ᑎᐱᑦ ᐅᓂᑭᒧᐅᓇ 86
86
Psalm 86:1-10, 16-17 (Proper-7 Year A)
1ᓇᐃᑎᔅᑕ ᒋᑐᑭᔾ, ᐅ ᑎᐸᔨᒋᒐᓱᐤ, ᓂᑐᑐᐎ;
ᐛᔅ ᓂ ᒋᔅᑎᒪᑎᓯᓐ ᑭᔭ ᓂ ᐛᐛᓇᔨᑕᓐ᙮
2ᑭᓄᐛᔨᒻ ᓂᑦ ᐊᒐᐧᒄ;
ᐛᔅ ᓂ ᐸᔭᒋᓯᓐ, ᐱᒪᒋ ᒋᑦ ᐊᑐᔅᒐᔭᑭᓐ ᑲ ᒪᒥᓯᑐᑕᔅᒃ᙮
3ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ;
ᐛᔅ ᐊᓯᑯᒻ ᒋᓯᑲᐛ ᒋ ᒧᔅᑯᐛᑎᑎᓐ᙮
4ᒧᒐᔨᑎᒥᔨᒻ ᐅᑦ ᐊᒐᒂ ᒋᑦ ᐊᑐᔅᒐᔭᑭᓐ;
ᐛᔅ ᒋᔾ, ᐅ ᑎᐸᔨᒋᒐᓱᐤ, ᒋᑦ ᐅᐱᓇᒪᑎᓐ ᓂᑦ ᐊᒐᐧᒄ᙮
5ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ;
ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮
6ᓂᑐᑕ, ᐅ ᑎᐸᔨᒋᒐᓱᐤ, ᓂᑦ ᐊᔭᒥᐊᐅᓐ;
ᑭᔭ ᐱᓯᒋᑕ ᓂᓂᑐᑎᒪᒐᐅᓇ᙮
7ᐊ ᒋᓯᑲᒡ ᐊᔨᒥᓯᔭᓇ ᒋᑭ ᓇᓂᑐᒥᑎᓐ;
ᐛᔅ ᒋᑭ ᓂᔅᑯᒥᓐ᙮
8ᐊ ᑕᓯᒡ ᒥᓂᑐᐅᒡ ᓇᒪᐎᔾ ᐛᐛᒡ ᐸᐃᒄ ᒋ ᓂᔅᐱᑕᒄ, ᐅ ᑎᐸᔨᒋᒐᓱᐤ;
ᓇᒪ ᑎᒂᓐ ᑭᔭ ᐊᑐᔅᒐᐅᓐ ᒧᔭᒻ ᒋᔾ ᒋᑦ ᐊᑐᔅᒐᐅᓐ᙮
9ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᑲ ᐅᓯᐊᑥᐤ ᒋᑭ ᐅᒋᒋᑯᓂᐱᔅᑕᑯᒡ, ᐅ ᑎᐸᔨᒋᒐᓱᐤ;
ᑭᔭ ᒋᑭ ᒋᔅᑕᔨᑕᑯᑕᐅᒡ ᒋᑦ ᐃᓯᓂᐧᑲᓱᐅᓂᔪᐤ᙮
10ᐛᔅ ᒋ ᒋᔅᑎᓯᓐ, ᑭᔭ ᒋ ᒪᒥᔅᑲᒡ ᐊᐃᑎᓐ:
ᒋᔾ ᒥᒄ ᒋ ᒋᓴᒪᓂᑐᐅᓐ᙮
11ᒋᔅᑯᑎᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ;
ᓂᑭ ᐱᒧᑕᓐ ᒋᑕᑈᐅᓂᒡ:
ᐃᓯᓇᑯᑕ ᓂᑕᐃ ᒐᒋ ᓇᓂᒋᔅᑎᒪᓐ ᒋᑦ ᐃᓯᓂᐧᑲᓱᐅᓐ᙮
12ᒋᑭ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᓂᒋᓴᒪᓂᑐᒻ, ᒥᓯᐛ ᓂᑕᐃᒡ:
ᑭᔭ ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ ᑲᒋᒡ᙮
13ᐛᔅ ᓇᔅᒡ ᒋ ᐛᐸᑎᔨᓐ ᒋᒋᔅᑎᒪᒐᔨᒋᒐᐅᓐ;
ᑭᔭ ᔅᒋ ᐎᐧᑯᒋᐊᐤ ᓂᑦ ᐊᒐᐧᒄ ᒋᐱᐃᒋᐛᐱᒡ ᐅᒡ᙮
14ᐅ ᒋᓴᒪᓂᑐᐤ, ᑲ ᒋᔅᑕᔨᒧᒡ ᓂᒋ ᐱᓯᑯᔅᑕᑯᒡ,
ᑭᔭ ᐊ ᒪᐛᒋᐃᑐᒡ ᑲ ᐊᒂᑎᓯᒡ ᐃᔪᒡ ᒋ ᓇᓂᑐᐛᔨᒪᐅᒡ ᓂᑦ ᐊᒐᒂ;
ᓇᒪ ᒪᒃ ᒋ ᐅᒋ ᑎᔨᑯᒡ ᐅᑎᔅᑯᐤ ᐅᔅᒋᓯᑯᐛᒡ᙮
15ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ;
ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮
Psalm 86:1-10, 16-17 (Proper-7 Year A)
16ᐅ ᒂᔅᒋᑲᐳᔅᑐᐎ, ᒋᔅᑎᒪᒐᔨᒥ ᒪᒃ,
ᒋᒥᔅᑯᐅᓯᐅᓂᔪᐤ ᒥᔾ ᒋᑦ ᐊᑐᔅᒐᔭᑭᓐ,
ᑭᔭ ᐱᒪᒋᐃᒻ ᐅᑯᓯᓴ ᒋᑦ ᐃᔎᐤ ᐊᑐᔅᒐᔭᑭᓂᒻ᙮
17ᐛᐸᑎᔨ ᑲ ᒥᔽᓯᒡ ᒋᔅᒋᓄᐛᒋᒋᑭᓐ;
ᐊᓐᒡ ᑲ ᐛᐧᑲᓯᒡ ᒐᒋ ᐛᐸᑕᒡ, ᑭᔭ ᒐᒋ ᓯᓴᒂᔨᒧᒡ,
ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ᐎᒋᐃᓐ, ᑭᔭ ᔅᒋ ᒥᔽᔨᒧᐃᔨᓐ᙮
Currently Selected:
ᑎᐱᑦ ᐅᓂᑭᒧᐅᓇ 86: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
