ ᐃᔪᒡ᙮ ᒋ ᓂᓱᐅᓇᒋᑕᐅᒡ ᒋᐱᔅᑎᓂᒐᐅᓇᐱᔎ᙮ ᓂᔾ ᒪᔅᑕᔾ ᓂ ᐸᐃᑯᓯᓐ ᐊ ᓇᓴᐅᑕᓐ᙮ ᓂ ᐎ ᓂᐸᐃᑯᒡ ᒪᒃ ᑭᔭ ᓂᔾ᙮
4ᐊᑯ ᒪᒃ ᑲ ᐃᑎᑯᑦ ᐅᑎᐸᔨᒋᒐᐛ,
ᓂᔄᐅᑕᒡ ᑕᑥᐤ ᒐᓯᐱᔪᐤ ᓂᒋ ᑎᐸᓇᐊᐅᒡ ᐊᓐᒡ ᐊᐛᓐᒋ ᐊᑲ ᓂᑕ ᐅᒋ ᓂᐱᔅᑯᐱᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐸᐃᓪ ᑲ ᐃᓯᓂᐧᑲᓱᔨᒋ᙮
5ᐊᐅᑯᓐ ᒪᒃ ᒧᔭᒻ ᐊ ᐃᔅᐱᔨᒡ ᐊᓄᒡ᙮ ᑕᐅᒡ ᐃᔅᕋᐃᓪ ᐃᔪᒡ ᐊᑲ ᒥᒐᑎᒡ ᒋᓴᒪᓂᑐᐛ ᐊᒋ ᐅᑎᓂᑯᒡ ᐊᓂᔭ ᐅᒋ ᐊ ᒋᓴᐛᑎᓯᑦ᙮ 6ᐊ ᒋᓴᐛᑎᓯᑦ ᒋᓴᒪᓂᑐᐤ ᐊᐅᒄ ᐅᔭ ᐛᒋ ᐎᔭᔨᒥᑯᒡ᙮ ᓇᒪ ᐎ ᐊᓂᔭᔪᐤ ᐊ ᒥᔪᑐᑕᒡ᙮ ᐛᔅ ᐎᔭᔨᒪᑦ ᐊᐛᔪᐛ ᐊᓂᔭ ᐅᒋ ᐊ ᒥᔪᑐᑎᒥᔨᒋ, ᓇᒪ ᒋᒋᐛ ᒋᐸ ᐅᒋ ᐃᓯᓇᑯᓂᔪᐤ ᐊᓂᔭ ᐅᒋᓴᐛᑎᓯᐅᓐ᙮
7ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮ 8ᐊᐅᒄ ᐛᔅ ᑕᑈ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋ ᐃᑐᑕᑯᐅᒡ ᒋᓴᒪᓂᑐᐛ ᓇᔅᒡ ᐊᑲ ᒐᒂᔪᐤ ᒐᒋ ᓂᔅᑐᑕᒡ ᐊᒐᐧᑯᐅᓂᒡ ᐃᔅ᙮ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑎᒺᒡ ᑕᓐ ᐊ ᐃᑎᔨᒋ ᑭᔭ ᒐ ᐊᑲ ᒋ ᐸᑐᐛᒡ ᑕᓐ ᐊ ᐃᔅᒋᔄᔨᒋ᙮ ᐊᔅᒄ ᐊᓄᒡ ᒐᓯᑲᔨᒡ ᐊᐅᑯᓐ ᐊ ᐃᓯᓇᑯᓯᒡ᙮
9ᐊᓂᔭ ᒋᓴᐅᒋᒪᐤ ᑎᐱᑦ ᑭᔭ ᐎᔾ ᒋ ᐃᑎᓯᓇᐃᒐᐤ,
ᐊᑯᔅ ᐊ ᑕᐧᑯᒥᑯᒡ ᒪᒃ ᐊ ᓂᒂᑎᑯᒡ ᒋᑭ ᐃᓯᓇᑯᓂᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ᐸᒋᓯᒥᑯᐅᒡ ᐊᓂᔭᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ᐛᐛᓯᐊᑭᓄᐅᒡ᙮ 10ᓂ ᓂᑐᑎᒪᓐ ᒐᒋ ᒋᑈᐱᓇᑭᓄᐎᒡ ᒐᒋ ᐊᑲ ᐛᐸᑕᒡ᙮ ᓂ ᓂᑐᑎᒪᓐ ᑲᒋᒡ ᒐᒋ ᐛᒋᓯᒡ ᐊ ᐃᔅᐱᔅ ᑯᓯᑯᔅᑲᑯᒡ ᐅᑦ ᐊᔨᒪᔨᑎᒧᐅᓄᐛᐛ᙮
11ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᒧᓐ᙮ ᐃᔅᐱ ᑲ ᐊᑐᐛᔨᒪᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ, ᒋ ᓇᔅᐱᒡ ᐸᒋᓯᓄᐅᒡ ᐊ ᐊᓂᔭ ᑲ ᐸᒋᓯᒡ ? ᓇᒪ ᐅᒋ ᓇᔅᐱᒡ ᐸᒋᓯᓄᐅᒡ᙮ ᐊᓂᔭ ᐊ ᐊᑐᐛᔨᒪᒡ ᒋᓴᒪᓂᑐᐛ ᐊᑯᑕ ᑲ ᐅᒋ ᓇᐃᐱᔨᑕᔨᒋ ᒐᒋ ᐱᒪᒋᐊᔨᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒋ ᐱᒪᒋᐊᔪᐛ ᒪᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᐅᑕᔨᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮ 12ᐊᓐᑕ ᑲ ᒥᒋᑐᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᓇᔅᒡ ᑲ ᓱᐛᔨᒪᑦ ᒋᓴᒪᓂᑐᐤ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓂᔭ ᐊᒋ ᐸᒋᓯᓂᒡ ᐊᑯᑕ ᑭᔭ ᒋᓴᒪᓂᑐᐤ ᑲ ᐅᒋ ᒥᔅᑎ ᓱᐛᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒐᔅᑎᓇᑕᔨᑕᑯᓐ ᒪᒃ ᐊᑐᐎᔅ ᒐ ᒥᓴᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲᐤ ᓂᑐᐛᐱᒥᑯᒐ ᒥᓯᐛ ᒍᐤ ᐃᔪᐛ᙮
ᒋᓴᒪᓂᑐᐤ ᐊ ᐱᒪᒋᐊᑦ ᐊᑲ ᒍᐤ ᐃᑎᔅᑲᓇᓯᔨᒋ ᐊᐛᔪᐛ
13ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮ 14ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ᐱᒪᒋᐅᒡ᙮ 15ᒪᒂᒡ ᐊᑲ ᐱᔅᑲᑎᑯᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᑲ ᐅᒋᐱᔨᒡ ᒥᓯᐛ ᐊᓐᒡ ᑯᑎᑭᒡ ᐃᔭᒡ ᑲ ᐃᑎᔅᑲᓇᓯᒡ ᒐᒋ ᐎᒐᐛᑭᓂᑐᐛᒡ ᒋᓴᒪᓂᑐᐛ᙮ ᐃᔅᐱ ᒪᒃ ᑲᐤ ᐅᑎᓂᑯᑥᐛ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ ᒋᑭ ᐃᓯᓇᑯᓱᐅᒡ᙮
16ᐊ ᐸᒂᓇᑦ ᐊᐛᓐ ᐅᔅᒋᐸᒂᓯᑭᓇ ᐊ ᒥᑐᔅᑕᐊᒪᑦ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᓯᐛ ᐊ ᐃᔅᐱᔅᑎᔨᒋ ᐊᓂᔭᔪᐛ ᐸᒂᓯᑭᓇ ᐎᔾ ᒋᓴᒪᓂᑐᐤ ᐊ ᐊᔭᐛᑦ ᐃᓯᓇᑯᓂᔪᐤ᙮ ᑭᔭ ᐎᔾ ᒋᓴᒪᓂᑐᐤ ᑲ ᐱᔅᑎᓂᒧᐛᑭᓄᒂ ᐊᓂᔭ ᐅᑎᐱᔪᑕ ᑭᔭ ᐊᓂᔭᔪᐛ ᐅᑎᐧᑯᓇ ᐸᔭᐧᑭᓇ ᐃᓯᓇᑯᓇ᙮
17ᐊᓐᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᐊᑭᓄᐅᑦ᙮ ᒋ ᑎᑯᓇ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ᓂᑕᐅᒋᑦ ᐊᓕᑉ ᒥᔅᑎᒄ ᒋ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮ 18ᐊᑲᐎᔾ ᒪᒃ ᒋᑭ ᐅᒋ ᒪᔭᔨᒪᐛᐅᒡ ᐊᓐᒡ ᒧᔭᒻ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᑲ ᐃᓯᓇᑯᓯᒡ᙮ ᒐᒂᓐ ᒐ ᐅᒋ ᐎ ᓂᓇᐸᐅᒧᔭᒄ᙮ ᒧᔭᒻ ᑕᑈ ᐊᓐᑕ ᒥᔅᑎᑯᒡ ᐊ ᐅᒋᔭᒄ ᒋᑦ ᐃᓯᓇᑯᓯᓇᐛᐤ᙮ ᐊᑯᑕ ᐛᒋ ᒥᔪ ᓂᑕᐅᒋᔭᒄ᙮ ᓇᒪᔭᐤ ᒋᔨᐛᐤ ᓇᑕᐅᒋᐊᒄ ᐅ ᒥᔅᑎᒄ᙮
19ᒂᔄᓐ ᐱᔅᒐ ᐊᓐᑕ ᐊ ᑎᓯᔭᒄ ᒋᑭ ᒋ ᐃᔅᒋᔄᓇᐛᐤ, “ᐱᔅᒐ ᐅᑎᐧᑯᓇ ᒋ ᓇᑥᓂᒻ ᒋᓴᒪᓂᑐᐤ ᓂᔾ ᒥᔅᑯᒡ ᒐᒋ ᓂᑕᐅᒋᔭᓐ ᐊᓐᑕ ᑲ ᓂᑕᐅᒋᒋ ᐊᓂᔭᔪᐛ ᐅᑎᐧᑯᓇ᙮” 20ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮ 21ᓇᒪ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ, ᐊᓂᔭᔪᐛ ᒋᒋᐛ ᐅᑎᐧᑯᓇ ᐊᓐᑕ ᒥᔅᑎᑯᒡ ᑲ ᐃᓯ ᑭᓄᐛᐱᒪᑭᓄᔨᒋ᙮ ᒋᑦ ᐃᑕᔨᑕᓐ ᐊ ᒪᒃ ᒋᔾ ᒐ ᒥᓇᒋᐃᔅᒃ ?
22ᒋ ᐛᐸᑎᒺᓇᓄᐤ ᒪᒃ ᑕᓐ ᐊᔅᐱᔅ ᒥᔽᔨᑕᑯᓯᑦ ᒋᓴᒪᓂᑐᐤ ᑭᔭ ᒋ ᐛᐸᑎᒺᓇᓄᐤ ᑕᓐ ᒐᒋ ᐃᔅᐱᔅ ᐊᑲ ᒥᓇᑎᓯᑦ᙮ ᓇᒪ ᒥᓇᒋᐊᐤ ᐊᓂᔭᔪᐛ ᑲ ᐸᒋᓯᓂᔨᒋ ᒥᒄ ᒪᒃ ᒥᔪᑐᑎᒧᐛᐤ ᐊᓂᔭ ᒧᔅ ᑲ ᐎ ᒥᔪᑐᑎᒥᔨᒋ ᐎᔾ ᐃᔅ ᐊ ᑕᑦ᙮ ᐊᑲ ᒪᒃ ᐅ ᐃᑎᔨᓇ ᑭᔭ ᒋᔾ ᒋᑭ ᒥᓂᓱᒄ ᒋᓴᒪᓂᑐᐤ᙮ 23ᒧᔭᒻ ᒪᒃ ᒥᑕᒋᔨᐛᔨᑕᒂᐛ ᐊᒋ ᐊᓏᑕᒡ ᐊᓐᒡ ᒍᐤ ᐃᔪᒡ ᒥᓐ ᑲᐤ ᒋᑭ ᒋᑭᒧᐛᐊᑭᓄᐎᒡ ᐊᓐᑕ ᑲ ᐅᒋ ᓂᑕᐅᒋᒡ᙮ ᐊᐅᑯᓐ ᑕᑈ ᒐᒋ ᐃᑐᑕᑯᒡ ᒋᓴᒪᓂᑐᐛ᙮ 24ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᒋᔨᐛᐤ ᐅᑎᐧᑯᓐ ᓂᑎᒥᒄ ᑲ ᓂᑕᐅᒋᑦ ᐊᓕᑉ ᒥᔅᑎᑯᒡ ᒋᑦ ᐃᓯᓇᑯᓯᓇᐛᐤ᙮ ᐅ ᒪᒃ ᐅᑎᐧᑯᓐ, ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᑦ ᐊᓕᑉ ᒥᔅᑎᒄ ᐊᑯᑕ ᑲ ᒋᑭᒧᑕᑭᓄᐅᒡ ᐊᑎ ᐊᑲ ᐊᓐᑕ ᐅᒋ ᓂᑕᐅᒋᒡ᙮ ᐅ ᒪᒃ ᐊᓕᑉ ᒥᔅᑎᒄ ᑲ ᓂᑕᐅᒋᐊᑭᓄᐅᑦ ᐊᐅᑯᓐᒡ ᐅᒡ ᒍᐤ ᐃᔪᒡ᙮ ᒐᔅᑎᓇᔅ ᒪᒃ ᒋᑭ ᒋ ᐃᑐᑐᐛᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑲᐤ ᒐᒋ ᒋᒋ ᓂᑕᐅᒋᔨᒋ ᐊᓐᑕ ᓴᔅ ᑲ ᓂᑕᐅᒋᔨᒋ ᐊᓐᑕ ᐸᒋ᙮
ᒥᓯᐛ ᐊᐛᔪᐛ ᐊ ᒋᓴᐛᑐᑐᐛᑦ ᒋᓴᒪᓂᑐᐤ
25ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮ 26ᐊᑯ ᒪᒃ ᒥᓯᐛ ᐃᔅᕋᐃᓪ ᐃᔪᐛ ᒐ ᐱᒪᒋᐊᑦ ᒋᓴᒪᓂᑐᐤ᙮ ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐊᓐ ᒐ ᐱᒪᒋᐊᑦ ᐊᐛᔪᐛ, ᓴᐃᔭᓂᒡ ᒋᑭ ᐅᑐᑕᐤ᙮ ᒋᑭ ᐃᑐᑐᐛᐤ ᐊᓂᔭᔪᐛ ᒐᑭᐸ ᐅᑦ ᐊᐛᓯᒥᔪᐛ ᒐᒋ ᐳᓂᔨᒋ ᐊ ᒥᒋᑐᑎᒥᔨᒋ᙮ 27ᐊᐅᒄ ᐅᔭ ᒐ ᐃᓯ ᓂᔅᑯᒧᒡ ᒐᒋ ᐃᑐᑎᒧᐅᒂᐤ ᐛᐸᔨᑎᒧᒂᐛ ᐅᒥᒋᑥᐅᓄᐛᐛ᙮
28ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒋ ᐊᑐᐛᔨᑎᒧᒡ ᒥᔽᒋᒧᐅᓂᔪᐤ᙮ ᐊᑯᑕ ᐛᒋ ᓄᑯᓂᔨᒡ ᐊ ᐛᐧᑲᑕᒡ ᒋᓴᒪᓂᑐᐛ᙮ ᒐᒋ ᐱᒪᒋᐅᔭᒄ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐛᒋ ᐃᔅᐱᔨᒡ ᐅ᙮ ᐃᔭᐱᒡ ᒪᒃ ᓴᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᐛᔅ ᐅᑦ ᐊᓂᔅᒐ ᐛᐧᑯᒪᑭᓂᔪᐛ ᐊᓐᑕ ᐃᔅ ᐅᑕᒡ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮ ᐊᑯ ᒪᒃ ᐊᓄᒡ ᑕᐱᔨᐛᐅᓯᑦ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮
Romans 11.1-2a, 29-32 (Proper-15 Year A)
29ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮ 30ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮ 31ᐊᔪᐅᒄ ᒪᒃ ᒧᔭᒻ ᒐ ᐃᑐᑎᒧᐛᑭᓄᐎᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑕᓐ ᑲ ᐃᑐᑎᒪᑯᐅᔭᒄ᙮ ᐊᓄᒡ ᓇᒪ ᓂᓇᐃᑐᐛᐅᒡ ᒋᓴᒪᓂᑐᐛ᙮ ᒥᒄ ᐊᔅᒄ ᒋᑭ ᐅᑎᒋᐱᔪᐤ ᐊ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᒋᔅᑎᒪᒐᔨᒥᑕᒄ ᑭᔭ ᒋᔨᐛᐤ᙮ 32ᒥᓯᐛ ᐊᐛᔪᐛ ᓇᒪ ᓂᓇᐃᑕᑯᐤ ᒋᓴᒪᓂᑐᐤ᙮ ᐊᑯ ᒪᒃ ᑲ ᐃᑐᑐᐛᑦ ᒥᓯᐛ ᐊᐛᔪᐛ ᒐᒋ ᒪᒋᒂᐱᐧᑲᑎᑯᔨᒋ ᐊᓂᔭ ᐊᑲ ᓂᓇᐃᑕᑯᑦ ᐊᓐᑕ ᒐᒋ ᐅᒋ ᓇᐃᐱᔨᑕᑦ ᒥᓯᐛ ᐊᐛᔪᐛ ᒐᒋ ᒋᔅᑎᒪᒐᔨᒪᑦ᙮
ᒋᔅᑕᔨᑕᑯᓱᐤ ᒋᓴᒪᓂᑐᐤ
33ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ᒋᔅᒐᔨᑎᒥᔪᐛ ᑕᓐ ᐊ ᐃᑎᑦ᙮ 34ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓇᒪ ᓇᔅᒡ ᐊᐛᓐ ᒋᔅᒐᔨᑎᒻ ᑕᓐ ᐊ ᐃᑕᔨᑎᒥᔨᒋ ᐅᑎᐸᔨᒋᒐᐛ᙮ ᓇᒪ ᓇᔅᒡ ᐊᐛᓐ ᒋᑭ ᒋ ᐎᑎᒧᐛᐤ ᑕᓐ ᒋᐸ ᐃᑎᔪᐛ᙮
35ᑕᐤ ᐊ ᐊᐛᓐ ᐊᒋ ᐅᐛᐊᑦ ᒋᓴᒪᓂᑐᐛ ᒐᒂᔪᐤ ᑭᔭ ᒐᒋ ᐃᓯᓇᑯᓂᔨᒡ ᐊ ᒥᓯᓇᐊᒪᑯᑦ ?
36ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ᙮ ᐊᒥᓐ᙮
Currently Selected:
ᕈᒪᓇ 11: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᕈᒪᓇ 11
11
ᒋᓴᒪᓂᑐᐤ ᐊ ᒋᓴᐛᑐᑐᐛᑦ ᐅᑦ ᐃᔨᒪ ᐃᔅᕋᐃᓪ
Romans 11.1-2a, 29-32 (Proper-15 Year A)
1ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮ 2ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ᐃᔅᒋᔄᐤ,
3ᐅᑎᐸᔨᒋᒐᐤ, ᒋ ᓂᐸᐊᐅᒡ ᒋᒋᔅᒋᐛᐃᒐᓯᒪ ᐅᒡ ᐃᔪᒡ᙮ ᒋ ᓂᓱᐅᓇᒋᑕᐅᒡ ᒋᐱᔅᑎᓂᒐᐅᓇᐱᔎ᙮ ᓂᔾ ᒪᔅᑕᔾ ᓂ ᐸᐃᑯᓯᓐ ᐊ ᓇᓴᐅᑕᓐ᙮ ᓂ ᐎ ᓂᐸᐃᑯᒡ ᒪᒃ ᑭᔭ ᓂᔾ᙮
4ᐊᑯ ᒪᒃ ᑲ ᐃᑎᑯᑦ ᐅᑎᐸᔨᒋᒐᐛ,
ᓂᔄᐅᑕᒡ ᑕᑥᐤ ᒐᓯᐱᔪᐤ ᓂᒋ ᑎᐸᓇᐊᐅᒡ ᐊᓐᒡ ᐊᐛᓐᒋ ᐊᑲ ᓂᑕ ᐅᒋ ᓂᐱᔅᑯᐱᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐸᐃᓪ ᑲ ᐃᓯᓂᐧᑲᓱᔨᒋ᙮
5ᐊᐅᑯᓐ ᒪᒃ ᒧᔭᒻ ᐊ ᐃᔅᐱᔨᒡ ᐊᓄᒡ᙮ ᑕᐅᒡ ᐃᔅᕋᐃᓪ ᐃᔪᒡ ᐊᑲ ᒥᒐᑎᒡ ᒋᓴᒪᓂᑐᐛ ᐊᒋ ᐅᑎᓂᑯᒡ ᐊᓂᔭ ᐅᒋ ᐊ ᒋᓴᐛᑎᓯᑦ᙮ 6ᐊ ᒋᓴᐛᑎᓯᑦ ᒋᓴᒪᓂᑐᐤ ᐊᐅᒄ ᐅᔭ ᐛᒋ ᐎᔭᔨᒥᑯᒡ᙮ ᓇᒪ ᐎ ᐊᓂᔭᔪᐤ ᐊ ᒥᔪᑐᑕᒡ᙮ ᐛᔅ ᐎᔭᔨᒪᑦ ᐊᐛᔪᐛ ᐊᓂᔭ ᐅᒋ ᐊ ᒥᔪᑐᑎᒥᔨᒋ, ᓇᒪ ᒋᒋᐛ ᒋᐸ ᐅᒋ ᐃᓯᓇᑯᓂᔪᐤ ᐊᓂᔭ ᐅᒋᓴᐛᑎᓯᐅᓐ᙮
7ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮ 8ᐊᐅᒄ ᐛᔅ ᑕᑈ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋ ᐃᑐᑕᑯᐅᒡ ᒋᓴᒪᓂᑐᐛ ᓇᔅᒡ ᐊᑲ ᒐᒂᔪᐤ ᒐᒋ ᓂᔅᑐᑕᒡ ᐊᒐᐧᑯᐅᓂᒡ ᐃᔅ᙮ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑎᒺᒡ ᑕᓐ ᐊ ᐃᑎᔨᒋ ᑭᔭ ᒐ ᐊᑲ ᒋ ᐸᑐᐛᒡ ᑕᓐ ᐊ ᐃᔅᒋᔄᔨᒋ᙮ ᐊᔅᒄ ᐊᓄᒡ ᒐᓯᑲᔨᒡ ᐊᐅᑯᓐ ᐊ ᐃᓯᓇᑯᓯᒡ᙮
9ᐊᓂᔭ ᒋᓴᐅᒋᒪᐤ ᑎᐱᑦ ᑭᔭ ᐎᔾ ᒋ ᐃᑎᓯᓇᐃᒐᐤ,
ᐊᑯᔅ ᐊ ᑕᐧᑯᒥᑯᒡ ᒪᒃ ᐊ ᓂᒂᑎᑯᒡ ᒋᑭ ᐃᓯᓇᑯᓂᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ᐸᒋᓯᒥᑯᐅᒡ ᐊᓂᔭᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ᐛᐛᓯᐊᑭᓄᐅᒡ᙮ 10ᓂ ᓂᑐᑎᒪᓐ ᒐᒋ ᒋᑈᐱᓇᑭᓄᐎᒡ ᒐᒋ ᐊᑲ ᐛᐸᑕᒡ᙮ ᓂ ᓂᑐᑎᒪᓐ ᑲᒋᒡ ᒐᒋ ᐛᒋᓯᒡ ᐊ ᐃᔅᐱᔅ ᑯᓯᑯᔅᑲᑯᒡ ᐅᑦ ᐊᔨᒪᔨᑎᒧᐅᓄᐛᐛ᙮
11ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᒧᓐ᙮ ᐃᔅᐱ ᑲ ᐊᑐᐛᔨᒪᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ, ᒋ ᓇᔅᐱᒡ ᐸᒋᓯᓄᐅᒡ ᐊ ᐊᓂᔭ ᑲ ᐸᒋᓯᒡ ? ᓇᒪ ᐅᒋ ᓇᔅᐱᒡ ᐸᒋᓯᓄᐅᒡ᙮ ᐊᓂᔭ ᐊ ᐊᑐᐛᔨᒪᒡ ᒋᓴᒪᓂᑐᐛ ᐊᑯᑕ ᑲ ᐅᒋ ᓇᐃᐱᔨᑕᔨᒋ ᒐᒋ ᐱᒪᒋᐊᔨᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒋ ᐱᒪᒋᐊᔪᐛ ᒪᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᐅᑕᔨᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮ 12ᐊᓐᑕ ᑲ ᒥᒋᑐᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᓇᔅᒡ ᑲ ᓱᐛᔨᒪᑦ ᒋᓴᒪᓂᑐᐤ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓂᔭ ᐊᒋ ᐸᒋᓯᓂᒡ ᐊᑯᑕ ᑭᔭ ᒋᓴᒪᓂᑐᐤ ᑲ ᐅᒋ ᒥᔅᑎ ᓱᐛᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒐᔅᑎᓇᑕᔨᑕᑯᓐ ᒪᒃ ᐊᑐᐎᔅ ᒐ ᒥᓴᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲᐤ ᓂᑐᐛᐱᒥᑯᒐ ᒥᓯᐛ ᒍᐤ ᐃᔪᐛ᙮
ᒋᓴᒪᓂᑐᐤ ᐊ ᐱᒪᒋᐊᑦ ᐊᑲ ᒍᐤ ᐃᑎᔅᑲᓇᓯᔨᒋ ᐊᐛᔪᐛ
13ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮ 14ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ᐱᒪᒋᐅᒡ᙮ 15ᒪᒂᒡ ᐊᑲ ᐱᔅᑲᑎᑯᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᑲ ᐅᒋᐱᔨᒡ ᒥᓯᐛ ᐊᓐᒡ ᑯᑎᑭᒡ ᐃᔭᒡ ᑲ ᐃᑎᔅᑲᓇᓯᒡ ᒐᒋ ᐎᒐᐛᑭᓂᑐᐛᒡ ᒋᓴᒪᓂᑐᐛ᙮ ᐃᔅᐱ ᒪᒃ ᑲᐤ ᐅᑎᓂᑯᑥᐛ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ ᒋᑭ ᐃᓯᓇᑯᓱᐅᒡ᙮
16ᐊ ᐸᒂᓇᑦ ᐊᐛᓐ ᐅᔅᒋᐸᒂᓯᑭᓇ ᐊ ᒥᑐᔅᑕᐊᒪᑦ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᓯᐛ ᐊ ᐃᔅᐱᔅᑎᔨᒋ ᐊᓂᔭᔪᐛ ᐸᒂᓯᑭᓇ ᐎᔾ ᒋᓴᒪᓂᑐᐤ ᐊ ᐊᔭᐛᑦ ᐃᓯᓇᑯᓂᔪᐤ᙮ ᑭᔭ ᐎᔾ ᒋᓴᒪᓂᑐᐤ ᑲ ᐱᔅᑎᓂᒧᐛᑭᓄᒂ ᐊᓂᔭ ᐅᑎᐱᔪᑕ ᑭᔭ ᐊᓂᔭᔪᐛ ᐅᑎᐧᑯᓇ ᐸᔭᐧᑭᓇ ᐃᓯᓇᑯᓇ᙮
17ᐊᓐᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᐊᑭᓄᐅᑦ᙮ ᒋ ᑎᑯᓇ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ᓂᑕᐅᒋᑦ ᐊᓕᑉ ᒥᔅᑎᒄ ᒋ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮ 18ᐊᑲᐎᔾ ᒪᒃ ᒋᑭ ᐅᒋ ᒪᔭᔨᒪᐛᐅᒡ ᐊᓐᒡ ᒧᔭᒻ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᑲ ᐃᓯᓇᑯᓯᒡ᙮ ᒐᒂᓐ ᒐ ᐅᒋ ᐎ ᓂᓇᐸᐅᒧᔭᒄ᙮ ᒧᔭᒻ ᑕᑈ ᐊᓐᑕ ᒥᔅᑎᑯᒡ ᐊ ᐅᒋᔭᒄ ᒋᑦ ᐃᓯᓇᑯᓯᓇᐛᐤ᙮ ᐊᑯᑕ ᐛᒋ ᒥᔪ ᓂᑕᐅᒋᔭᒄ᙮ ᓇᒪᔭᐤ ᒋᔨᐛᐤ ᓇᑕᐅᒋᐊᒄ ᐅ ᒥᔅᑎᒄ᙮
19ᒂᔄᓐ ᐱᔅᒐ ᐊᓐᑕ ᐊ ᑎᓯᔭᒄ ᒋᑭ ᒋ ᐃᔅᒋᔄᓇᐛᐤ, “ᐱᔅᒐ ᐅᑎᐧᑯᓇ ᒋ ᓇᑥᓂᒻ ᒋᓴᒪᓂᑐᐤ ᓂᔾ ᒥᔅᑯᒡ ᒐᒋ ᓂᑕᐅᒋᔭᓐ ᐊᓐᑕ ᑲ ᓂᑕᐅᒋᒋ ᐊᓂᔭᔪᐛ ᐅᑎᐧᑯᓇ᙮” 20ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮ 21ᓇᒪ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ, ᐊᓂᔭᔪᐛ ᒋᒋᐛ ᐅᑎᐧᑯᓇ ᐊᓐᑕ ᒥᔅᑎᑯᒡ ᑲ ᐃᓯ ᑭᓄᐛᐱᒪᑭᓄᔨᒋ᙮ ᒋᑦ ᐃᑕᔨᑕᓐ ᐊ ᒪᒃ ᒋᔾ ᒐ ᒥᓇᒋᐃᔅᒃ ?
