ᑎᐱᑦ ᐅᓂᑭᒧᐅᓇ 39

1ᓂᒋ ᐃᔅᒋᔄᓐ, “ᓂᑭ ᐃᔭᒂᒥᓯᓐ ᐊ ᐃᑕᑎᓯᔭᓐ, ᒐ ᐊᑲ ᒋ ᒥᒋ ᐊᐃᑎᔭᓐ ᓂᑕᔨᔨᒡ:

ᓂᑭ ᒋᐱᑐᓇᐱᑎᓱᓐ, ᒪᒂᒡ ᐅᒥᒋᑥᐅᒡ ᐊ ᐅᑎᔅᑲᐎᔅᑯᐅᒡ᙮”

2ᓇᒪ ᓄᒋ ᐃᔨᒥᓐ ᐊ ᒋᐱᑐᐛᔭᓐ,

ᓇᒪ ᒐᒂᓐ ᓄᒋ ᐃᔅᒋᔄᓐ, ᑲ ᒥᔽᓯᒡ ᐅᒋ ᑭᔭ;

ᓇᔅᒡ ᒪᒃ ᓂᒋ ᒪᒥᓴᒪᔨᑕᓐ᙮

3ᓂᑕᐃ ᒋ ᒋᓯᑕᐤ ᐱᒡ ᓂᔭᒡ;

ᒪᒂᒡ ᒪᒃ ᐊ ᒪᒥᑐᓇᔨᑎᒪᓐ, ᐃᔅᑯᑕᐤ ᒋᐎᔨᐃᑕᐤ;

ᐊᑯ ᒪᒃ ᑲ ᐃᔨᒥᔭᓐ ᓂᑕᔨᔾ ᐅᒡ᙮

4“ᑎᐸᔨᒋᒐᓱᐤ, ᒋᔅᒐᔨᑎᒥᐃ ᐊᔎᒡ ᓂᐱᒪᑎᓯᐅᓐ,

ᑭᔭ ᐊ ᑕᑎᒋ ᓂᒋᓯᑲᒪ, ᒐᒋ ᒋᔅᒐᔨᑎᒥᓐ ᐊᔅᐱᔅ ᐃᔨᒥᓯᔭᓐ᙮

5ᐛᐸᑕ, ᔅᒋ ᐃᓯᑕᓐ ᓂᒋᓯᑲᒪ ᒧᔭᒻ ᐊᔅᐱᔅ ᐃᔨᑭᔅᑲᒡ ᒥᑎᒋᔾ;

ᑭᔭ ᓂᑦ ᐃᔅᐱᑎᓯᐅᓐ ᓇᒪ ᒐᒂᓐ ᐃᑕᔨᑕᒂᓐ ᐊ ᑭᓄᐛᐸᑎᒥᓐ:

ᑕᑈ ᒥᓯᐛ ᑕᑐᐤ ᐃᔪᐤ ᐊᑎ ᓇᔅᒡ ᒥᔪᒪᒋᐅᑦ ᓇᔅᒡ ᓂᑐᐎ ᐃᑕᔨᑕᑯᓱᐤ᙮”

6“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ:

ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ:

ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮

7ᐊᓄᒡ ᒪᒃ, ᑎᐸᔨᒋᒐᓱᐤ, ᒐᒂᓐ ᐛᒋ ᐊᓯᓄᐛᐸᑎᒪᓐ ?

ᒋᔾ ᒋᑦ ᐊᔅᐸᔨᒧᑐᑕᑎᓐ᙮

8ᐎᒂᒋᐃ ᒥᓯᐛ ᓂᐅᓂᑐᑎᒧᐅᓇ ᐅᒡ:

ᐊᑲᐎᔾ ᐃᓯᔨᓐ ᒐᒋ ᒋᑐᓯᒡ ᒋᔎᐧᑲᓐᒡ᙮

9ᓂᒋ ᒋᐱᑐᐛᓐ, ᓇᒪᐎᔾ ᓂᒋ ᐸᔅᒋᑐᓇᐃᓐ;

ᐛᔅ ᒋᔾ ᑲ ᐃᑐᑎᒥᓐ᙮

10ᐃᒐᓂᒧᐎ ᒋᐅᑕᒪᐃᒐᐅᓐ:

ᓂ ᓂᓱᐅᓇᒋᐃᑯᓐ ᐊ ᐅᑕᒪᐅᐎᓐ᙮

11ᐃᔅᐱ ᒋᔾ ᐊ ᒋᑐᑕᑦ ᐃᔪᐤ ᒥᒐᑎᓯᐅᓐ ᐅᒡ,

ᒋ ᐛᐸᔨᑎᒺᓐ ᐅᒥᔪᓇᑯᓯᐅᓐ ᒧᔭᒻ ᒥᓐᑐᔅ:

ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᓂᑐᐎ ᐃᑕᔨᑕᑯᓱᐤ᙮”

12“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ;

ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ:

ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ,

ᒧᔭᒻ ᒥᓯᐛ ᓄᑕᐅᐱᓐᒡ᙮

13ᐅ ᒥᓇᒋᐃ, ᒐᒋ ᒋᐛ ᐊᔭᔭᓐ ᒥᔅᑯᐅᓯᐅᓐ,

ᐊᒺᔭ ᐅᑕ ᐅᒋ ᔅᑐᑕᔭᓐ, ᑭᔭ ᒐ ᐊᑲ ᑕᔭᓐ᙮”

Currently Selected:

ᑎᐱᑦ ᐅᓂᑭᒧᐅᓇ 39: ᓇᔅᑲᐱ

Highlight

Copy

Want to have your highlights saved across all your devices? Sign up or sign in

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Learn More About ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