22ᒋ ᐛᐸᑎᒺᓇᓄᐤ ᒪᒃ ᑕᓐ ᐊᔅᐱᔅ ᒥᔽᔨᑕᑯᓯᑦ ᒋᓴᒪᓂᑐᐤ ᑭᔭ ᒋ ᐛᐸᑎᒺᓇᓄᐤ ᑕᓐ ᒐᒋ ᐃᔅᐱᔅ ᐊᑲ ᒥᓇᑎᓯᑦ᙮ ᓇᒪ ᒥᓇᒋᐊᐤ ᐊᓂᔭᔪᐛ ᑲ ᐸᒋᓯᓂᔨᒋ ᒥᒄ ᒪᒃ ᒥᔪᑐᑎᒧᐛᐤ ᐊᓂᔭ ᒧᔅ ᑲ ᐎ ᒥᔪᑐᑎᒥᔨᒋ ᐎᔾ ᐃᔅ ᐊ ᑕᑦ᙮ ᐊᑲ ᒪᒃ ᐅ ᐃᑎᔨᓇ ᑭᔭ ᒋᔾ ᒋᑭ ᒥᓂᓱᒄ ᒋᓴᒪᓂᑐᐤ᙮ 23ᒧᔭᒻ ᒪᒃ ᒥᑕᒋᔨᐛᔨᑕᒂᐛ ᐊᒋ ᐊᓏᑕᒡ ᐊᓐᒡ ᒍᐤ ᐃᔪᒡ ᒥᓐ ᑲᐤ ᒋᑭ ᒋᑭᒧᐛᐊᑭᓄᐎᒡ ᐊᓐᑕ ᑲ ᐅᒋ ᓂᑕᐅᒋᒡ᙮ ᐊᐅᑯᓐ ᑕᑈ ᒐᒋ ᐃᑐᑕᑯᒡ ᒋᓴᒪᓂᑐᐛ᙮ 24ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᒋᔨᐛᐤ ᐅᑎᐧᑯᓐ ᓂᑎᒥᒄ ᑲ ᓂᑕᐅᒋᑦ ᐊᓕᑉ ᒥᔅᑎᑯᒡ ᒋᑦ ᐃᓯᓇᑯᓯᓇᐛᐤ᙮ ᐅ ᒪᒃ ᐅᑎᐧᑯᓐ, ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᑦ ᐊᓕᑉ ᒥᔅᑎᒄ ᐊᑯᑕ ᑲ ᒋᑭᒧᑕᑭᓄᐅᒡ ᐊᑎ ᐊᑲ ᐊᓐᑕ ᐅᒋ ᓂᑕᐅᒋᒡ᙮ ᐅ ᒪᒃ ᐊᓕᑉ ᒥᔅᑎᒄ ᑲ ᓂᑕᐅᒋᐊᑭᓄᐅᑦ ᐊᐅᑯᓐᒡ ᐅᒡ ᒍᐤ ᐃᔪᒡ᙮ ᒐᔅᑎᓇᔅ ᒪᒃ ᒋᑭ ᒋ ᐃᑐᑐᐛᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑲᐤ ᒐᒋ ᒋᒋ ᓂᑕᐅᒋᔨᒋ ᐊᓐᑕ ᓴᔅ ᑲ ᓂᑕᐅᒋᔨᒋ ᐊᓐᑕ ᐸᒋ᙮
ᒥᓯᐛ ᐊᐛᔪᐛ ᐊ ᒋᓴᐛᑐᑐᐛᑦ ᒋᓴᒪᓂᑐᐤ
25ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮ 26ᐊᑯ ᒪᒃ ᒥᓯᐛ ᐃᔅᕋᐃᓪ ᐃᔪᐛ ᒐ ᐱᒪᒋᐊᑦ ᒋᓴᒪᓂᑐᐤ᙮ ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐊᓐ ᒐ ᐱᒪᒋᐊᑦ ᐊᐛᔪᐛ, ᓴᐃᔭᓂᒡ ᒋᑭ ᐅᑐᑕᐤ᙮ ᒋᑭ ᐃᑐᑐᐛᐤ ᐊᓂᔭᔪᐛ ᒐᑭᐸ ᐅᑦ ᐊᐛᓯᒥᔪᐛ ᒐᒋ ᐳᓂᔨᒋ ᐊ ᒥᒋᑐᑎᒥᔨᒋ᙮ 27ᐊᐅᒄ ᐅᔭ ᒐ ᐃᓯ ᓂᔅᑯᒧᒡ ᒐᒋ ᐃᑐᑎᒧᐅᒂᐤ ᐛᐸᔨᑎᒧᒂᐛ ᐅᒥᒋᑥᐅᓄᐛᐛ᙮
28ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒋ ᐊᑐᐛᔨᑎᒧᒡ ᒥᔽᒋᒧᐅᓂᔪᐤ᙮ ᐊᑯᑕ ᐛᒋ ᓄᑯᓂᔨᒡ ᐊ ᐛᐧᑲᑕᒡ ᒋᓴᒪᓂᑐᐛ᙮ ᒐᒋ ᐱᒪᒋᐅᔭᒄ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐛᒋ ᐃᔅᐱᔨᒡ ᐅ᙮ ᐃᔭᐱᒡ ᒪᒃ ᓴᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᐛᔅ ᐅᑦ ᐊᓂᔅᒐ ᐛᐧᑯᒪᑭᓂᔪᐛ ᐊᓐᑕ ᐃᔅ ᐅᑕᒡ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮ ᐊᑯ ᒪᒃ ᐊᓄᒡ ᑕᐱᔨᐛᐅᓯᑦ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮
Romans 11.1-2a, 29-32 (Proper-15 Year A)
29ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮ 30ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮ 31ᐊᔪᐅᒄ ᒪᒃ ᒧᔭᒻ ᒐ ᐃᑐᑎᒧᐛᑭᓄᐎᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑕᓐ ᑲ ᐃᑐᑎᒪᑯᐅᔭᒄ᙮ ᐊᓄᒡ ᓇᒪ ᓂᓇᐃᑐᐛᐅᒡ ᒋᓴᒪᓂᑐᐛ᙮ ᒥᒄ ᐊᔅᒄ ᒋᑭ ᐅᑎᒋᐱᔪᐤ ᐊ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᒋᔅᑎᒪᒐᔨᒥᑕᒄ ᑭᔭ ᒋᔨᐛᐤ᙮ 32ᒥᓯᐛ ᐊᐛᔪᐛ ᓇᒪ ᓂᓇᐃᑕᑯᐤ ᒋᓴᒪᓂᑐᐤ᙮ ᐊᑯ ᒪᒃ ᑲ ᐃᑐᑐᐛᑦ ᒥᓯᐛ ᐊᐛᔪᐛ ᒐᒋ ᒪᒋᒂᐱᐧᑲᑎᑯᔨᒋ ᐊᓂᔭ ᐊᑲ ᓂᓇᐃᑕᑯᑦ ᐊᓐᑕ ᒐᒋ ᐅᒋ ᓇᐃᐱᔨᑕᑦ ᒥᓯᐛ ᐊᐛᔪᐛ ᒐᒋ ᒋᔅᑎᒪᒐᔨᒪᑦ᙮
ᒋᔅᑕᔨᑕᑯᓱᐤ ᒋᓴᒪᓂᑐᐤ
33ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ᒋᔅᒐᔨᑎᒥᔪᐛ ᑕᓐ ᐊ ᐃᑎᑦ᙮ 34ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓇᒪ ᓇᔅᒡ ᐊᐛᓐ ᒋᔅᒐᔨᑎᒻ ᑕᓐ ᐊ ᐃᑕᔨᑎᒥᔨᒋ ᐅᑎᐸᔨᒋᒐᐛ᙮ ᓇᒪ ᓇᔅᒡ ᐊᐛᓐ ᒋᑭ ᒋ ᐎᑎᒧᐛᐤ ᑕᓐ ᒋᐸ ᐃᑎᔪᐛ᙮
35ᑕᐤ ᐊ ᐊᐛᓐ ᐊᒋ ᐅᐛᐊᑦ ᒋᓴᒪᓂᑐᐛ ᒐᒂᔪᐤ ᑭᔭ ᒐᒋ ᐃᓯᓇᑯᓂᔨᒡ ᐊ ᒥᓯᓇᐊᒪᑯᑦ ?
36ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ᙮ ᐊᒥᓐ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada